നിങ്ങള്‍ ഫിനാന്‍സില്‍ ഒരു കാര്‍ വാങ്ങാന്‍ ആഗ്രഹിക്കുന്നുവെങ്കിലോ അല്ലെങ്കില്‍ ശമ്പള-പ്രതിമാസ തിരിച്ചടവിലൂടെ ഒരു പുതിയ സ്മാര്‍ട്ട്‌ഫോണ്‍ വാങ്ങുമ്പോളോ അല്ലെങ്കില്‍ മികച്ച ഒരു മോര്‍ട്ട്‌ഗേജിനായി ശ്രമിക്കുമ്പോളോ പലപ്പോഴും വില്ലനാകുന്നത് ക്രഡിറ്റ് സ്‌കോറാണ്. ഒരു നല്ല ക്രെഡിറ്റ് സ്‌കോര്‍ സാമ്പത്തിക സ്ഥിരതയുടെ പ്രതിഫലനമാണ്, കുറഞ്ഞ ക്രഡിറ്റ് സ്‌കോര്‍ ആണെങ്കില്‍ ഇവയൊക്കെ കിട്ടാന്‍ പ്രയാസമായിരിക്കും. ചുരുക്കത്തില്‍ പണം കടം വാങ്ങുന്നതിലും തിരിച്ചടയ്ക്കുന്നതിലും നിങ്ങള്‍ എത്രത്തോളം വിശ്വസനീയമാണെന്ന് സൂചിപ്പിക്കുന്ന മൂന്നക്ക സംഖ്യയാണ് ക്രെഡിറ്റ് സ്‌കോര്‍. പൊതു രേഖകളില്‍ നിന്നും വായ്പ നല്‍കുന്നവരില്‍ നിന്നും മറ്റ് സേവന ദാതാക്കളില്‍ നിന്നും നിങ്ങളെക്കുറിച്ചുള്ള വിവരങ്ങള്‍ ശേഖരിച്ചാണ് ഇത് പ്രവര്‍ത്തിക്കുന്നത്. നിങ്ങള്‍ കടം വാങ്ങിയ തുക, തിരിച്ചടവ് ചരിത്രം, ജോലി, പ്രായം തുടങ്ങിയ മറ്റ് വിവരങ്ങള്‍ എന്നിവയെ അടിസ്ഥാനമാക്കിയാണ് സ്‌കോറുകള്‍ നിര്‍ണ്ണയിക്കപ്പെടുന്നത്. വായ്പകളും ക്രെഡിറ്റും ആക്സസ് ചെയ്യാനുള്ള നിങ്ങളുടെ കഴിവിനെയും നിങ്ങളുടെ അപേക്ഷ വിജയകരമാണെങ്കില്‍ നിങ്ങള്‍ വാഗ്ദാനം ചെയ്യുന്ന നിബന്ധനകളെയും ക്രെഡിറ്റ് സ്‌കോറുകള്‍ സ്വാധീനിക്കും. എന്താണ് നല്ല ക്രെഡിറ്റ് സ്‌കോര്‍? ഒരു പോയിന്റ് സിസ്റ്റം ഉപയോഗിച്ചാണ് നിങ്ങളുടെ ക്രെഡിറ്റ് യോഗ്യത കണക്കാക്കുന്നത്. യുകെയില്‍, മൂന്ന് പ്രധാന ക്രെഡിറ്റ് റഫറന്‍സ് ഏജന്‍സികളുണ്ട്. എക്‌സ്പീരിയന്‍, ഇക്വിഫാക്‌സ്, ട്രാന്‍സ് യൂണിയന്‍. അവയ്ക്ക് ഓരോന്നിനും നിങ്ങളുടെ ക്രെഡിറ്റ് യോഗ്യനെ റേറ്റുചെയ്യാനുള്ള സ്വന്തം സംവിധാനമുണ്ട്. 999-ല്‍ നിന്ന് സ്‌കോറുകള്‍ നല്‍കുന്ന എക്സ്പീരിയന്‍, ക്രെഡിറ്റ് സ്‌കോര്‍ 700-ഓ അതിലധികമോ പൊതുവെ നല്ലതായി കണക്കാക്കുമെന്നും 800-ഓ അതിലധികമോ സ്‌കോര്‍ മികച്ചതായി കണക്കാക്കുമെന്നും പറയുന്നു. ഇക്വിഫാക്‌സ്, നിങ്ങള്‍ക്ക് 1,000-ല്‍ ഒരു സ്‌കോര്‍ നല്‍കുന്നു, 740-നും 799-നും ഇടയിലുള്ള സ്‌കോറുകള്‍ വളരെ മികച്ചതായി കണക്കാക്കുന്നു; 800-ഉം മികച്ചതായി കണക്കാക്കപ്പെടുന്നു. ട്രാന്‍സ്യൂണിയന്‍ ഒരു നല്ല ക്രെഡിറ്റ് സ്‌കോര്‍ 721-780 ന് ഇടയിലാണെന്ന് കണക്കാക്കുന്നു, 781 മുതല്‍ മികച്ചതാണ്. നിങ്ങള്‍ക്ക് അത് എങ്ങനെ മെച്ചപ്പെടുത്താം? വായ്പകളുടെ ക്യത്യമായ തിരിച്ചടവ് നിലനിര്‍ത്തുന്നത് പണത്തോട് നിങ്ങള്‍ വിവേകമുള്ളവരാണെന്നും നിങ്ങള്‍ കടം വാങ്ങുന്നത് കൃത്യസമയത്ത് തിരിച്ചടയ്ക്കാന്‍ സാധ്യതയുണ്ടെന്നും കടം കൊടുക്കുന്നവരെ കാണിക്കുന്നതിനുള്ള ഒരു നല്ല മാര്‍ഗമാണെന്ന് ഇക്വിഫാക്‌സ് വക്താവ് പറഞ്ഞു. ക്രെഡിറ്റ് റഫറന്‍സ് ഏജന്‍സി പറയുന്നത്, നിങ്ങളുടെ ക്രെഡിറ്റ് പരിധിക്ക് അടുത്ത് നില്‍ക്കുന്നതോ അതില്‍ കൂടുതലോ താമസിക്കുന്നത് ഒഴിവാക്കുന്നതാണ് നല്ലത് എന്നാണ്. കാരണം ഇത് നിങ്ങള്‍ക്ക് സാമ്പത്തിക ബുദ്ധിമുട്ടുകള്‍ നേരിടുന്നുവെന്ന് സൂചിപ്പിക്കാം. നിങ്ങളുടെ സ്‌കോര്‍ മെച്ചപ്പെടുത്തുന്നതിന് ഇലക്ട്രല്‍ റോളില്‍ രജിസ്റ്റര്‍ ചെയ്യുന്നതും ഒരു എളുപ്പവഴിയാണെന്നും പ്ലം എന്ന മണി ആപ്പിലെ പണ വിദഗ്ദ്ധനായ രാജന്‍ ലഖാനി പറഞ്ഞു. ഏതെങ്കിലും പിശകുകള്‍ അല്ലെങ്കില്‍ വഞ്ചനകള്‍ പോലും നിരീക്ഷിക്കുന്നതിനുള്ള മറ്റൊരു മാര്‍ഗമാണ് മുഴുവന്‍ ക്രെഡിറ്റ് റിപ്പോര്‍ട്ട് ലഭിക്കുകയെന്നും അദ്ദേഹം പറഞ്ഞു. സ്ഥിരതയും പ്രധാനമാണെന്ന് ഐഇ ഹബ്ബിലെ ക്ലയന്റ് സര്‍വീസ് ഡയറക്ടര്‍ മാര്‍ക്ക് മസെല്‍വാനി പറഞ്ഞു. 'നിങ്ങളുടെ ക്രെഡിറ്റ് സ്‌കോറുകള്‍ വ്യത്യസ്ത ഡാറ്റ സ്രോതസ്സുകളാല്‍ നിര്‍മ്മിതമാണ്, അതിനാല്‍ ഓരോ തവണയും നിങ്ങള്‍ വായ്പയ്ക്കോ ക്രെഡിറ്റ് കാര്‍ഡിനോ ഏതെങ്കിലും തരത്തിലുള്ള ക്രെഡിറ്റിനോ വേണ്ടി അപേക്ഷിക്കുമ്പോള്‍ ആ ആപ്ലിക്കേഷനില്‍ വിവരങ്ങള്‍ നല്‍കുക,'' അദ്ദേഹം പറഞ്ഞു. 'അപ്ലിക്കേഷന്‍ വിവരങ്ങള്‍ സ്ഥിരതയുള്ളതാണെന്ന് ഉറപ്പാക്കുന്നത് പ്രധാനമാണ്, നിങ്ങളുടെ ജോലി വരെ. കാരണം അവ ഓരോ ആപ്ലിക്കേഷനിലും വ്യത്യസ്തമായി കാണപ്പെടുകയാണെങ്കില്‍, ആത്യന്തിക യോഗ്യതയെ ബാധിക്കും. ഒരു പങ്കാളിയുമായി വേര്‍പിരിഞ്ഞതിന് ശേഷം മോര്‍ട്ട്‌ഗേജുകള്‍ ഡി-ലിങ്ക് ചെയ്യുന്നത് അത്യന്താപേക്ഷിതമാണെന്നും അദ്ദേഹം കൂട്ടിച്ചേര്‍ത്തു. കാരണം അവരുടെ ക്രെഡിറ്റ് ഫയല്‍ കഷ്ടപ്പെടാന്‍ തുടങ്ങിയാല്‍ അത് നിങ്ങളെ പ്രതികൂലമായി ബാധിക്കും,'' അദ്ദേഹം പറഞ്ഞു. Equifax-ല്‍ നിന്നുള്ള മറ്റ് നുറുങ്ങുകള്‍... നിങ്ങളുടെ സാമ്പത്തിക നിയന്ത്രണം ഏറ്റെടുക്കുക. അതായത്, ഒരു ജോയിന്റ് മോര്‍ട്ട്‌ഗേജ് അല്ലെങ്കില്‍ ക്രെഡിറ്റ് കാര്‍ഡ് പോലെയുള്ള സംയോജിത സാമ്പത്തിക ഇടപാടില്‍ മറ്റേ വ്യക്തിയുടെ ക്രെഡിറ്റ് ചരിത്രം മോശമാണെങ്കില്‍ ക്രെഡിറ്റ് ആക്‌സസ് ചെയ്യാനുള്ള നിങ്ങളുടെ കഴിവിനെയും പ്രതികൂലമായി ബാധിച്ചേക്കാം. നിങ്ങള്‍ ക്രെഡിറ്റിനായി അപേക്ഷിക്കുമ്പോള്‍, അത് നിങ്ങളുടെ ക്രെഡിറ്റ് റിപ്പോര്‍ട്ടില്‍ ഒരു സൂചന ഇടുകയും ചുരുങ്ങിയ സമയത്തിനുള്ളില്‍ വളരെയധികം അപേക്ഷകള്‍ വന്നതായി കാണുകയും ചെയ്യുന്നത് നിങ്ങളുടെ സ്‌കോറിനെ പ്രതികൂലമായി ബാധിക്കുകയും ചെയ്യും. പകരം, നിങ്ങള്‍ നല്‍കുുന്ന ആപ്ലിക്കേഷനുകളുടെ എണ്ണം പരിമിതപ്പെടുത്തുക. നിങ്ങളുടെ ക്രെഡിറ്റ് റിപ്പോര്‍ട്ട് പതിവായി പരിശോധിക്കുക. പൊതുവെ പറയുന്നത് പോലെ നിങ്ങളുടെ ക്രെഡിറ്റ് റിപ്പോര്‍ട്ട് പതിവായി പരിശോധിക്കുന്നത് നിങ്ങളുടെ ക്രെഡിറ്റ് സ്‌കോറിനെ പ്രതികൂലമായി ബാധിക്കില്ല..

രാജകീയ ജീവിതം ഉപേക്ഷിച്ചതിന് ശേഷം പോലീസ് സുരക്ഷയ്ക്കായി ഹോം ഓഫീസിനെതിരെ ഹൈക്കോടതിയില്‍ നല്‍കിയ കേസ് ഹാരി രാജകുമാരന്‍ തോറ്റു. തത്ഫലമായി ഹാരി രാജകുമാരനോട് കോടതി ചെലവുകള്‍ അടയ്ക്കാന്‍ കോടതി നിര്‍ദ്ദേശിച്ചു. സ്വന്തം നിയമ ചെലവുകള്‍ ഉള്‍പ്പെടെ ഏകദേശം 1 മില്ല്യണ്‍ പൗണ്ടിന്റെ വമ്പന്‍ ബില്ലാണ് ഇതോടെ രാജകുമാരനെ കാത്തിരിക്കുന്നത്. കേസില്‍ സമഗ്രമായ നഷ്ടം ഉണ്ടായിട്ടുണ്ട് എന്നതിനാല്‍, നഷ്ടപരിഹാര തുക പകുതിയായി കുറക്കണം എന്ന ആവശ്യവും കോടതി നിരാകരിച്ചു. മാത്രമല്ല, കോടതി വിധിക്കെതിരെ അപ്പീല്‍ പോകുന്നതിനും കോടതി അനുവാദം നല്‍കിയില്ല.  അതേസമയം, കേസ് തുടരാന്‍ താല്‍പര്യമുണ്ടെങ്കില്‍ കോര്‍ട്ട് ഓഫ് അപ്പീലിനെ സമീപിക്കാന്‍ രാജകുമാരന് സാധിക്കും. ഹോം ഓഫീസിനെതിരെ രണ്ട് വര്‍ഷം നീണ്ട പോരാട്ടത്തില്‍ ഇരട്ട വിധിയെഴുത്ത് രാജകുമാരന് കനത്ത തിരിച്ചടിയാണ്. 2020 ജനുവരിയില്‍ ഹാരിയും, മെഗാനും രാജകീയ ജീവിതത്തിന് കര്‍ട്ടനിട്ട ശേഷം സുരക്ഷ കുറച്ചതിന് എതിരെയാണ് ഹാരി കോടതിയെ സമീപിച്ചത്.  1997ല്‍ ഡയാന രാജകുമാരിയുടെ മരണത്തിന് സമാനമായ അപകടങ്ങള്‍ തങ്ങളെയും കാത്തിരിക്കുന്നുവെന്നാണ് ഹാരി ചൂണ്ടിക്കാണിച്ചത്.  കേസില്‍ തങ്ങളുടെ ഭാഗം അറിയിക്കാന്‍ ഹോം ഓഫീസ് 500,000 പൗണ്ട് പൊതുപണമാണ് ചെലവാക്കിയത്. കേസ് തോറ്റതോടെ ചെലവുകളുടെ പകുതി മാത്രം നല്‍കാനാണ് തനിക്ക് ബാധ്യതയെന്ന് ഹാരിയുടെ അഭിഭാഷകര്‍ വാദിച്ചിരുന്നു. എന്നാല്‍ തുക കുറച്ച് നല്‍കുന്നത് അംഗീകരിക്കാന്‍ കഴിയില്ലെന്ന് ജഡ്ജ് വിധിച്ചു. ഹോം ഓഫീസ് ചില നിയമലംഘനങ്ങള്‍ നടത്തിയിട്ടുണ്ടെങ്കിലും വാദിക്ക് കേസ് നഷ്ടമായെന്ന് ചൂണ്ടിക്കാണിച്ചാണ് 90% ഫീസും തിരിച്ചടയ്ക്കാന്‍ വിധിച്ചത്.           

ബെനഫിറ്റ് റൂളിന്‍റെ നിസ്സാര ലംഘനങ്ങളുടെ പേരില്‍ ആയിരക്കണക്കിന് പൗണ്ട് തിരികെ നല്‍കാനും ചില കേസുകളില്‍ ക്രിമിനല്‍ പ്രോസിക്യൂഷന്‍ അഭിമുഖീകരിക്കേണ്ടിവരികയും ചെയ്ത യുകെയിലെ നിലവില്‍ ശമ്പളം ലഭിക്കാത്ത ആയിരക്കിന് കെയറര്‍മാരുടെ അവസ്ഥ സര്‍ക്കാര്‍ അനുഭാവപൂര്‍വ്വം പരിഗണിക്കമെന്ന് ലേബര്‍ ലീഡര്‍ കീയേര്‍ സ്റ്റാര്‍മര്‍ ആവശ്യപ്പെട്ടു. കെയറര്‍ അലവന്‍സ് റൂള്‍ ലംഘനത്തിന്‍രെ പേരില്‍ ആയിരക്കണക്കിന് കെയറര്‍മാര്‍ വലിയ കടബാധ്യതകള്‍ ഉണ്ടാക്കുകയും ക്രിമിനല്‍ റെക്കോര്‍ഡുകളില്‍ പേര് ചേര്‍ക്കപ്പെടുകയും അവരുടെ വീടുകള്‍ വില്‍ക്കാന്‍ നിര്‍ബന്ധിതരാവുകയും ചെയ്തിരുന്നു. ഡിപ്പാര്‍ട്ട്‌മെന്റ് ഫോര്‍ വര്‍ക്ക് ആന്‍ഡ് പെന്‍ഷന്‍സ് (ഡിഡബ്ല്യുപി) ഉദ്യോഗസ്ഥര്‍ക്ക് വര്‍ഷങ്ങള്‍ക്ക് മുമ്പേ കണ്ടെത്താമായിരുന്ന നിസ്സാര കുറ്റങ്ങളുടെ പേരിലാണ് പലരും തങ്ങളുടെ വരുമാനമോ മറ്റ് ആശ്രയങ്ങളോ ഇല്ലാതെ കഴിയുന്ന വാര്‍ധക്യ കാലത്ത് വേട്ടയാടപ്പെടുന്നത്.  കെയറര്‍ അലവന്‍സ് റൂള്‍ ലംഘനത്തിന് ചുമത്തിയ 20,000 പൗണ്ട് DWP പെനാല്‍റ്റി തിരിച്ചടയ്ക്കാന്‍ തന്റെ വീട് വില്‍ക്കേണ്ടി വന്ന ജോര്‍ജ്ജ് ഹെന്‍ഡേഴ്സണും നിയമങ്ങള്‍ അനുവദിക്കുന്നതിനേക്കാള്‍ ആഴ്ചയില്‍ വെറും 3 പൗണ്ട് അധികം സമ്പാദിച്ചതിനാണ് നടപടി നേരിട്ടത്. 11,000 പൗണ്ട് തിരിച്ചടക്കാന്‍ നിര്‍ബന്ധിതയായ കരീന മൂണും ഇതില്‍ ഉള്‍പ്പെടുന്നു. തന്റേത് നിരപരാധിത്വപരമായ ഒരു തെറ്റാണെന്ന് ഹെന്‍ഡേഴ്‌സണ്‍ സമ്മതിക്കുമ്പോള്‍ പോലും ഇത്രയും വലിയൊരു തുക പെനാല്‍റ്റിലായി തിരിച്ചടച്ച അദ്ദേഹം തന്റെ അനാരോഗ്യ കാലത്ത് ഭവനരഹിതനുമായി. ഇപ്പോള്‍ അഭയകേന്ദ്രത്തിലാണ് അദ്ദേഹം കഴിയുന്നത്.  നവംബറില്‍ വഞ്ചനാക്കുറ്റത്തിന് പ്രോസിക്യൂട്ട് ചെയ്യപ്പെടുകയും 16,000 പൗണ്ടിന്റെ സ്വത്തു വകകള്‍ ഡിപ്പാര്‍ട്ട്മെന്റ് പിടിച്ചെടുക്കുകയും ചെയ്ത വിവിയെന്‍ ഗ്രൂമിന്റെ കാര്യത്തെക്കുറിച്ച് ലേബര്‍ ലീഡറോട് ബിബിസി മാധ്യമപ്രവര്‍ത്തകര്‍ ചോദിച്ചു. 2014 മുതല്‍ 2019 വരെ ആഴ്ചയില്‍ 60 പൗണ്ട് കെയറര്‍ക്കുള്ള അലവന്‍സ് കോ-ഓപ്പില്‍ പാര്‍ട്ട് ടൈം ജോലി ചെയ്യുകയും ഡിമെന്‍ഷ്യ ബാധിച്ച് പക്ഷാഘാതം അനുഭവിക്കുകയും ചെയ്ത അവരുടെ അമ്മയെ ആഴ്ചയില്‍ 35 മണിക്കൂറെങ്കിലും പരിചരിക്കുകയും ചെയ്യുന്നതിനിടയിലാണ് അവര്‍ ക്ലെയിം ചെയ്തത്. ഒരു സാമൂഹിക പ്രവര്‍ത്തകന്‍ തന്നെ ഉപദേശിച്ചതിനാലാണ് ക്ലെയും ചെയ്തത് എന്നും അവര്‍ പറയുന്നു. എന്നാല്‍ DWP 2021 ല്‍ അവരെ പിടികൂടി. വലിയ കുറ്റവാളികളുടെ ഉടമസ്ഥതയിലുള്ള സ്വത്തുക്കള്‍ കണ്ടുകെട്ടാന്‍ ഡിഡബ്ല്യുപി ക്രൈം-ഓഫ്-ക്രൈം നിയമങ്ങള്‍ ഉപയോഗിച്ചപ്പോള്‍, 16,000 പൗണ്ട് വിലമതിക്കുന്ന കെയര്‍ അലവന്‍സ് ഓവര്‍പേയ്‌മെന്റുകള്‍ ഗഡുക്കളായി തിരിച്ചടയ്ക്കാന്‍ അവര്‍ ഇതിനകം സമ്മതിച്ചിരുന്നു. ഇത് വീണ്ടും സംഭവിക്കാന്‍ തങ്ങള്‍ അനുവദിക്കില്ല എന്ന് സ്റ്റാര്‍മര്‍ ബിബിസിയോട് പറഞ്ഞു. 'ഇവിടെ എന്തോ വളരെ തെറ്റ് സംഭവിച്ചിരിക്കുന്നു' എന്ന് അദ്ദേഹം കൂട്ടിച്ചേര്‍ത്തു, കൂടാതെ ബെനഫിറ്റ് സിസ്റ്റം ആദ്യം കെയറര്‍മാരോട് നീതി പുലര്‍ത്തണം എന്നും പറഞ്ഞു. സ്റ്റാര്‍മറുടെ ഇടപെടല്‍, കെയറര്‍മാരുടെ ഓവര്‍പേയ്മെന്റ് അഴിമതിയില്‍ നടപടിയെടുക്കാന്‍ മന്ത്രിമാരുടെ മേല്‍ സമ്മര്‍ദ്ദം വര്‍ദ്ധിപ്പിക്കാന്‍ സാധ്യതയുണ്ട്. ലിബറല്‍ ഡെമോക്രാറ്റ് നേതാവ് എഡ് ഡേവി, കെയറര്‍ അലവന്‍സ് ഓവര്‍പേയ്‌മെന്റിന്റെ പേരില്‍ കെയറര്‍മാരെ കുറ്റവാളികളെപ്പോലെ പരിഗണിക്കുന്നത് നിര്‍ത്തണമെന്ന് മന്ത്രിമാരോട്  ആഹ്വാനം ചെയ്തിരുന്നു.  2022-23 കാലഘട്ടത്തിലാണ് 26,700 കെയറര്‍മാരോട് വരുമാന ലംഘനവുമായി ബന്ധപ്പെട്ട തുകകള്‍ തിരിച്ചടയ്ക്കാന്‍ ആവശ്യപ്പെട്ടത്. ഇതേ തുടര്‍ന്ന് 800-ലധികം പേര്‍ £5,000-നും £20,000-നും ഇടയിലുള്ള തുകകള്‍ തിരിച്ചടച്ചു. 36 പേര്‍ £20,000-ത്തിലധികം തിരിച്ചടച്ചു.

ലൈംഗികത പ്രകടമാക്കുന്ന ഡീപ്‌ഫേക്ക് ഇമേജ് സൃഷ്ടിക്കുന്നത് പുതിയ നിയമപ്രകാരം കുറ്റമാക്കുമെന്ന് ബ്രിട്ടീഷ് നീതിന്യായ മന്ത്രാലയം അറിയിച്ചു. നിര്‍ദ്ദിഷ്ട നിയമത്തിന് കീഴില്‍, അത്തരം ചിത്രം സൃഷ്ടിക്കുന്ന ആര്‍ക്കും ക്രിമിനല്‍ റെക്കോര്‍ഡും വന്‍ തുക പിഴയും നേരിടേണ്ടിവരും. പുതിയ നിയമം പ്രാബല്യത്തില്‍ വരുന്നതോടെ ഇത്തരം ചിത്രം വ്യാപകമായി ഷെയര്‍ ചെയ്യപ്പെട്ടാല്‍ ജയില്‍ ശിക്ഷ അടക്കം അനുഭവിക്കേണ്ടി വരും. അതായത് ചിത്രത്തിന്റെ സ്വീകാര്യത കൂടുന്നതിന് അനുസരിച്ച് ഇമേജുകള്‍  സൃഷ്ടിക്കുന്ന ആള്‍ക്ക് ലഭിക്കുന്ന ശിക്ഷാ കാഠിന്യവും കൂടുമെന്ന് സാരം. ഡീപ്‌ഫേക്ക് ഇമേജ് സൃഷ്ടിക്കുമ്പോള്‍, സ്രഷ്ടാവ് അത് ഷെയര്‍ ചെയ്യാന്‍ ഉദ്ദേശിച്ചിരുന്നോ എന്നത് പരിഗണിക്കാതെ തന്നെ ശിക്ഷ ലഭിക്കുമെന്ന് നീതിന്യായ വകുപ്പ് അറിയിച്ചു.  കഴിഞ്ഞ വര്‍ഷം അവതരിപ്പിച്ച ഓണ്‍ലൈന്‍ സുരക്ഷാ നിയമത്തില്‍ ആര്‍ട്ടിഫിഷ്യല്‍ ഇന്റലിജന്‍സ് ഉപയോഗിച്ച് നിര്‍മ്മിക്കുന്ന ഡീപ്‌ഫേക്ക് ഇന്റിമേറ്റ് ഇമേജുകള്‍ പങ്കിടുന്നത് ഇതിനകം കുറ്റകരമാക്കിയിട്ടുണ്ട്. പാര്‍ലമെന്റിലൂടെ കടന്നുപോകുന്ന ക്രിമിനല്‍ ജസ്റ്റിസ് ബില്ലിലെ ഭേദഗതിയിലൂടെയാണ് നിയമ ഭേദഗതി അവതരിപ്പിക്കുക. ഇമേഡുകല്‍ സൃഷ്ടിക്കുന്ന ആള്‍  അവ പങ്കുവെച്ചിട്ടുണ്ടോ എന്നത് പരിഗണിക്കാതെ തന്നെ ലൈംഗിക ചിത്രങ്ങള്‍ സൃഷ്ടിക്കുന്നത് അംഗീകരിക്കാനാവില്ല' എന്ന് വിക്റ്റിംസ്് അന്റ് സേഫ്ഗാര്‍ഡിങ്ങ് മിനിസ്റ്റര്‍ ലോറ ഫാരിസ് പറഞ്ഞു. ''ചില ആളുകള്‍ മറ്റുള്ളവരെ - പ്രത്യേകിച്ച് സ്ത്രീകളെ തരംതാഴ്ത്താനും മനുഷ്യത്വരഹിതമാക്കാനും ശ്രമിക്കുന്നതിന്റെ മറ്റൊരു ഉദാഹരണമാണിത്. മെറ്റീരിയല്‍ കൂടുതല്‍ വ്യാപകമായി പങ്കിട്ടാല്‍ വിനാശകരമായ പ്രത്യാഘാതങ്ങള്‍ ഉണ്ടാക്കാനുള്ള കഴിവുണ്ട്. അത് ഈ സര്‍ക്കാര്‍ സഹിക്കില്ല. ഈ പുതിയ കുറ്റം ഈ മെറ്റീരിയല്‍ നിര്‍മ്മിക്കുന്നത് അധാര്‍മികവും പലപ്പോഴും സ്ത്രീവിരുദ്ധവും കുറ്റകൃത്യവുമാണ് എന്ന വ്യക്തമായ സന്ദേശം നല്‍കുന്നു.'അവര്‍ പറഞ്ഞു.  ഷാഡോ ഹോം സെക്രട്ടറി യെവെറ്റ് കൂപ്പര്‍ പ്രഖ്യാപനത്തെ പിന്തുണച്ചു: ''ഡീപ്‌ഫേക്ക് പോണോഗ്രഫി സൃഷ്ടിക്കുന്നത് കുറ്റകരമാക്കാനുള്ള ലേബറിന്റെ ആഹ്വാനങ്ങള്‍ സര്‍ക്കാര്‍ അംഗീകരിച്ചത് സ്വാഗതാര്‍ഹമാണ്. ലൈംഗികത പ്രകടമാക്കുന്ന ഫോട്ടോകളിലേക്കും വീഡിയോകളിലേക്കും ആരുടെയെങ്കിലും ചിത്രം അടിച്ചേല്‍പ്പിക്കുന്നത് അവരുടെ നിലനില്‍്പിന്റെയും സ്വകാര്യതയുടെയും കടുത്ത ലംഘനമാണ്, അത് വലിയ ദോഷം വരുത്തും, അത് വെച്ചുപൊറുപ്പിക്കരുത്. 'കുറ്റവാളികള്‍ ശിക്ഷ ലഭിക്കാതെ രക്ഷപ്പെടുന്നത് തടയുന്നതിന് ഈ നിയമങ്ങള്‍ കര്‍ശനമായി നടപ്പിലാക്കുന്നതിന് ആവശ്യമായ പരിശീലനം പോലീസിനും പ്രോസിക്യൂട്ടര്‍മാര്‍ക്കും നല്‍കേണ്ടത്  അത്യന്താപേക്ഷിതമാണമാണെന്നും യെവെറ്റ് കൂപ്പര്‍ കൂട്ടിച്ചേര്‍ത്തു.   

ഇംഗ്ലണ്ടിലെ 2,000ലധികം എന്‍എച്ച്എസ് കെട്ടിടങ്ങള്‍ക്ക് എന്‍എച്ച്എസ് സര്‍വ്വീസിനെക്കാള്‍ പഴക്കമുള്ളതാണെന്ന് കണക്കുകള്‍. ഇതിന്റെ പശ്ചാത്തലത്തില്‍ രോഗികളുടെയും ജീവനക്കാരുടെയും സുരക്ഷയ്ക്കായി ഈ കെട്ടിടങ്ങള്‍ മാറ്റിസ്ഥാപിക്കുന്നതിന് പണം അനുവദിക്കേണ്ടതിന്റെ ആവശ്യകതയെക്കുറിച്ച് എന്‍എച്ച്എസ്് മേധാവികള്‍ മന്ത്രിമാര്‍ക്ക് ആവര്‍ത്തിച്ച് മുന്നറിയിപ്പ് നല്‍കി.  മെയിന്റനന്‍സ് ബാക്ക്ലോഗ് ഇംഗ്ലണ്ടില്‍ 11.6 ബില്യണ്‍ പൗണ്ടായി ഉയര്‍ന്നു. ഇപ്പോള്‍ എന്‍എച്ച്എസ് ഡിജിറ്റല്‍ ഡാറ്റയുടെ വിശകലനത്തില്‍, ഇംഗ്ലണ്ടിലെ 211 എന്‍എച്ച്എസ് ട്രസ്റ്റുകളില്‍ 34 എണ്ണത്തിലും കുറഞ്ഞത് നാലിലൊന്ന് കെട്ടിടമെങ്കിലും എന്‍എച്ച്എസ്  സ്ഥാപിതമായ 1948-ന് മുമ്പ് നിര്‍മ്മിക്കപ്പെട്ടതാണെന്ന് കണ്ടെത്തി. കഴിഞ്ഞ മാസം ഇത്തരമൊരു കെട്ടിടത്തില്‍ പ്രവര്‍ത്തിച്ച അത്യാഹിത വിഭാഗത്തിലെ മേല്‍ക്കൂര ജീവന്‍രക്ഷാ ഉപകരണങ്ങളുടെ സഹായം നല്‍കിയ രോഗിയുടെ മേല്‍ പതിച്ചു. അരികിലുണ്ടായിരുന്ന ഡോക്ടറുടെ കാലാണ് സംഭവത്തില്‍ ഒടിഞ്ഞത്. 40 പുതിയ ആശുപത്രികള്‍ നിര്‍മ്മിക്കുമെന്നാണ് 2020 പ്രകടനപത്രികയില്‍ ടോറി മന്ത്രിമാര്‍ വാഗ്ദാനം ചെയ്തത്. എന്നാല്‍ വാഗ്ദാനം നടപ്പിക്കാന്‍ 2030 വരെയെങ്കിലും കാത്തിരിക്കേണ്ടി വരുമെന്നാണ് നാഷണല്‍ ഓഡിറ്റ് ഓഫീസ് കണ്ടെത്തിയിരിക്കുന്നത്.

16 വയസ്സില്‍ താഴെയുള്ള കുട്ടികള്‍ സമൂഹമാധ്യമങ്ങള്‍ ഉപയോഗിക്കുന്നതിന് വിലക്കേര്‍പ്പെടുത്താന്‍ ബ്രിട്ടീഷ് സര്‍ക്കാര്‍ തയ്യാറെടുക്കുകയാണെന്ന് റിപ്പോര്‍ട്ടുകള്‍. കുട്ടികളെ സൈബര്‍ ലോകത്തിലെ ചതിക്കുഴികളില്‍ നിന്നും രക്ഷിക്കാനുള്ള ശ്രമങ്ങളുടെ ഭാഗമായി, കുട്ടികള്‍ സ്മാര്‍ട്ട്ഫോണുകള്‍ വാങ്ങുന്നതും നിരോധിച്ചേക്കും എന്ന് റിപ്പോര്‍ട്ടില്‍ പറയുന്നു. ഈ മാസം അവസാനത്തിനു മുമ്പ് തന്നെ പുതിയ നിര്‍ദ്ദേശങ്ങള്‍ പുറത്തു വരുമെന്നാണ് റിപ്പോര്‍ട്ടില്‍ പറയുന്നത്.  ടെക്‌നോളജി സെക്രട്ടറിയായ മിഷേല്‍ ഡൊണലനാണ് ഇവ തയ്യാറാക്കിയതെന്നാണ് പുറത്തുവരുന്ന വിവരങ്ങള്‍. ഋഷി സുനകിന്റെ ഡെപ്യൂട്ടി ചീഫ് ഓഫ് സ്റ്റാഫ് വില്‍ ടാനറും ഇതില്‍ വലിയൊരു പങ്ക് വഹിച്ചിട്ടുണ്ടെന്ന് ചില റിപ്പോര്‍ട്ടുകള്‍ പറയുന്നു.  കഴിഞ്ഞാഴ്ച വാട്‌സാപ്പ് ഉപയോഗിക്കാനുള്ള ഏറ്റവും കുറഞ്ഞ പ്രായം ബ്രിട്ടനില്‍ 16-ല്‍ നിന്ന് 13 ആക്കിയതിന് മെറ്റ കടുത്ത വിമര്‍ശനങ്ങള്‍ നേരിട്ടിരുന്നു.  പ്രസ്തുത പ്രായപരിധിയിലുള്ള കുട്ടികള്‍ എപ്പോള്‍ സോഷ്യല്‍ മീഡിയ ഉപയോഗിക്കാം എന്നതിനുള്ള മാതാപിതാക്കളുടെ അഭിപ്രായങ്ങള്‍ നിയമങ്ങള്‍ പ്രാബല്യത്തില്‍ വരുന്നതിന് മുമ്പ് തന്നെ കണ്‍സള്‍ട്ടേഷന്‍ തേടും. ഈ കൂടിക്കാഴ്ചയില്‍ സോഷ്യല്‍ മീഡിയ പ്ലാറ്റ്‌ഫോമുകളിലേക്കുള്ള മാതാപിതാക്കളുടെ ആക്‌സസ് അനുവദിക്കുന്നതിനെപ്പറ്റിയും സുരക്ഷാ സംവിധാനങ്ങള്‍ ഇന്‍സ്റ്റാള്‍ ചെയ്യുന്നതിനെക്കുറിച്ചുള്ള തീരുമാനങ്ങള്‍ എടുക്കും.

ഇംഗ്ലണ്ടിലെ ശിശുപരിപാലന സംവിധാനം പരാജയമാണെന്നും മറ്റ് ലോക രാജ്യങ്ങളുമായി താരതമ്യപ്പെടുത്തുമ്പോള്‍ വളരെ പിന്നാക്കാവസ്ഥയിലാണെന്നും ലിംഗസമത്വത്തിനും സ്ത്രീകളുടെ അവകാശങ്ങള്‍ക്കും വേണ്ടിയുള്ള യുകെ ചാരിറ്റിയുടെ കണ്ടെത്തല്‍. ഇംഗ്ലണ്ടിലെ ശിശുസംരക്ഷണം പല മേഖലകളിലും പരാജയപ്പെടുകയാണെന്ന് ഫോസെറ്റ് സൊസൈറ്റി പറഞ്ഞു. താങ്ങാനാവാത്ത പരിചരണ ചിലവ്, ഗുണനിലവാരമില്ലായ്മ, പൊതു ചെലവിന്റെ അപര്യാപ്തത എന്നിവയാണ് ഇതിന് കാരമെന്നും ചാരിറ്റി ചൂണ്ടിക്കാട്ടി. ഓസ്ട്രേലിയ, കാനഡ, എസ്റ്റോണിയ, ഫ്രാന്‍സ്, അയര്‍ലന്‍ഡ് എന്നിവിടങ്ങളില്‍ ഈയിടെ പൂര്‍ത്തിയാക്കിയതോ അല്ലെങ്കില്‍ ഗവണ്‍മെന്റ് നേതൃത്വത്തിലുള്ള പരിവര്‍ത്തനത്തിന് വിധേയമാകുന്നതോ ആയ എല്ലാ രാജ്യങ്ങളിലെയും ബാല്യകാല വിദ്യാഭ്യാസവും പരിചരണവും (ECEC) ചാരിറ്റി പരിശോധിച്ചതില്‍ നിന്നാണ് ഇംഗ്ലണ്ടിന്റെ ശിശു സംരക്ഷണം ശോചനീയമാണെന്ന് കണ്ടെത്തിയത്. ഈ കണ്ടെത്തലുകള്‍ ഇംഗ്ലണ്ടിലെ ശിശുസംരക്ഷണത്തിന്റെ അവസ്ഥയെക്കുറിച്ചുള്ള നിരവധി മുന്നറിയിപ്പുകള്‍ നല്‍കുന്നു. ചെറിയ കുട്ടികളുള്ള മാതാപിതാക്കളില്‍ മൂന്നിലൊന്ന് പേരും ശിശുപരിപാലനം താങ്ങാന്‍ പാടുപെടുകയാണെന്ന് സര്‍വേകള്‍ കണ്ടെത്തി.  സൗജന്യ ശിശുപരിപാലനത്തിനുള്ള സര്‍ക്കാര്‍ പദ്ധതികള്‍ ഫലപ്രദമല്ലെന്ന് നഴ്സറികള്‍ മുന്നറിയിപ്പ് നല്‍കുന്നു. കൂടാതെ കാല്‍ലക്ഷത്തോളം ചെറിയ കുട്ടികളുള്ള അമ്മമാര്‍ ജോലിയും ശിശുപരിപാലനവും ഒരുമിച്ച് കൊണ്ടുപോകുന്നതിലെ  ബുദ്ധിമുട്ടുകള്‍ കാരണം ജോലി ഉപേക്ഷിക്കുകയും ചെയ്യുന്നതായി റിപ്പോര്‍ട്ടില്‍ പറയുന്നു.  ഈ മാസം പ്രാബല്യത്തില്‍ വന്ന ഇംഗ്ലണ്ടിലെ ശിശുസംരക്ഷണ സംവിധാനത്തിലെ ഏറ്റവും പുതിയ മാറ്റം, സൗജന്യ സമയങ്ങളുടെ വിപുലീകരണമായിരുന്നു. ചില കുടുംബങ്ങള്‍ക്ക് ഇത് സ്വാഗതാര്‍ഹമാണെങ്കിലും, പിന്നാക്കം നില്‍ക്കുന്നവരെ സഹായിക്കില്ലെന്നും സിസ്റ്റത്തിലെ വിശാലമായ പ്രശ്‌നങ്ങള്‍ പരിഹരിക്കില്ലെന്നും ഫോസെറ്റ് സൊസൈറ്റി പറഞ്ഞു. രക്ഷാകര്‍തൃ അവധിയുടെ അവസാനം മുതല്‍ സ്‌കൂള്‍ പ്രായം വരെ എല്ലാ കുട്ടികള്‍ക്കും സൗജന്യ 'സാര്‍വത്രിക' ECEC പ്രൊവിഷനുകള്‍ സര്‍ക്കാര്‍ നല്‍കണമെന്ന് ചാരിറ്റി അതിന്റെ റിപ്പോര്‍ട്ടില്‍ വാദിക്കുന്നു. ദരിദ്രരായവര്‍ക്ക് അധിക സബ്സിഡികള്‍ നല്‍കിക്കൊണ്ട്, ജോലിചെയ്യുന്ന രക്ഷിതാക്കളുടെ മാത്രമല്ല, എല്ലാ കുട്ടികള്‍ക്കും ഓഫര്‍ തുറന്നുകൊടുക്കുന്നതിന് നിലവിലുള്ള 'സൗജന്യ സമയം' വികസിപ്പിക്കുന്നതും വിപുലീകരിക്കുന്നതും ഉള്‍പ്പെടുന്നു.  നഴ്സറികള്‍ക്ക് ധനസഹായം നല്‍കാനും അവര്‍ക്ക് ലാഭകരമല്ലാത്ത മേഖലകളില്‍ പ്രവര്‍ത്തിക്കാനും എല്ലാ കുട്ടികള്‍ക്കും പിന്തുണ നല്‍കാനും റിപ്പോര്‍ട്ട് ശുപാര്‍ശ ചെയ്യുന്നു.

ഗ്ലാസ്ഗോയില്‍ 70 കാരന്‍ കൊല്ലപ്പെട്ട സംഭവത്തില്‍ 15 വയസ്സുള്ള ആണ്‍കുട്ടിക്കെതിരെ കേസെടുത്തു. വെള്ളിയാഴ്ച അര്‍ദ്ധരാത്രിയോടെ വിക്ടോറിയ റോഡ് ഏരിയലിലാണ് സംഭവം. കൗമാരക്കാരന്റെ ഗുരുതരമായ ആക്രമണത്തെ തുടര്‍ന്ന് 70 കാരന്‍ സംഭവസ്ഥലത്ത് തന്നെ മരിച്ചു. മരണവുമായി ബന്ധപ്പെട്ട് അറസ്റ്റിലായ കൗമാരക്കാരനെ തിങ്കളാഴ്ച ഗ്ലാസ്ഗോ ഷെരീഫ് കോടതിയില്‍ ഹാജരാക്കുമെന്ന് പ്രതീക്ഷിക്കുന്നു. സംഭവത്തെക്കുറിച്ച് കൂടുതല്‍ വിശദാംശങ്ങള്‍ അറിവായിട്ടില്ല.  'ഈ സമയത്ത്, ഞങ്ങളുടെ ചിന്തകള്‍ മരണപ്പെട്ടയാളുടെ കുടുംബത്തോടും സുഹൃത്തുക്കളോടും ഒപ്പമാണ്. കേസ് അന്വേഷണങ്ങളില്‍ പ്രാദേശിക സമൂഹം നല്‍കിയ സഹായത്തിന് നന്ദി പറയാന്‍ ആഗ്രഹിക്കുന്നു.'ഡിറ്റക്ടീവ് ഇന്‍സ്‌പെക്ടര്‍ അലന്‍ ഫെര്‍ഗൂസണ്‍ പറഞ്ഞു. 

യുകെ മലയാളി ക്ലാക്ടണില്‍ നിര്യതനായി, 41 വയസുള്ള ബിനോയി തോമസാണ് ഇന്നലെ (വെള്ളിയാഴ്ച) ഉച്ചകഴിഞ്ഞ് മരണമടഞ്ഞത്. തികച്ചും ആരോഗ്യവാനായ ബിനോയി ക്ലാക്ടന്‍ ക്രിക്കറ്റ് ക്ലബിന്റെ ക്യാപ്റ്റനൂമായിരുന്നൂ. പൂര്‍ണ്ണ ആരോഗ്യവാനായി ഓടി നടന്നിരുന്ന ബിനോയി കഴിഞ്ഞ വെള്ളിയാഴ്ച രാത്രി ഉറക്കത്തില്‍ നെഞ്ചു വേദനിച്ചു പിടഞ്ഞതിനെ തുടര്‍ന്ന് ഭാര്യ രെഞ്ജി പെട്ടന്ന് എമര്‍ജന്‍സി നമ്പറില്‍ വിളിക്കുകയും ഏയര്‍ ആംബുലന്‍സില്‍ ബാസിഡണ്‍ എന്‍ എച്ച് എസ് ആശുപത്രിയില്‍ എത്തിക്കുകയുമായിരുന്നൂ. ആംബുലന്‍സ് വരുന്നതിന് മുന്‍പ തന്നെ ബിനോയുടെ ബോധം നഷ്ടപ്പെട്ടിരുന്നൂ. ഉടന്‍ തെന്നെ സി റ്റി സ്‌കാനൂം, അന്‍ജിയോ ഗ്രാമും ചെയ്തെ ങ്കിലും മരണകാരണം ഇപ്പോഴും സ്ഥിരീകരിച്ചിട്ടില്ല. പെട്ടന്ന് തലച്ചോറിലുണ്ടായ വീക്കമാണന്നെണ് പ്രാഥമിക നിഗമനം, എന്നാല്‍ ഹൃദയത്തിനോ മറ്റ് അവയങ്ങള്‍ക്കോ യാതൊരു പ്രശ്നവുമില്ല. പുര്‍ണ്ണ ആരോഗ്യവാനായ ബിനോയി പെട്ടന്ന് മരണപ്പെട്ടത് ക്ലാക്ടണിലേയും കോള്‍ചെസ്റ്ററിലേയും മലയാളി സമൂഹത്തിന് വിശ്വസിക്കുവാന്‍ സാധിച്ചിട്ടില്ല. കഴിഞ്ഞ വെള്ളീയാഴ്ചമുതല്‍ ബിനോയി വെന്റിലേറ്ററിന്റെ സഹായത്തോടെയാണ് ജീവന്‍ നിലനിര്‍ത്തിയിരുന്നത്. ഡോക്ടര്‍മാരുടെ എല്ല പരിശമങ്ങളും വിഫലമായതിനാല്‍ വെന്റിലേറ്ററില്‍ നിന്ന് നീക്കുകയായിരുന്നൂ. പൂര്‍ണ്ണ ആരോഗ്യവാനായ ബിനോയിയുടെ അവയവങ്ങള്‍ ദാനം ചെയ്യുന്നതിനായുള്ള സമ്മത പത്രം ഭാര്യ രെന്‍ജി നല്കിയതിനാല്‍ ഓര്‍ഗനൂകള്‍ ഇന്നലെ നീക്കം ചെയ്തിരുന്നൂ. യഥാര്‍ത്ഥ മരണകാരണം അറിവില്ലാത്തതിനാല്‍ പോസ്റ്റ് മാര്‍ട്ടം ചെയ്തതിന്‍് ശേഷം മാത്രമാണ് ബോഡി ഫ്യൂണറല്‍ ഡയറക്ടേഴ്സിന് വിട്ടു നല്‍കുക. ബിനോയുടെ സഹോദരന്‍ ബെന്നി ചെംസ്ഫോര്‍ഡിലാണ് താമസിക്കുന്നത്. സഹോദരന്‍ ബെന്നിയാണ് വേണ്ടകാര്യങ്ങള്‍ എല്ലാം ചെയ്യുന്നത്. ഭാര്യ രെന്‍ജി ബിനോയി, മുന്ന് കുട്ടികള്‍, മിയ 10 വയസ്, ആരോണ്‍ 8 വയസ്, കൂടാതെ 4 വയസുള്ള ഇളയ ആണ്‍കുട്ടിയും ദമ്പതികള്‍ക്കൂണ്ട്.  ക്ലാക്ടണ്‍ മലയാളികളുടെ ഇടയില്‍ വളരെ സൗമ്യനും പരോപകാരിയുമായിരുന്നൂ ബിനോയി എന്ന് പ്രിയ സുഹൃത്തായ ജോര്‍ജ് ജോസഫ് ബ്രിട്ടീഷ് പത്രത്തോട് പറഞ്ഞു. ദുഖിതയായ കുടുംബാഗങ്ങള്‍ക്കൊപ്പം ബ്രിട്ടീഷ് പത്രവും പങ്കു ചേരുന്നൂ.

തന്‍റെ പിതാവിനെ കൊല്ലാന്‍ തയ്യാറുള്ളവര്‍ക്ക് 5000 പൗണ്ട് വാഗ്ദാനം ചെയ്ത് ഫേസ്ബുക്കില്‍ പോസ്റ്റിട്ട മകന്‍, പിതാവിനെ കൊലപ്പെടുത്തിയ കേസില്‍ കുറ്റക്കാരനാണെന്ന് കോടതി വിധിച്ചു. കഴിഞ്ഞ വര്‍ഷം ഓഗസ്റ്റ് 26 ന് പ്രെസ്റ്റണിലെ സെന്റ് ജോര്‍ജ് റോഡിലുള്ള സ്റ്റീഫന്‍ ഡക്ക്വര്‍ത്തിന്റെ വീട്ടിലെത്തിയ മകന്‍ ഓസ്റ്റിന്‍ ഡക്ക്വര്‍ത്ത്(37) ജാമ്യ വ്യവസ്ഥകള്‍ ലംഘിച്ച് അതിക്രമിച്ചുകയറിയ ശേഷം 72 കാരനായ പിതാവിന്റെ തലയില്‍ വീണ്ടും വീണ്ടും ഇടിച്ച് കൊലപ്പെടുത്തുകയായിരുന്നു.  മകന്റെ ആക്രമണത്തിന് ശേഷം 999 ഡയല്‍ ചെയ്ത് പോലീസിനോട് എന്താണ് സംഭവിച്ചതെന്ന് സംസാരിച്ച സ്റ്റീഫന്‍ ആദ്യം വൈദ്യസഹായം നിരസിച്ചു. എന്നിരുന്നാലും, ദിവസം കഴിയുന്തോറും അദ്ദേഹത്തിന് കൂടുതല്‍ കൂടുതല്‍ അസ്വസ്ഥത അനുഭവപ്പെടാന്‍ തുടങ്ങിയതിനാല്‍, അദ്ദേഹത്തിന് ആംബുലന്‍സിനായി വിളിക്കേണ്ടി വന്നു. തുടര്‍ന്ന് അദ്ദേഹത്തെ ആശുപത്രിയിലേക്ക് കൊണ്ടുപോകുകയും പരിശോധനയില്‍ മസ്തിഷ്‌കത്തില്‍ മാരകമായ രക്തസ്രാവം' ഉണ്ടായതായി കണ്ടെത്തുകയുമായിരുന്നു. മെഡിക്കല്‍ സ്റ്റാഫ് പരമാവധി ശ്രമിച്ചിട്ടും, സ്റ്റീഫന്‍ പരിക്കുകള്‍ അതിജീവിക്കാതെ 2023 ഒക്ടോബര്‍ 12-ന് മരിച്ചു. പോസ്റ്റ്മോര്‍ട്ടം പരിശോധനയില്‍ സ്റ്റീഫന്റെ മരണകാരണം ബ്ലണ്ട് ഫോഴ്സ് ഹെഡ് ട്രോമയാണെന്ന് കണ്ടെത്തി. പ്രെസ്റ്റണ്‍ ക്രൗണ്‍ കോടതിയില്‍ നടന്ന അഞ്ച് ദിവസത്തെ വിചാരണയ്ക്ക് ശേഷം, സ്ഥിരമായ മേല്‍വിലാസമില്ലാത്ത ഓസ്റ്റിന്‍ ഡക്ക്വര്‍ത്ത് കൊലപാതക കുറ്റക്കാരനാണെന്ന് കണ്ടെത്തി. 72 വയസ്സുള്ള ഒരു മനുഷ്യന്‍ സ്വന്തം വീട്ടില്‍, മകന്റെ കൈകൊണ്ട് മരണമടഞ്ഞ ഒരു ദാരുണമായ കേസാണിത്.ഫോഴ്സ് മേജര്‍ ഇന്‍വെസ്റ്റിഗേഷന്‍ ടീമില്‍ നിന്നുള്ള ഡിസിഐ ജില്‍ റൈലി പറഞ്ഞു.