18
MAR 2021
THURSDAY
1 GBP =106.75 INR
1 USD =84.94 INR
1 EUR .=88.58 INR
വിവാഹം നടക്കുന്നത് വളരെ വെറൈറ്റിയായി, പശു തൊഴുത്തില്‍ നടക്കുന്ന വിവാഹത്തിന് ചിലവ് രണ്ട് മുതല്‍ മൂന്ന് ലക്ഷം വരെ, സോഷ്യല്‍ മീഡിയ കാത്തിരിക്കുന്ന വിവാഹം
Story Dated: 2024-12-19
വിവാഹം എന്നത് ട്രെന്റിങ് ലിസ്റ്റില്‍ എന്നും വ്യത്യസ്തത പുലര്‍ത്തുന്ന ഒന്നായി മാറിക്കൊണ്ടിരിക്കുകയാണ്. വിവാഹങ്ങള്‍ അതിന്റെ വ്യത്യസ്തത കൊണ്ട് എപ്പോഴും വാര്‍ത്തകളും ആകാറുണ്ട്. അത്തരത്തില്‍ ഒരുവിവാഹ വാര്‍ത്തയെ കുറിച്ചാണ് ഇപ്പോള്‍ സോഷ്യല്‍ മീഡിയയില്‍ വൈറലാകുന്നത്.
പക്ഷെ ഇത് പതിവ് പോലെ ഹോട്ടലുകളിലോ ബീച്ചിലോ കായലിലോ അല്ലെങ്കില്‍ മറ്റ് പ്രശസ്തമായ ഇടങ്ങളില്‍ വെച്ചോ അല്ല. പകരം പശു തൊഴുത്തില്‍ ആണ്. മദ്ധ്യപ്രദേശിലെ ഗ്വാളിയോറിലാണ് ഈ സംഭവം നടക്കുന്നത്.
ഇവിടെ വിവാഹം നടക്കുന്നത് പശു തൊഴുത്തിലാണ്. ആദര്‍ശ് ഗോശാലയിലാണ് വിവാഹച്ചടങ്ങിന് സൗകര്യം ഒരുക്കുന്നത്. ഡെസ്റ്റിനേഷന്‍ വെഡ്ഡിംഗിന് ഒരുക്കങ്ങള്‍ ചെയ്യുന്ന രാജ്യത്തെ ആദ്യ ഗോശാലയാണ് ഇത്. വരുന്ന ജനുവരി 22നാണ് ഇവിടെ ആദ്യ വിവാഹം നടക്കുക. പരമ്പരാഗത രീതിയിലുള്ള വിവാഹമാണ് ഗോശാലയില്‍ നടക്കുക.
ഇവിടെ നടക്കുന്ന വിവാഹത്തിനും ഉണ്ട് ചില പ്രത്യേകതകള്‍. കാളവണ്ടിയിലാണ് വിവാഹഘോഷയാത്ര. നിലത്ത് ഇല കൊണ്ട് നിര്‍മ്മിച്ച പാത്രങ്ങളില്‍ ഭക്ഷണം വിളമ്പും. വിവാഹം നടത്തുന്ന കുടുംബത്തിനും അതിഥികള്‍ക്കും ഭക്ഷണം നല്‍കുന്നതിന് മുന്‍പ് പശുവിന് പച്ചപ്പുല്ല് കൊടുക്കണം. വിവാഹ ചടങ്ങില്‍ പരാമവധി 500 പേര്‍ക്ക് പങ്കെടുക്കാനുള്ള സൗകര്യം ഉണ്ടായിരിക്കും. പരിപാടിക്ക് രണ്ട് മുതല്‍ മൂന്ന് ലക്ഷം വരെയാണ് ചെലവ്.
രാജ്യത്തിന്റെ പല ഭാഗത്ത് നിന്നായി ഇതിനോടകം ഇവിടെ 10 വിവാഹങ്ങള്‍ക്കുള്ള ബുക്കിംഗ് ലഭിച്ചിട്ടുണ്ട്. വൈദ്യുതി ഉള്‍പ്പെടെയുള്ള മറ്റ് ചെലവുകള്‍ക്ക് കുറയ്ക്കുന്നതിന്റെ ഭാഗമായി പകല്‍നേരത്തായിരിക്കും ഗോശാലയില്‍ വിവാഹം നടത്തുക. വിവാഹത്തിന്റെ പൂജാവിധികള്‍ നിര്‍വഹിക്കാന്‍ പൂജാരിയെയും ഗോശാല അധികൃതര്‍ നിയോഗിക്കും. ജനുവരിയില്‍ ഇവിടെ നടക്കാന്‍ പോകുന്ന ആദ്യ വിവാഹം എങ്ങനെയായിരിക്കുമെന്ന് ആകാംഷയിലാണ് ജനങ്ങള്‍ ഇപ്പോള്‍.
More Latest News
മലയാളത്തിന്റെ പ്രിയ സാഹിത്യകാരന്‍ എംടിയുടെ ആശുപത്രിയില്‍, എംടിയുടെ നില അതീവ ഗുരുതരമായി തുടരുകയാണെന്ന് മെഡിക്കല്‍ ബുള്ളറ്റിന്‍
കോഴിക്കോട്: മലയാളത്തിന്റെ പ്രിയ സാഹിത്യകാരനും എഴുത്തുകാരനും തിരക്കഥാകൃത്തും സംവിധായകനും ആയ എംടി വാസുദേവന്‍ നായര്‍. കോഴിക്കോട് ബേബി മെമ്മോറിയല്‍ ആശുപത്രിയില്‍ അതീവ ഗുരുതരാവസ്ഥയില്‍ കഴിയുകയാണ് അദ്ദേഹം ഇപ്പോള്‍.
എം.ടി.വാസുദേവന്‍ നായര്‍ക്ക് വേണ്ടി പ്രാര്‍ത്ഥനയോടിരിക്കുകയാണ് കേരളം. ഈ മാസം 15നാണ് എം.ടിയെ ശ്വാസകോശ തടസമടക്കം ആരോഗ്യ പ്രശ്നങ്ങളോടെ ആശുപത്രിയില്‍ പ്രവേശിപ്പിച്ചത്. ഇന്നലെ രാവിലെയോടെ ആരോഗ്യ നില കൂടുതല്‍ വഷളായി. തുടര്‍ന്ന് ഹൃദയസ്തംഭനമുണ്ടായി. ഓക്സിജന്‍ മാസ്‌കിന്റെയും മറ്റും സഹായത്തോടെ ഐ.സി.യുവിലാണ് ഇപ്പോള്‍ അദ്ദേഹം ഉള്ളത്.
വിവരമറിഞ്ഞ് ആശുപത്രിയിലെത്തിയ മന്ത്രി മുഹമ്മദ് റിയാസ് ആശുപത്രി പുറത്തിറക്കിയ മെഡിക്കല്‍ ബുള്ളറ്റിനില്‍ സൂചിപ്പിച്ച കാര്യങ്ങള്‍ മാദ്ധ്യമങ്ങള്‍ക്ക് മുമ്പാകെ വിവരിച്ചു. സര്‍ക്കാരും സംവിധാനങ്ങളുമെല്ലാം എം.ടിയുടെ ജീവന്‍ രക്ഷിക്കാന്‍ ഒപ്പമുണ്ടെന്നും സാദ്ധ്യമായ സംവിധാനങ്ങളെല്ലാം ഉപയോഗിക്കുന്നുണ്ടെന്നും മന്ത്രി പറഞ്ഞു.
ആരോഗ്യനില മാറ്റമില്ലാതെ തുടരുകയാണെന്നാണ് ഏറ്റവും ഒടുവില്‍ ഇറക്കിയ മെഡിക്കല്‍ ബുള്ളറ്റിനില്‍ പറയുന്നത്. അതേസമയം,? ഹൃദയ മിടിപ്പും രക്തസമ്മര്‍ദ്ദവും നിയന്ത്രണ വിധേയമാണെന്നും ആശുപത്രി അധികൃതര്‍ അറിയിച്ചിട്ടുണ്ട്. വിദഗ്ദ്ധ ഡോക്ടര്‍മാരുടെ പ്രത്യേക സംഘം നിരീക്ഷിച്ചു കൊണ്ടിരിക്കുകയാണ്.
മന്ത്രി എ.കെ.ശശീന്ദ്രന്‍, സി.പി.എം പൊളിറ്റ് ബ്യൂറോ അംഗം എം.എ.ബേബി, ഗോവ ഗവര്‍ണര്‍ പി.എസ്. ശ്രീധരന്‍പിള്ള തുടങ്ങിയവര്‍ ആശുപത്രിയിലെത്തി ഡോക്ടര്‍മാരുമായും ബന്ധുക്കളുമായും സംസാരിച്ചു. കുടുംബാംഗങ്ങളെല്ലാം ആശുപത്രിയിലുണ്ട്.
ജയ്പൂര്‍-അജ്മീര്‍ ഹൈവേയിലുണ്ടായ ടാങ്കര്‍ അപകടം: മരണം 14 ആയി, അപകടത്തില്‍ പരുക്കേറ്റ 32 പേര്‍ ഗുരുതര വിഭാഗത്തില്‍ ചികിത്സയില്‍
രാജസ്ഥാന്‍: ജയ്പൂര്‍-അജ്മീര്‍ ഹൈവേയിലുണ്ടായ ടാങ്കര്‍ അപകടത്തില്‍ മരണം 14 ആയി. അപകടത്തില്‍ പരുക്കേറ്റ 32 പേര്‍ ഗുരുതര വിഭാഗത്തില്‍ ചികിത്സയില്‍ കഴിയുകയാണ്. മരിച്ചവരുടെ കുടുംബങ്ങള്‍ക്ക് സര്‍ക്കാര്‍ 5 ലക്ഷം രൂപ ധനസഹായം പ്രഖ്യാപിച്ചിട്ടുണ്ട്. പരുക്കേറ്റവര്‍ക്ക് 50,000 രൂപയും നല്‍കും.
വെള്ളിയാഴ്ച രാവിലെ, ജയ്പൂര്‍-അജ്മീര്‍ റൂട്ടില്‍ എല്‍പിജി കയറ്റിയ ടാങ്കറുമായി രാസവസ്തുക്കള്‍ നിറച്ച ട്രക്ക് കൂട്ടിയിടിച്ചതിനെ തുടര്‍ന്നാണ് തീപിടുത്തമുണ്ടായത്. ഒന്നിന് പിറകെ ഒന്നായി നിരവധി വാഹനങ്ങള്‍ കൂട്ടിയിടിച്ചതും അപകടത്തിന്റെ ആഴം കൂട്ടിയിട്ടുണ്ട്. 14 പേര്‍ മരിച്ചതായും നിരവധി പേര്‍ക്ക് പരുക്കേറ്റതായും 60 ശതമാനത്തിലധികം പേര്‍ക്ക് പൊള്ളലേറ്റതായും എസ്എംഎസ് ആശുപത്രി സൂപ്രണ്ട് ഡോ. സുശീല്‍ കുമാര്‍ ഭാട്ടി സ്ഥിരീകരിച്ചു.
സംഭവത്തെത്തുടര്‍ന്ന് രാജസ്ഥാന്‍ മുഖ്യമന്ത്രി ഭജന്‍ ലാല്‍ ശര്‍മ്മ ഭാന്‍ക്രോട്ട തീപിടുത്തമുണ്ടായ സ്ഥലം സന്ദര്‍ശിക്കുകയും പരുക്കേറ്റവര്‍ക്ക് ചികിത്സ നല്‍കുന്നതിന് ആവശ്യമായ ക്രമീകരണങ്ങള്‍ ഒരുക്കി ഒരു ഹെല്‍പ്പ് ലൈന്‍ സ്ഥാപിക്കുമെന്ന് പ്രഖ്യാപിക്കുകയും ചെയ്തു. ഏകദേശം രണ്ട് ഡസനോളം വാഹനങ്ങള്‍ക്ക് തീപിടിച്ചു, നിരവധി ട്രക്കുകളും ട്രോളികളും കത്തിനശിച്ചു. ഭാന്‍ക്രോട്ടയിലെ പെട്രോള്‍ പമ്പിന് സമീപമാണ് അപകടമുണ്ടായത്.
14 പേര്‍ മരിച്ചതായും നിരവധി പേര്‍ക്ക് പരുക്കേറ്റതായും 60 ശതമാനത്തിലധികം പേര്‍ക്ക് പൊള്ളലേറ്റതായും എസ്എംഎസ് ആശുപത്രി സൂപ്രണ്ട് ഡോ. സുശീല്‍ കുമാര്‍ ഭാട്ടി സ്ഥിരീകരിച്ചു.
ക്രിസ്മസ് ആഘോഷങ്ങള്‍ക്കിടയില്‍ ക്ലാസ്സ് റൂമില്‍ വെച്ച് ഏഴാം ക്ലാസ്സുകാരിയുടെ കാലില്‍ പാമ്പുകടിയേറ്റു, കുട്ടിയുടെ വലതു കാല്‍ പാദാത്തിലാണ് കടിയേറ്റത്
തിരുവനന്തപുരം: തിരുവനന്തപുരത്ത് ക്ലാസ്സ്മുറിയില്‍ വെച്ച് വിദ്യാര്‍ത്ഥിനിക്ക് പാമ്പുകടിയേറ്റു. തിരുവനന്തപുരം നെയ്യാറ്റിന്‍കര ചെങ്കല്‍ യുപി സ്‌കൂളിലെ ഏഴാം ക്ലാസ് വിദ്യാര്‍ഥിനിക്ക് ആണ് പാമ്പുകടിയേറ്റത്. കുട്ടിയെ ക്ലാസ് മുറിയില്‍ വച്ച് പാമ്പു കടിക്കുകയായിരുന്നു.
ചെങ്കല്‍, ജയന്‍ നിവാസില്‍ ഷിബുവിന്റേയും ബീനയുടേയും മകള്‍ നേഹ (12)യ്ക്കാണ് പാമ്പുകടിയേറ്റത്. ഇന്നലെ ഉച്ചയോടെ ക്ലാസ്സ് മുറിയില്‍ വെച്ചാണ് ഞെട്ടിക്കുന്ന സംഭവം ഉണ്ടായത്.
സ്‌കൂള്‍ പരീക്ഷകളെല്ലാം കഴിഞ്ഞ് എല്ലാവര്‍ക്കും ഇന്നലെയാണ് ക്രിസ്മസ് അവധിക്കായി സ്‌കൂള്‍ അടയ്ക്കുന്നത്. അതിനാല്‍ തന്നെ പല സ്‌കൂളുകള്‍ക്കും ഇന്നലെയായിരുന്നു ക്രിസ്മസ് സെലിബ്രേഷന്‍.
നെയ്യാറ്റിന്‍കര ചെങ്കല്‍ യുപി സ്‌കൂളിനും ഇന്നലെ ആയിരുന്നു ക്രിസ്മസ് സെലിബ്രേഷന്‍. കുട്ടികളെല്ലാം സെലിബ്രേഷന്റെ ഭാഗമായുള്ള തയ്യാറെടുപ്പായിരുന്നു. ഇതിനിടെ ആണ് ക്ലാസ്സ് മുറിയില്‍ വിദ്യാര്‍ത്ഥിനിയെ പാമ്പ് കടിക്കുന്നത്.
ക്ലാസ് മുറിയില്‍ ക്രിസ്മസ് ആഘോഷങ്ങള്‍ക്കിടെ ആണ് സംഭവം നടക്കുന്നത്. കുട്ടിയുടെ വലതു കാല്‍ പാദാത്തിലാണ് കടിയേറ്റത്. കടിയേറ്റ ഉടനെ കുട്ടി കുതറി മാറി. ഈ സമയം മറ്റു കുട്ടികളും അടുത്തുണ്ടായിരുന്നു എന്നതാണ് ഞെട്ടിക്കുന്ന സംഭവം. മറ്റ് കുട്ടികള്‍ പാമ്പ് ആഖ്രകമിച്ചില്ല. പിന്നാലെ പാമ്പിനെ സ്‌കൂള്‍ അധികൃതര്‍ കണ്ടെത്തി അടിച്ചു കൊല്ലുകയും ആിരുന്നു.
നേഹയെ സ്‌കൂള്‍ അധികൃതര്‍ ഉടന്‍ തന്നെ നെയ്യാറ്റിന്‍കര ജനറല്‍ ആശുപത്രിയില്‍ എത്തിച്ചു. നിലവില്‍ കുട്ടി ഒബ്സര്‍വേഷനിലാണ്. നേഹയ്ക്ക് മറ്റു ആരോഗ്യപ്രശ്നങ്ങളില്ലെന്ന് ആശുപത്രി അധികൃതര്‍ പറഞ്ഞു.
ഈ ക്രിസ്മസ് ന്യൂ ഇയര്‍ ആഘോഷത്തിന് ചിരിയുടെ വെടിക്കെട്ടൊരുക്കാന്‍ നിമ, നോര്‍ത്തേണ്‍ അയര്‍ലന്റ് മലയാളികള്‍ ഒരുക്കത്തില്‍
നിമ ഓണം 2024-ന്റെ മഹത്തായ വിജയത്തിന് ശേഷം, നോര്‍ത്തേണ്‍ അയര്‍ലന്‍ഡ് മലയാളി അസോസിയേഷന്‍ സംഘടിപ്പിക്കുന്ന ക്രിസ്മസ്, ന്യൂ ഇയര്‍ ആഘോഷം 2025 ജനുവരി രണ്ടിന് ഗിര്‍ഡ്വുഡ് കമ്മ്യൂണിറ്റി ഹബ്ബില്‍ വൈകുന്നേരം നാലു മണിക്ക് നടക്കും.
മിമിക്രിയിലെ രാജകുമാരനായ മഹേഷ് കുഞ്ഞുമോന്‍, സണ്‍ ടിവിയിലെയും വിജയ് ടിവിയിലെ സൂപ്പര്‍ സിംഗര്‍ പ്രോഗ്രാമിലെയും വിജയിയായ വിഷ്ണു വര്‍ദ്ധന്‍, ദിലീപ് കലാഭവന്‍ എന്നിവര്‍ അണിനിരക്കുന്ന അയര്‍ലണ്ടിലെയും യുകെയിലെയും എക്കാലത്തെയും മികച്ച ഷോകളിലൊന്നാണ് വേദിയിലെത്തുന്നത്.
ഈശോ മിശിഹായുടെ തിരുപ്പിറവി ആഘോഷങ്ങളുടെ തിരുക്കര്‍മ്മങ്ങള്‍ക്ക് വിപുലമായ ക്രമീകരണങ്ങള്‍ ഒരുക്കി ബ്രിട്ടന്‍ സീറോ മലബാര്‍ രൂപത
ബിര്‍മിംഗ്ഹാം: ഈശോ മിശിഹായുടെ തിരുപ്പിറവി ആഘോഷങ്ങളുടെ തിരുക്കര്‍മ്മങ്ങള്‍ക്ക് വിപുലമായ ക്രമീകരണങ്ങള്‍ ഒരുക്കി ഗ്രേറ്റ് ബ്രിട്ടന്‍ സീറോ മലബാര്‍ രൂപത. രൂപതയുടെ വിവിധ ഇടവക, മിഷന്‍ അടിസ്ഥാനമായി 150ല്‍ അധികം കേന്ദ്രങ്ങളില്‍ ക്രിസ്മസ് രാത്രിയില്‍ പിറവിത്തിരുനാള്‍ തിരുക്കര്‍മ്മങ്ങളും, ക്രിസ്മസ് ദിനത്തില്‍ വിശുദ്ധ കുര്‍ബാനകളും ക്രമീകരിച്ചിട്ടുള്ളതായി രൂപതാ പി.ആര്‍.ഒ അറിയിച്ചു.
രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ പ്രെസ്റ്റന്‍ സെന്റ് അല്‍ഫോന്‍സാ കത്തീഡ്രലില്‍ നടക്കുന്ന തിരുക്കര്‍മ്മങ്ങള്‍ക്ക് കാര്‍മികത്വം വഹിക്കും. രൂപതയുടെ വിവിധ ഇടവകകളിലും മിഷനുകളിലും നടക്കുന്ന തിരുക്കര്‍മ്മങ്ങളുടെ സമയക്രമം, മിഷന്‍ ഡയറക്ടര്‍മാരുടെ കോണ്‍ടാക്ട് ഡീറ്റെയില്‍സ് തിരുക്കര്‍മ്മങ്ങള്‍ നടക്കുന്ന പള്ളിയുടെ മേല്‍വിലാസം എന്നിവ റീജിയന്‍ തിരിച്ചു തയ്യാറാക്കിയത് താഴെ നല്‍കുന്നു.
Most Read
British Pathram Recommends
