18
MAR 2021
THURSDAY
1 GBP =106.75 INR
1 USD =84.94 INR
1 EUR .=88.58 INR
വിദേശികളായ രോഗികളുടെ 112 മില്യന്‍ പൗണ്ടിന്റെ ബില്ല് എഴുതി തള്ളി ബ്രിട്ടനിലെ എന്‍എച്ച്എസ് ആശുപത്രികള്‍; നടപടി തുക ഒരു വിധത്തിലും തിരികെ ഈടാക്കാനാവില്ലെന്ന വിലയിരുത്തലിന്റെ പശ്ചാത്തലത്തില്‍
Story Dated: 2024-12-21
2018 മുതല്‍ 2023 വരെയുള്ള കാലയളവില്‍ എന്‍എച്ച്എസിന്റെ വിവിധ ട്രസ്റ്റുകളുടെ കീഴില്‍ ചികിത്സ തേടിയ വിദേശികളായ രോഗികള്‍ അടയ്ക്കാനുള്ള 112 മില്യന്‍ പൗണ്ടിന്റെ ചികിത്സാ ബില്ല് എഴുതി തള്ളി എന്‍എച്ച്എസ് ആശുപത്രികള്‍. പലവിധേനെയും ബില്ല് ഈടാക്കാന്‍ ശ്രമിച്ചെങ്കിലും സാധിക്കാതെ വന്ന സാഹചര്യത്തിലാണ് ഇത്രയും വലിയ തുക വേണ്ടെന്നു വയ്ക്കാന്‍ ട്രസ്റ്റുകള്‍ തീരുമാനിച്ചത്. അന്വേഷണത്തില്‍ പല രോഗികള്‍ക്കും ബില്ല് അടയ്ക്കാനുള്ള സാമ്പത്തിക സ്ഥിതിയില്ലെന്ന് മനസ്സിലാക്കിയ സാഹചര്യത്തില്‍ കൂടിയാണ് ഈ തുക എഴുതി തള്ളാന്‍ ട്രസ്റ്റുകള്‍ തീരുമാനം എടുത്തത്.
ബ്രിട്ടനില്‍ സ്ഥിരതാമസക്കാരല്ലാത്ത എല്ലാവരുടെയും പക്കല്‍നിന്നും അടിയന്തരമല്ലാത്ത എല്ലാ ചികിത്സയ്ക്കും പണം ഈടാക്കണമെന്നാണ് എന്‍എച്ച്എസിന്റെ നിയമം. ഇത് ശരിയല്ലെന്ന് വാദിക്കുന്നവര്‍ ഏറെയാണ്. ടൂറിസ്റ്റുകളായും ബിസിനസ് ആവശ്യങ്ങള്‍ക്കും മറ്റും എത്തി ആവശ്യമായ ഇന്‍ഷുറന്‍സ് പരിരക്ഷയില്ലാതെ ചികിത്സ തേടുന്നവര്‍ പണം അടയ്ക്കാതെ മടങ്ങുന്നത് സ്ഥിരം പരിപാടിയാണ്. പലരും ഇന്‍ഷുറന്‍സ് നമ്പറും മറ്റും നല്‍കി മടങ്ങുമെങ്കിലും പണം ആവശ്യപ്പെടുന്ന ഘട്ടം എത്തുമ്പോള്‍ ലഭിക്കാത്ത സാഹചര്യമാണുള്ളത്. വിദേശ രാജ്യങ്ങളിലെ വിലാസത്തില്‍ ബന്ധപ്പെടുമ്പോള്‍ പണം അടയ്ക്കാന്‍ നിവര്‍ത്തിയില്ലെന്നു പറയുന്നവരും ഏറെയാണ്.
ലണ്ടനിലെ പ്രധാനപ്പെട്ട 32 ആശുപത്രികളിലെ മാത്രം ഇത്തരത്തലുള്ള അഞ്ചുവര്‍ഷത്തെ ബില്ല് 223 മില്യന്‍ പൗണ്ടാണ്. ഇതില്‍ 112 മില്യന്‍ പൗണ്ടാണ് തിരിച്ചു കിട്ടാന്‍ ഒരു സാധ്യതയുമില്ലാത്തതിനാല്‍ എഴുതി തള്ളുന്നത്.
ബാട്‌സ് ഹെല്‍ത്ത്-35.3 മില്യന്‍, കിംങ്‌സ് കോളജ്- 17.22 മില്യന്‍, സെന്റ് തോമസ് ആന്‍ഡ് ഗൈസ് -9.5 മില്യന്‍, ഇംപീരിയല്‍ കോളജ് ഹെല്‍ത്ത് കെയര്‍- 7.8 മില്യന്‍, ബാര്‍ക്കിംങ്, ഹാവറിങ് ആന്‍ഡ് റെഡ്ബ്രിഡ്ജ് യൂണിവേഴ്‌സിറ്റി- 7.56 മില്യന്‍, യൂണിവേഴ്‌സിറ്റി കോളജ് ലണ്ടന്‍- 5.72 മില്യന്‍, ചെല്‍സി ആന്‍ഡ് വെസ്റ്റ്മിനിസ്റ്റര്‍- 4.5 മില്യന്‍, ലണ്ടന്‍ നോര്‍ത്ത് വെസ്റ്റ് യൂണിവേഴ്‌സിറ്റി- 3.61 മില്യന്‍, സെന്റ് ജോര്‍ജ് യൂണിവേഴ്‌സിറ്റി- 2.36 മില്യന്‍, ക്രോയ്ഡണ്‍ ഹെല്‍ത്ത് സര്‍വീസ്- 1.4 മില്യന്‍ എന്നിവയാണ് വിദേശ രോഗികളുടെ ബില്ല് എഴുതിതള്ളിയ പ്രധാന ട്രസ്റ്റുകള്‍. ഏറ്റവും വലിയ തുക എഴുതിത്തള്ളിയ റോയല്‍ ലണ്ടന്‍, ന്യൂഹാം യൂണിവേഴ്‌സിറ്റി ഹോസ്പിറ്റല്‍, വിപ്‌ക്രോസ്, തുടങ്ങിയ ആശുപത്രികള്‍ അടങ്ങിയ ബാട്‌സ് ഹെല്‍ത്ത് ട്രസ്റ്റിനു കീഴില്‍ ചികിത്സ തേടിയെത്തുന്ന വിദേശികളില്‍ അധികവും ഇന്ത്യയും പാക്കിസ്ഥാനും ബംഗ്ലദേശും ശ്രീലങ്കയും അടങ്ങുന്ന സൗത്ത് ഏഷ്യന്‍ രാജ്യങ്ങളില്‍നിന്നും ഉള്ളവരാണ്.
More Latest News
മലയാളത്തിന്റെ പ്രിയ സാഹിത്യകാരന്‍ എംടിയുടെ ആശുപത്രിയില്‍, എംടിയുടെ നില അതീവ ഗുരുതരമായി തുടരുകയാണെന്ന് മെഡിക്കല്‍ ബുള്ളറ്റിന്‍
കോഴിക്കോട്: മലയാളത്തിന്റെ പ്രിയ സാഹിത്യകാരനും എഴുത്തുകാരനും തിരക്കഥാകൃത്തും സംവിധായകനും ആയ എംടി വാസുദേവന്‍ നായര്‍. കോഴിക്കോട് ബേബി മെമ്മോറിയല്‍ ആശുപത്രിയില്‍ അതീവ ഗുരുതരാവസ്ഥയില്‍ കഴിയുകയാണ് അദ്ദേഹം ഇപ്പോള്‍.
എം.ടി.വാസുദേവന്‍ നായര്‍ക്ക് വേണ്ടി പ്രാര്‍ത്ഥനയോടിരിക്കുകയാണ് കേരളം. ഈ മാസം 15നാണ് എം.ടിയെ ശ്വാസകോശ തടസമടക്കം ആരോഗ്യ പ്രശ്നങ്ങളോടെ ആശുപത്രിയില്‍ പ്രവേശിപ്പിച്ചത്. ഇന്നലെ രാവിലെയോടെ ആരോഗ്യ നില കൂടുതല്‍ വഷളായി. തുടര്‍ന്ന് ഹൃദയസ്തംഭനമുണ്ടായി. ഓക്സിജന്‍ മാസ്‌കിന്റെയും മറ്റും സഹായത്തോടെ ഐ.സി.യുവിലാണ് ഇപ്പോള്‍ അദ്ദേഹം ഉള്ളത്.
വിവരമറിഞ്ഞ് ആശുപത്രിയിലെത്തിയ മന്ത്രി മുഹമ്മദ് റിയാസ് ആശുപത്രി പുറത്തിറക്കിയ മെഡിക്കല്‍ ബുള്ളറ്റിനില്‍ സൂചിപ്പിച്ച കാര്യങ്ങള്‍ മാദ്ധ്യമങ്ങള്‍ക്ക് മുമ്പാകെ വിവരിച്ചു. സര്‍ക്കാരും സംവിധാനങ്ങളുമെല്ലാം എം.ടിയുടെ ജീവന്‍ രക്ഷിക്കാന്‍ ഒപ്പമുണ്ടെന്നും സാദ്ധ്യമായ സംവിധാനങ്ങളെല്ലാം ഉപയോഗിക്കുന്നുണ്ടെന്നും മന്ത്രി പറഞ്ഞു.
ആരോഗ്യനില മാറ്റമില്ലാതെ തുടരുകയാണെന്നാണ് ഏറ്റവും ഒടുവില്‍ ഇറക്കിയ മെഡിക്കല്‍ ബുള്ളറ്റിനില്‍ പറയുന്നത്. അതേസമയം,? ഹൃദയ മിടിപ്പും രക്തസമ്മര്‍ദ്ദവും നിയന്ത്രണ വിധേയമാണെന്നും ആശുപത്രി അധികൃതര്‍ അറിയിച്ചിട്ടുണ്ട്. വിദഗ്ദ്ധ ഡോക്ടര്‍മാരുടെ പ്രത്യേക സംഘം നിരീക്ഷിച്ചു കൊണ്ടിരിക്കുകയാണ്.
മന്ത്രി എ.കെ.ശശീന്ദ്രന്‍, സി.പി.എം പൊളിറ്റ് ബ്യൂറോ അംഗം എം.എ.ബേബി, ഗോവ ഗവര്‍ണര്‍ പി.എസ്. ശ്രീധരന്‍പിള്ള തുടങ്ങിയവര്‍ ആശുപത്രിയിലെത്തി ഡോക്ടര്‍മാരുമായും ബന്ധുക്കളുമായും സംസാരിച്ചു. കുടുംബാംഗങ്ങളെല്ലാം ആശുപത്രിയിലുണ്ട്.
ജയ്പൂര്‍-അജ്മീര്‍ ഹൈവേയിലുണ്ടായ ടാങ്കര്‍ അപകടം: മരണം 14 ആയി, അപകടത്തില്‍ പരുക്കേറ്റ 32 പേര്‍ ഗുരുതര വിഭാഗത്തില്‍ ചികിത്സയില്‍
രാജസ്ഥാന്‍: ജയ്പൂര്‍-അജ്മീര്‍ ഹൈവേയിലുണ്ടായ ടാങ്കര്‍ അപകടത്തില്‍ മരണം 14 ആയി. അപകടത്തില്‍ പരുക്കേറ്റ 32 പേര്‍ ഗുരുതര വിഭാഗത്തില്‍ ചികിത്സയില്‍ കഴിയുകയാണ്. മരിച്ചവരുടെ കുടുംബങ്ങള്‍ക്ക് സര്‍ക്കാര്‍ 5 ലക്ഷം രൂപ ധനസഹായം പ്രഖ്യാപിച്ചിട്ടുണ്ട്. പരുക്കേറ്റവര്‍ക്ക് 50,000 രൂപയും നല്‍കും.
വെള്ളിയാഴ്ച രാവിലെ, ജയ്പൂര്‍-അജ്മീര്‍ റൂട്ടില്‍ എല്‍പിജി കയറ്റിയ ടാങ്കറുമായി രാസവസ്തുക്കള്‍ നിറച്ച ട്രക്ക് കൂട്ടിയിടിച്ചതിനെ തുടര്‍ന്നാണ് തീപിടുത്തമുണ്ടായത്. ഒന്നിന് പിറകെ ഒന്നായി നിരവധി വാഹനങ്ങള്‍ കൂട്ടിയിടിച്ചതും അപകടത്തിന്റെ ആഴം കൂട്ടിയിട്ടുണ്ട്. 14 പേര്‍ മരിച്ചതായും നിരവധി പേര്‍ക്ക് പരുക്കേറ്റതായും 60 ശതമാനത്തിലധികം പേര്‍ക്ക് പൊള്ളലേറ്റതായും എസ്എംഎസ് ആശുപത്രി സൂപ്രണ്ട് ഡോ. സുശീല്‍ കുമാര്‍ ഭാട്ടി സ്ഥിരീകരിച്ചു.
സംഭവത്തെത്തുടര്‍ന്ന് രാജസ്ഥാന്‍ മുഖ്യമന്ത്രി ഭജന്‍ ലാല്‍ ശര്‍മ്മ ഭാന്‍ക്രോട്ട തീപിടുത്തമുണ്ടായ സ്ഥലം സന്ദര്‍ശിക്കുകയും പരുക്കേറ്റവര്‍ക്ക് ചികിത്സ നല്‍കുന്നതിന് ആവശ്യമായ ക്രമീകരണങ്ങള്‍ ഒരുക്കി ഒരു ഹെല്‍പ്പ് ലൈന്‍ സ്ഥാപിക്കുമെന്ന് പ്രഖ്യാപിക്കുകയും ചെയ്തു. ഏകദേശം രണ്ട് ഡസനോളം വാഹനങ്ങള്‍ക്ക് തീപിടിച്ചു, നിരവധി ട്രക്കുകളും ട്രോളികളും കത്തിനശിച്ചു. ഭാന്‍ക്രോട്ടയിലെ പെട്രോള്‍ പമ്പിന് സമീപമാണ് അപകടമുണ്ടായത്.
14 പേര്‍ മരിച്ചതായും നിരവധി പേര്‍ക്ക് പരുക്കേറ്റതായും 60 ശതമാനത്തിലധികം പേര്‍ക്ക് പൊള്ളലേറ്റതായും എസ്എംഎസ് ആശുപത്രി സൂപ്രണ്ട് ഡോ. സുശീല്‍ കുമാര്‍ ഭാട്ടി സ്ഥിരീകരിച്ചു.
ക്രിസ്മസ് ആഘോഷങ്ങള്‍ക്കിടയില്‍ ക്ലാസ്സ് റൂമില്‍ വെച്ച് ഏഴാം ക്ലാസ്സുകാരിയുടെ കാലില്‍ പാമ്പുകടിയേറ്റു, കുട്ടിയുടെ വലതു കാല്‍ പാദാത്തിലാണ് കടിയേറ്റത്
തിരുവനന്തപുരം: തിരുവനന്തപുരത്ത് ക്ലാസ്സ്മുറിയില്‍ വെച്ച് വിദ്യാര്‍ത്ഥിനിക്ക് പാമ്പുകടിയേറ്റു. തിരുവനന്തപുരം നെയ്യാറ്റിന്‍കര ചെങ്കല്‍ യുപി സ്‌കൂളിലെ ഏഴാം ക്ലാസ് വിദ്യാര്‍ഥിനിക്ക് ആണ് പാമ്പുകടിയേറ്റത്. കുട്ടിയെ ക്ലാസ് മുറിയില്‍ വച്ച് പാമ്പു കടിക്കുകയായിരുന്നു.
ചെങ്കല്‍, ജയന്‍ നിവാസില്‍ ഷിബുവിന്റേയും ബീനയുടേയും മകള്‍ നേഹ (12)യ്ക്കാണ് പാമ്പുകടിയേറ്റത്. ഇന്നലെ ഉച്ചയോടെ ക്ലാസ്സ് മുറിയില്‍ വെച്ചാണ് ഞെട്ടിക്കുന്ന സംഭവം ഉണ്ടായത്.
സ്‌കൂള്‍ പരീക്ഷകളെല്ലാം കഴിഞ്ഞ് എല്ലാവര്‍ക്കും ഇന്നലെയാണ് ക്രിസ്മസ് അവധിക്കായി സ്‌കൂള്‍ അടയ്ക്കുന്നത്. അതിനാല്‍ തന്നെ പല സ്‌കൂളുകള്‍ക്കും ഇന്നലെയായിരുന്നു ക്രിസ്മസ് സെലിബ്രേഷന്‍.
നെയ്യാറ്റിന്‍കര ചെങ്കല്‍ യുപി സ്‌കൂളിനും ഇന്നലെ ആയിരുന്നു ക്രിസ്മസ് സെലിബ്രേഷന്‍. കുട്ടികളെല്ലാം സെലിബ്രേഷന്റെ ഭാഗമായുള്ള തയ്യാറെടുപ്പായിരുന്നു. ഇതിനിടെ ആണ് ക്ലാസ്സ് മുറിയില്‍ വിദ്യാര്‍ത്ഥിനിയെ പാമ്പ് കടിക്കുന്നത്.
ക്ലാസ് മുറിയില്‍ ക്രിസ്മസ് ആഘോഷങ്ങള്‍ക്കിടെ ആണ് സംഭവം നടക്കുന്നത്. കുട്ടിയുടെ വലതു കാല്‍ പാദാത്തിലാണ് കടിയേറ്റത്. കടിയേറ്റ ഉടനെ കുട്ടി കുതറി മാറി. ഈ സമയം മറ്റു കുട്ടികളും അടുത്തുണ്ടായിരുന്നു എന്നതാണ് ഞെട്ടിക്കുന്ന സംഭവം. മറ്റ് കുട്ടികള്‍ പാമ്പ് ആഖ്രകമിച്ചില്ല. പിന്നാലെ പാമ്പിനെ സ്‌കൂള്‍ അധികൃതര്‍ കണ്ടെത്തി അടിച്ചു കൊല്ലുകയും ആിരുന്നു.
നേഹയെ സ്‌കൂള്‍ അധികൃതര്‍ ഉടന്‍ തന്നെ നെയ്യാറ്റിന്‍കര ജനറല്‍ ആശുപത്രിയില്‍ എത്തിച്ചു. നിലവില്‍ കുട്ടി ഒബ്സര്‍വേഷനിലാണ്. നേഹയ്ക്ക് മറ്റു ആരോഗ്യപ്രശ്നങ്ങളില്ലെന്ന് ആശുപത്രി അധികൃതര്‍ പറഞ്ഞു.
ഈ ക്രിസ്മസ് ന്യൂ ഇയര്‍ ആഘോഷത്തിന് ചിരിയുടെ വെടിക്കെട്ടൊരുക്കാന്‍ നിമ, നോര്‍ത്തേണ്‍ അയര്‍ലന്റ് മലയാളികള്‍ ഒരുക്കത്തില്‍
നിമ ഓണം 2024-ന്റെ മഹത്തായ വിജയത്തിന് ശേഷം, നോര്‍ത്തേണ്‍ അയര്‍ലന്‍ഡ് മലയാളി അസോസിയേഷന്‍ സംഘടിപ്പിക്കുന്ന ക്രിസ്മസ്, ന്യൂ ഇയര്‍ ആഘോഷം 2025 ജനുവരി രണ്ടിന് ഗിര്‍ഡ്വുഡ് കമ്മ്യൂണിറ്റി ഹബ്ബില്‍ വൈകുന്നേരം നാലു മണിക്ക് നടക്കും.
മിമിക്രിയിലെ രാജകുമാരനായ മഹേഷ് കുഞ്ഞുമോന്‍, സണ്‍ ടിവിയിലെയും വിജയ് ടിവിയിലെ സൂപ്പര്‍ സിംഗര്‍ പ്രോഗ്രാമിലെയും വിജയിയായ വിഷ്ണു വര്‍ദ്ധന്‍, ദിലീപ് കലാഭവന്‍ എന്നിവര്‍ അണിനിരക്കുന്ന അയര്‍ലണ്ടിലെയും യുകെയിലെയും എക്കാലത്തെയും മികച്ച ഷോകളിലൊന്നാണ് വേദിയിലെത്തുന്നത്.
ഈശോ മിശിഹായുടെ തിരുപ്പിറവി ആഘോഷങ്ങളുടെ തിരുക്കര്‍മ്മങ്ങള്‍ക്ക് വിപുലമായ ക്രമീകരണങ്ങള്‍ ഒരുക്കി ബ്രിട്ടന്‍ സീറോ മലബാര്‍ രൂപത
ബിര്‍മിംഗ്ഹാം: ഈശോ മിശിഹായുടെ തിരുപ്പിറവി ആഘോഷങ്ങളുടെ തിരുക്കര്‍മ്മങ്ങള്‍ക്ക് വിപുലമായ ക്രമീകരണങ്ങള്‍ ഒരുക്കി ഗ്രേറ്റ് ബ്രിട്ടന്‍ സീറോ മലബാര്‍ രൂപത. രൂപതയുടെ വിവിധ ഇടവക, മിഷന്‍ അടിസ്ഥാനമായി 150ല്‍ അധികം കേന്ദ്രങ്ങളില്‍ ക്രിസ്മസ് രാത്രിയില്‍ പിറവിത്തിരുനാള്‍ തിരുക്കര്‍മ്മങ്ങളും, ക്രിസ്മസ് ദിനത്തില്‍ വിശുദ്ധ കുര്‍ബാനകളും ക്രമീകരിച്ചിട്ടുള്ളതായി രൂപതാ പി.ആര്‍.ഒ അറിയിച്ചു.
രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ പ്രെസ്റ്റന്‍ സെന്റ് അല്‍ഫോന്‍സാ കത്തീഡ്രലില്‍ നടക്കുന്ന തിരുക്കര്‍മ്മങ്ങള്‍ക്ക് കാര്‍മികത്വം വഹിക്കും. രൂപതയുടെ വിവിധ ഇടവകകളിലും മിഷനുകളിലും നടക്കുന്ന തിരുക്കര്‍മ്മങ്ങളുടെ സമയക്രമം, മിഷന്‍ ഡയറക്ടര്‍മാരുടെ കോണ്‍ടാക്ട് ഡീറ്റെയില്‍സ് തിരുക്കര്‍മ്മങ്ങള്‍ നടക്കുന്ന പള്ളിയുടെ മേല്‍വിലാസം എന്നിവ റീജിയന്‍ തിരിച്ചു തയ്യാറാക്കിയത് താഴെ നല്‍കുന്നു.
Most Read
British Pathram Recommends
