18
MAR 2021
THURSDAY
1 GBP = 126.53 INR
1 USD = 94.44 INR
1 EUR = 106.13 INR
സഹപ്രവർത്തകരെയും ബന്ധുക്കളെയും കണ്ണീരിലാഴ്ത്തി കൊച്ചിയിലെ യുവനേഴ്സ് ഹോസ്റ്റൽ മുറിയിൽ കുഴഞ്ഞ് വീണ് മരിച്ചു.
കൊച്ചി മെഡിക്കൽ ട്രസ്റ്റ് ആശുപത്രിയിലെ നഴ്സ് ഹെലൻ റോസ് ആന്റണി (25) യാണ് കഴിഞ്ഞദിവസം ഹോസ്റ്റൽ മുറിയിൽ ഹൃദയാഘാതത്തെ തുടർന്ന് അന്തരിച്ചത്.
ആലപ്പുഴ, ചെക്കിടിക്കാട്, പച്ച, കോലത്ത് സിബിച്ചൻ - മറിയാമ്മ ദമ്പതികളുടെ മകളാണ്. പച്ച ചെക്കിടിക്കാടു ലൂർദ്മാതാ HSS ലെ പൂർവ്വ വിദ്യാർത്ഥിയുമാണ്.
ജോലികഴിഞ്ഞ് ഹോസ്റ്റലിൽ വന്ന് വിശ്രമിക്കുന്നതിനിടെയാണ് തീർത്തും അപ്രതീക്ഷിതമായി കുഴഞ്ഞുവീഴുകയും മരണപ്പെടുകയും ചെയ്തത്.
ഹെലന്റെ അപ്രതീക്ഷിത വിയോഗം മാതാപിതാക്കളെയും ബന്ധുക്കളെയും സുഹൃത്തുക്കളെയും സഹപ്രവർത്തകരെയും അക്ഷരാർത്ഥത്തിൽ നടുക്കുകയും വേദനയിൽ ആഴ്ത്തുകയും ചെയ്യുന്നു.
ജോലിയിൽ ഏറെ ആത്മാർത്ഥത കാണിച്ചിരുന്ന, രോഗികളോട് അനുകമ്പയോടും സ്നേഹത്തോടെയും ഇടപെട്ടിരുന്ന ഹെലന്റെ അപ്രതീക്ഷിത വേർപാടിൽ ആശുപത്രി മാനേജ്‌മെന്റും സഹപ്രവർത്തകരും അഗാധമായ അനുശോചനം രേഖപ്പെടുത്തി.
ഒമാൻ തീരത്തിന് സമീപം ഹോർമുസ് കടലിടുക്കിൽ ഇന്ത്യൻ ചരക്കുകപ്പലിന് നേരെ ഉണ്ടായ ആക്രമണത്തിൽ ഒരു ഇന്ത്യൻ നാവികൻ കൊല്ലപ്പെട്ടു.
ഗുജറാത്ത് സ്വദേശിയായ ഗന്ധർ നഹിം അജിജ് ആണ് കൊല്ലപ്പെട്ടത്. 14 ഇന്ത്യൻ നാവികരുള്ള 'എം.എസ്.വി അൽ ജുസുഫി' എന്ന കപ്പലാണ് ആക്രമണത്തിന് ഇരയായത്.
തിങ്കളാഴ്ച വൈകിട്ടോടെയായിരുന്നു സംഭവം. കപ്പലിലുണ്ടായിരുന്ന 13 പേരെ ഒമാൻ തീരസംരക്ഷ സേന സുരക്ഷിതമായി രക്ഷപ്പെടുത്തി.
പരിക്കേറ്റവരെയും കൊല്ലപ്പെട്ട നാവികന്റെ ഭൗതികശരീരവും നാട്ടിലെത്തിക്കുന്നതിനുള്ള നടപടികൾ പുരോഗമിക്കുകയാണെന്ന് കേന്ദ്രമന്ത്രി സർബാനന്ദ സോനോവാളും വിദേശകാര്യ മന്ത്രാലയവും അറിയിച്ചു.
പശ്ചിമേഷ്യയിലെ സംഘർഷാവസ്ഥ ഉടൻ അവസാനിപ്പിക്കണമെന്നും അന്താരാഷ്ട്ര ജലപാതകളിലൂടെയുള്ള കപ്പൽ ഗതാഗതത്തിന്റെ സുരക്ഷിതത്വം ഉറപ്പാക്കണമെന്നും പതിവുപോലെ ഇന്ത്യ വീണ്ടും ആവശ്യപ്പെട്ടു.
Latest News
റഷ്യയിൽ 42കാരന്റെ കണ്ണിനുള്ളിൽ വിത്ത് മുളച്ചതായി കണ്ടെത്തി. മാസങ്ങളോളം കഠിനമായ തലവേദന, കണ്ണിന് വീക്കം, അനുഭവപ്പെട്ടിരുന്ന യുവാവിന്റെ കണ്ണിലാണ് വിത്ത് മുളച്ചത്. വിത്തിന്‍റെ വേരുകൾ കണ്ണിലെ അതിലോലമായ കോശങ്ങളിലേക്ക് വരെ വളർന്നിരുന്നെന്ന് റിപ്പോർട്ടുകൾ. സൈബീരിയയിൽ നിന്നുള്ള വെൽഡറും പ്ലംബറുമായ മാക്സിം സ്ലെപ്‌റ്റ്‌സോവിന്റെ കണ്ണിലാണ് വിത്ത് മുളച്ചത്.
കണ്ണിൽ തുടർച്ചയായി വീക്കവും കാഴ്ചശക്തി കുറഞ്ഞുവരുന്നതുമായിരുന്നു മാക്‌സിയെ ആശുപത്രിയിലെത്തിച്ച പ്രശ്നങ്ങൾ.
സൈബീരിയയിലെ വിദൂരപ്രദേശമായ അബിയിസ്കി ജില്ലയിലേക്ക് മാക്സിം യാത്ര പോയതോടെയാണ് സംഭവങ്ങളുടെ തുടക്കം. സുഹൃത്തിനെ സന്ദർശിക്കുന്നതിനും മീൻപിടിക്കാനും കാട്ടുപഴങ്ങൾ ശേഖരിക്കാനുമായിരുന്നു അദ്ദേഹത്തിന്റെ യാത്ര. യാത്രയ്ക്കിടെ ഒരു മരക്കൊമ്പ് കണ്ണിൽ തട്ടിയതായി അദ്ദേഹം പറയുന്നു.
തുടർന്ന് വെള്ളം ഉപയോഗിച്ച് കണ്ണ് കഴുകിയ മാക്സിം, കണ്ണിനുള്ളിൽ നിന്നും ചെറിയൊരു മരത്തൊലി കഷണം പുറത്തെടുത്തു. പ്രശ്നം പരിഹരിച്ചുവെന്നായിരുന്നു അദ്ദേഹം കരുതിയത്. അതിനാൽ തന്നെ പരിക്കിനെ കാര്യമായെടുത്തില്ല. എന്നാൽ, ആ അപകടത്തിൽ ഒരു ചെറിയ വിത്ത് അദ്ദേഹത്തിന്റെ കണ്ണിനുള്ളിൽ അവശേഷിച്ചു.
ആദ്യ അവഗണിച്ചെങ്കിലും തുടർന്നുള്ള മാസങ്ങളിൽ ആരോഗ്യപ്രശ്നങ്ങൾ വഷളായി. വിട്ടുമാറാത്ത തലവേദന, കണ്ണിൽ വീക്കം, വ്യക്തമായി കാണാനുള്ള ബുദ്ധിമുട്ട് എന്നിവ അദ്ദേഹത്തെ അലട്ടി. റഷ്യൻ പത്രമായ കൊംസോമോൾസ്കായ പ്രാവ്ദയുടെ റിപ്പോർട്ട് പ്രകാരം, വിദൂരപ്രദേശത്ത് താമസിച്ചിരുന്നതിനാൽ വിദഗ്ധ ചികിത്സ തേടുന്നതും അദ്ദേഹത്തിന് തുടക്കത്തിൽ ബുദ്ധിമുട്ടായി.
ഒടുവിൽ യാകുത്സ്കിലെത്തിയ മാക്സിം അടിയന്തര നേത്രചികിത്സാ കേന്ദ്രത്തിൽ പരിശോധനയ്ക്ക് വിധേയനായി. ഈ പരിശോധനയിലാണ് കണ്ണിനുള്ളിൽ കുടുങ്ങിയ വിത്ത് മുളച്ച് തുടങ്ങിയതായി ഡോക്ടർമാർ കണ്ടെത്തിയത്.
വിത്തിന്‍റെ വേരുകൾ ഏകദേശം മൂന്ന് മില്ലിമീറ്ററോളം വളർന്ന് കണ്ണിന്‍റെ വെള്ളഭാഗത്തെ പൊതിഞ്ഞുനിൽക്കുന്ന നേർത്ത പാളിയായ കൺജങ്റ്റൈവയുടെ കോശങ്ങളിലേക്ക് തുളച്ചുകയറിത്തുടങ്ങിയിരുന്നു! ചികിത്സയ്ക്ക് ശേഷം മാക്‌സിമിന് തലവേദനയിൽ ഉടൻ ആശ്വാസം ലഭിച്ചതായി റിപ്പോർട്ടുകൾ പറയുന്നു.
വിജയകരമായ ശസ്ത്രക്രിയയെക്കുറിച്ചുള്ള തന്റെ പ്രതികരണം അദ്ദേഹം ഇങ്ങനെ വിവരിച്ചു: “വേരുപിടിച്ചു തുടങ്ങിയ ഒരു വിത്താണ് അവർ നീക്കം ചെയ്തത്. എനിക്ക് വലിയ ആശ്വാസം തോന്നി; മറ്റൊന്നും എനിക്ക് പ്രധാനമായിരുന്നില്ല.”
ASSOCIATION
ബ്രിട്ടനിലെ പ്രശസ്ത ടെലിവിഷൻ റിയാലിറ്റി ഷോയായ Britain’s Got Talent ലൂടെ ലോകമെമ്പാടുമുള്ള സംഗീതപ്രേമികളുടെ ഹൃദയം കീഴടക്കിയ മലയാളി ഗായിക സൗപർണിക നായർ പതിനേഴാമത് യുക്മ ദേശീയ കലാമേളയിൽ സെലിബ്രിറ്റി അതിഥിയായി പങ്കെടുക്കും. നവംബർ 07 ശനിയാഴ്ച ഗ്ലോസ്റ്റർഷെയറിലെ ചെൽറ്റൻഹാം ക്ലീവ് സ്കൂളിൽ പ്രത്യേകം സജ്ജീകരിക്കുന്ന സലിംകുമാർ നഗറിൽ നടക്കുന്ന ദേശീയ കലാമേളയിലാണ് സൗപർണിക നായർ അതിഥിയായി എത്തുന്നത്.
കേരള സർക്കാരിലെ സാംസ്കാരിക, സിനിമ, ടൂറിസം വകുപ്പ് മന്ത്രി പി. സി. വിഷ്ണുനാഥ് മുഖ്യാതിഥിയായി പങ്കെടുക്കുകയും ഉദ്ഘാടനം നിർവഹിക്കുകയും ചെയ്യുന്ന ദേശീയ കലാമേളയിൽ, ബ്രിട്ടീഷ് സംഗീതരംഗത്ത് ശ്രദ്ധേയമായ നേട്ടങ്ങൾ കൈവരിച്ച സൗപർണിക നായരുടെ സാന്നിധ്യം യുകെയിലെ മലയാളി സമൂഹത്തിനും കലാമേളയിൽ പങ്കെടുക്കുന്ന നൂറുകണക്കിന് യുവകലാപ്രതിഭകൾക്കും ആവേശകരമായ അനുഭവമായിരിക്കും.
പത്താം വയസ്സിൽ Britain’s Got Talent 2020 വേദിയിലെത്തിയ സൗപർണിക, The Greatest Showman എന്ന ചിത്രത്തിലെ പ്രശസ്ത ഗാനമായ ‘Never Enough’ ആലപിച്ച് വിധികർത്താക്കളുടെയും പ്രേക്ഷകരുടെയും പ്രശംസ നേടി. സമൂഹമാധ്യമങ്ങളിൽ വൈറലായ ആ പ്രകടനം 150 ദശലക്ഷത്തിലധികം കാഴ്ചകൾ നേടിയതായാണ് സൗപർണികയുടെ ഔദ്യോഗിക ജീവചരിത്രത്തിൽ വ്യക്തമാക്കുന്നത്. മത്സരത്തിന്റെ സെമിഫൈനലിൽ എത്താനും ഈ മലയാളി ബാലപ്രതിഭയ്ക്ക് സാധിച്ചു.
BBC One സംപ്രേഷണം ചെയ്ത Michael McIntyre’s Big Show എന്ന പരിപാടിയിലൂടെയും സൗപർണിക ശ്രദ്ധ നേടിയിരുന്നു. ലണ്ടനിലെ പ്രശസ്തമായ പല്ലാഡിയം തിയേറ്ററിൽ ‘I Dreamed a Dream’ ആലപിച്ച സൗപർണികയ്ക്ക് സദസ്സിന്റെ എഴുന്നേറ്റുനിന്നുള്ള കരഘോഷം ലഭിച്ചു. പരിപാടിയിലെ ഏറ്റവും പ്രായം കുറഞ്ഞ ‘Unexpected Star’ എന്ന നേട്ടവും സൗപർണിക സ്വന്തമാക്കി.
സംഗീതരംഗത്തിനു പുറമെ മ്യൂസിക്കൽ തിയേറ്ററിലും സൗപർണിക തന്റെ കഴിവ് തെളിയിച്ചിട്ടുണ്ട്. ബ്രിട്ടനിൽ പര്യടനം നടത്തിയ School of Rock മ്യൂസിക്കൽ പ്രൊഡക്ഷനിൽ ‘ടോമിക’ എന്ന കഥാപാത്രത്തെ അവതരിപ്പിച്ച സൗപർണിക, അഭിനയത്തിലും ഗാനാലാപനത്തിലും ഒരുപോലെ ശ്രദ്ധ നേടി.
2025ൽ ബ്രിട്ടനിലെ പ്രമുഖ സംഗീതപരിപാടിയായ Young Voices-ൽ പ്രത്യേക അതിഥി കലാകാരിയായി പങ്കെടുത്ത സൗപർണിക, ലണ്ടനിലെ O2 അരീന, മാഞ്ചസ്റ്ററിലെ Co-op Live, വെംബ്ലിയിലെ OVO അരീന എന്നിവയുൾപ്പെടെയുള്ള പ്രശസ്ത വേദികളിലായി 33 സംഗീതപരിപാടികളുടെ ഭാഗമായിരുന്നു. ആയിരക്കണക്കിന് കുട്ടികൾ പങ്കെടുക്കുന്ന ഈ സംഗീതപരിപാടികളിലെ സൗപർണികയുടെ സാന്നിധ്യം യുവഗായികയുടെ കലാജീവിതത്തിലെ മറ്റൊരു ശ്രദ്ധേയമായ നേട്ടമായി.
CBBC Blue Peter, ITV, BBC Radio തുടങ്ങിയ പ്രമുഖ മാധ്യമങ്ങളിലൂടെയും സൗപർണികയുടെ സംഗീതം പ്രേക്ഷകരിലേക്കെത്തിയിട്ടുണ്ട്. ഏഷ്യാനെറ്റ് സ്റ്റാർ സിംഗർ ഉൾപ്പെടെയുള്ള ഇന്ത്യൻ ടെലിവിഷൻ പരിപാടികളിലും അതിഥി കലാകാരിയായി പങ്കെടുത്തിട്ടുണ്ട്.
സ്വന്തമായി ഗാനങ്ങൾ രചിക്കുകയും അവതരിപ്പിക്കുകയും ചെയ്യുന്ന സൗപർണികയുടെ ‘Unbreakable’ എന്ന ഒറിജിനൽ സിംഗിൾ BBC Music Introducing പരിപാടിയിലും ഇടം നേടിയിരുന്നു. സംഗീതരംഗത്തെ നേട്ടങ്ങൾക്കുള്ള അംഗീകാരമായി 2025ൽ ലണ്ടനിൽ നടന്ന We the Women പരിപാടിയിൽ ഡോ. ശശി തരൂരിൽനിന്ന് ‘Changemaker 2025’ പുരസ്കാരവും സൗപർണിക ഏറ്റുവാങ്ങി.
നിലവിൽ ലണ്ടനിൽ താമസിക്കുന്ന സൗപർണിക നായർ പ്രശസ്തമായ The BRIT School-ലാണ് പഠനം നടത്തുന്നത്. കേരളീയ വേരുകളോടുള്ള ആത്മബന്ധം നിലനിർത്തിക്കൊണ്ടുതന്നെ ബ്രിട്ടീഷ് സംഗീതലോകത്ത് തന്റേതായ വ്യക്തിമുദ്ര പതിപ്പിക്കുന്ന ഈ യുവഗായിക, പ്രവാസി മലയാളികളുടെ പുതുതലമുറയ്ക്ക് പ്രചോദനമാണ്.
ഇംഗ്ലണ്ട്, വെയിൽസ്, സ്കോട്ട്ലൻഡ്, നോർത്തേൺ അയർലൻഡ് എന്നിവിടങ്ങളിലെ നൂറ്റി അറുപതിലേറെ മലയാളി അസോസിയേഷനുകളുടെ കൂട്ടായ്മയായ യുക്മ സംഘടിപ്പിക്കുന്ന ദേശീയ കലാമേള, പ്രവാസലോകത്തെ മലയാളികളുടെ ഏറ്റവും വലിയ കലാമത്സരങ്ങളിൽ ഒന്നാണ്. ഒക്ടോബറിൽ നടന്ന റീജിയണൽ കലാമേളകളിൽ വിജയികളായ നൂറുകണക്കിന് കലാകാരന്മാരും കലാകാരികളുമാണ് ദേശീയ വേദിയിൽ മാറ്റുരയ്ക്കുന്നത്.
ചെറുപ്രായത്തിൽ കലാമത്സരങ്ങളിലൂടെ കഴിവ് തെളിയിച്ച് അന്താരാഷ്ട്ര വേദികളിലേക്ക് ഉയർന്ന സൗപർണിക നായർ ദേശീയ കലാമേളയിൽ അതിഥിയായി എത്തുന്നത്, മത്സരങ്ങളിൽ പങ്കെടുക്കുന്ന കുട്ടികൾക്ക് വലിയ പ്രചോദനമാകുമെന്ന് യുക്മ ദേശീയ പ്രസിഡന്റ് അഡ്വ. എബി സെബാസ്റ്റ്യൻ അറിയിച്ചു.
യുകെയിലെ മലയാളി സമൂഹത്തിൽനിന്ന് വളർന്നുവന്ന് അന്താരാഷ്ട്ര സംഗീതവേദികളിൽ ശ്രദ്ധേയമായ നേട്ടങ്ങൾ കൈവരിച്ച സൗപർണിക നായരുടെ സാന്നിധ്യം പതിനേഴാമത് ദേശീയ കലാമേളയുടെ പ്രത്യേക ആകർഷണങ്ങളിലൊന്നായിരിക്കുമെന്ന് ജനറൽ സെക്രട്ടറി ജയകുമാർ നായർ അഭിപ്രായപ്പെട്ടു.
യുക്മ സൗത്ത് വെസ്റ്റ് റീജിയണിന്റെ ആതിഥേയത്വത്തിൽ ചെൽറ്റൻഹാമിൽ നടക്കുന്ന പതിനേഴാമത് ദേശീയ കലാമേള ചരിത്രവിജയമാക്കാനുള്ള വിപുലമായ ഒരുക്കങ്ങളാണ് പുരോഗമിക്കുന്നത്. അന്തരിച്ച പ്രശസ്ത മലയാള ചലച്ചിത്ര നടൻ സലിംകുമാറിന്റെ സ്മരണാർത്ഥം നാമകരണം ചെയ്ത സലിംകുമാർ നഗർ നവംബർ 07ന് യുകെ മലയാളികളുടെ കലാസാംസ്കാരിക സംഗമവേദിയായി മാറും.
കേരളത്തിന്റെ കലാപാരമ്പര്യവും പ്രവാസി മലയാളികളുടെ പുതുതലമുറയുടെ കഴിവുകളും ആഘോഷിക്കുന്ന ഈ മഹത്തായ കലോത്സവത്തിലേക്ക് യുകെയുടെ വിവിധ ഭാഗങ്ങളിൽനിന്നുള്ള കലാകാരന്മാരെയും കലാകാരികളെയും മാതാപിതാക്കളെയും അധ്യാപകരെയും കലാപ്രേമികളെയും യുക്മ പ്രവർത്തകരെയും ഹൃദയപൂർവ്വം സ്വാഗതം ചെയ്യുന്നതായി യുക്മ ട്രഷറർ ഷീജോ വർഗീസ്, ദേശീയ കലാമേള കൺവീനർ വർഗീസ് ഡാനിയൽ (വൈസ് പ്രസിഡന്റ്), സ്മിത തോട്ടം (വൈസ് പ്രസിഡന്റ്), സണ്ണിമോൻ മത്തായി (ജോയിന്റ് സെക്രട്ടറി), റെയ്മോൾ നിധീരി (ജോയിന്റ് സെക്രട്ടറി), പീറ്റർ താണോലിൽ (ജോയിന്റ് ട്രഷറർ) എന്നിവർ അറിയിച്ചു.
നോര്‍ത്താംപ്ടണ്‍: യുകെയില്‍ കുന്നംകുളത്തും നിന്നുമെത്തിയ പ്രവാസി കുടുംബങ്ങളുടെ പ്രഥമ സംഗമം പ്രൗഢ ഗംഭീരമായി. 'യുകെ കുന്നംകുളത്തുകാര്‍' കൂട്ടായ്മയുടെ പ്രഥമ ഒത്തുചേരലിനും 'മിനി പെരുന്നാള്‍' ആഘോഷത്തിനും നോര്‍ത്താംപ്ടണ്‍ മന്ന ബോള്‍ റൂം വേദിയായി. വര്‍ണ്ണാഭമായ ചടങ്ങുകളോടെ ആഘോഷിച്ച മിനിപെരുന്നാളില്‍ കുന്നംകുളം സ്വദേശികളും കുടുംബങ്ങളുമായി ചേര്‍ന്നൊരുക്കിയ സ്നേഹസംഗമം വലിയ ഐക്യത്തിന്റെയും സൗഹൃദത്തിന്റെയും കരുതലിന്റെയും നേര്‍ക്കാഴ്ചയായി.
ചെണ്ടമേളം, വയലിന്‍ ഫ്യൂഷന്‍, ഡി.ജെ നൈറ്റ് , കലാപരിപാടികള്‍ അടക്കം ആകര്‍ഷകങ്ങളായ പരിപാടികള്‍ കോര്‍ത്തിണക്കി ഒരുക്കിയ സംഗമം വര്‍ണ്ണാഭമായി. പ്രഥമ ഒത്തുചേരലിനോട് അനുബന്ധിച്ച് നടന്ന മീറ്റിങ്ങില്‍ അംഗങ്ങളുടെ ഏകകണ്ഠമായ താല്‍പ്പര്യം പരിഗണിച്ച് 'ആഘോഷിക്കാം ഒപ്പം ആശ്വസിപ്പിക്കാം' എന്ന നിലയില്‍ ജീവകാരുണ്യ പ്രവര്‍ത്തനങ്ങള്‍ക്ക് പ്രാധാന്യം നല്‍കിക്കൊണ്ട് 'സ്‌നേഹപൂര്‍വ്വം യുകെ കുന്നംകുളത്തുകാര്‍' എന്ന പേരില്‍ പുതിയ ചാരിറ്റി പ്രോഗ്രാമിനും ഔദ്യോഗിക തുടക്കം കുറിച്ചു.
ജീവ കാരുണ്യ പദ്ധതിയുടെ പ്രാരംഭ ഘട്ടത്തില്‍ കുന്നംകുളത്തെ അര്‍ഹരായ 10 പേര്‍ക്ക് സൗജന്യമായി ഡയാലിസിസ് സഹായം എത്തിച്ചുനല്‍കുമെന്ന് സംഘാടകര്‍ അറിയിച്ചു. വിവിധ കാരുണ്യ പ്രവര്‍ത്തന ആശയങ്ങള്‍ ചര്‍ച്ചയില്‍ വന്നെങ്കിലും നാടിന്റെ ആരോഗ്യപ്രശ്‌നങ്ങളില്‍ പ്രവാസലോകത്തിരുന്നുകൊണ്ട് നേരിട്ട് ഇടപെടാനുള്ള ഈ മാതൃകാപരമായ പദ്ധതിക്ക് മികച്ച സ്വീകാര്യതയാണ് ലഭിച്ചത്. കോര്‍ഡിനേറ്റര്‍മാരായ ഇമ്മാനുവേല്‍ ഗ്രിഗറി, നിതുന്‍ ജെ. പനക്കല്‍, കനീഷ് വിനോയ് ചെമ്മണ്ണൂര്‍, ലിവിന്‍ ചെമ്മണ്ണൂര്‍ എന്നിവര്‍ പരിപാടികള്‍ക്ക് നേതൃത്വം നല്‍കി. കുന്നംകുളത്തിന്റെ ചരിത്രവും പാരമ്പര്യവും കോര്‍ത്തിണക്കിക്കൊണ്ട് ഓള്‍ഗ പ്രകാശ് പുലിക്കോട്ടില്‍ നടത്തിയ പ്രഭാഷണം ഏറെ ശ്രദ്ധയമായി.
മിനി പെരുന്നാള്‍ ആഘോഷങ്ങള്‍ക്ക് പുറമെ, ഭാവിയില്‍ കൂടുതലായ സഹായങ്ങളും, ജീവ കാരുണ്യപ്രവര്‍ത്തികളും ഉള്‍ക്കൊള്ളിച്ച് മികച്ച ചാരിറ്റി പദ്ധതികള്‍ ഈ പ്രഥമ യു.കെ മീറ്റപ്പില്‍ത്തന്നെ അവതരിപ്പിക്കുവാന്‍ കഴിഞ്ഞത് ഏവരുടെയും മുക്തകണ്ഠമായ പ്രശംസ പിടിച്ചു പറ്റി.
വിഭവ സമൃദ്ധമായ നാടന്‍ ഭക്ഷണവും, മാസ്മരികത വിരിയിച്ച കലാപരിപാടികളും അതിലേറെ ഹൃദയസ്പര്‍ശിയായ പരിചയം പുതുക്കലും പങ്കുവെക്കലുമായി 'യു കെ കുന്നംകുളത്തുകാര്‍' തങ്ങളുടെ പ്രഥമ സംഗമം കാരുണ്യത്തിന്റെയും ആഹ്ളാദത്തിന്റെയും വേദിയാക്കുകയായിരുന്നു.
ഹ്രസ്വ സന്ദര്‍ശനത്തിനായി യു.കെ.യിലെത്തിയ മുസ്ലിം ലീഗ് ദേശീയ ട്രഷററും രാജ്യസഭാംഗവുമായ പി.വി. അബ്ദുല്‍ വഹാബ് എംപി യുമായി ബ്രിട്ടന്‍ കെഎംസിസി നേതാക്കള്‍ കൂടിക്കാഴ്ച നടത്തി.
യു.കെ.യിലെ മലയാളി സമൂഹം ഏറെക്കാലമായി ഉന്നയിച്ചുവരുന്ന സുപ്രധാന ആവശ്യമായ കേരളത്തിലേക്ക് നേരിട്ടുള്ള വിമാന സര്‍വീസ് ആരംഭിക്കണമെന്ന വിഷയം സ്വീകരണച്ചടങ്ങില്‍ അദ്ദേഹത്തിന്റെ ശ്രദ്ധയില്‍പ്പെടുത്തി. പ്രത്യേകിച്ച്, ലണ്ടനില്‍ നിന്ന് കൊച്ചിയിലേക്ക് നേരിട്ടുള്ള വിമാന സര്‍വീസ് യാഥാര്‍ഥ്യമാക്കുന്നതിനാവശ്യമായ ഇടപെടലുകള്‍ നടത്തണമെന്നാവശ്യപ്പെട്ട് ബ്രിട്ടന്‍ കെ.എം.സി.സി. അദ്ദേഹത്തിന് നിവേദനം സമര്‍പ്പിക്കുകയും ചെയ്തു .
യു.കെ.യിലെ പ്രവാസി മലയാളികള്‍ക്കും നാട്ടിലേക്കുള്ള യാത്രയ്ക്കായി അവരെ ആശ്രയിക്കുന്ന കുടുംബങ്ങള്‍ക്കും ഏറെ പ്രയോജനകരമാകുന്ന ഈ ആവശ്യം അനുഭാവപൂര്‍വം പരിഗണിച്ച് ബന്ധപ്പെട്ട വ്യോമയാന അധികാരികളുടെ ശ്രദ്ധയില്‍പ്പെടുത്തണമെന്നും എം പി യോട് ബ്രിട്ടന്‍ കെഎംസിസി ആവശ്യപ്പെട്ടു.
ബ്രിട്ടന്‍ കെ.എം.സി.സി. നേതാക്കളായ സഫീര്‍ എന്‍.കെ., അഷ്‌റഫ് വടകര, നൗഫല്‍ വാരം, അഹമ്മദ് അരീക്കോട്, സാജിദ് പി., അഫ്‌സല്‍ തുടങ്ങിയവര്‍ സംബന്ധിച്ചു.
നോർത്താംപ്ടൺ:യു കെ യിൽ കുന്നംകുളത്തും നിന്നുമെത്തിയ പ്രവാസി കുടുംബങ്ങളുടെ പ്രഥമ സംഗമം പ്രൗഢ ഗംഭീരമായി. 'യുകെ കുന്നംകുളത്തുകാർ' കൂട്ടായ്മയുടെ പ്രഥമ ഒത്തുചേരലിനും 'മിനി പെരുന്നാൾ' ആഘോഷത്തിനും നോർത്താംപ്ടൺ മന്ന ബോൾ റൂം വേദിയായി. വർണ്ണാഭമായ ചടങ്ങുകളോടെ ആഘോഷിച്ച മിനിപെരുന്നാളിൽ കുന്നംകുളം സ്വദേശികളും കുടുംബങ്ങളുമായി ചേർന്നൊരുക്കിയ സ്നേഹസംഗമം വലിയ ഐക്യത്തിന്റെയും സൗഹൃദത്തിന്റെയും കരുതലിന്റെയും നേർക്കാഴ്ചയായി.
ചെണ്ടമേളം, വയലിൻ ഫ്യൂഷൻ, ഡി.ജെ നൈറ്റ് , കലാപരിപാടികൾ അടക്കം ആകർഷകങ്ങളായ പരിപാടികൾ കോർത്തിണക്കി ഒരുക്കിയ സംഗമം വർണ്ണാഭമായി. പ്രഥമ ഒത്തുചേരലിനോട് അനുബന്ധിച്ച് നടന്ന മീറ്റിങ്ങിൽ അംഗങ്ങളുടെ ഏകകണ്ഠമായ താൽപ്പര്യം പരിഗണിച്ച് 'ആഘോഷിക്കാം ഒപ്പം ആശ്വസിപ്പിക്കാം' എന്ന നിലയിൽ ജീവകാരുണ്യ പ്രവർത്തനങ്ങൾക്ക് പ്രാധാന്യം നൽകിക്കൊണ്ട് 'സ്നേഹപൂർവ്വം യുകെ കുന്നംകുളത്തുകാർ' എന്ന പേരിൽ പുതിയ ചാരിറ്റി പ്രോഗ്രാമിനും ഔദ്യോഗിക തുടക്കം കുറിച്ചു.
ജീവ കാരുണ്യ പദ്ധതിയുടെ പ്രാരംഭ ഘട്ടത്തിൽ കുന്നംകുളത്തെ അർഹരായ 10 പേർക്ക് സൗജന്യമായി ഡയാലിസിസ് സഹായം എത്തിച്ചുനൽകുമെന്ന് സംഘാടകർ അറിയിച്ചു. വിവിധ കാരുണ്യ പ്രവർത്തന ആശയങ്ങൾ ചർച്ചയിൽ വന്നെങ്കിലും നാടിൻ്റെ ആരോഗ്യപ്രശ്നങ്ങളിൽ പ്രവാസലോകത്തിരുന്നുകൊണ്ട് നേരിട്ട് ഇടപെടാനുള്ള ഈ മാതൃകാപരമായ പദ്ധതിക്ക് മികച്ച സ്വീകാര്യതയാണ് ലഭിച്ചത്. കോർഡിനേറ്റർമാരായ ഇമ്മാനുവേൽ ഗ്രിഗറി, നിതുൻ ജെ. പനക്കൽ, കനീഷ് വിനോയ് ചെമ്മണ്ണൂർ, ലിവിൻ ചെമ്മണ്ണൂർ എന്നിവർ പരിപാടികൾക്ക് നേതൃത്വം നൽകി. കുന്നംകുളത്തിന്റെ ചരിത്രവും പാരമ്പര്യവും കോർത്തിണക്കിക്കൊണ്ട് ഓൾഗ പ്രകാശ് പുലിക്കോട്ടിൽ നടത്തിയ പ്രഭാഷണം ഏറെ ശ്രദ്ധയമായി
മിനി പെരുന്നാൾ ആഘോഷങ്ങൾക്ക് പുറമെ, ഭാവിയിൽ കൂടുതലായ സഹായങ്ങളും, ജീവ കാരുണ്യപ്രവർത്തികളും ഉൾക്കൊള്ളിച്ച് മികച്ച ചാരിറ്റി പദ്ധതികൾ ഈ പ്രഥമ യു.കെ മീറ്റപ്പിൽത്തന്നെ അവതരിപ്പിക്കുവാൻ കഴിഞ്ഞത് ഏവരുടെയും മുക്തകണ്ഠമായ പ്രശംസ പിടിച്ചു പറ്റി.
വിഭവ സമൃദ്ധമായ നാടൻ ഭക്ഷണവും, മാസ്മരികത വിരിയിച്ച കലാപരിപാടികളും അതിലേറെ ഹൃദയസ്പർശിയായ പരിചയം പുതുക്കലും പങ്കുവെക്കലുമായി 'യു കെ കുന്നംകുളത്തുകാർ' തങ്ങളുടെ പ്രഥമ സംഗമം കാരുണ്യത്തിന്റെയും ആഹ്ളാദത്തിന്റെയും വേദിയാക്കുകയായിരുന്നു.
SPIRITUAL
ലണ്ടൻ: ലണ്ടൻ ശ്രീ ഗുരുവായൂരപ്പൻ ക്ഷേത്രം സംഘടിപ്പിച്ച ദീപാവലി ആഘോഷം ഭക്തിനിർഭരമായി നടന്നു. മോഹൻജി ഫൗണ്ടേഷൻ യുകെയുടെ സഹകരണത്തോടെ ഒക്ടോബർ 31 ശനിയാഴ്ച വൈകിട്ട് 6 മണി മുതൽ വെസ്റ്റ് തോർന്റൺ കമ്മ്യൂണിറ്റി സെന്റർ, തോർന്റൺ ഹീത്തിൽ ആണ് ആഘോഷം നടന്നത്.
മിത്രസേവയുടെ നേതൃത്വത്തിൽ നാമസങ്കീർത്തന ഭജൻസ്, ദീപക്കാഴ്ച, ദീപാരാധന, അന്നദാനം എന്നിവയായിരുന്നു പ്രധാന പരിപാടികൾ. ശ്രീ ഗുരുവായൂരപ്പന്റെയും ലക്ഷ്മി ദേവിയുടെയും സാന്നിധ്യത്തിൽ ദീപപ്രഭയിൽ തിളങ്ങിയ വേദി നിരവധി ഭക്തർക്ക് ദീപാവലിയുടെ ഐശ്വര്യവും ആത്മീയ അനുഭൂതിയും പകർന്നു.
ലണ്ടനിലെ മലയാളി സമൂഹം ഉൾപ്പെടെ നൂറുകണക്കിന് ഭക്തർ പരിപാടിയിൽ പങ്കെടുത്തു
നോർത്താംപ്ടൺ: ഗ്രേറ്റ് ബ്രിട്ടൻ സീറോമലബാർ എപ്പാർക്കി ബൈബിൾ അപ്പസ്തോലേറ്റിന്റെ നേതൃത്വത്തിൽ സംഘടിപ്പിച്ച ഓക്സ്ഫോർഡ് റീജണൽ ബൈബിൾ കലോത്സവത്തിൽ വിശ്വാസവും കലയും സർഗാത്മകതയും സമന്വയിച്ച അമ്പതില്പരം മത്സര ഇനങ്ങളിൽ എട്ട് വേദികളിലായി 500-ലേറെ കലാപ്രതിഭകൾ പങ്കെടുത്തു.
ബൈബിൾ പ്രതിഷ്ഠയോടെ കലോത്സവത്തിന് തുടക്കം
മത്സരവേദികളുടെ വെഞ്ചരിപ്പിനും അനുഗ്രഹപ്രാർത്ഥനയ്ക്കും ശേഷം ബൈബിൾ പ്രതിഷ്ഠയോടെയാണ് കലോത്സവത്തിന് തുടക്കമായത്. ഓക്സ്ഫോർഡ് റീജണൽ ഡയറക്ടർ ഫാ. സോണി ജോർജ് വിശുദ്ധഗ്രന്ഥം വഹിച്ചുകൊണ്ട് ബൈബിൾ പ്രതിഷ്ഠാ റാലിക്ക് നേതൃത്വം നൽകി. ആതിഥേയരായ സെന്റ് തോമസ് അപ്പസ്തോലേറ്റ് മിഷൻ, നോർത്താംപ്ടണിന്റെ ഡയറക്ടർ ഫാ. സെബാസ്റ്റ്യൻ പൊട്ടനാനിയിൽ, ഓക്സ്ഫോർഡ് റീജണൽ മിഷൻ ലീഗ്, സാവിയോ ഫ്രണ്ട്സ് എന്നീ ഭക്തസംഘടനകളുടെ ഡയറക്ടർ ഫാ. അനീഷ് നെല്ലിക്കൽ, അപ്പസ്തോലേറ്റ് കമ്മീഷൻ അംഗവും കലോത്സവ ജനറൽ കൺവീനറുമായ സജൻ സെബാസ്റ്റ്യൻ, ബൈബിൾ അപ്പസ്തോലേറ്റ് കമ്മീഷൻ അംഗം ജിനീത ഡേവീസ്, ജനറൽ കോർഡിനേറ്റർമാരായ ജെബിറ്റി ജോസഫ്, സിബി സെബാസ്റ്റ്യൻ, സിസ്റ്റർമാർ, റീജണൽ പാസ്റ്ററൽ കൗൺസിൽ സെക്രട്ടറി റീന ജെബിറ്റി, കാറ്റിക്കിസം റീജണൽ ഹെഡ് റാണി സഖറിയ, ഹെൽത്ത് ആൻഡ് സേഫ്റ്റി കോർഡിനേറ്റർ സന്തോഷ് പ്ലാശ്ശേരി, സേഫ് ഗാർഡിങ് കോർഡിനേറ്റർ റെക്സി ജോസ്, വിവിധ മിഷൻ അപ്പസ്തോലേറ്റ് അംഗങ്ങൾ എന്നിവർ റാലിയിൽ അണിനിരന്നു. തുടർന്ന് ഫാ. സെബാസ്റ്റ്യൻ പൊട്ടനാനിയിൽ തിരുവചനഭാഗം വായിച്ച് ബൈബിൾ പ്രതിഷ്ഠ നിർവഹിച്ചു.
തുടർന്ന് നടന്ന ഉദ്ഘാടന സമ്മേളനത്തിൽ റീജണൽ കലോത്സവ ജനറൽ കോർഡിനേറ്റർ സിബി സെബാസ്റ്റ്യൻ സ്വാഗതം ആശംസിച്ചു. നിലവിളക്ക് തെളിച്ച് കലോത്സവത്തിന്റെ ഔദ്യോഗിക ഉദ്ഘാടനകർമ്മം നിർവഹിച്ച ഫാ. സോണി ജോർജ് ഉദ്ഘാടന സന്ദേശവും നൽകി.
രാവിലെ 9.30-ഓടെ എട്ട് വേദികളിലും മത്സരങ്ങൾ ആരംഭിച്ചു. ദൈവം നൽകിയ സർഗപ്രതിഭകളും വരദാനങ്ങളും ദൈവമഹത്വത്തിനായി സമർപ്പിക്കാനും നന്ദി അർപ്പിക്കാനുമുള്ള അനുഗ്രഹീത അവസരമായിരുന്നു മത്സരാർത്ഥികൾക്ക് കലോത്സവം. ആത്മീയചൈതന്യം നിറഞ്ഞ ഗാനമത്സരങ്ങൾ, തിരുവചന വായന, വിശുദ്ധഗ്രന്ഥത്തിൽ പ്രതിപാദിച്ചിട്ടുള്ള സംഭവങ്ങൾ അനുഭവവേദ്യമാക്കിയ മോണോ ആക്ടുകൾ, ബൈബിൾ പ്രമേയങ്ങൾ ദൃശ്യവൽക്കരിച്ച ടാബ്ലോകൾ എന്നിവ ആകർഷകമായി. ദൈവവചനസന്ദേശങ്ങൾ സംഗീതത്തിന്റെയും അഭിനയത്തിന്റെയും പ്രോപ്പാർട്ടികളുടെയും അനുബന്ധ പശ്ചാത്തലങ്ങൾ ഒരുക്കിയും അവതരിപ്പിച്ച സ്കിറ്റുകൾ കലോത്സവത്തിലെ ഹൈലൈറ്റായി. പ്രസംഗം, ഉപന്യാസം, ചിത്രരചന, പെയിന്റിങ് തുടങ്ങി 50 ൽ പ്പരം വൈവിധ്യമാർന്ന മത്സരങ്ങൾ, വിവിധ കാറ്റഗറികളിലായി കലോത്സവത്തിൽ ഉൾപ്പെടുത്തിയിരുന്നു.
ഈ വർഷം പുതുതായി ഉൾപ്പെടുത്തിയ സുറിയാനി ഗാനമത്സരത്തിനും മാർഗംകളിക്കും മികച്ച പങ്കാളിത്തമാണ് ലഭിച്ചത്. കുട്ടികളുടെയും യുവജനങ്ങളുടെയും മുതിർന്നവരുടെയും സജീവ സാന്നിധ്യം കലോത്സവത്തെ വിശ്വാസത്തിന്റെയും കൂട്ടായ്മയുടെയും വേദിയാക്കി മാറ്റി.
ഓവറോൾ കിരീടം നോർത്താംപ്റ്റന്
കലാസ്വാദകരാൽ നിറഞ്ഞ പ്രധാന ഹാളിൽ നടന്ന സമാപനസമ്മേളനത്തിൽ വിജയികൾക്കുള്ള സമ്മാനങ്ങൾ വിതരണം ചെയ്തു. ഓക്സ്ഫോർഡ് റീജണൽ ബൈബിൾ കലോത്സവ കോർഡിനേറ്റർ ജെബിറ്റി ജോസഫിന്റെ നന്ദി പ്രസംഗത്തിന് ശേഷം വ്യക്തിഗത, ഗ്രൂപ്പ് മത്സരങ്ങളിലെ വിജയികൾക്ക് ഉള്ള സമ്മാനങ്ങൾ വിതരണം ചെയ്തു.
ആവേശകരമായ മത്സരങ്ങൾക്കൊടുവിൽ ആതിഥേയരായ നോർത്താംപ്ടൺ സെന്റ് തോമസ് ദി അപ്പോസ്റ്റൽ മിഷൻ ഓവറോൾ കിരീടം സ്വന്തമാക്കി. ഓക്സ്ഫോർഡ് കാർഡിനൽ ന്യൂമാൻ മിഷനും വാട്‌ഫോർഡ് ഹോളി ക്വീൻ ഓഫ് റോസറി മിഷൻ ഡെൻഹാമും തുല്യ പോയന്റുകൾ നേടി റണ്ണറപ്പ് സ്ഥാനം പങ്കിട്ടു. മൂന്നാം സ്ഥാനം ഔർ ലേഡി ഓഫ് ഡോളേഴ്സ് പ്രൊപോസ്ഡ്എ മിഷൻ, എയിൽസ്ബെറി കരസ്ഥമാക്കി.
മികച്ച സംഘാടകത്വവും കലാപ്രതിഭകളുടെ മികവും കൃത്യതയാർന്ന വിധിനിർണയവും സമർപ്പണബോധമുള്ള വോളണ്ടിയർമാരുടെ സേവനവും കലോത്സവത്തിന്റെ വിജയത്തിന് കരുത്തേകി. പങ്കെടുത്തവർക്കും കുടുംബങ്ങൾക്കും ആസ്വാദ്യകരമായ നാടൻ ഭക്ഷണവും ഒരുക്കിയിരുന്നു. ഫാ. സോണി ജോർജിന്റെ സമാപനപ്രാർത്ഥനയ്ക്കും ആശീർവാദത്തിനും ശേഷം കലോത്സവം സമാപിച്ചു. രാവിലെ 9.30-ന് ആരംഭിച്ച കലോത്സവം രാത്രി 9.30 വരെ നീണ്ടുനിന്നു. തിരുവചനത്തിന്റെ വെളിച്ചത്തിൽ വിശ്വാസവും കലയും കൂട്ടായ്മയും സമന്വയിച്ച ഈ തിരുവചനോത്സവം ആത്മീയസാന്ദ്രവും അവിസ്മരണീയവുമായി.
ബര്‍മിംഗ്ഹാം: ഒമ്പതാമത് ഗ്രേറ്റ് ബ്രിട്ടന്‍ രൂപത ബൈബിള്‍ കലോത്സവത്തിന് മുന്നോടിയായുള്ള റീജിയണല്‍ മത്സരങ്ങളില്‍ ബ്രിസ്റ്റോള്‍ കാഡിഫ്, ലീഡ്‌സ്, സൗത്താംപ്ടണ്‍ റീജിയണല്‍ മത്സരങ്ങള്‍ ഇന്ന് നടക്കും. നാളെ നടക്കുന്ന കാറ്റര്‍ബറി റീജിയണ്‍ മത്സരങ്ങള്‍ കഴിയുന്നതോടുകൂടി റീജിയണ്‍തല മത്സരങ്ങളും പൂര്‍ത്തിയാകും. മത്സരങ്ങളുടെ സുഗമമായ നടത്തിപ്പിനാവശ്യമായ എല്ലാ ഒരുക്കങ്ങളും പൂര്‍ത്തിയായതായും മത്സരങ്ങള്‍ കൃത്യ സമയത്തുതന്നെ തുടങ്ങുന്നതുമാണെന്ന് സംഘാടക സമിതിക്ക് വേണ്ടി റീജിയണല്‍ കോര്‍ഡിനേറ്റേഴ്സ് അറിയിച്ചിട്ടുണ്ട്.
ഓരോ റീജിയണില്‍ നിന്നും രൂപതാ മത്സരത്തിന് യോഗ്യത നേടിയവരുടെ രജിസ്ട്രേഷന്‍ റീജിയണല്‍ കലോത്സവ കോര്‍ഡിനേറ്റര്‍സ് നവംബര്‍ 2 ന് മുമ്പ് രൂപത ബൈബിള്‍ അപ്പോസ്റ്റലേറ്റിനെ അറിയിക്കേണ്ടതാണ്. ഓരോ എയ്ജ് ഗ്രൂപ്പില്‍ നിന്നും റീജിയണല്‍ തലത്തില്‍ ഒന്നാം സമ്മാനം നേടുന്ന മത്സരാര്‍ത്ഥികളാണ് രൂപതാ മത്സരത്തിന് യോഗ്യത നേടുന്നത്.
നവംബര്‍ 21 ന് ലീഡ്‌സ് റീജിയണിലെ സ്‌കെന്തോര്‍പ്പില്‍ വച്ച് രൂപതാതല മത്സരങ്ങള്‍ നടത്തപ്പെടുമെന്നും ബൈബിള്‍ ആപ്പോസ്റ്റലേറ്റ് പി ആര്‍ ഓ ജിമ്മിച്ചന്‍ ജോര്‍ജ് അറിയിച്ചു .
SPECIAL REPORT
ആന്‍ഡ്രോയിഡ്, ഐഒഎസ് (iOS) ഉപയോക്താക്കള്‍ക്കായി വാട്‌സ്ആപ്പ് പുതിയ ഫീച്ചര്‍ അവതരിപ്പിക്കുന്നു. 'സ്മാര്‍ട്ട് ടെക്സ്റ്റ് ആക്ഷന്‍സ്' എന്ന് പേരിട്ടിരിക്കുന്ന പുതിയ ഫീച്ചര്‍, ചാറ്റുകളില്‍ വരുന്ന സന്ദേശങ്ങളിലെ വിവരങ്ങള്‍ കൂടുതല്‍ എളുപ്പത്തില്‍ കൈകാര്യം ചെയ്യാന്‍ ഉപയോക്താക്കളെ സഹായിക്കുന്നു. പ്രമുഖ വാട്‌സ്ആപ്പ് ട്രാക്കിങ് വെബ്സൈറ്റായ ഡബ്ല്യുഎബീറ്റഇന്‍ഫോ ആണ് ഇത് സംബന്ധിച്ച റിപ്പോര്‍ട്ട് പുറത്തുവിട്ടത്.
ചാറ്റുകളില്‍ എത്തുന്ന സന്ദേശങ്ങളിലെ ഫോണ്‍ നമ്പറുകള്‍, തീയതികള്‍, സമയങ്ങള്‍, ഇമെയില്‍ വിലാസങ്ങള്‍, ലൊക്കേഷനുകള്‍ തുടങ്ങിയവ ഈ പുതിയ ഫീച്ചര്‍ വഴി വാട്‌സ്ആപ്പ് സ്വയം തിരിച്ചറിയും. അത്തരം ഭാഗങ്ങളില്‍ ടാപ്പ് ചെയ്യുമ്പോള്‍, ഉപയോക്താക്കള്‍ക്ക് അതിവേഗം ചെയ്യേണ്ട കാര്യങ്ങള്‍ക്കായുള്ള ഷോര്‍ട്ട്കട്ടുകള്‍ ലഭിക്കും. സന്ദേശങ്ങളിലെ തീയതിയും സമയവും ഉപയോഗിച്ച് നേരിട്ട് കലണ്ടറില്‍ ഇവന്റുകള്‍ ക്രിയേറ്റ് ചെയ്യാം.
ചാറ്റിലെ നമ്പറുകള്‍ കോപ്പി ചെയ്യാതെയോ സേവ് ചെയ്യാതെയോ തന്നെ നേരിട്ട് കോണ്ടാക്റ്റിലേക്ക് ചേര്‍ക്കാനോ ഡയല്‍ ചെയ്യാനോ സാധിക്കും. സന്ദേശത്തിലുള്ള വിലാസങ്ങള്‍ ഗൂഗിള്‍ മാപ്‌സില്‍ തുറക്കാനും, ഇമെയില്‍ വിലാസങ്ങളില്‍ ടാപ്പ് ചെയ്ത് പുതിയ മെയില്‍ അയക്കാനുമുള്ള സൗകര്യവും ഇതിലുണ്ട്.
ഇന്‍കമിങ്, ഔട്ട്‌ഗോയിങ് സന്ദേശങ്ങളില്‍ ഈ ഫീച്ചര്‍ ഒരുപോലെ പ്രവര്‍ത്തിക്കും. പുതിയ അപ്‌ഡേറ്റിലൂടെ ആന്‍ഡ്രോയിഡ്, ഐഒഎസ് പ്ലാറ്റ്ഫോമുകളിലെ തെരഞ്ഞെടുത്ത ബീറ്റാ ഉപയോക്താക്കള്‍ക്കാണ് നിലവില്‍ ഫീച്ചര്‍ ലഭ്യമായിട്ടുള്ളത്. വരും ദിവസങ്ങളില്‍ കൂടുതല്‍ ഉപയോക്താക്കളിലേക്ക് ഇത് ലഭ്യമാക്കുമെന്നാണ് പ്രതീക്ഷിക്കുന്നത്.
CINEMA
പരുമല പെരുന്നാള്‍ സമാപന ചടങ്ങില്‍ വിശിഷ്ടാതിഥിയായി എത്തിയത് മെഗാസ്റ്റാര്‍ മമ്മൂട്ടി ആയിരിന്നു. ആ വേദിയില്‍ അദ്ദേഹം പറഞ്ഞ വാക്കുകളാണ് സോഷ്യല്‍ മീഡിയയില്‍ വൈറലാകുന്നത്. ജീവകാരുണ്യ പ്രവര്‍ത്തനങ്ങള്‍ ആരും പറഞ്ഞിട്ട് ചെയ്യേണ്ട കാര്യമല്ലെന്നും സഹജീവികളെ സ്നേഹിക്കുകയും സഹായിക്കുകയും ചെയ്യേണ്ടത് എല്ലാവരുടെയും കടമയാണെന്നും പറയുകയാണ് മമ്മൂട്ടി.
'ജീവകാരുണ്യ പ്രവര്‍ത്തനങ്ങള്‍ ആരും പറഞ്ഞിട്ട് ചെയ്യേണ്ട കാര്യമല്ല. സഹജീവികളെ സ്നേഹിക്കുകയും സഹായിക്കുകയും ചെയ്യേണ്ടത് എല്ലാവരുടെയും കടമയാണ്. നമുക്ക് തോന്നിയിട്ട് ചെയ്യേണ്ടതാണ്. ദൈവം കാരുണ്യവാനാണെന്ന് നമ്മള്‍ വിശ്വസിക്കുന്നു. ദൈവം കാലത്തെ ഓട്ടോറിക്ഷ പിടിച്ചുവന്ന് ആര്‍ക്കും ഒന്നും കൊടുക്കാന്‍ പോവുന്നില്ല. പക്ഷേ, കരുണയുള്ള മനുഷ്യരെ സൃഷ്ടിച്ച് സഹജീവികളോട് കാരുണ്യത്തോടെ പെരുമാറാനാണ് ദൈവം പറയുന്നത്.
അങ്ങനെ കാരുണ്യത്തോടെ പെരുമാറുന്നതാണ് ദൈവ സ്നേഹവും ഭക്തിയും. പള്ളിയിലും മറ്റ് തലത്തിലും നിങ്ങള്‍ ചെയ്യുന്ന ഓരോ തുട്ടും ജീവകാരുണ്യ പ്രവര്‍ത്തനങ്ങളിലേക്കാണ് പോകുന്നത്. ഭക്തിയുടെ ഓരോ തുട്ടും, ദൈവം നിങ്ങളെ ഏല്‍പ്പിച്ച ഓരോ പൈസയും ജീവകാരുണ്യ പ്രവര്‍ത്തനങ്ങള്‍ക്ക് തന്നെയാണ് പോകുന്നത്'.- മമ്മൂട്ടി പറഞ്ഞു.
ഞായറാഴ്ചയായിരുന്നു പരുമല തിരുമേനിയുടെ 124-ാമത് ഓര്‍മപ്പെരുന്നാള്‍ സമാപന സമ്മേളനം. പരുമല ആശുപത്രിയും മമ്മൂട്ടിയുടെ കെയര്‍ ആന്‍ഡ് ഷെയര്‍ ഫൗണ്ടേഷനും ചേര്‍ന്ന് നടപ്പാക്കുന്ന സൗജന്യ കാന്‍സര്‍ ചികിത്സ പദ്ധതിയായ സുകൃതം 2.0 ചടങ്ങില്‍ പ്രഖ്യാപിച്ചു.
നവംബറിൽ തന്റെ വിവാഹമാണെന്ന് ആരാധകരുമായി പങ്കുവച്ചിരിക്കുകയാണ് ഗായിക റിമി ടോമി. ബോഡി ബിൽഡറായ ലിബിൻ മാത്യുവാണ് റിമിയുടെ ഭാവി ജീവിത പങ്കാളി. ദൈവത്തോട് താൻ അത്രയും ആഗ്രഹിച്ച് പ്രാർഥിച്ചിരുന്ന സമയത്താണ് ലിബിനെ കണ്ടുമുട്ടുന്നതെന്നും ഒരുപാട് മുൻവിധിയൊന്നുമില്ലെന്നും റിമി പറഞ്ഞു.
അദ്ദേഹത്തിന്റെ കൂടെ നിൽക്കുമ്പോൾ ധൈര്യം, സന്തോഷം, പോസിറ്റിവിറ്റി, സമാധാനം ഒക്കെയാണ് തനിക്കെന്നും റിമി യൂട്യൂബിൽ പങ്കുവച്ച വിഡിയോയിൽ പറയുന്നു. "ചില കണക്ഷൻസ്, നമുക്ക് സംസാരിക്കുമ്പോൾ വല്ലാതെ ഫീൽ ചെയ്യും. ഞാൻ അതിലാണ് വിശ്വസിക്കുന്നത്. ഒരു ദൈവികത ഉണ്ടതിൽ.
ദൈവത്തോട് ഞാനും അത്രയധികം ആഗ്രഹിച്ച് പ്രാർഥിച്ച് ഇരിക്കുന്ന ഒരു സമയത്ത് അതുപോലെ അദ്ദേഹവും അദ്ദേഹത്തിന്റെ ജീവിതത്തിൽ ഒരു പാട്ണറെ ആഗ്രഹിച്ച് ഇരിക്കുന്ന സമയത്ത്, കറക്ടായി ഞങ്ങൾ കണ്ടുമുട്ടിയതു പോലെയാണ് തോന്നുന്നത്. ഇത്രയും ഒരു 9 മാസം ആയപ്പോഴും നമുക്ക് ഫീൽ ചെയ്യുന്നതും അങ്ങനെയാണ്. പിന്നെ ബാക്കിയെല്ലാം ദൈവത്തിന്റെ കയ്യിൽ. ഒരുപാട് മുൻവിധിയൊന്നുമില്ല.
നമ്മളൊക്കെ മനുഷ്യരല്ലേ, നാളെ എന്താണെന്ന് പോലും അറിയാത്ത ആൾക്കാരാണ്. അപ്പോൾ അങ്ങ് ജീവിക്കുക. ഒരു പ്രതീക്ഷയിൽ ഒരു പോസിറ്റിവിറ്റിയിൽ. അദ്ദേഹത്തിന്റെ കൂടെ നിൽക്കുമ്പോൾ ഒരു ധൈര്യം, സന്തോഷം, പോസിറ്റിവിറ്റി, സമാധാനം ഒക്കെയാണ്. ജീവിതത്തിൽ നമുക്കേറ്റവും വേണ്ടത്, മനസമാധാനത്തോടെ ഇരിക്കാൻ പറ്റുക, എന്തൊരു കാര്യത്തിനും ഒരു പരിഹാരം കിട്ടുക, ഒരു ആശ്വാസം കിട്ടുക. എന്ത് വന്നാലും ഒരാൾ കൂടെയുണ്ട് എന്നുള്ള ഒരു ധൈര്യം.
ഇതൊക്കെ എനിക്ക് വല്ലാതെ ലിബിന്റെ ഭാഗത്തു നിന്ന് ഫീൽ ചെയ്തു. ഒരച്ഛന്റെ സ്ഥാനത്ത്, ചേട്ടന്റെ സ്ഥാനത്ത്, ഭർത്താവിന്റെ അതിലുമപരിയായി ഒരു സുഹൃത്തിന്റെ. എല്ലാം കൂടി ചേർന്ന ഒരാളായിട്ടാണ് എനിക്കിപ്പോൾ ഫീൽ ചെയ്യുന്നത്. ലിബിനെപ്പറ്റി എല്ലാം കൂടി ഇപ്പോൾ പറയേണ്ട കാര്യമില്ലല്ലോ. എല്ലാം ഞാൻ പറഞ്ഞു. ജിം ദൈവമായി കാണുന്ന ഒരാളാണ്. ജിമ്മിനകത്ത് തമാശയും കളിയും കാര്യങ്ങളും അനുവദിക്കില്ല.
ഉഗ്രൻ ട്രെയ്‌നറാണ്. ഞാനിപ്പോൾ ഇങ്ങനെ ബോഡി മെയ്ന്റെയ്ൻ ചെയ്ത് പോകുന്നത് അദ്ദേഹം കാരണമാണ്. ഇതിന് മുൻപ് പല ട്രെയ്നർമാരുടെ കൂടെ ചെയ്തപ്പോഴും എനിക്ക് പരിക്ക് പറ്റി ഞാനാകെ വീക്കായി പോയിരുന്നു. അതിൽ നിന്നൊക്കെ ഞാൻ ശക്തയായി തിരിച്ചു വരുന്നത് ലിബിന്റെ കൂടെയാണ്.
എല്ലാ രീതിയിലും, ഫിസിക്കലിയും മെന്റലിയും. മെന്റലി ഇത്രയും മോട്ടിവേറ്റ‍ഡ് ആക്കുന്ന ഒരാൾ വേറെയില്ല. അദ്ദേഹത്തിന്റെ മലയാളവും കേൾക്കാൻ നല്ല രസമാണ്. കാരണം മലയാളം അത്രയ്ക്ക് അങ്ങോട്ട് അറിയില്ല. അതിലൊക്കെയാണ് ഞാൻ വീണു പോയത്".- റിമി ടോമി പറഞ്ഞു. 2008 ൽ ആയിരുന്നു റിമിയുടെ ആദ്യ വിവാഹം. വ്യവസായി റോയ്സിനെ ആയിരുന്നു വിവാഹം കഴിച്ചത്. നീണ്ട 11 വർഷത്തെ ദാമ്പത്യത്തിനുശേഷം ഇരുവരും 2019 ൽ നിയമപരമായി വിവാഹമോചനം നേടി.
ബോളിവുഡ് മെഗാസ്റ്റാർ അമിതാഭ് ബച്ചന്റെ സുരക്ഷാ ക്രമീകരണങ്ങളാണ് ഇപ്പോൾ ചർച്ചയാകുന്നത്. പതിവുപോലെ ആരാധകരെ കാണാനെത്തിയ താരം ഇത്തവണ പ്രത്യക്ഷപ്പെട്ടത് ബുള്ളറ്റ്പ്രൂഫ് ഗ്ലാസ് കവചത്തിനുള്ളിൽ. മുംബൈയിലെ വസതിയായ ജൽസയ്ക്ക് മുന്നിൽ തടിച്ചുകൂടിയ ആരാധകരെ അഭിവാദ്യം ചെയ്യാനാണ് അമിതാഭ് ബച്ചൻ പ്രത്യേക സുരക്ഷാ സംവിധാനത്തോടെ എത്തിയത്.
പതിറ്റാണ്ടുകളായി എല്ലാ ഞായറാഴ്ചകളിലും ആരാധകരെ കാണാൻ അമിതാഭ് ബച്ചൻ സമയം കണ്ടെത്താറുണ്ട്. ജൽസയ്ക്ക് മുന്നിലെ ഉയർന്ന പ്ലാറ്റ്‌ഫോമിൽ എത്തി ആരാധകരെ കൈവീശി അഭിവാദ്യം ചെയ്യുന്നതാണ് പതിവ്. എന്നാൽ ഇത്തവണ സുതാര്യമായ ബുള്ളറ്റ്പ്രൂഫ് ഗ്ലാസ് എൻക്ലോസറിനുള്ളിൽ നിന്നാണ് താരം ആരാധകരെ കണ്ടത്.
മകനും നടനുമായ അഭിഷേക് ബച്ചനും ഇത്തവണ താരത്തിനൊപ്പമുണ്ടായിരുന്നു. പിതാവ് ആരാധകരെ അഭിവാദ്യം ചെയ്യുമ്പോൾ സുരക്ഷാ ഉദ്യോഗസ്ഥർക്കൊപ്പം അഭിഷേകും സമീപത്ത് നിലയുറപ്പിച്ചിരുന്നു. അതേസമയം, പുതിയ സുരക്ഷാ ക്രമീകരണം മുംബൈ പൊലീസിന്റെ നിർദേശപ്രകാരമാണോ അതോ താരത്തിന്റെ വ്യക്തിപരമായ തീരുമാനമാണോ എന്ന കാര്യത്തിൽ വ്യക്തതയില്ല.
കഴിഞ്ഞ കുറച്ചുകാലമായി ബോളിവുഡ് താരങ്ങളുടെ സുരക്ഷയുമായി ബന്ധപ്പെട്ട് ആശങ്കകൾ ഉയർന്നുവരുന്നുണ്ട്. കഴിഞ്ഞ ഒക്ടോബറിൽ അമിതാഭ് ബച്ചന്റെ വസതി ഉൾപ്പെടെയുള്ള മുംബൈയിലെ പ്രധാന കേന്ദ്രങ്ങളെ ലക്ഷ്യമിട്ട് ബോംബ് ഭീഷണി സന്ദേശം ലഭിച്ചിരുന്നു. ഇതിനെത്തുടർന്ന് മുംബൈ പൊലീസും സുരക്ഷാ ഏജൻസികളും ജൽസയ്ക്ക് ചുറ്റും നിരീക്ഷണം ശക്തമാക്കിയിരുന്നു.
നടൻ ടൈഗർ ഷ്രോഫിന് നേരെയുണ്ടായ ആക്രമണശ്രമവും ബോളിവുഡിൽ സുരക്ഷാ ആശങ്കകൾ വർധിപ്പിച്ചു. മറ്റ് പ്രമുഖ താരങ്ങളും അക്രമികളുടെ ലക്ഷ്യത്തിലുണ്ടായിരുന്നുവെന്ന റിപ്പോർട്ടുകളും പുറത്തുവന്നിരുന്നു. ഈ സാഹചര്യത്തിലാണ് അമിതാഭ് ബച്ചന്റെ ആരാധകരുമായുള്ള കൂടിക്കാഴ്ചയ്ക്ക് പ്രത്യേക സുരക്ഷാ ക്രമീകരണങ്ങൾ ഒരുക്കിയതെന്നാണ് റിപ്പോർട്ടുകൾ.
കനത്ത സുരക്ഷയ്ക്കിടയിലും ആരാധകരെ നിരാശരാക്കാൻ അമിതാഭ് ബച്ചൻ തയ്യാറായില്ല. പതിവുപോലെ കൈവീശിയും കൂപ്പുകൈകളോടെ അഭിവാദ്യം ചെയ്തുമാണ് താരം ആരാധകരെ സ്വീകരിച്ചത്. ബുള്ളറ്റ്പ്രൂഫ് ഗ്ലാസ് കവചത്തിനുള്ളിൽ നിന്നുള്ള ബിഗ് ബിയുടെ ചിത്രങ്ങളും വിഡിയോയും സമൂഹമാധ്യമങ്ങളിൽ ശ്രദ്ധ നേടുകയാണ്.
NAMMUDE NAADU
റഷ്യ - യുക്രെയ്ന്‍ സംഘര്‍ഷം അയവില്ലാതെ തുടരുന്നതിനിടെ ഇരുരാജ്യങ്ങളുടെയും അടിയന്തര മുന്നറിയിപ്പ് സംവിധാനങ്ങളെ ലക്ഷ്യമിട്ട് ഹാക്കര്‍മാര്‍. എമര്‍ജന്‍സി അലേര്‍ട്ട് ആപ്ലിക്കേഷനുകളിലൂടെ വ്യാജ മുന്നറിയിപ്പ് സന്ദേശങ്ങള്‍ പ്രചരിച്ചത് ഇരുരാജ്യങ്ങളിലെയും ജനങ്ങള്‍ക്ക് ഇടയില്‍ ആശങ്ക ഉയര്‍ത്തി.
യുക്രെയ്‌ന്റെ വ്യോമാക്രമണ മുന്നറിയിപ്പ് സംവിധാനമാണ് ആദ്യം ഹാക്ക് ചെയ്യപ്പെട്ടത്. തുടര്‍ന്ന് രാസായുധങ്ങളുടെയും റേഡിയേഷനുകളുടെയും വ്യാജ മുന്നറിയിപ്പുകള്‍ മൊബൈല്‍ ഫോണുകളിലെത്തി. ലൗഡ് സ്പീക്കര്‍ മുന്നറിയിപ്പ് സംവിധാനവും സൈബര്‍ ആക്രമണം നേരിട്ടു. ഇതോടെ കീവിലെ തെരുവുകളിലും സമാനമായ മുന്നറിയിപ്പുകള്‍ ഉണ്ടായി. ബാഹ്യമായ ചില ഇടപെടലുകളാണ് ഇതിന് പിന്നിലെന്നാണ് യുക്രെയ്ന്‍ വ്യോമസേനയുടെ പ്രതികരണം. മുന്നറിയിപ്പുകളില്‍ ആശങ്കപ്പെടേണ്ട സാഹചര്യമില്ലെന്നും റേഡിയേഷന്‍ ഭീഷണിയില്ലന്നും യുക്രെയ്ന്‍ വ്യക്തമാക്കിയിട്ടുണ്ട്. രാജ്യവ്യാപകമായുള്ള മുന്നറിയിപ്പ് സംവിധാനങ്ങള്‍ സാധാരണരീതിയില്‍ പ്രവര്‍ത്തിക്കുന്നുണ്ടെന്നും പ്രാദേശിക തലത്തിലുള്ള സംവിധാനത്തിലാണ് പ്രശ്‌നങ്ങള്‍ റിപ്പോര്‍ട്ട് ചെയ്തതെന്നും യുക്രെയ്ന്‍ ഡിജിറ്റല്‍ ട്രാന്‍സ്ഫര്‍മേഷന്‍ മന്ത്രാലയം അറിയിച്ചിട്ടുണ്ട്.
അതിനിടെ റഷ്യയിലെ അടിയന്തര മുന്നറിയിപ്പുകള്‍ നല്‍കുന്ന ആപ്ലിക്കേഷനുകളിലാണ് സൈബര്‍ ആക്രമണം ഉണ്ടായത്. ജനങ്ങളുടെ സുരക്ഷയെ ബാധിക്കുന്ന തരത്തിലുള്ള മുന്നറിയിപ്പാണ് ഇതിലൂടെയും പ്രചരിച്ചത്. ആപ്ലിക്കേഷന്റെ സുരക്ഷാ വീഴ്ചകള്‍ പരിഹരിക്കാനുള്ള നടപടികള്‍ സ്വീകരിച്ചുവെന്നും നിലവില്‍ പ്രവര്‍ത്തനം സാധാരണ ഗതിയിലായെന്നും റഷ്യന്‍ ന്യൂസ് ഏജന്‍സിയായ ടാസ് റിപ്പോര്‍ട്ട് ചെയ്യുന്നു.
തമിഴ്നാട്ടില്‍ റെയില്‍വെ യാര്‍ഡില്‍ നിന്ന് തനിയെ ഉരുണ്ട് നീങ്ങി ആറ് കിലോമീറ്ററോളം ഓടി ട്രെയിന്‍ കോച്ചുകള്‍. ലോക്കോ പൈലറ്റോ എൻജിനോ ഇല്ലാതെയാണ് ഏഴ് ഒഴിഞ്ഞ കോച്ചുകള്‍ പാളത്തിലൂടെ നീങ്ങിയത്. ആറ് കിലോമീറ്ററോളം സഞ്ചരിച്ച കോച്ചുകള്‍ തിരുപ്പത്തൂര്‍ ജില്ലയിലെ താമലേരി മുത്തൂരിന് സമീപമെത്തി പാളം തെറ്റി. സംഭവത്തെ തുടര്‍ന്ന് ബെംഗളൂരു-ചെന്നൈ റൂട്ടിലെ ട്രെയിന്‍ സര്‍വീസുകള്‍ തടസ്സപ്പെട്ടു. റെയില്‍വെ അധികൃതര്‍ അടിയന്തര നടപടികള്‍ സ്വീകരിച്ചതിനാല്‍ വന്‍ ദുരന്തമാണ് ഒഴിവായത്.
തമിഴ്നാട്ടിലെ ജോളാര്‍പേട്ടൈ ജങ്ഷനിലെ കോച്ച് മെയിന്റനന്‍സ് യാര്‍ഡില്‍ അറ്റകുറ്റപ്പണികള്‍ക്കായി നിര്‍ത്തിയിട്ടിരുന്ന ഏഴ് ഒഴിഞ്ഞ കോച്ചുകളാണ് ഇത്തരത്തില്‍ നീങ്ങിയത്. പ്രാഥമിക വിവരമനുസരിച്ച്, എന്‍ജിന്‍ ഉപയോഗിച്ച് നീക്കിയ കോച്ചുകള്‍ കൃത്യമായി സുരക്ഷിതമാക്കി നിര്‍ത്തിയിടാത്തതാണ് അപകടത്തിന് കാരണമായതെന്നാണ് സൂചന. തുടര്‍ന്ന് കോച്ചുകള്‍ തനിയെ മുന്നോട്ടുനീങ്ങി യാര്‍ഡ് പരിധിയും കടന്ന് ബെംഗളൂരു-ജോളാര്‍പേട്ടൈ പ്രധാന റെയില്‍വെ പാതയിലൂടെ ഏകദേശം ആറ് കിലോമീറ്ററാണ് സഞ്ചരിച്ചത്. ഇതിന് ശേഷമാണ് താമലേരി മുത്തൂരിന് സമീപം പാളം തെറ്റിയത്.
പാളം തെറ്റിയ കോച്ചുകളില്‍ നിന്നുള്ള അസാധാരണ ശബ്ദം ഡ്യൂട്ടിയിലുണ്ടായിരുന്ന ഗേറ്റ് കീപ്പറുടെ ശ്രദ്ധയില്‍പ്പെട്ടതോടെയാണ് സംഭവം പുറത്തറിയുന്നത്. ഉടന്‍തന്നെ റെയില്‍വെ അധികൃതരെ വിവരമറിയിച്ചു. തുടര്‍ന്ന് ബെംഗളൂരുവില്‍ നിന്ന് ജോളാര്‍പേട്ടൈയിലേക്ക് എത്തിയേക്കാവുന്ന ട്രെയിനുകള്‍ തടയാന്‍ വിവിധ സ്റ്റേഷനുകളിലേക്ക് മുന്നറിയിപ്പ് നല്‍കുകയായിരുന്നു. ഇതോടെ വലിയൊരു ട്രെയിന്‍ അപകടം ഒഴിവാക്കാനായെന്നാണ് റിപ്പോര്‍ട്ട്. തുടര്‍ന്ന് റെയില്‍വെ ജീവനക്കാര്‍ സ്ഥലത്തെത്തി പാളം തെറ്റിയ കോച്ചുകള്‍ നീക്കം ചെയ്യാനുള്ള നടപടികള്‍ ആരംഭിച്ചു.
സംഭവത്തെ തുടര്‍ന്ന് തിരക്കേറിയ ബെംഗളൂരു-ചെന്നൈ റൂട്ടിലെ ട്രെയിന്‍ ഗതാഗതം തടസ്സപ്പെട്ടു. നിരവധി ട്രെയിനുകള്‍ വൈകിയതായാണ് റിപ്പോര്‍ട്ടുകള്‍. 16 റെയില്‍വെ ട്രാക്കുകളുള്ള ജോളാര്‍പേട്ടൈ ജങ്ഷന്‍ തമിഴ്നാട്ടിലെ പ്രധാന റെയില്‍വെ കേന്ദ്രങ്ങളിലൊന്നാണ്. ഏഷ്യയിലെ ഏറ്റവും വലിയ റെയില്‍വെ യാര്‍ഡുകളിലൊന്നും ഇവിടെയാണുള്ളത്. വാര്‍ത്ത പുറത്തുവന്നതോടെ റെയില്‍വെ സുരക്ഷ സംബന്ധിച്ച വലിയ ആശങ്കയാണുയരുന്നത്. അറ്റകുറ്റപ്പണികള്‍ക്കായി യാര്‍ഡില്‍ നിര്‍ത്തിയിട്ടിരുന്ന കോച്ചുകള്‍ എങ്ങനെയാണ് നിയന്ത്രണമില്ലാതെ നീങ്ങിത്തുടങ്ങിയതെന്ന കാര്യത്തില്‍ അന്വേഷണം പ്രഖ്യാപിക്കുമെന്നാണ് വിവരം. വലിയ വീഴ്ചയുണ്ടായോ എന്നതടക്കമുള്ള കാര്യങ്ങള്‍ പരിശോധിച്ചേക്കും. സംഭവത്തില്‍ ഉത്തരവാദികള്‍ക്കെതിരെ നടപടി സ്വീകരിക്കണമെന്ന ആവശ്യവും ഉയരുകയാണ്.
Channels
സ്റ്റേജ് ഷോകളിലും സിനിമയിലും ഒന്നിച്ച് അഭിനയിച്ച്, ഒടുവിൽ ജീവിതത്തിലും ഒന്നായവരാണ് നവാസും രഹ്നയും. ഒരു വർഷം മുൻപാണ് ഹൃദായാഘാതത്തെത്തുടർന്ന് നവാസ് മരണപ്പെടുന്നത്. നവാസിനെക്കുറിച്ച് സംസാരിക്കുമ്പോഴെല്ലാം പലരും ഓർക്കുന്നൊരു മുഖമാണ് രഹ്നയുടേതും. ഇപ്പോഴിതാ തങ്ങളുടെ വിവാഹ വാർഷിക ദിനത്തിൽ രഹ്ന പങ്കുവെച്ച ഹൃദയസ്പർശിയായ പോസ്റ്റാണ് പലരുടെയും ശ്രദ്ധ നേടുന്നത്.
''ഇന്ന് ഞങ്ങളുടെ വിവാഹ വാർ‌ഷികം ആണ്. നവാസ്ക്കയുടെ ആത്മാവിന്റെ കൈ പിടിച്ച് ഇന്നും ഞാൻ തൈ നട്ടു, വർഷങ്ങളായി ചെയ്തു വരുന്നത് കൊണ്ട് ചെയ്യാതിരിക്കാനും പറ്റുന്നില്ല, മനസ്സിന്റെ വിഷമം കാരണം ചെയ്യാനും പറ്റുന്നില്ല. ചില സമയത്ത് വിധി നമ്മുടെ ഹൃദയത്തെ കീറിമുറിക്കും ഈശ്വരൻ അത് heal ആക്കും, പക്ഷെ ആ പാടുകൾ നമ്മുടെ മനസ്സിൽ അങ്ങിനെകിടക്കും. ഞാനും മക്കളും നടുക്കടലിൽ പെട്ട അവസ്ഥയാണ് എത്രനേരം നടുക്കടലിൽ പിടിച്ചു നിൽക്കാൻ പറ്റും എന്ന് എനിക്കറിയില്ല. നവാസ്ക്ക പോയി ഇത്രയും നാളായിട്ടും ആർക്കും ഒരു ബാധ്യതയും ആയിട്ടില്ല. അത് പടച്ചവൻ എന്നെ ഒന്ന് താങ്ങിപിടിച്ചതുകൊണ്ടാണ്. മരണം വരെ ആരിൽനിന്നും ഒന്നും വാങ്ങാതെ ഇങ്ങനെ തന്നെ മുന്നോട്ടുപോണം എന്നാണ് ആഗ്രഹം, അതിനു ഞാൻ ജോലി ചെയ്തേ പറ്റൂ'', എന്നാണ് വിവാഹ ചിത്രങ്ങൾ പങ്കുവെച്ചുകൊണ്ട് രഹ്ന കുറിച്ചത്.
2002ലായിരുന്നു നവാസിന്റെയും രഹ്നയുടെയും വിവാഹം. ഇവർക്ക് മൂന്ന് മക്കളുണ്ട്. വിവാഹശേഷം അഭിനയത്തിൽ നിന്ന് ഇടവേളയെടുത്ത രഹ്ന, വർഷങ്ങൾക്കുശേഷം 'ഇഴ' എന്ന ചിത്രത്തിലൂടെ അഭിനയരംഗത്തേയ്ക്ക് തിരിച്ചെത്തിയിരുന്നു. ഈ സിനിമയിൽ നവാസിന്റെ നായികയായാണ് രഹ്ന അഭിനയിച്ചത്. ഇപ്പോൾ ഹാപ്പി ലൂപ്പ് എന്ന ചിത്രത്തിലും രഹ്ന അഭിനയിക്കുന്നുണ്ട്. കരിയറിൽ സജീവമായി തുടരുന്നതിനിടെയാണ് നവാസിന്റെ അപ്രതീക്ഷിത മരണം. 'പ്രകമ്പനം' എന്ന സിനിമയുടെ ചിത്രീകരണത്തിനായി ചോറ്റാനിക്കരയിലെത്തിയ നവാസിന് ഹോട്ടൽ മുറിയിൽ വെച്ച് ഹൃദായാഘാതം സംഭവിക്കുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ബിഗ് ബോസിലൂടെ മലയാളികള്‍ക്ക് പ്രിയങ്കരായി മാറിയവരാണ് ആദിലയും നൂറയും. ലെസ്ബിയന്‍ പങ്കാളികളായ ഇവരും ഷോയിലൂടെ നേടിയത് വലിയ സ്വീകാര്യതയാണ്. ഷോയ്ക്കിടെ സഹതാരം ഇരുവരേയും വീട്ടില്‍ കയറ്റില്ലെന്ന് പറഞ്ഞപ്പോള്‍ അവതാരകനായ മോഹന്‍ലാല്‍ തന്റെ വീട്ടിലേക്ക് ക്ഷണിച്ചത് വലിയ ചര്‍ച്ചയായി മാറിയിരുന്നു. ബിഗ് ബോസ് പുതിയ സീസണ്‍ പകുതിയിലെത്തി നില്‍ക്കുമ്പോള്‍ മോഹന്‍ലാലിന്റെ അന്നത്തെ ക്ഷണം എന്തായെന്ന് പറയുകയാണ് ആദിലയും നൂറയും.
തങ്ങളുടെ യൂട്യൂബ് ചാനലില്‍ പങ്കുവച്ച വിഡിയോയിലൂടെയായിരുന്നു ആദിലയുടേയും നൂറയുടേയും പ്രതികരണം. മോഹന്‍ലാല്‍ പിന്നീട് വിളിച്ചോ, വീട്ടിലേക്ക് ക്ഷണിച്ചോ എന്നൊക്കെ പലരും ചോദിക്കാറുണ്ടെന്നും അതിനാലാണ് ഇപ്പോള്‍ മറുപടി നല്‍കുന്നതെന്നും ആദിലയും നൂറയും പറയുന്നു.
''പിള്ളേരെ ലാലേട്ടന് വിളിച്ചോ എന്ന് ഇപ്പോഴും പലരും ചോദിക്കുന്നുണ്ട്. ലാലേട്ടന് ഫിനാലെയ്ക്ക് കണ്ടപ്പോള്‍ യു ആര്‍ ഓള്‍വെയ്‌സ് വെല്‍ക്കം എന്ന് പറഞ്ഞിരുന്നു. രണ്ടു പേരുടേയും സമയം നോക്കിയിട്ട് ഒരു ദിവസം രണ്ട് കൂട്ടരും കാണുമെന്നും ഒരുമിച്ച് ഭക്ഷണം കഴിക്കാമെന്നും പറഞ്ഞിരുന്നു. ഷോയില്‍ നില്‍ക്കുമ്പോഴും ലാലേട്ടന് പറഞ്ഞിരുന്നു. ഫിനാലെയ്ക്കും പറഞ്ഞിരുന്നു'' എന്നാണ് ആദില പറയുന്നത്.
''അവസാന വര്‍ഷം ഡിസംബറില്‍ ലാലേട്ടന് ഓക്കെ ആയിട്ടുള്ളൊരു ഡേറ്റ് പറഞ്ഞിരുന്നു മീറ്റ് ചെയ്യാന്‍ വേണ്ടി. പക്ഷെ ആ സമയത്താണ് ലാലേട്ടന്റെ അമ്മയ്ക്ക് വയ്യാതായത്. അതിനാല്‍ നീട്ടി നീട്ടിവെക്കേണ്ടി വന്നത്. പിന്നെ അങ്ങോട്ട് ഓരോ ചടങ്ങുകളും കാര്യങ്ങളും ഉണ്ടായിരുന്നല്ലോ. അങ്ങനെ പോയി പോയി, അത് വര്‍ക്കായില്ല'' എന്നും ആദില പറഞ്ഞു.
ലാഗ് വന്നു. രണ്ടു പേര്‍ക്കും. ലാലേട്ടന് തിരക്കുള്ള മനുഷ്യന്‍ അല്ലേ. ഞങ്ങളും പിന്നെ ഫോളോ അപ്പ് ചെയ്യാന്‍ പോയില്ലെന്നാണ് നൂറ പറയുന്നത്. നടക്കുമ്പോള്‍ നടക്കട്ടെ. സമയം ഉണ്ടല്ലോ. ലാലേട്ടന് പറഞ്ഞതാണ്. ലാലേട്ടന് ഓര്‍മയുമുണ്ടാകും. അത് അതിന്റെ സമയത്ത് നടക്കുമെന്ന് ആദിലയും പറയുന്നു. മോഹന്‍ലാലിന്റെ ക്ഷണം മുന്‍കൂട്ടി തയ്യാറാക്കിയ തിരക്കഥയാണോ എന്ന ചോദ്യത്തിനും ഇരുവരും മറുപടി പറയുന്നുണ്ട്.
''ഒരിക്കലും സ്‌ക്രിപ്റ്റഡ് ആയിരുന്നില്ല. അദ്ദേഹം മനസില്‍ നിന്നുമാണത് പറഞ്ഞത്. ഇഷ്ടത്തോടെയാണ് പറഞ്ഞത്. വിളിക്കേണ്ട സാഹചര്യവും വന്നതാണ്. പക്ഷെ ഓരോ സാഹചര്യങ്ങള്‍ മൂലം തെന്നിമാറിപ്പോയതാണ്.'' എന്നാണ് നൂറ പറഞ്ഞത്. ''നമ്മളെ സപ്പോര്‍ട്ട് ചെയ്ത എപ്പിസോഡിനെ തുടര്‍ന്ന് ലാലേട്ടന് സൈബര്‍ അറ്റാക്ക് കിട്ടിയിരുന്നു. അത് കഴിഞ്ഞിട്ടും ഒരു മനുഷ്യന്‍ ഫിനാലെയ്ക്ക് കണ്ടപ്പോള്‍ വിളിക്കുന്ന് ആരെങ്കിലും പറഞ്ഞു കൊടുത്തിട്ടാകുമെന്ന് തോന്നുന്നില്ല. അങ്ങനെയെങ്കില്‍ മിണ്ടാതിരുന്നാല്‍ മതിയല്ലോ. ഞങ്ങളെ ക്ഷണിച്ചിരുന്നു.അതിന്റെ സമയം ആകുമ്പോള്‍ മീറ്റ് ചെയ്യും'' എന്നാണ് ആദില പറയുന്നത്.
നെടുമ്പാശ്ശേരി വാഹനാപകടവുമായി ബന്ധപ്പെട്ട് മഞ്ജു പിള്ള നടത്തിയ പരാമര്‍ശത്തില്‍ വ്യക്തത വരുത്തി മകള്‍ ദിയ സുജിത്ത്. കഴിഞ്ഞ ദിവസം ദിയയുടെ വ്‌ളോഗില്‍ സംസാരിക്കവെ മഞ്ജു പിള്ള വാഹനപകടത്തെക്കുറിച്ച് പറഞ്ഞിരുന്നു. ഇത് തെറ്റായ രീതിയില്‍ പ്രചരിപ്പിക്കപ്പെട്ടതോടെയാണ് ദയ വിഡിയോ പങ്കുവച്ചു കൊണ്ട് പ്രതികരണവുമായെത്തിയത്.
''ഇതാണ് ഞാന്‍ പറഞ്ഞത്. ആ മൂന്ന് കുഞ്ഞുങ്ങളുടെ ഫാമിലിയുടെ ക്ലാരിഫിക്കേഷന് വേണ്ടി പോസ്റ്റ് ചെയ്യുന്നു. ദയവ് ചെയ്ത് കാര്യങ്ങള്‍ വളച്ചൊടിക്കരുത്. നന്ദി'' എന്ന കുറിപ്പോടെയാണ് വിഡിയോ പങ്കുവച്ചിരിക്കുന്നത്. വിഡിയോയില്‍ മഞ്ജു പിള്ള പറയുന്നത് ഇങ്ങനെയാണ്:
''ഇപ്പോള്‍ ആ മൂന്ന് കുട്ടികള്‍ പോയില്ലേ? അങ്ങനെ പോകും എന്നു കരുതിയാണോ അവര്‍ ട്രാവല്‍ ചെയ്തത്? അപ്പോള്‍ പിന്നെ എന്താ, ആ മൂന്ന് പിള്ളേരും എന്തിനാ പുറത്തിറങ്ങിയത് എന്നായി. അതൊക്കെ വിവരമില്ലായ്മയാണെന്ന് ഞാന്‍ പറയും. പഠിക്കുകയും ജോലി ചെയ്യുകയും ചെയ്യുന്ന കുട്ടികളാണ്. അവര്‍ക്കൊപ്പം പഠിക്കുന്നവരാണ്. അവര്‍ പന്ത്രണ്ട് മണിയ്‌ക്കോ ഒരു മണിയ്‌ക്കോ ഒരു പ്രശ്‌നവും ഉണ്ടാകില്ലെന്ന് കരുതി പോയതാകും. അവര്‍ പോയതിനെ ഞാന്‍ ന്യായീകരിക്കുകയല്ല. മൂന്ന് പേര്‍ ഒരുമിച്ച് പോയതും, ഹെല്‍മറ്റ് ധരിക്കാതെ പോയതും തെറ്റാണ്. അതിനെ ന്യായീകരിക്കുന്നില്ല. പക്ഷെ അതിന് എന്തിനാണ് അങ്ങനൊരു ചോദ്യം?
രണ്ട് ഹിന്ദുക്കുട്ടികള്‍ അന്യമതസ്ഥനായ ഒരാളുടെ കൂടെ എന്തിന് പോയി എന്നല്ല ചോദിക്കേണ്ടത്. അവിടെ ചോദിക്കേണ്ടത് അവര്‍ മൂന്നു പേരും ഒരുമിച്ച് എന്തിന് യാത്ര ചെയ്തുവെന്നാണ്. രാത്രി എന്തിന് യാത്ര ചെയ്തു എന്നുമല്ല. മൂന്നു പേരും ഒരുമിച്ച്, ഹെല്‍മറ്റ് ഇല്ലാതെ എന്തിന് യാത്ര ചെയ്തുവെന്നാണ്. അത് വളരെ പ്രസക്തമായ ചോദ്യമാണ്.
അല്ലാതെ രണ്ട് പെണ്‍കുട്ടികള്‍, അസമയത്ത്, ഒരു പുരുഷന്റെ കൂടെ, അതും അന്യ മതസ്ഥന്റെ കൂടെ എന്തിന് എന്ന് ചോദിക്കുന്നത് തെറ്റാണ്. അതല്ല ചോദിക്കേണ്ടത്. വളരെ തെറ്റാണ്. ഒരു നിയമത്തിലും അത് പറയുന്നില്ല. നിയമത്തില്‍ പറയുന്നത് രാത്രി ഹെല്‍മറ്റില്ലാതെ മൂന്ന് പേര്‍ ഒരു ബൈക്കില്‍ യാത്ര ചെയ്തത് തെറ്റാണെന്ന് മാത്രമാണ്''.
പൊതുസമൂഹത്തിൽ രാഹുൽ ഈശ്വറിന് ഉണ്ടായിരുന്ന അംഗീകാരവും വാക്കുകൾക്കുണ്ടായിരുന്ന വിലയും ബിഗ് ബോസ് വീട്ടിൽ എത്തിയതോടെ നഷ്ടപ്പെടുത്തിയെന്ന് സംവിധായകനും ബിഗ് ബോസ് മുൻ വിജയിയുമായ അഖിൽ മാരാർ. രാഹുൽ ഈശ്വറിനോട് മറ്റ് മത്സരാർഥികൾ പെരുമാറുന്ന രീതി കണ്ട് തനിക്ക് വിഷമം തോന്നിയെന്നും പൊതുസമൂഹത്തിൽ അറിയപ്പെടുന്ന ഒരാൾ ഇത്തരത്തിൽ അവഹേളിക്കപ്പെടേണ്ട ആളല്ലെന്നും ജിഞ്ചർ മീഡിയക്കു വേണ്ടി നടത്തുന്ന യൂട്യൂബ് വിശകലത്തിനിടെ അഖിൽ മാരാർ പറഞ്ഞു.
“അയാൾക്ക് പൊതുസമൂഹത്തിൽ ഉണ്ടായിരുന്ന അംഗീകാരവും അയാളുടെ വാക്കുകൾക്ക് ഉണ്ടായിരുന്ന ഒരു വിലയുമെല്ലാം അയാൾ പോയി ഭയങ്കരമായി നഷ്ടപ്പെടുത്തിയതായാണ് എനിക്ക് തോന്നിയത്,” അഖിൽ മാരാർ കൂട്ടിച്ചേർത്തു.കഴിഞ്ഞ വീക്കെൻഡ് എപ്പിസോഡിൽ മോഹൻലാൽ മറ്റ് മത്സരാർഥികൾ രാഹുൽ ഈശ്വറിന്റെ പാവകളെപ്പോലെയാണ് പെരുമാറുന്നതെന്ന് ചൂണ്ടിക്കാട്ടിയിരുന്നു. എന്നാൽ ഈ പരാമർശത്തിനു ശേഷവും മത്സരാർഥികൾ സ്വന്തം നിലയിൽ ഗെയിം കളിക്കാൻ തയ്യാറാകുന്നില്ല എന്നും അഖിൽ മാരാർ വിമർശിച്ചു.
''കഴിഞ്ഞ വീക്കിൽ ഇത്രയും പേർ എവിക്റ്റായിപ്പോയി, രാഹുൽ ഈശ്വറിന്റെ കളിപ്പാവകളാണ് എന്ന് പറഞ്ഞതിനു ശേഷം, രാഹുൽ ഈശ്വറിനോട് റിയാക്‌ട് ചെയ്യുമെന്നും, അദ്ദേഹവുമായി ബന്ധപ്പെട്ട കണ്ടെന്റുകൾ വരുമെന്നും പലരും പറഞ്ഞു. വിക്കി തഗ്ഗിനോട് ഒരു പത്തു പ്രാവശ്യം കൺഫഷൻ റൂമിൽ വിളിച്ചിരുത്തിയിട്ട്, വിക്കി ഗെയിം കളിക്കണം, ഗെയിം കളിക്കണം എന്നൊക്കെ ബിഗ് ബോസും ലാലേട്ടനും പറഞ്ഞു. ഇത്രയേറെ കാര്യങ്ങൾ ചെയ്തിട്ടും, ഹൗസിൽ നിന്ന് കൂട്ട ഒഴിവാക്കൽ നടന്നിട്ടും, ഇവർക്ക് ഇത് മനസിലാകുന്നില്ല. ഒരു റിയൽ ബിഗ് ബോസ് ഗെയിമിലേക്ക് ഇവർ വരുന്നില്ല, ചോദ്യങ്ങൾ ചോദിക്കുന്നില്ല. ആ ഒരു വലിയ പ്രശ്നം നമ്മൾ കാണുന്നുണ്ട്. സ്‌പൂൺ ഫീഡ് ചെയ്ത്, സ്‌പൂൺ ഫീഡ് ചെയ്ത് ഈ ഷോയെ കുളമാക്കുകയാണ്'', അഖിൽ മാരാർ പറഞ്ഞു.
ബിഗ് ബോസ് മലയാളം സീസണ്‍ നാലിലൂടെ താരമായി മാറിയ വ്യക്തിയാണ് റിയാസ് സലീം. വൈല്‍ഡ് കാര്‍ഡ് എന്‍ട്രിയിലൂടെ കടന്നു വന്ന റിയാസ് അക്ഷാര്‍ത്ഥത്തില്‍ തന്നെ ബിഗ് ബോസിനെ ഇളക്കി മറിക്കുകയായിരുന്നു. തന്റെ നിലപാടുകളിലേയും വാക്കുകളിലേയും വ്യക്തതയാണ് റിയാസിനെ താരമാക്കുന്നത്. സെക്ഷ്വാലിറ്റിയെക്കുറിച്ചും ജെന്ററിനെക്കുറിച്ചുമൊക്കെ ഉറക്കെ സംസാരിക്കുന്നയാൾ കൂടിയാണ് റിയാസ്. ഇപ്പോഴിതാ അവതാരക രഞ്ജിനി ഹരിദാസുമായുള്ള അഭിമുഖത്തിൽ മുൻപുണ്ടായിരുന്ന റിലേഷൻഷിപ്പുകളെക്കുറിച്ച് സംസാരിക്കുകയാണ് റിയാസ്.
''പത്ത് വര്‍ഷം മുന്‍പാണ് തന്റെ ജീവിതത്തില്‍ ഒരു പ്രണയം സംഭവിച്ചിട്ടുള്ളത്. അതിന് ശേഷം എനിക്ക് പലരോടും ഇഷ്ടം തോന്നിയിരുന്നു, പക്ഷേ അവര്‍ക്ക് തിരിച്ചു തോന്നണം എന്നില്ലല്ലോ. പിന്നീടൊരു റിലേഷന്‍ഷിപ്പിലേക്ക് പോകാന്‍ ഇരുന്നതായിരുന്നു, പക്ഷേ ആ ബന്ധം എന്റെ കംഫര്‍ട്ട്‌സോണിനെ ബാധിക്കും എന്ന അവസ്ഥ എത്തിയപ്പോൾ അത് ഒഴിവാക്കുകയായിരുന്നു. പ്രണയത്തില്‍ ഞാന്‍ വളരെ എക്‌സ്പ്രസീവ് ആയിട്ടുള്ള ആളാണ്. സ്‌നേഹിക്കുന്നവരെ ഞാന്‍ നന്നായി ടേക് കെയര്‍ ചെയ്യും, അതിനെ പോലെ തന്നെ പ്രധാനമാണ് എനിക്ക് എന്നെ ടേക് കെയര്‍ ചെയ്യുന്നതും. ഒരു വ്യക്തി എത്രത്തോളം സ്വയം സ്‌നേഹിക്കുന്നുവോ, അങ്ങനെ ഉള്ള ആളുകള്‍ക്ക് മാത്രമേ മറ്റൊരാളെ സ്‌നേഹിക്കാനും ടേക് കെയര്‍ ചെയ്യാനും കഴിയുകയുള്ളൂ. സെല്‍ഫ് ലവ് വളരെ പ്രധാനമാണ്'', രഞ്ജിനി ഹരിദാസിന്റെ യൂട്യൂബ് ചാനലിനു നൽകിയ അഭിമുഖത്തിൽ റിയാസ് പറഞ്ഞു.
പങ്കാളിയെക്കുറിച്ചുള്ള സങ്കൽപങ്ങളെക്കുറിച്ചും റിയാസ് അഭിമുഖത്തിൽ സംസാരിക്കുന്നുണ്ട്. ''എന്നെ ഞാനായി അംഗീകരിക്കുന്ന ആളെ മാത്രമാണ് പങ്കാളിയായി സങ്കല്‍പിക്കുന്നത്. എന്നെ സംബന്ധിച്ച് എന്റെ പെണ്‍കുട്ടി ഫെമിനിൻ ആകേണ്ടതില്ല, മാസ്‌കുലിനായി അഭിനയിക്കേണ്ടതുമില്ല. അവര്‍ എങ്ങനെയാണോ അങ്ങനെ തന്നെയായിരിക്കണം. അതാണ് പ്രധാനം'', റിയാസ് കൂട്ടിച്ചേർത്തു.
BUSINESS
ബോബി ചെമ്മണൂര്‍ ഇന്റര്‍നാഷണല്‍ ജ്വല്ലേഴ്‌സിന്റെ ഏറ്റവും പുതിയ ജ്വല്ലറി ഷോറൂം ലക്ഷദ്വീപില്‍ പ്രവര്‍ത്തനമാരംഭിച്ചു. ദ്വീപിലെ ആദ്യത്തെ ബ്രാന്‍ഡഡ് ജ്വല്ലറി ഷോറൂമാണിത്. 812 കിലോമീറ്റര്‍ റണ്‍ യുനീക് വേള്‍ഡ് റെക്കോഡ് ഹോള്‍ഡറും ലോകസമാധാനത്തിനുള്ള ഗിന്നസ് ജേതാവുമായ ബോചെ ഷോറൂമിന്റെ ഉദ്ഘാടനം നിര്‍വ്വഹിച്ചു. കവരത്തി, കച്ചേരി ജംഗ്ഷനിലാണ് ഷോറൂം പ്രവര്‍ത്തിക്കുന്നത്.
ഉദ്ഘാടനം പ്രമാണിച്ച് നവംബര്‍ 10 വരെ ലക്ഷദ്വീപ് ഷോറൂമില്‍ നിന്നും പര്‍ച്ചേയ്‌സ് ചെയ്യുന്നവര്‍ക്ക് പവന് 1000 രൂപ ഡിസ്‌കൗണ്ട് നേടാം. ഉദ്ഘാടനത്തിനെത്തിയവരില്‍ നിന്നും നറുക്കെടുപ്പിലൂടെ തിരഞ്ഞെടുക്കപ്പെട്ട 5 പേര്‍ക്ക് ഡയമണ്ട് റിംഗ് സമ്മാനമായി നല്‍കി. ആദ്യത്തെ 10 ദിവസം പര്‍ച്ചേയ്‌സ് ചെയ്യുന്നവരില്‍ നിന്നും നറുക്കെടുപ്പിലൂടെ തിരഞ്ഞെടുക്കപ്പെടുന്ന 10 പേര്‍ക്ക് സ്‌പോര്‍ട്‌സ് സൈക്കിള്‍ സമ്മാനം. അതോടൊപ്പം ആഴ്ചതോറും നറുക്കെടുപ്പിലൂടെ സ്വര്‍ണനാണയങ്ങളും മറ്റു നിരവധി സമ്മാനങ്ങളും. HUID മുദ്രയുള്ള 916 സ്വര്‍ണാഭരണങ്ങള്‍ക്ക് ഏറ്റവും കുറഞ്ഞ പണിക്കൂലി. ഡയമണ്ട് ആഭരണങ്ങള്‍ക്ക് പണിക്കൂലിയില്‍ 50% വരെ ഡിസ്‌കൗണ്ട്. സ്വര്‍ണവിലയില്‍ നിന്നും സംരക്ഷണം നല്‍കിക്കൊണ്ട് അഡ്വാന്‍സ് ബുക്കിംഗ് ഓഫര്‍. നിങ്ങളുടെ കൈവശമുള്ള, ഏത് ജ്വല്ലറിയില്‍ നിന്നും വാങ്ങിയ പഴയ സ്വര്‍ണാഭരണങ്ങളും ഏറ്റവും മികച്ച മാര്‍ക്കറ്റ് വിലയില്‍ ഷോറൂമില്‍ വില്‍ക്കാം.
ഇന്ത്യൻ ഓട്ടക്കാർക്ക് അനുയോജ്യമായ റണ്ണിംഗ് ഷൂ വിപണിയിലെത്തിച്ച് പ്രമുഖ ആഗോള സ്പോർട്സ് ബ്രാൻഡായ നൈക്കി. ഇന്ത്യൻ സാഹചര്യങ്ങളും റണ്ണേഴ്‌സിന്റെ ആവശ്യങ്ങളും പരിഗണിച്ച് പ്രത്യേകം വികസിപ്പിച്ച ‘വേഗം റൺ’ എന്ന റണ്ണിങ് ഷൂവാണ് കമ്പനി അവതരിപ്പിച്ചത്. ഓട്ടത്തിനിടെ ലഭിക്കേണ്ട സൗകര്യങ്ങൾക്കൊപ്പം ദൈനംദിന ഉപയോഗത്തിനും പ്രയോജനപ്പെടുന്ന രീതിയിലാണ് ഇതിന്റെ നിർമാണം. 3,795 രൂപയാണ് ഇന്ത്യയിലെ വില.
രാജ്യത്തിന്റെ വിവിധ ഭാഗങ്ങളിലുള്ള ഓട്ടക്കാരുമായി നേരിട്ട് ആശയവിനിമയം നടത്തിയും അവരുടെ പരിശീലനരീതികളും ജീവിതശൈലിയും മനസിലാക്കിയുമാണ് നൈക്കി ‘വേഗം റൺ’ വികസിപ്പിച്ചത്. ഭാരം കുറഞ്ഞതും വായുസഞ്ചാരം ഉറപ്പാക്കുന്നതുമായ അപ്പർ ഭാഗമാണ് ഷൂവിന്റെ പ്രധാന സവിശേഷതകളിലൊന്ന്. ഓട്ടത്തിനിടയിലെ ആഘാതം കുറയ്ക്കാൻ സഹായിക്കുന്ന പ്ലഷ് ഫോം ബെഡും കൂടുതൽ ഈടുനിൽപ്പിനായി പെരിമീറ്റർ റബ്ബറും ടെക്സ്ചർ ചെയ്ത ഔട്ട്‌സോളും നൽകിയിട്ടുണ്ട്.
ഷൂ എളുപ്പത്തിൽ ധരിക്കാനും ഊരിയെടുക്കാനും സഹായിക്കുന്ന ടാബ് സംവിധാനവും ഇതിലുണ്ട്. ആധുനികവും ലളിതവുമായ ഡിസൈനിൽ എത്തുന്ന ഷൂ വിവിധ ആകർഷകമായ നിറങ്ങളിലും ലഭ്യമാണ്.
ഉൽപ്പന്ന വികസനത്തിലും നിർമാണത്തിലും വേഗത പുലർത്തിയെന്നതാണ് ‘വേഗം റൺ’ പദ്ധതിയുടെ മറ്റൊരു പ്രത്യേകത. ഡിസൈൻ ഘട്ടത്തിൽനിന്ന് ഉൽപ്പന്ന നിർമാണത്തിലേക്ക് എത്താൻ വെറും 55 ദിവസം മാത്രമാണ് നൈകിക്ക് വേണ്ടിവന്നത്. വിപണിയിലെത്തിക്കുന്നതിനുള്ള മുഴുവൻ നടപടികൾക്കും ഏകദേശം അഞ്ച് മാസമാണ് എടുത്തത്.
നവംബർ ഒന്ന് മുതൽ ഇന്ത്യയിൽ വിൽപ്പന ആരംഭിച്ച ഷൂ നിലവിൽ ഫ്ലിപ്കാർട്ടിലൂടെയും തിരഞ്ഞെടുത്ത റീട്ടെയിൽ സ്റ്റോറുകളിലൂടെയും ലഭ്യമാണ്. അടുത്ത വർഷം തുടക്കത്തോടെ നൈകിയുടെ മറ്റ് വിൽപ്പന പങ്കാളികൾ വഴിയും രാജ്യത്തുടനീളം ലഭ്യത വ്യാപിപ്പിക്കും. ഇന്ത്യയിൽ രൂപകൽപ്പന ചെയ്ത ഈ ഉൽപ്പന്നത്തെ അന്താരാഷ്ട്ര തലത്തിലേക്ക് എത്തിക്കാനുള്ള നീക്കത്തിലാണ് കമ്പനി. 2027-ഓടെ ആഗോള വിപണികളിലും ‘വേഗം റൺ’ അവതരിപ്പിക്കാനാണ് നൈകിയുടെ ലക്ഷ്യം.
ദീപാവലി ഇതാ ഇങ്ങെത്തിക്കഴിഞ്ഞു. ഡിജിറ്റൽ ലോകത്ത് ദീപാവലിയുമായി ബന്ധപ്പെട്ട് നടക്കുന്ന തട്ടിപ്പുകൾക്കെതിരെ മുന്നറിയിപ്പുമായി രംഗത്തെത്തിയിരിക്കുകയാണ് ഡിജിറ്റൽ പേയ്‌മെന്റ് പ്ലാറ്റ്‌ഫോമായ ഫോൺപേ. റിവാർഡ്, ക്യാഷ്ബാക്ക് ലിങ്കുകൾ നൽകിയും ക്യൂആർ കോഡ് വഴിയുമുള്ള തട്ടിപ്പുകളിൽ പെട്ടുപോകരുതെന്ന് പറയുകയാണ് ആപ്. അറിയേണ്ട കാര്യങ്ങളും സുരക്ഷാ നിർദേശങ്ങളും ഫോൺപേ മുന്നോട്ടുവെക്കുന്നുണ്ട്.
ദീപാവലി ആഘോഷങ്ങളുടെ ഭാഗമായി ഡിജിറ്റൽ ഇടപാടുകൾ വർദ്ധിച്ചുവരുന്ന സാഹചര്യത്തിലാണ് ഫോൺപേയുടെ മുന്നറിയിപ്പ്. വ്യാജ ക്യൂആർ കോഡുകൾ നിർമ്മിച്ച് വ്യാപാരികളെയും ഉപയോക്താക്കളെയും വഞ്ചിക്കുന്നത് ഇക്കാലത്ത് കൂടിവരുന്നുണ്ട്. ക്യൂആർ കോഡുകൾ ഉപയോഗിച്ചും ലിങ്കുകൾ വഴിയുമാണ് പ്രധാനമായും തട്ടിപ്പ് നടക്കുന്നത്.
വാട്ട്‌സ്ആപ്പ് അല്ലെങ്കിൽ മറ്റ് സോഷ്യൽ മീഡിയ പ്ലാറ്റ്‌ഫോമുകൾ വഴി ആദ്യം ക്യൂആർ കോഡുകൾ അയച്ചുനൽകും. അത് സ്‌കാൻ ചെയ്ത് യുപിഐ പിൻ നൽകിയാൽ കാഷ്ബാക്കോ റിവാർഡുകളോ അല്ലെങ്കിൽ ദീപാവലി സമ്മാനങ്ങൾ ലഭിക്കുമെന്നാണ് പ്രചാരണം. യുപിഐ പിൻ നൽകുന്നതോടെ അക്കൗണ്ടിലെ പണവുമായി തട്ടിപ്പുകാർ മുങ്ങും. മറ്റൊരു തട്ടിപ്പ് രീതി കടകളിലും മറ്റും സ്ഥാപിച്ചിട്ടുള്ള യഥാർത്ഥ വ്യാപാരികളുടെ ക്യൂആർ കോഡുകൾക്ക് മുകളിൽ വ്യാജ ക്യൂആർ കോഡ് സ്റ്റിക്കറുകൾ പതിപ്പിക്കുന്നതാണ്. ഇതിലൂടെ ഉപയോക്താക്കൾ നൽകുന്ന പണം തട്ടിപ്പുകാരുടെ അക്കൗണ്ടുകളിലേക്ക് എത്തും.
HEALTH
ജോലി സ്ഥലത്തേക്കും,ജിമ്മിലേക്കുമൊക്കെ പോകുമ്പോൾ നമ്മൾ വെള്ളക്കുപ്പി കൂടെ കരുതാറുണ്ട്. ആവശ്യത്തിന് വെള്ളം കുടിക്കാൻ സഹായിക്കുന്ന നല്ലൊരു ശീലമാണ് ഇത്. എന്നാൽ വെള്ളം നിറച്ച് ഉപയോഗിക്കുന്ന കുപ്പി എത്ര തവണ വൃത്തിയാക്കണമെന്ന കാര്യത്തിൽ പലരും വേണ്ടത്ര ശ്രദ്ധിക്കാറില്ല. ദിവസങ്ങളോളം കഴുകാതെ ഒരേ കുപ്പിയിൽ വെള്ളം നിറച്ച് കുടിക്കുന്ന ശീലമുണ്ടെങ്കിൽ അത് മാറ്റേണ്ട സമയമായി.
വെള്ളക്കുപ്പി കാഴ്ചയിൽ വൃത്തിയുള്ളതാണെന്ന് കരുതി അതിനുള്ളിൽ അണുക്കൾ ഇല്ലെന്ന് ഉറപ്പിക്കാനാകില്ല. വായ, കൈകൾ, പരിസരം എന്നിവയിൽനിന്നുള്ള സൂക്ഷ്മജീവികൾ കുപ്പിയുടെ വായ്ഭാഗത്തും അടപ്പിലും കുപ്പിക്ക് ഉള്ളിലും എത്താം. ഈർപ്പമുള്ള സാഹചര്യത്തിൽ അവ പെരുകാനുള്ള സാധ്യതയുമുണ്ട്.
വെള്ളക്കുപ്പി ദിവസവും ഒരിക്കലെങ്കിലും കഴുകുന്നതാണ് നല്ലത്. വെള്ളം മാത്രമാണ് നിറയ്ക്കുന്നതെങ്കിലും കുപ്പി കഴുകണം. കുപ്പിയുടെ അകത്തളവും അടപ്പും വായ്ഭാഗവും നന്നായി വൃത്തിയാക്കണം. കുപ്പിയിൽനിന്ന് നേരിട്ട് വായവച്ച് കുടിക്കുന്നവരും മറ്റുള്ളവരുമായി കുപ്പി പങ്കിടുന്നവരും കൂടുതൽ ശ്രദ്ധിക്കണം.
കുപ്പിയിൽ ജ്യൂസ്, പാൽ, മധുരപാനീയങ്ങൾ, പ്രോട്ടീൻ ഡ്രിങ്കുകൾ തുടങ്ങിയവ നിറച്ചിട്ടുണ്ടെങ്കിൽ ഉപയോഗിച്ച ഉടൻ കഴുകണം. ഇത്തരം പാനീയങ്ങളുടെ അവശിഷ്ടങ്ങൾ കുപ്പിയിൽ തങ്ങിനിൽക്കുന്നത് ദുർഗന്ധത്തിനും സൂക്ഷ്മജീവികളുടെ വളർച്ചയ്ക്കും കാരണമാകാം.
വെള്ളക്കുപ്പി ശരിയായി വൃത്തിയാക്കേണ്ടത് എങ്ങനെ?
കുപ്പിക്കുള്ളിൽ വെള്ളവും പാത്രം കഴുകാനുള്ള ലിക്വിഡും ചേർത്ത് നന്നായി കഴുകുക. കുപ്പിയുടെ ഉള്ളിലേക്ക് കടന്നു ചെല്ലുന്ന ബ്രഷ് ഉപയോഗിക്കുന്നത് കൂടുതൽ ഫലപ്രദമാണ്.
കുപ്പിയുടെ അടപ്പിലും റബർ സീലിലും വെള്ളം കെട്ടിനിൽക്കാം. അതിനാൽ ഇവ അഴിച്ചുമാറ്റാൻ കഴിയുമെങ്കിൽ അഴിച്ച് പ്രത്യേകം വൃത്തിയാക്കണം.
സോപ്പിന്റെ അവശിഷ്ടങ്ങൾ നീങ്ങുന്നതുവരെ ശുദ്ധജലത്തിൽ കഴുകുക. തുടർന്ന് കുപ്പിയും അടപ്പും വായുസഞ്ചാരമുള്ള സ്ഥലത്ത് പൂർണമായി ഉണങ്ങാൻ അനുവദിക്കുക.
പ്ലാസ്റ്റിക്, സ്റ്റീൽ, ഗ്ലാസ് കുപ്പികൾ വൃത്തിയാക്കുമ്പോൾ അവയുടെ നിർമാതാക്കൾ നൽകുന്ന നിർദേശങ്ങൾ പാലിക്കുക.
PRAVASI VARTHAKAL
