18
MAR 2021
THURSDAY
1 GBP = 126.53 INR
1 USD = 94.44 INR
1 EUR = 106.13 INR
ഉന്നത പഠനത്തിനായി ലണ്ടനിലേക്ക് പറന്ന മിടുക്കിയായ യുവതിയുടെ ദാരുണമായ മരണം കുടുംബത്തോടൊപ്പം ജന്മനാടിനെയും ഞെട്ടിക്കുന്നു.
ഛത്രപതി സംഭാജിനഗർ സ്വദേശിനിയായ മുഗ്ധ ദേശ്മുഖ് (34) എന്ന എം.ബി.എ. വിദ്യാര്‍ഥിനിയെയാണ് പുണെയിലെ പിംപ്രി ചിഞ്ച്‌വാദിലുള്ള ഗഹുഞ്‌ജെ പ്രദേശത്തെ ഒരു റസിഡൻഷ്യൽ കോംപ്ലക്സിൽ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയത്. ഇതോടെ എന്താണ് സംഭവിച്ചത് എന്നറിയാതെ ആകെ അമ്പരപ്പിലായി കുടുംബവും ബന്ധുക്കളും.
എന്നാൽ പിനീട് നടത്തിയ അന്വേഷണത്തിൽ കുടുംബാംഗങ്ങളുടെ കണ്ണുവെട്ടിച്ച് രഹസ്യമായി നാട്ടില്‍ തിരിച്ചെത്തിയതായിരുന്നു ഈ യുവതിയെന്ന് തിരിച്ചറിഞ്ഞു.
കഴിഞ്ഞവര്‍ഷം ജൂലൈ മാസത്തിലാണ് മുഗ്ധ യുകെയിലേക്ക് ഉപരിപഠനത്തിനായി യാത്ര തിരിച്ചത്. അവിടെ ഒറ്റയ്ക്കുള്ള താമസത്തോടൊപ്പം പാര്‍ട്ട് ടൈം ജോലികളും ചെയ്ത് വരികയായിരുന്നു.
വീട്ടുകാരുമായി പതിവായി ഫോണിലൂടെയും സമൂഹമാധ്യമങ്ങളിലൂടെയും കൃത്യമായി ബന്ധപ്പെടുകയും ചെയ്തിരുന്നു. എന്നാല്‍, ഒക്ടോബര്‍ 24-ന് ശേഷമാണ് സംഭവങ്ങളുടെ ഗതി മാറുന്നത്.
യുവതിയുടെ മൊബൈല്‍ ഫോണ്‍ പെട്ടെന്ന് സ്വിച്ച് ഓഫ് ആകുകയും വീട്ടുകാരുടെ തുടര്‍ച്ചയായ കോളുകള്‍ക്ക് മറുപടി നല്‍കാതിരിക്കുകയും ചെയ്തു.
ആശങ്കയിലായ കുടുംബം ലണ്ടനിലെ സുഹൃത്തുക്കളെ ബന്ധപ്പെട്ടതോടെയാണ് ഞെട്ടിക്കുന്ന വിവരം പുറത്തുവരുന്നത്. ഒക്ടോബര്‍ 22-ഓടെ തന്നെ മുഗ്ധ യുകെ വിട്ടിരുന്നുവെന്നും ഓഗസ്റ്റ് അവസാനത്തോടെ തന്നെ അവര്‍ ഇംഗ്ലണ്ടില്‍ ഇല്ലായിരുന്നുവെന്നും ലണ്ടന്‍ പൊലീസും സുഹൃത്തുക്കളും നടത്തിയ അന്വേഷണത്തിൽ വ്യക്തമായി.
തുടര്‍ന്ന് ബന്ധുക്കള്‍ ഇന്ത്യന്‍ അധികാരികളുടെയും ഹൈക്കമ്മീഷന്റെയും സഹായം തേടുകയായിരുന്നു.
ഇതിനിടയിലാണ് മുഗ്ധയുടെ പിതാവ് ബാങ്ക് സ്റ്റേറ്റ്‌മെന്റുകളും ഓണ്‍ലൈന്‍ ഇടപാടുകളും പരിശോധിച്ചത്. ഒക്ടോബര്‍ എട്ടിനും 25നും ഇടയില്‍ ഫുഡ് ഡെലിവറി ആപ്പുകള്‍ വഴിയും മറ്റ് ഓണ്‍ലൈന്‍ പ്ലാറ്റ്‌ഫോമുകള്‍ വഴിയും നടന്ന ചില ഇടപാടുകള്‍ അദ്ദേഹത്തിന്റെ ശ്രദ്ധയില്‍പ്പെട്ടു.
ഇതില്‍ ഒരു ഇടപാട് പുണെയിലെ ഉസ്മാൻപുര പ്രദേശത്തുനിന്നാണ് നടന്നിരിക്കുന്നതെന്ന് വ്യക്തമായതോടെ മകള്‍ രഹസ്യമായി ഇന്ത്യയില്‍ തിരിച്ചെത്തിയിട്ടുണ്ടെന്ന് കുടുംബം തിരിച്ചറിഞ്ഞു.
ഉടന്‍തന്നെ പൊലീസില്‍ വിവരമറിയിക്കുകയും പൊലീസ് നടത്തിയ ഊര്‍ജ്ജിതമായ അന്വേഷണത്തിനൊടുവിൽ മുഗ്ധ താമസിച്ചിരുന്ന അപ്പാര്‍ട്ട്‌മെന്റ് കണ്ടെത്തുകയുമായിരുന്നു.
അകത്തുനിന്ന് പൂട്ടിയിരുന്ന വാതിൽ തുറന്ന് അകത്തുകടന്ന പൊലീസിന് മുന്നില്‍ കണ്ടത് ജീവനറ്റ മുഗ്ധയുടെ ശരീരമാണ്.
ഒക്ടോബർ 28 ബുധനാഴ്ച രാത്രി, ഛത്രപതി സംഭാജിനഗർ പോലീസിൽ നിന്നുള്ള ഒരു സംഘം പിംപ്രി-ചിഞ്ച്‌വാഡ് പോലീസിന്റെ സഹായത്തോടെ അപ്പാർട്ട്മെന്റിലെത്തി. ഫ്ലാറ്റ് അകത്തു നിന്ന് പൂട്ടിയിരിക്കുകയായിരുന്നു, പരിസരത്ത് നിന്ന് ശക്തമായ ദുർഗന്ധം വമിക്കുന്നുണ്ടായിരുന്നു. വാതിൽ പൊളിച്ച് നോക്കിയപ്പോൾ, കിടപ്പുമുറിയിൽ അഴുകിയ നിലയിൽ മുഗ്ധയുടെ മൃതദേഹം പോലീസ് കണ്ടെത്തി.
പ്രാഥമിക വിവരങ്ങൾ അനുസരിച്ച് അവർ അപ്പാർട്ട്മെന്റ് വാടകയ്ക്ക് എടുത്ത് കുടുംബത്തെ അറിയിക്കാതെ അവിടെ താമസിക്കുകയായിരുന്നു. ഷിർഗാവ് പോലീസ് സ്റ്റേഷനിൽ അപകട മരണ കേസ് രജിസ്റ്റർ ചെയ്തിട്ടുണ്ട്.
യുകെ വിട്ടശേഷം കഴിഞ്ഞ ഓഗസ്റ്റില്‍ തന്നെ രഹസ്യമായി പുണെയിലെത്തി ഈ ഫ്ലാറ്റ് വാടകയ്ക്കെടുത്ത് താമസം തുടങ്ങിയതാണെന്ന് അന്വേഷണത്തില്‍ വ്യക്തമായിട്ടുണ്ട്. യുവതിയുടെ ശരീരത്തില്‍ ബാഹ്യമായ പരിക്കുകളോ പാടുകളോ ഒന്നും തന്നെ കണ്ടെത്തിയിട്ടില്ല.
എങ്കിലും മരണത്തിന്റെ യഥാര്‍ത്ഥ കാരണം വ്യക്തമാകുന്നതിനായി ആന്തരികാവയവങ്ങളുടെ സാമ്പിളുകള്‍ വിദഗ്ധ പരിശോധനയ്ക്കായി അയച്ചിരിക്കുകയാണ്.
കുടുംബത്തെ പോലും അറിയിക്കാതെ എന്തിനാണ് യുവതി രഹസ്യമായി ലണ്ടനില്‍ നിന്ന് തിരിച്ചെത്തിയതെന്നും മരണത്തിന് പിന്നിലെ യഥാര്‍ത്ഥ കാരണം എന്താണെന്നുമുള്ള ചോദ്യങ്ങള്‍ക്ക് ഉത്തരം തേടി പൊലീസ് അന്വേഷണം ഊര്‍ജ്ജിതമാക്കിയിരിക്കുകയാണ്.
അവരുടെ മരണവുമായി ബന്ധപ്പെട്ട സാഹചര്യങ്ങൾ, കുടുംബത്തെ അറിയിക്കാതെ അവർ ഇന്ത്യയിലേക്ക് മടങ്ങിയതിന്റെ കാരണം, മരണത്തിൽ ആത്മഹത്യയുണ്ടോ അതോ ദുരൂഹതയുണ്ടോ തുടങ്ങിയ കാര്യങ്ങൾ പോലീസ് അന്വേഷിക്കുന്നുണ്ട്. മരണകാരണം എന്നിവയെല്ലാം ഉത്തരം കിട്ടാത്ത ചോദ്യങ്ങളായി ഇപ്പോഴും അവശേഷിക്കുന്നു.
കഴിഞ്ഞ ദിവസങ്ങളിലുണ്ടായ ശക്തമായ കൊടുങ്കാറ്റുകൾക്കും കനത്ത മഴയ്ക്കും പിന്നാലെ ബ്രിട്ടനിൽ കാലാവസ്ഥയിൽ വലിയ മാറ്റത്തിന് സാധ്യത.
സ്റ്റോം ഓസ്റ്റൻ, ബോലോ (Storms Austen and Boelo) എന്നീ ഇരട്ട കൊടുങ്കാറ്റുകൾ മൂലം രാജ്യത്ത് കഴിഞ്ഞ രണ്ട് വർഷത്തിനിടയിലെ ഏറ്റവും ശക്തമായ മഴയാണ് കഴിഞ്ഞ ആഴ്ച രേഖപ്പെടുത്തിയത്.
എന്നാൽ ഇതിനു പകരമായി ഉയർന്ന മർദ്ദം രൂപപ്പെടുന്നതോടെ, രാജ്യത്ത് മഴ കുറഞ്ഞ് പത്തോളം ദിവസങ്ങൾ ശാന്തമായ കാലാവസ്ഥ തുടരുമെന്നാണ് പ്രവചനം.
ഈ ദിവസങ്ങളിൽ പകൽ സമയങ്ങളിൽ തെളിഞ്ഞ കാലാവസ്ഥ പ്രതീക്ഷിക്കാമെങ്കിലും, രാവിലെയുള്ള സമയങ്ങളിൽ കട്ടിയുള്ള മൂടൽമഞ്ഞും ദൃശ്യപരത കുറയാനും സാധ്യതയുണ്ട്.
വരും ദിവസങ്ങളിൽ താപനില ക്രമാനുഗതമായി കുറയുമെന്നും കാലാവസ്ഥ നിരീക്ഷകർ വ്യക്തമാക്കുന്നു.
Latest News
ഒരു ഇഷ്ടികയ്ക്ക് എന്ത് പ്രത്യേകതയാണുള്ളത്? വീടുപണിയാൻ ഉപയോഗിക്കുന്ന ഒരു സാധാരണ നിർമാണവസ്തു മാത്രമല്ലേ അത്? എന്നാൽ ചൈനയിലെ യുവാക്കൾക്ക് ഇപ്പോൾ ഇഷ്ടിക അതിലേറെയാണ്. അതിൽ പായൽ വളർത്തി, ദിവസവും വെള്ളം തളിച്ച്, അതിന്റെ വളർച്ച നിരീക്ഷിച്ച് സന്തോഷം കണ്ടെത്തുകയാണ് ഒരു വിഭാഗം യുവാക്കൾ. സമൂഹമാധ്യമങ്ങളിൽ ഇതിനോടകം ശ്രദ്ധ നേടിയ ഈ ഹോബി ഇപ്പോൾ കൗതുകകരമായ ചർച്ചയാവുകയാണ്.
വളർത്തുമൃഗങ്ങളെപ്പോലെ ഭക്ഷണം നൽകേണ്ടതില്ല, ചെടികളെപ്പോലെ വളമിടേണ്ടതില്ല. ഇഷ്ടികയുടെ പ്രതലത്തിൽ പായൽ വളർത്തി അതിനെ ഒരു കൂട്ടുകാരനെപ്പോലെ പരിപാലിക്കുന്നതാണ് ഈ ഹോബിയുടെ പ്രത്യേകത. മാനസിക സമ്മർദങ്ങൾക്കിടയിൽ ചെറിയൊരു ആശ്വാസം കണ്ടെത്താനും വലിയ നേട്ടങ്ങളൊന്നും കൈവരിക്കാതെ തന്നെ സംതൃപ്തി അനുഭവിക്കാനും ഈ പ്രവണത സഹായിക്കുന്നുവെന്നാണ് വിലയിരുത്തൽ.
രീതി വളരെ ലളിതമാണ്. ഒരു സാധാരണ ഇഷ്ടിക എടുത്ത് ദിവസത്തിൽ ഏതാനും തവണ വെള്ളം തളിച്ചുകൊടുക്കുക. അന്തരീക്ഷത്തിൽ സ്വാഭാവികമായി കാണപ്പെടുന്ന പായലിന്റെ ബീജാണുക്കൾ ഇഷ്ടികയുടെ പ്രതലത്തിൽ എത്തി വളരുന്നതുവരെ കാത്തിരിക്കുക. ഈർപ്പം ലഭിക്കുന്ന സാഹചര്യത്തിൽ പായൽ ക്രമേണ പ്രതലത്തിൽ പടർന്നുവളരാം.
വളർത്തുമൃഗങ്ങളെ പരിപാലിക്കുന്നതുപോലെ നിരന്തര ശ്രദ്ധയോ ചെലവേറിയ പരിചരണ ഉപകരണങ്ങളോ ആവശ്യമില്ലെന്നതാണ് ഇതിന്റെ ആകർഷണം. കുറച്ചുകാലം വെള്ളം ലഭിക്കാതിരുന്നാൽ പായൽ ഉണങ്ങിയ അവസ്ഥയിലാകാം. വീണ്ടും ഈർപ്പം ലഭിക്കുമ്പോൾ ചില പായലുകൾക്ക് പച്ചനിറം വീണ്ടെടുക്കാനും കഴിയും. ഈ മാറ്റങ്ങൾ നിരീക്ഷിക്കുന്നതും ഹോബിയുടെ ഭാഗമാണ്.
ചൈനീസ് സമൂഹമാധ്യമങ്ങളിൽ ഇഷ്ടികയിലെ പായൽ വളർത്തൽ വലിയ ശ്രദ്ധ നേടുന്നുണ്ട്. ഇതുമായി ബന്ധപ്പെട്ട ഒരു ഹാഷ്ടാഗിന് വെയ്‌ബോയിൽ മാത്രം 50 ലക്ഷത്തിലധികം കാഴ്ചകൾ ലഭിച്ചതായാണ് റിപ്പോർട്ട്. ഇഷ്ടികകളിൽ പായൽ പടരുന്നതിന്റെ ചിത്രങ്ങളും അവയെ പരിപാലിക്കുന്നതിലൂടെ ലഭിക്കുന്ന അനുഭവങ്ങളുമെല്ലാം താൽപര്യമുള്ളവർ പങ്കുവയ്ക്കുന്നു. #healing, #stressrelief തുടങ്ങിയ ഹാഷ്ടാഗുകളിലൂടെയും ഈ ഹോബി പ്രചരിക്കുന്നുണ്ട്.
ചൈനീസ് സമൂഹമാധ്യമമായ സിയാവോഹോങ്ഷുവിലെ ഒരു ഉപയോക്താവ് പങ്കുവെച്ച അനുഭവവും ഈ പ്രവണതയുടെ പ്രത്യേകത വ്യക്തമാക്കുന്നതാണ്. ഈ അനുഭവം ദി ഗാർഡിയൻ റിപ്പോർട്ട് ചെയ്തിരുന്നു. മറ്റുള്ളവരുടെ പ്രതീക്ഷകൾക്കൊത്ത് ഉയരേണ്ടതില്ല, നേട്ടങ്ങൾ തെളിയിക്കേണ്ടതില്ല, സ്വന്തം വളർച്ച മറ്റുള്ളവരുമായി താരതമ്യം ചെയ്യേണ്ടതില്ല. ഇഷ്ടികയിലെ പായൽ വളർത്തുന്നതിന്റെ ആകർഷണം അതിലാണെന്നാണ് ഉപയോക്താവിന്റെ അഭിപ്രായം.
എന്നാൽ, ഈ ഹോബി പിന്തുടരുമ്പോൾ ചില മുൻകരുതലുകൾ വേണമെന്ന മുന്നറിയിപ്പുമുണ്ട്. ബെയ്ജിംഗിലെ ക്യാപിറ്റൽ നോർമൽ യൂണിവേഴ്‌സിറ്റിയിൽ പായലുമായി ബന്ധപ്പെട്ട വിഷയങ്ങളിൽ പ്രൊഫസറായിരുന്ന ഷുഡോംഗ് ലി, പായൽ വളർത്തുന്ന ഇഷ്ടികകൾ കൈകാര്യം ചെയ്യുമ്പോൾ ശ്രദ്ധ പുലർത്തണമെന്ന് നിർദേശിച്ചിട്ടുണ്ട്. അവ അടച്ചുവെച്ച സാഹചര്യങ്ങളിൽ സൂക്ഷിക്കണമെന്നും പായലിന്റെ ബീജകണങ്ങളുമായുള്ള സമ്പർക്കം കുറയ്ക്കാൻ കൈയുറകളും മാസ്കും ധരിക്കണമെന്നും അദ്ദേഹം ഉപദേശിച്ചതായി റിപ്പോർട്ടിൽ പറയുന്നു.
ചൈനയിലെ യുവാക്കളുടെ മാറിവരുന്ന ജീവിതസമീപനങ്ങളുമായി ഈ ഹോബിക്ക് ബന്ധമുണ്ടെന്നാണ് ദി ഗാർഡിയന്റെ റിപ്പോർട്ട് ചൂണ്ടിക്കാട്ടുന്നത്. ബന്ധങ്ങൾ, തൊഴിൽ, കുടുംബ ഉത്തരവാദിത്തങ്ങൾ തുടങ്ങിയ കാര്യങ്ങളെക്കുറിച്ചുള്ള അവരുടെ കാഴ്ചപ്പാടുകളിലും മാറ്റങ്ങൾ പ്രകടമാണ്. അതിനൊപ്പം കടുത്ത മത്സരവും തൊഴിൽ മേഖലയിലെ വെല്ലുവിളികളും യുവാക്കൾക്ക് വലിയ മാനസിക സമ്മർദം സൃഷ്ടിക്കുന്നുണ്ട്.
വിദ്യാർഥികളെ ഒഴിവാക്കിയുള്ള 16 മുതൽ 24 വയസ്സുവരെയുള്ളവരിൽ അഞ്ചിൽ ഒരാൾ തൊഴിൽരഹിതനാണെന്നാണ് റിപ്പോർട്ടിൽ പരാമർശിക്കുന്ന ഔദ്യോഗിക കണക്കുകൾ. ഇത്തരം സാഹചര്യങ്ങളിൽ വലിയ ലക്ഷ്യങ്ങൾ പിന്തുടരുന്നതിനു പകരം, ചെറിയ കാര്യങ്ങളിൽ സന്തോഷം കണ്ടെത്താനുള്ള ശ്രമമായും ഇഷ്ടികയിലെ പായൽ വളർത്തലിനെ കാണാം.
വലിയ ചെലവില്ല, വലിയ ഉത്തരവാദിത്തങ്ങളില്ല, മറ്റുള്ളവരോട് മത്സരിക്കേണ്ട ആവശ്യവുമില്ല. വെള്ളം തളിച്ച് പായൽ വളരുന്നത് കാത്തിരിക്കാം. പുറമേ നോക്കുമ്പോൾ വെറുമൊരു ഇഷ്ടിക മാത്രമാണെങ്കിലും, അതിനെ പരിപാലിക്കുന്നതിലൂടെ മനസ്സിന് ആശ്വാസം ലഭിക്കുന്നുവെന്നാണ് ഈ ഹോബി പിന്തുടരുന്നവരുടെ അനുഭവങ്ങൾ സൂചിപ്പിക്കുന്നത്.
ASSOCIATION
ഹ്രസ്വ സന്ദര്‍ശനത്തിനായി യു.കെ.യിലെത്തിയ മുസ്ലിം ലീഗ് ദേശീയ ട്രഷററും രാജ്യസഭാംഗവുമായ പി.വി. അബ്ദുല്‍ വഹാബ് എംപി യുമായി ബ്രിട്ടന്‍ കെഎംസിസി നേതാക്കള്‍ കൂടിക്കാഴ്ച നടത്തി.
യു.കെ.യിലെ മലയാളി സമൂഹം ഏറെക്കാലമായി ഉന്നയിച്ചുവരുന്ന സുപ്രധാന ആവശ്യമായ കേരളത്തിലേക്ക് നേരിട്ടുള്ള വിമാന സര്‍വീസ് ആരംഭിക്കണമെന്ന വിഷയം സ്വീകരണച്ചടങ്ങില്‍ അദ്ദേഹത്തിന്റെ ശ്രദ്ധയില്‍പ്പെടുത്തി. പ്രത്യേകിച്ച്, ലണ്ടനില്‍ നിന്ന് കൊച്ചിയിലേക്ക് നേരിട്ടുള്ള വിമാന സര്‍വീസ് യാഥാര്‍ഥ്യമാക്കുന്നതിനാവശ്യമായ ഇടപെടലുകള്‍ നടത്തണമെന്നാവശ്യപ്പെട്ട് ബ്രിട്ടന്‍ കെ.എം.സി.സി. അദ്ദേഹത്തിന് നിവേദനം സമര്‍പ്പിക്കുകയും ചെയ്തു .
യു.കെ.യിലെ പ്രവാസി മലയാളികള്‍ക്കും നാട്ടിലേക്കുള്ള യാത്രയ്ക്കായി അവരെ ആശ്രയിക്കുന്ന കുടുംബങ്ങള്‍ക്കും ഏറെ പ്രയോജനകരമാകുന്ന ഈ ആവശ്യം അനുഭാവപൂര്‍വം പരിഗണിച്ച് ബന്ധപ്പെട്ട വ്യോമയാന അധികാരികളുടെ ശ്രദ്ധയില്‍പ്പെടുത്തണമെന്നും എം പി യോട് ബ്രിട്ടന്‍ കെഎംസിസി ആവശ്യപ്പെട്ടു.
ബ്രിട്ടന്‍ കെ.എം.സി.സി. നേതാക്കളായ സഫീര്‍ എന്‍.കെ., അഷ്‌റഫ് വടകര, നൗഫല്‍ വാരം, അഹമ്മദ് അരീക്കോട്, സാജിദ് പി., അഫ്‌സല്‍ തുടങ്ങിയവര്‍ സംബന്ധിച്ചു.
നോർത്താംപ്ടൺ:യു കെ യിൽ കുന്നംകുളത്തും നിന്നുമെത്തിയ പ്രവാസി കുടുംബങ്ങളുടെ പ്രഥമ സംഗമം പ്രൗഢ ഗംഭീരമായി. 'യുകെ കുന്നംകുളത്തുകാർ' കൂട്ടായ്മയുടെ പ്രഥമ ഒത്തുചേരലിനും 'മിനി പെരുന്നാൾ' ആഘോഷത്തിനും നോർത്താംപ്ടൺ മന്ന ബോൾ റൂം വേദിയായി. വർണ്ണാഭമായ ചടങ്ങുകളോടെ ആഘോഷിച്ച മിനിപെരുന്നാളിൽ കുന്നംകുളം സ്വദേശികളും കുടുംബങ്ങളുമായി ചേർന്നൊരുക്കിയ സ്നേഹസംഗമം വലിയ ഐക്യത്തിന്റെയും സൗഹൃദത്തിന്റെയും കരുതലിന്റെയും നേർക്കാഴ്ചയായി.
ചെണ്ടമേളം, വയലിൻ ഫ്യൂഷൻ, ഡി.ജെ നൈറ്റ് , കലാപരിപാടികൾ അടക്കം ആകർഷകങ്ങളായ പരിപാടികൾ കോർത്തിണക്കി ഒരുക്കിയ സംഗമം വർണ്ണാഭമായി. പ്രഥമ ഒത്തുചേരലിനോട് അനുബന്ധിച്ച് നടന്ന മീറ്റിങ്ങിൽ അംഗങ്ങളുടെ ഏകകണ്ഠമായ താൽപ്പര്യം പരിഗണിച്ച് 'ആഘോഷിക്കാം ഒപ്പം ആശ്വസിപ്പിക്കാം' എന്ന നിലയിൽ ജീവകാരുണ്യ പ്രവർത്തനങ്ങൾക്ക് പ്രാധാന്യം നൽകിക്കൊണ്ട് 'സ്നേഹപൂർവ്വം യുകെ കുന്നംകുളത്തുകാർ' എന്ന പേരിൽ പുതിയ ചാരിറ്റി പ്രോഗ്രാമിനും ഔദ്യോഗിക തുടക്കം കുറിച്ചു.
ജീവ കാരുണ്യ പദ്ധതിയുടെ പ്രാരംഭ ഘട്ടത്തിൽ കുന്നംകുളത്തെ അർഹരായ 10 പേർക്ക് സൗജന്യമായി ഡയാലിസിസ് സഹായം എത്തിച്ചുനൽകുമെന്ന് സംഘാടകർ അറിയിച്ചു. വിവിധ കാരുണ്യ പ്രവർത്തന ആശയങ്ങൾ ചർച്ചയിൽ വന്നെങ്കിലും നാടിൻ്റെ ആരോഗ്യപ്രശ്നങ്ങളിൽ പ്രവാസലോകത്തിരുന്നുകൊണ്ട് നേരിട്ട് ഇടപെടാനുള്ള ഈ മാതൃകാപരമായ പദ്ധതിക്ക് മികച്ച സ്വീകാര്യതയാണ് ലഭിച്ചത്. കോർഡിനേറ്റർമാരായ ഇമ്മാനുവേൽ ഗ്രിഗറി, നിതുൻ ജെ. പനക്കൽ, കനീഷ് വിനോയ് ചെമ്മണ്ണൂർ, ലിവിൻ ചെമ്മണ്ണൂർ എന്നിവർ പരിപാടികൾക്ക് നേതൃത്വം നൽകി. കുന്നംകുളത്തിന്റെ ചരിത്രവും പാരമ്പര്യവും കോർത്തിണക്കിക്കൊണ്ട് ഓൾഗ പ്രകാശ് പുലിക്കോട്ടിൽ നടത്തിയ പ്രഭാഷണം ഏറെ ശ്രദ്ധയമായി
മിനി പെരുന്നാൾ ആഘോഷങ്ങൾക്ക് പുറമെ, ഭാവിയിൽ കൂടുതലായ സഹായങ്ങളും, ജീവ കാരുണ്യപ്രവർത്തികളും ഉൾക്കൊള്ളിച്ച് മികച്ച ചാരിറ്റി പദ്ധതികൾ ഈ പ്രഥമ യു.കെ മീറ്റപ്പിൽത്തന്നെ അവതരിപ്പിക്കുവാൻ കഴിഞ്ഞത് ഏവരുടെയും മുക്തകണ്ഠമായ പ്രശംസ പിടിച്ചു പറ്റി.
വിഭവ സമൃദ്ധമായ നാടൻ ഭക്ഷണവും, മാസ്മരികത വിരിയിച്ച കലാപരിപാടികളും അതിലേറെ ഹൃദയസ്പർശിയായ പരിചയം പുതുക്കലും പങ്കുവെക്കലുമായി 'യു കെ കുന്നംകുളത്തുകാർ' തങ്ങളുടെ പ്രഥമ സംഗമം കാരുണ്യത്തിന്റെയും ആഹ്ളാദത്തിന്റെയും വേദിയാക്കുകയായിരുന്നു.
യുകെ മലയാളികളുടെ ഏറ്റവും വലിയ കലാമാമാങ്കമായ പതിനേഴാമത് യുക്മ ദേശീയ കലാമേളയ്ക്ക് കേരള സർക്കാരിലെ സാംസ്കാരിക, സിനിമ, ടൂറിസം വകുപ്പ് മന്ത്രി പി. സി. വിഷ്ണുനാഥ് മുഖ്യാതിഥിയായി എത്തുന്നു. നവംബർ 07 ശനിയാഴ്ച ഗ്ലോസ്റ്റർഷെയറിലെ ചെൽറ്റൻഹാം ക്ലീവ് സ്കൂളിൽ പ്രത്യേകം സജ്ജീകരിക്കുന്ന സലിംകുമാർ നഗറിൽ നടക്കുന്ന ദേശീയ കലാമേളയുടെ ഔപചാരിക ഉദ്ഘാടനം ബഹുമാനപ്പെട്ട മന്ത്രി പി. സി. വിഷ്ണുനാഥ് നിർവഹിക്കും.
കേരള നിയമസഭയിൽ കുണ്ടറ നിയോജകമണ്ഡലത്തെ പ്രതിനിധീകരിക്കുന്ന പി. സി. വിഷ്ണുനാഥ് യുക്മ ദേശീയ കലാമേളയുടെ ഉദ്ഘാടകനായി എത്തുന്നത് യുകെയിലെ മലയാളി സമൂഹത്തിനും യുക്മയുടെ കലാസാംസ്കാരിക പ്രവർത്തനങ്ങൾക്കും അഭിമാനകരമായ മുഹൂർത്തമായിരിക്കും.
കേരളത്തിന്റെ സമ്പന്നമായ കലാപാരമ്പര്യവും സാംസ്കാരിക പൈതൃകവും പ്രവാസലോകത്തെ പുതുതലമുറയിലേക്ക് പകർന്നുനൽകുന്നതിൽ നിർണായക പങ്കുവഹിക്കുന്ന യുക്മ ദേശീയ കലാമേളയ്ക്ക് കേരള സാംസ്കാരിക വകുപ്പ് മന്ത്രിയുടെ സാന്നിധ്യം കൂടുതൽ പ്രാധാന്യം നൽകും.
ഇംഗ്ലണ്ട്, വെയിൽസ്, സ്കോട്ട്ലൻഡ്, നോർത്തേൺ അയർലൻഡ് എന്നിവിടങ്ങളിലായി പ്രവർത്തിക്കുന്ന നൂറ്റി അറുപതിലേറെ പ്രാദേശിക മലയാളി അസോസിയേഷനുകളുടെ കൂട്ടായ്മയായ യുക്മ (യൂണിയൻ ഓഫ് യുണൈറ്റഡ് കിംഗ്ഡം മലയാളി അസോസിയേഷൻസ്) സംഘടിപ്പിക്കുന്ന ദേശീയ കലാമേള, പ്രവാസലോകത്തെ മലയാളികളുടെ ഏറ്റവും വലിയ കലാമത്സരങ്ങളിൽ ഒന്നാണ്.
കേരളത്തിന്റെ സാംസ്കാരിക പൈതൃകം ലോകമെമ്പാടുമുള്ള മലയാളികൾക്കിടയിൽ പ്രചരിപ്പിക്കുന്നതിനും പ്രവാസി മലയാളികളുടെ പുതിയ തലമുറയെ മാതൃഭാഷയോടും കലകളോടും കൂടുതൽ അടുപ്പിക്കുന്നതിനും യുക്മ നടത്തുന്ന പ്രവർത്തനങ്ങൾക്ക് മന്ത്രി പി. സി. വിഷ്ണുനാഥിന്റെ സാന്നിധ്യം വലിയ പ്രോത്സാഹനമാകുമെന്ന് യുക്മ ദേശീയ പ്രസിഡന്റ് അഡ്വ. എബി സെബാസ്റ്റ്യൻ അറിയിച്ചു.
കേരളത്തിലെ സ്കൂൾ, കോളേജ് യുവജനോത്സവങ്ങളുടെ മാതൃകയിൽ സംഘടിപ്പിക്കുന്ന യുക്മ ദേശീയ കലാമേള, കുട്ടികൾക്കും മുതിർന്നവർക്കും തങ്ങളുടെ കലാപരമായ കഴിവുകൾ പ്രകടിപ്പിക്കുന്നതിനുള്ള മികച്ച വേദിയായി മാറിയിരിക്കുകയാണ്. മലയാള ഭാഷയോടും കേരളീയ കലാരൂപങ്ങളോടുമുള്ള പുതുതലമുറയുടെ ആഭിമുഖ്യം വർധിപ്പിക്കുന്നതിനൊപ്പം കേരളത്തിന്റെ സാംസ്കാരിക തനിമ പ്രവാസലോകത്ത് നിലനിർത്തുന്നതിലും യുക്മ കലാമേള വലിയ പങ്കുവഹിക്കുന്നു.
ഒക്ടോബർ 3, 10, 17 തീയതികളിലായി നടന്ന റീജിയണൽ കലാമേളകളിൽ വിജയികളായ നൂറുകണക്കിന് കലാകാരന്മാരും കലാകാരികളുമാണ് നവംബർ 7ന് ചെൽറ്റൻഹാമിൽ നടക്കുന്ന ദേശീയ കലാമേളയിൽ മാറ്റുരയ്ക്കുന്നത്. യുകെയുടെ വിവിധ ഭാഗങ്ങളിൽ നിന്നായി മത്സരാർത്ഥികളും മാതാപിതാക്കളും അധ്യാപകരും കലാപ്രേമികളും യുക്മ പ്രവർത്തകരുമടക്കം വലിയൊരു ജനാവലി ദേശീയ കലാമേളയ്ക്ക് സാക്ഷ്യം വഹിക്കുമെന്നാണ് സംഘാടകരുടെ പ്രതീക്ഷ.
അന്തരിച്ച പ്രശസ്ത മലയാള ചലച്ചിത്ര നടൻ സലിംകുമാറിന്റെ സ്മരണാർത്ഥം ‘സലിംകുമാർ നഗർ’ എന്ന് നാമകരണം ചെയ്തിരിക്കുന്ന കലാമേള വേദിയിൽ കേരളത്തിന്റെ കലാസാംസ്കാരിക രംഗത്തെ പ്രതിനിധീകരിക്കുന്ന മന്ത്രി പി. സി. വിഷ്ണുനാഥിന്റെ സാന്നിധ്യം ഈ വർഷത്തെ കലാമേളയുടെ പ്രത്യേകതയായിരിക്കും.
ദേശീയ കലാമേളയുടെ ഭാഗമായി നടത്തിയ ലോഗോ ഡിസൈൻ മത്സരത്തിൽ കീത്ത്ലി മലയാളി അസോസിയേഷനിലെ ഫെർണാണ്ടസ് വർഗീസും നഗർ നാമനിർദ്ദേശക മത്സരത്തിൽ കവൻട്രി കേരള കമ്മ്യൂണിറ്റിയിലെ ലിൻസിയ ജിനോയും വിജയികളായിരുന്നു. വിജയികൾക്കുള്ള പുരസ്കാരങ്ങൾ ദേശീയ കലാമേള വേദിയിൽ വിതരണം ചെയ്യും.
യുക്മ സൗത്ത് വെസ്റ്റ് റീജിയൺ ആതിഥേയത്വം വഹിക്കുന്ന പതിനേഴാമത് ദേശീയ കലാമേളയ്ക്ക് തുടർച്ചയായ അഞ്ചാം വർഷമാണ് ചെൽറ്റൻഹാം വേദിയാകുന്നത്. ദേശീയ കലാമേള ചരിത്രവിജയമാക്കുന്നതിനുള്ള വിപുലമായ ഒരുക്കങ്ങളാണ് യുക്മ ദേശീയ നേതൃത്വത്തിന്റെയും സൗത്ത് വെസ്റ്റ് റീജിയണിന്റെയും നേതൃത്വത്തിൽ പുരോഗമിക്കുന്നത്.
കേരള സർക്കാരിലെ സാംസ്കാരിക, സിനിമ, ടൂറിസം വകുപ്പ് മന്ത്രി പി. സി. വിഷ്ണുനാഥ് ദേശീയ കലാമേള ഉദ്ഘാടനം ചെയ്യുന്നത് യുക്മയുടെ ചരിത്രത്തിലെ മറ്റൊരു ശ്രദ്ധേയമായ അധ്യായമായി മാറുമെന്ന് ജനറൽ സെക്രട്ടറി ജയകുമാർ നായർ അഭിപ്രായപ്പെട്ടു.
യുകെയുടെ വിവിധ ഭാഗങ്ങളിൽ നിന്നെത്തുന്ന കലാകാരന്മാരെയും കലാകാരികളെയും മാതാപിതാക്കളെയും അധ്യാപകരെയും കലാപ്രേമികളെയും യുക്മ പ്രവർത്തകരെയും നവംബർ 07ന് ചെൽറ്റൻഹാമിലെ സലിംകുമാർ നഗറിലേക്ക് ഹൃദയപൂർവ്വം സ്വാഗതം ചെയ്യുന്നതായി യുക്മ ട്രഷറർ ഷീജോ വർഗീസ്, ദേശീയ കലാമേള കൺവീനർ വർഗീസ് ഡാനിയൽ (വൈസ് പ്രസിഡന്റ്), സ്മിത തോട്ടം (വൈസ് പ്രസിഡന്റ്), സണ്ണിമോൻ മത്തായി (ജോയിന്റ് സെക്രട്ടറി), റെയ്മോൾ നിധീരി (ജോയിന്റ് സെക്രട്ടറി), പീറ്റർ താണോലിൽ (ജോയിന്റ് ട്രഷറർ) എന്നിവർ അറിയിച്ചു.
ഗുരു-ശിഷ്യ പരമ്പരാഗത പൈതൃകം വിളിച്ചോതി എം.എ.യു.കെ.യുടെ വിദ്യാരംഭവും എല്‍.എ.ഡി.എ. (ലണ്ടന്‍ അക്കാദമി ഓഫ് ദ്രാവഡിയേന്‍ ആര്‍ട്സ്) പുതിയ കോഴ്സുകളുടെ ഉദ്ഘാടനവും അവിസ്മരണീയമായി. കലാവിരുതിന്റെയും അലയൊലികള്‍ക്കൊപ്പം വിദ്യയുടെ അമൃത് നുകര്‍ന്ന പരിപാടിയില്‍ മഴയെയും പ്രവൃത്തിദിനത്തെയും വകവെക്കാതെ ഇരുന്നൂറോളം പേരാണ് ചടങ്ങില്‍ പങ്കെടുക്കാനെത്തിയത്. പരമ്പരാഗത ഗുരു-ശിഷ്യ ബന്ധത്തിന്റെ മൂല്യങ്ങള്‍ ഊട്ടിയുറപ്പിക്കുന്നതായിരുന്നു പരിപാടി.
കളരിപ്പയറ്റ് കോര്‍ഡിനേറ്ററും വിദ്യാര്‍ത്ഥിയായ കൃഷ്ണ ആനന്ദ് ഉദ്ഘാടനം നിര്‍വഹിച്ചു. പഠനയാത്രയില്‍ വിദ്യാരംഭത്തിനുള്ള പ്രാധാന്യത്തെക്കുറിച്ച് അദ്ദേഹം സംസാരിച്ചു. തുടര്‍ന്ന് എം.എ.യു.കെ. ചെയര്‍മാന്‍ ശ്രീജിത്ത് ശ്രീധരന്‍ ചടങ്ങിനെ അഭിസംബോധന ചെയ്തു സംസാരിക്കുകയും, എല്‍.എ.ഡി.എ. (LADA) പ്രിന്‍സിപ്പല്‍ മനു സുനില്‍കുമാറിനെയും സംഘത്തെയും അധ്യാപകരെയും അഭിനന്ദിക്കുകയും ചെയ്തു. എല്‍.എ.ഡി.എ. ഇന്‍ ചാര്‍ജ് ഡയറക്ടര്‍ രൂപ കുന്നത്തോടി പുതിയ വര്‍ഷത്തില്‍ ആരംഭിക്കുന്ന പുതിയ കോഴ്സുകളെക്കുറിച്ച് വിശദീകരിക്കുകയും വിദ്യാര്‍ത്ഥികളെ സ്വാഗതം ചെയ്യുകയും ചെയ്തു.
പഠനത്തിന്റെ തുടക്കം കുറിക്കുന്ന വിദ്യാരംഭ വേളയില്‍ വിദ്യാര്‍ത്ഥികള്‍ തങ്ങളുടെ ഗുരുക്കന്മാരോടുള്ള ആദരവും നന്ദിയും പ്രകടിപ്പിച്ചു. അധ്യാപകര്‍ക്ക് ഗുരുദക്ഷിണ നല്‍കിയും അനുഗ്രഹം വാങ്ങിയുമായിരുന്നു ചടങ്ങുകള്‍. ഭരതനാട്യത്തില്‍ ചിലങ്ക അണിയിച്ചും, കളരിയില്‍ പരമ്പരാഗത ആചാരങ്ങളോടെയുമാണ് പുതിയ വിദ്യാര്‍ത്ഥികളെ സ്വാഗതം ചെയ്തത്.
MAUK-ന്റെ നിലവിലുള്ള കലാപരിപാടികളായിരുന്നു ആഘോഷങ്ങളുടെ പ്രധാന ആകര്‍ഷണം. ജസ്ലിന്‍ ഷിമ്മി ആന്റണി (ഭരതനാട്യം), മനു സുനില്‍കുമാര്‍, കീര്‍ത്തി കൃഷ്ണദാസ് (കളരി), വിനോദ് നവധാര (ചെണ്ട) എന്നീ അധ്യാപകര്‍ തങ്ങളുടെ പ്രാവീണ്യം വിളിച്ചോതുന്ന മികച്ച പ്രകടനങ്ങള്‍ കാഴ്ചവെച്ചു. അധ്യാപകരുടെ ശിക്ഷണത്തില്‍ തങ്ങള്‍ ആര്‍ജ്ജിച്ച കഴിവുകള്‍, പ്രത്യേകിച്ച് ഭരതനാട്യം, കളരി അവതരണങ്ങളിലൂടെ വിദ്യാര്‍ത്ഥികള്‍ വേദിയില്‍ തെളിയിച്ചു.
പുതിയ കോഴ്സുകള്‍ പ്രഖ്യാപിച്ചു
കലാ-സാംസ്കാരിക പഠനം വ്യാപിപ്പിക്കുന്നതിന്റെ ഭാഗമായി എല്‍.എ.ഡി.എ. നാല് പുതിയ കോഴ്സുകള്‍ പ്രഖ്യാപിച്ചു. കണ്ണന്‍ പരമേശ്വരന്റെ കീഴില്‍ കീബോര്‍ഡും ഫ്ലൂട്ടും, ജസ്റ്റിന്‍ ഗില്‍ബര്‍ട്ടറെ കീഴില്‍ കര്‍ണാടക സംഗീതം, ഒപ്പം മലയാളം ഭാഷാ ക്ലാസുകളുമാണ് പുതുതായി ആരംഭിക്കുന്നത്. വിവിധ കലകളുടെ സംഗമമായ അധ്യാപകരുടെ കൂട്ടായ്മയിലെ അവതരണം കാണികളുടെ മനംകവര്‍ന്നു.
ഔദ്യോഗിക പരിപാടികള്‍ക്ക് പുറമെ വിദ്യാര്‍ത്ഥികള്‍ക്കും അധ്യാപകര്‍ക്കും മാനേജ്മെന്റിനും പരസ്പരം ആശയവിനിമയം നടത്താനുള്ള അവസരവും ഒരുങ്ങി. പരിപാടിയുടെ ഒടുവില്‍ ഏവര്‍ക്കും നാടന്‍ രുചിയിലുള്ള ഭക്ഷണവും നല്‍കി.
എം.എ.യു.കെ. എല്‍.എ.ഡി.എ. ക്ലാസുകളില്‍ ചേരാന്‍ താല്‍പ്പര്യമുള്ളവര്‍ക്ക് താഴെ പറയുന്ന ലിങ്ക് വഴി രജിസ്റ്റര്‍ ചെയ്യാം:Enrol for MAUK LADA classes
കൂടുതല്‍ വിവരങ്ങള്‍ക്ക്:
ഫോണ്‍: 07412671671
SPIRITUAL
ബര്‍മിംഗ്ഹാം: ഒമ്പതാമത് ഗ്രേറ്റ് ബ്രിട്ടന്‍ രൂപത ബൈബിള്‍ കലോത്സവത്തിന് മുന്നോടിയായുള്ള റീജിയണല്‍ മത്സരങ്ങളില്‍ ബ്രിസ്റ്റോള്‍ കാഡിഫ്, ലീഡ്‌സ്, സൗത്താംപ്ടണ്‍ റീജിയണല്‍ മത്സരങ്ങള്‍ ഇന്ന് നടക്കും. നാളെ നടക്കുന്ന കാറ്റര്‍ബറി റീജിയണ്‍ മത്സരങ്ങള്‍ കഴിയുന്നതോടുകൂടി റീജിയണ്‍തല മത്സരങ്ങളും പൂര്‍ത്തിയാകും. മത്സരങ്ങളുടെ സുഗമമായ നടത്തിപ്പിനാവശ്യമായ എല്ലാ ഒരുക്കങ്ങളും പൂര്‍ത്തിയായതായും മത്സരങ്ങള്‍ കൃത്യ സമയത്തുതന്നെ തുടങ്ങുന്നതുമാണെന്ന് സംഘാടക സമിതിക്ക് വേണ്ടി റീജിയണല്‍ കോര്‍ഡിനേറ്റേഴ്സ് അറിയിച്ചിട്ടുണ്ട്.
ഓരോ റീജിയണില്‍ നിന്നും രൂപതാ മത്സരത്തിന് യോഗ്യത നേടിയവരുടെ രജിസ്ട്രേഷന്‍ റീജിയണല്‍ കലോത്സവ കോര്‍ഡിനേറ്റര്‍സ് നവംബര്‍ 2 ന് മുമ്പ് രൂപത ബൈബിള്‍ അപ്പോസ്റ്റലേറ്റിനെ അറിയിക്കേണ്ടതാണ്. ഓരോ എയ്ജ് ഗ്രൂപ്പില്‍ നിന്നും റീജിയണല്‍ തലത്തില്‍ ഒന്നാം സമ്മാനം നേടുന്ന മത്സരാര്‍ത്ഥികളാണ് രൂപതാ മത്സരത്തിന് യോഗ്യത നേടുന്നത്.
നവംബര്‍ 21 ന് ലീഡ്‌സ് റീജിയണിലെ സ്‌കെന്തോര്‍പ്പില്‍ വച്ച് രൂപതാതല മത്സരങ്ങള്‍ നടത്തപ്പെടുമെന്നും ബൈബിള്‍ ആപ്പോസ്റ്റലേറ്റ് പി ആര്‍ ഓ ജിമ്മിച്ചന്‍ ജോര്‍ജ് അറിയിച്ചു .
ഗ്രേറ്റ് ബ്രിട്ടന്‍ സീറോ മലബാര്‍ രൂപതയുടെ പത്താം വാര്‍ഷികത്തോടനുബന്ധിച്ച് പുറത്തിറക്കിയ സ്മരണിക 'ബുര്‍ക്‌സാ' പ്രകാശനം ചെയ്തു. രൂപതയുടെ പത്താം വാര്‍ഷികത്തോടനുബന്ധിച്ച് ലണ്ടനിലെ ടോള്‍വര്‍ത്ത് ഇമ്മാക്കുലേറ്റ് പള്ളിയില്‍ നടന്ന ചടങ്ങില്‍ കര്‍ദിനാള്‍ മാര്‍ ജോര്‍ജ് കൂവക്കാട്ട് ബ്രിട്ടനിലെ വത്തിക്കാന്‍ നൂണ്‍ഷ്യോ അഭിവന്ദ്യ മാര്‍ മിഗ്വേല്‍ മൗറി ബുവെന്‍ഡിയോക്ക് നല്‍കിയാണ് പ്രകാശന കര്‍മ്മം നിര്‍വഹിച്ചത്.
വെസ്റ്റ്മിന്‍സ്റ്റര്‍ ആര്‍ച്ച് ബിഷപ് അഭിവന്ദ്യ മാര്‍ റിച്ചാര്‍ഡ് മോത്ത് . ബിര്‍മിങ്ഹാം ആര്‍ച്ച്ബിഷപ് അഭിവന്ദ്യ മാര്‍ ബെര്‍ണാഡ് ലോങ്ലി, തൃശൂര്‍ ആര്‍ച്ച് ബിഷപ്പ്അഭിവന്ദ്യ മാര്‍ ആന്‍ഡ്രൂസ് താഴത്ത്, നോട്ടിംഗ്ഹാം രൂപതാധ്യക്ഷന്‍ അഭിവന്ദ്യ മാര്‍ പാട്രിക് മാക്വിന്നി, വെസ്റ്റ്മിന്‍സ്റ്റര്‍ രൂപത സഹായ മെത്രാന്‍ അഭിവന്ദ്യ മാര്‍ ജെയിംസ് കെറി, ഇംഗ്ലണ്ട് ആന്‍ഡ് വെയില്‍സ് കാത്തലിക് ബിഷപ്സ് കൗണ്സില് സെക്രെട്ടറി കാനന്‍ വില്യം അഗ്ലി,ബ്രിട്ടനിലെ വത്തിക്കാന്‍ അപ്പൊസ്തലിക് നൂണ്‍ ഷിയേച്ചര്‍ സെക്രെട്ടറി ഹെഡ് ഓഫ് മിഷന്‍ മോണ്‍സിഞ്ഞോര്‍ ആന്റെ വിദോവിഷേ എന്നിവരും സന്നിതരായിരുന്നു.
കഴിഞ്ഞ പത്ത് വര്‍ഷങ്ങളില്‍ രൂപത കൈവരിച്ച നേട്ടങ്ങളും, പ്രവര്‍ത്തനങ്ങളും ,കഴിഞ്ഞ ഒരു ദശാബ്ദ കാലം രൂപതയ്ക്ക് ലഭിച്ച ദൈവാനുഗ്രഹങ്ങളുടെയും അടയാളമായാണ് ഈ സ്മരണിക തയ്യാറാക്കിയിരിക്കുന്നത്. സീറോ മലബാര്‍ സഭയുടെ തനിമയും സംസ്‌കാരവും വെളിവാക്കുന്ന സഭയുടെ ആരാധനക്രമം, ദൈവശാസ്ത്രം,ആത്മീയത, ശിക്ഷണ ക്രമം, സംസ്‌കാരം,തുടങ്ങിയ വിഷയങ്ങളിലുള്ള ഈടുറ്റ ലേഖനങ്ങള്‍, പരിശുദ്ധ ലിയോ പാപ്പയുടെ ഉള്‍പ്പടെ ഉള്ള സഭാ പിതാക്കന്മാരുടെ സന്ദേശങ്ങള്‍,എന്നിവ എല്ലാം ഉള്‍പ്പെടുത്തി തയ്യാറാക്കിയ ഈ സ്മരണിക വരും കാലങ്ങളില്‍ ഒരു റെഫെറന്‍സ് ഗ്രന്ഥമായി മാറുന്ന രീതിയില്‍ ആണ് തയാറാക്കിയിരിക്കുന്നത്. േ്രഗറ്റ് ബ്രിട്ടന്‍ രൂപതയുടെ കഴിഞ്ഞ പത്ത് വര്‍ഷങ്ങളില്‍ നടന്ന വിവിധ പരിപാടികളുടെ റിപ്പോര്‍ട്ടുകളും സ്മരണികയില്‍ ഉള്‍പ്പെടുത്തിയിട്ടുണ്ട്.
സുവനീര്‍ ബോര്‍ഡ് അംഗങ്ങളായ പ്രോട്ടോ സിഞ്ചെല്ലൂസ് റെവ ഡോ ആന്റണി ചുണ്ടെലിക്കാട്ട് , ചാന്‍സിലര്‍ റെവ ഡോ മാത്യു പിണക്കാട്ട് ചീഫ് എഡിറ്ററും പാസ്റ്ററല്‍ കൗണ്സില് സെക്രെട്ടറിയുമായ റോമില്‍സ് മാത്യു മുരിങ്ങമറ്റത്തില്‍ ,പാസ്റ്ററല്‍ കൗണ്സില് കോര്‍ കമ്മറ്റി അംഗവും എക്‌സിക്യൂട്ടവ് എഡിറ്ററുമായ ജെയ്സമ്മ ബിജോ തോമസ്,പാസ്റ്ററല്‍ കൗണ്സില് കോര്‍ കമ്മറ്റി അംഗവും എഡിറ്ററുമായ ഡോ മാര്‍ട്ടിന്‍ തോമസ് ആന്റണി, എഡിറ്ററും രൂപതാ പി ആര്‍ ഓയുമായ ഷൈമോന്‍ തോട്ടുങ്കല്‍,എഡിറ്ററും പാസ്റ്ററല്‍ കൌണ്‍സില്‍ മെമ്പറും ആയ അല്‍ഫോന്‍സാ കുര്യന്‍ എന്നിവരുടെ നേതൃത്വത്തില്‍ ആണ് സ്മരണിക തയാറാക്കിയത്.
റെവ ഫാ ജോസ് അഞ്ചാനിക്കല്‍,റെവ ഡോ സി ജീന്‍ മാത്യു എസ് എച്ച് ,ജെയ്മോന്‍ തോമസ്. ജെഫ്റിന്‍ സാജു,ജോളി മാത്യു,റിറ്റി ടോമിച്ചന്‍, മാത്യു ചെമ്പുകണ്ടം ഉള്‍പ്പടെ ഉള്ള വിപുലമായ സുവനീര്‍ കമ്മറ്റിയും ആവശ്യകമായ മാര്‍ഗനിര്‍ദേശങ്ങള്‍ നല്‍കി. രൂപതയിലെ എല്ലാ കുടുംബങ്ങളിലും സുവനീര്‍ സൗജന്യമായി ലഭ്യമാകും.മാഞ്ചെസ്റ്റെര്‍ വിഥിന്‍ഷാ സെന്റ് തോമസ് ദി അപ്പോസ്റ്റല്‍ മിഷന്‍ അംഗമായ ടോം ബിജോ തോമസ് ആണ് സുവനീറിന്റെ മനോഹരമായ കവര്‍ ഡിസൈന്‍ ചെയ്തത്.
യുകെയിലെ മലയാളി സമൂഹത്തിന്റെ സാംസ്കാരിക ചരിത്രത്തിൽ പുതിയ അധ്യായം കുറിക്കാൻ തെയ്യം ഇവന്റ് യുകെ അവതരിപ്പിക്കുന്ന മെഗാ കേരളോത്സവം 2K26 ഒക്ടോബർ 31 ശനിയാഴ്ച ലൗട്ടണിലെ Loughton Grand Marquee, IG10 3TQ യിൽ അരങ്ങേറും. ഉച്ചയ്ക്ക് 2 മണിക്ക് ഗേറ്റ് തുറക്കുന്ന പരിപാടി യുകെയിലെ ഏറ്റവും വലിയ മലയാളി സാംസ്കാരിക ഒത്തുചേരലായി മാറും എന്ന് സംഘാടകർ അറിയിച്ചു.
ആനന്ദ് ടിവി ഡയറക്ടർ ശ്രീകുമാറിന്റെ നേതൃത്വത്തിൽ ഉദ്ഘാടനം ചെയ്യപ്പെടുന്ന കേരളോത്സവത്തിൽ മുഖ്യാതിഥിയായി പ്രശസ്ത സിനിമാ താരം ശ്രുതി ലക്ഷ്മി പങ്കെടുക്കും. UK യിലെ മലയാളികൾ നേരിട്ട് പങ്കെടുക്കുന്ന ഈ മഹോത്സവം കേരളത്തിന്റെ തനത് കലാരൂപങ്ങളെയും ആധുനിക വിനോദങ്ങളെയും ഒരേ വേദിയിൽ സംഗമിപ്പിക്കുന്നു.
കേരളത്തിന്റെ അഭിമാനമായ തെയ്യം മുതൽ കഥകളി, മോഹിനിയാട്ടം, ചെണ്ട മേളം ബാൻഡ് ഫ്യൂഷൻ, വയലിൻ ഫ്യൂഷൻ വരെ നീളുന്ന കലാവിരുന്നാണ് പ്രധാന ആകർഷണം. Riya Rose & Radiant Vibez അവതരിപ്പിക്കുന്ന തെയ്യം ലൈവ് ഷോ യുകെയിൽ ആദ്യമായി ഇത്ര വലിയ തോതിൽ അരങ്ങേറുന്ന അപൂർവ കാഴ്ചയായിരിക്കും. തെയ്യത്തിന്റെ ശക്തിയും ഭക്തിയും നേരിട്ട് അനുഭവിക്കാൻ അവസരം.
വയലിനിസ്റ്റ് അക്ഷയ് കുമാർ PG യുടെ വയലിൻ ഫ്യൂഷൻ, eternal ലണ്ടൻ ഉം Desi Dance Company യും lasyalaya ടീമും ചേർന്ന് അവതരിപ്പിക്കുന്ന ഊർജ്ജസ്വലമായ നൃത്തം, Vadya Liverpool ന്റെ മേളം ഫ്യൂഷൻ, Mudra London ന്റെ കഥകളി, മോഹിനിയാട്ടം, Vibrantz London അവതരിപ്പിക്കുന്ന FattyMan, DJ ABS ന്റെ ഡിജെ നൈറ്റ്, ഗോപിക ഗോപിനാഥിന്റെ നൃത്ത പരിപാടി എന്നിവയും മേളയെ ധന്യമാക്കും.
കേരളത്തിന്റെ രുചി വിഭവങ്ങളുമായി ഫുഡ് സ്റ്റാളുകൾ, കുട്ടികൾക്കായുള്ള പ്രത്യേക പരിപാടികൾ, കേരളീയ വസ്ത്ര-ആഭരണ സ്റ്റാളുകൾ എന്നിവയും ഒരുക്കിയിട്ടുണ്ട്. യുകെയിലെ എല്ലാ മലയാളി കുടുംബങ്ങൾക്കും ഒത്തുചേരാനുള്ള വേദിയായി കേരളോത്സവം മാറും. ടിക്കറ്റുകൾ പരിമിതമാണ്, മുൻകൂട്ടി ബുക്ക് ചെയ്യാൻ സംഘാടകർ അഭ്യർത്ഥിച്ചു.
https://chat.whatsapp.com/GoMIaw8EKhu7G5lm8cp7Ks?s=cl&p=a&mlu=4&ilr=4
SPECIAL REPORT
പലരുടേയും ഇഷ്ട്ട പ്ലാറ്റ്ഫോമാണ് ഇൻസ്റ്റാഗ്രാം എങ്കിലും ദൈർഘ്യം കൂടിയ വീഡിയോകൾ പങ്കുവെക്കാൻ സാധിക്കാത്തത് ക്രിയേറ്റേഴ്സിനേയും കാഴ്ചക്കാരേയും ഒരുപോലെ നിരാശയിൽ ആക്കുന്ന കാര്യമാണ്. എന്നാൽ അതിന് ഉടനടി പരിഹാരം കാണുന്ന തരത്തിലുള്ള സൂചനയാണിപ്പോൾ ഇൻസ്റ്റാഗ്രാം തരുന്നത്. ദൈർഘ്യം കൂടിയ വീഡിയോകൾ പങ്കുവെക്കാൻ സാധിക്കുന്ന തരത്തിൽ പുതിയ ഫീച്ചറിലേക്ക് കടന്ന് ഇൻസ്റ്റാഗ്രാം. ഉപയോക്താക്കൾക്ക് 90 മിനിറ്റ് വരെ നീളുന്ന വീഡിയോകൾ അപ്‌ലോഡ് ചെയ്യാൻ സാധിക്കുന്ന ഫീച്ചേഴ്സാണ് ഇൻസ്റ്റാഗ്രാം പരീക്ഷിക്കുന്നത്.
നിലവിൽ ഇൻസ്റ്റാഗ്രാം റീൽസിന്റെ പരമാവധി ദൈർഘ്യം 20 മിനിറ്റാണ്. അതേസമയം, യൂട്യൂബിൽ ചില അക്കൗണ്ടുകൾക്ക് 12 മണിക്കൂർ വരെ ദൈർഘ്യമുള്ള വീഡിയോകൾ പങ്കുവെക്കാൻ കഴിയും. ദൈർഘ്യം കൂടിയ വീഡിയോ ഷെയർ ചെയ്യാൻ യൂട്യൂബിലേക്ക് പോകുന്ന ക്രിയേറ്റേഴ്സിനെ ഇൻസ്റ്റാഗ്രാമിൽ തന്നെ നിലനിർത്തുകയാണ് ഈ ഫീച്ചറിന്റെ ലക്ഷ്യം. ലാൻഡ്‌സ്‌കേപ്പ് രീതിയിൽ പകർത്തിയ വീഡിയോകൾക്കാണ് ഈ ഫീച്ചർ പ്രധാനമായും മുൻഗണന നൽകുന്നത്. മൊബൈൽ ആപ്പ്, ഡെസ്ക്ടോപ്പ് എന്നിവയ്ക്ക് പുറമെ ഇൻസ്റ്റാഗ്രാം ഫോർ ടി വി ആപ്പിലും ഇത് ലഭിക്കും.
എന്നാൽ, യൂട്യൂബ് നൽകുന്നതുപോലെയുള്ള മോണിറ്റൈസേഷൻ നിലവിൽ ഇൻസ്റ്റാഗ്രാം വാഗ്ദാനം ചെയ്യുന്നില്ല എന്ന വിമർശനമുണ്ട്. യൂട്യൂബ് പാർട്ണർ പ്രോഗ്രാം വഴി പരസ്യ വരുമാനത്തിന്റെ ഒരു വിഹിതം നൽകുന്നുണ്ടെങ്കിലും ഇൻസ്റ്റാഗ്രാമിൽ അത്തരം സംവിധാനം ഇതുവരെ പൂർണമായും നിലവിൽ വന്നിട്ടില്ല.
CINEMA
നവദമ്പതികള്‍ക്ക് ഉപദേശവുമായി സൂര്യ. ഒരു സ്വകാര്യ ചടങ്ങില്‍ നിന്നുള്ള സൂര്യയുടെ വിഡിയോ വൈറലാവുകയാണ്. ഭാര്യയ്‌ക്കൊപ്പം ഷോപ്പിങിന് പോകുമ്പോള്‍ വാച്ച് ഊരി വയ്ക്കണമെന്നാണ് സൂര്യ പറയുന്നത്. സമയത്തെക്കുറിച്ച് ചിന്തിക്കാനേ പാടില്ലെന്നും സൂര്യ പറയുന്നു. മിണ്ടാതെ സ്‌നേഹത്തോടെ ബില്ല് അടയ്ക്കണമെന്നും അദ്ദേഹം പറയുന്നു.
'ഭാര്യയ്‌ക്കൊപ്പം ഷോപ്പിങ്ങിന് പോകുമ്പോള്‍ ആദ്യം തന്നെ വാച്ച് ഊരി വയ്ക്കണം. പിന്നീട് സമയത്തെ കുറിച്ച് ആലോചിക്കാനേ പാടില്ല. എന്നിട്ട് മിണ്ടാതെ ക്യാഷ് കൗണ്ടറിന് അരികില്‍ പോയി നില്‍ക്കുക. അവര്‍ ഷോപ്പിങ് എല്ലാം പൂര്‍ത്തിയാക്കിയ ശേഷം തിരികെ വരും. എന്നിട്ട് ഇതൊക്കെയാണ് വേണ്ടത് എന്നു പറയും. അപ്പോള്‍ ഒന്നും മിണ്ടാതെ അവയെല്ലാം സ്‌നേഹത്തോടെ വാങ്ങി നല്‍കുക' എന്നാണ് സൂര്യ പറഞ്ഞത്.
വിഡിയോ വൈറലായി മാറിയിരിക്കുകയാണ്. സോഷ്യല്‍ മീഡിയയില്‍ ഒരു വിഭാഗം സൂര്യയുടെ വാക്കുകള്‍ കേട്ട് ചിരിക്കുമ്പോള്‍ മറ്റൊരു വിഭാഗം കടുത്ത വിമര്‍ശനങ്ങളും ഉന്നയിക്കുന്നുണ്ട്. സൂര്യയുടേത് എലൈറ്റ് ചിന്താഗതിയാണ്, മിഡില്‍ ക്ലാസ് ജീവിതത്തെക്കുറിച്ച് എന്തെങ്കിലും അറിയുമോ എന്ന് ചിലര്‍ ചോദിക്കുന്നു. എല്ലാവര്‍ക്കും നിങ്ങളുടെ ജീവിതം സാധ്യമാകില്ലെന്നും അവര്‍ പറയുന്നു.
അതേസമയം ഭാര്യ പണം ചെലവാക്കാനും ഭര്‍ത്താവ് സമ്പാദിക്കാനുമുള്ളതാണെന്ന പരമ്പരാഗത ചിന്താഗതിയാണെന്നും ചിലര്‍ വിമര്‍ശിക്കുന്നുണ്ട്. ഇന്ന് അവനവന്റെ കാര്യങ്ങള്‍ നോക്കാന്‍ പ്രാപ്തരായിട്ട് വളരാനാണ് യുവാക്കളെ പഠിപ്പിക്കേണ്ടതെന്നും സോഷ്യല്‍ മീഡിയ വിമര്‍ശിക്കുന്നു.
കരിയറില്‍ മിന്നും ഫോമിലാണ് സൂര്യയുള്ളത്. ഒടുവിലിറങ്ങിയ വിശ്വനാഥ് ആന്റ് സണ്‍സും കറുപ്പും വന്‍ ഹിറ്റായിരുന്നു. ജിത്തു മാധവന്‍ ഒരുക്കുന്ന സീന്‍ ആണ് പുതിയ ചിത്രം. നസ്ലെന്‍ വില്ലനായെത്തുന്ന സിനിമയിലെ നായിക നസ്രിയയാണ്. ചിത്രത്തില്‍ പൊലീസ് വേഷത്തിലാണ് സൂര്യയെത്തുന്നത്. സിനിമയുടെ ട്രെയിലര്‍ ഇന്ന് പുറത്തു വിടും.
താൻ രണ്ടാം വിവാഹം കഴിക്കാനൊരുങ്ങുകയാണെന്ന സന്തോഷ വാർത്ത പങ്കുവച്ച് ഗായിക റിമി ടോമി. തന്റെ ജീവിതത്തിലേക്ക് ഒരാൾ ഈ വർഷം കടന്നുവന്നുവെന്നും ആരാണ് എന്താണ് എന്നുള്ള കാര്യങ്ങളൊന്നും ഇപ്പോൾ പറയുന്നില്ലെന്നും റിമി ടോമി തന്റെ യൂട്യൂബ് ചാനലിലൂടെ പങ്കുവച്ചു.
അധികം വൈകാതെ എല്ലാ കാര്യങ്ങളും തുറന്നു പറയുന്നതായിരിക്കുമെന്നും റിമി പറഞ്ഞു. അഭിനേതാവോ ഗായകനോ പ്രശസ്തനായ ഒരാളോ കോടീശ്വരനായ ആളോ ഒന്നുമല്ല എന്നും റിമി പറഞ്ഞു. തന്റെ എല്ലാ വശങ്ങളും മനസിലാക്കിയ ആളാണെന്നും ഉടനെ വിവാഹം ഉണ്ടാകുമെന്നും റിമി കൂട്ടിച്ചേർത്തു.
"മുഖത്ത് എത്ര ഫിൽറ്റർ ഇട്ടെന്ന് പറഞ്ഞാലും ഉള്ളിലൊരു സങ്കടം നിങ്ങൾ കാണുന്നുണ്ടോ. എയർപോർട്ടിവച്ച് എന്റെ രേഖകളെല്ലാം അടങ്ങിയ ബാഗ് നഷ്ടപ്പെട്ടു. എയർപോർട്ടിലായതു കൊണ്ട് കിട്ടുമെന്നുള്ള പ്രതീക്ഷയിലാണ്. അതുകൊണ്ട് എനിക്കൊരു സന്തോഷമില്ല. എന്നാൽ വേറൊരു കാര്യത്തിൽ ഭയങ്കര സന്തോഷമുണ്ട്.
അത് ഷെയർ ചെയ്യാനാണ് ഞാൻ നിങ്ങളുടെ അടുത്ത് വന്നിരിക്കുന്നത്. 16- വയസിൽ സ്റ്റേജ് ഷോയ്ക്ക് ഇറങ്ങിയ ആളാണ് ഞാൻ. സ്റ്റേജ് ഷോകളിലൂടെ അന്ന് മുതൽ നിങ്ങൾക്കെന്നെ പരിചയമുണ്ട്. 18 വയസിൽ സിനിമയിൽ ആദ്യത്തെ പാട്ട് പാടി. അന്ന് മുതൽ 2026 വരെ എന്റെ ജീവിതത്തിൽ നടന്ന സംഭവങ്ങളും കാര്യങ്ങളും എന്റെ കുടുംബത്തെയും ഇതിൽ കൂടുതൽ മനസിലാക്കി തരാനൊന്നുമില്ല.
കാരണം ഒരു മനുഷ്യന്റെ കാര്യങ്ങൾ പത്തിരുപത്തഞ്ച് വർഷം വരയേ നമുക്ക് പിടിച്ചു വയ്ക്കാൻ പറ്റുകയുള്ളൂ. റിയൽ ആയി ഞാൻ എങ്ങനെയാണെന്നുള്ളത് കുറേ വർഷങ്ങളായി നിങ്ങൾ കണ്ടു കൊണ്ടിരിക്കുകയാണ്. സ്റ്റേജിലൂടെയും നേരിട്ടും. ജീവിതത്തിൽ ഒരു സന്തോഷ കാര്യം നടക്കുമ്പോൾ എന്നെ ഒരുപാട് ഇഷ്ടപ്പെടുന്നവരോട്, ഒരുപാട് വർഷങ്ങളായി എന്നോട് ഇത് ചോദിക്കുന്നവർക്ക് ഒരു സന്തോഷമുണ്ടാകുമായിരിക്കും എന്ന് വിചാരിച്ചാണ് ഞാൻ ഇന്ന് ഈ വിഡിയോ ഇടുന്നത്.
മൂന്ന് വർഷം മുൻപ് ഓൺലൈനിൽ മൊത്തം എന്റെ കല്യാണമായി എന്ന തരത്തിൽ വാർത്തകൾ വന്നപ്പോൾ, ഞാനിതുപോലെ ഒരു വിഡിയോ ഇട്ടിരുന്നു. കല്യാണമായിട്ടില്ല, പലരും പലതും പറയും അതൊന്നും വിശ്വസിക്കരുത് എന്ന് പറഞ്ഞ് ഞാനൊരു വിഡിയോ ഇട്ടിരുന്നു. രണ്ടാമതൊരു വിവാഹം കഴിച്ചാൽ നിങ്ങൾക്ക് ഇഷ്ടമാകുമോ എന്ന് കാനഡയിൽ വച്ചൊരു വിഡിയോയിലൂടെ ഞാൻ ചോദിച്ചിരുന്നു.
അത് ഞാനൊരു രണ്ട് മൂന്ന് സ്റ്റേജിൽ ചോദിച്ചിരുന്നു. ആ ചോദിച്ചത് ഭയങ്കര വൈറലായിട്ട് എല്ലാ ഓൺലൈനിലും വന്നിരുന്നു. അപ്പോൾ എല്ലാവർക്കും ഭയങ്കര സംശയമായി. അങ്ങനെയാണ് ഞാൻ വിഡിയോ ചെയ്യുന്നത്. ഇത്രയും എന്നെ സ്നേഹിച്ച ഒരു 75 ശതമാനം ആളുകൾക്കും സന്തോഷമാകുന്ന ഒരു വാർത്തയാണ് ഞാൻ പറയാൻ പോകുന്നത്. ഒറ്റയ്ക്ക് അല്ല, എപ്പോഴും എന്റെ കുടുംബം എന്നോടൊപ്പം ഉണ്ടായിരുന്നു. എന്റെ സഹോദരൻ സഹോദരി മമ്മി പിള്ളേര്... അവരാണെന്റെ കുടുംബം.
ഞാൻ ഭയങ്കര സന്തോഷത്തിലാണ് അതിലൊരു സംശയവും വേണ്ട. പക്ഷേ ഒരു പാട്ണർ എന്നൊരു വിടവ് എപ്പോഴും വേറെ ഉണ്ട്. പാട്ണറിന് മാത്രമേ ആ വിടവ് നികത്താൻ പറ്റുകയുള്ളൂ. അങ്ങനെയിരിക്കെ 2026 ൽ എന്റെ ജീവിതത്തിലേക്ക് ഒരാൾ വന്നു. ആരാണ്, എന്താണ് എന്നൊക്കെയുള്ളത് നിങ്ങളോട് ഞാൻ കൃത്യമായി പറയാം. ഒരു കാര്യം ഞാൻ പറയാം, ഒരഭിനേതാവോ ഗായകനോ പ്രശസ്തനായ ഒരാളോ ഒരു കോടീശ്വരനോ അങ്ങനെയൊന്നുമല്ല.
ഒരു കല്യാണം വേണ്ടേ റിമി എന്നൊക്കെ ചോദിക്കുമ്പോൾ, നമുക്ക് ചുമ്മാ പോയി സെലക്ട് ചെയ്യാൻ പറ്റുന്ന ഒരു കാര്യമല്ല ഇത്. ഒരു ജീവിത പങ്കാളി എന്ന് പറയുന്നത്. നമുക്ക് മനസിലാകും, നമുക്ക് തോന്നണം, നമുക്ക് നന്നായി പോകാൻ പറ്റും, നമുക്ക് സന്തോഷമായിട്ട് ഇരിക്കാൻ പറ്റും നമ്മുടെ വൈബ് മാച്ചിങ് ആകും സമാധാനത്തോടെ ഇരിക്കാൻ പറ്റും.
കരിയറിലായാലും വ്യക്തിജീവിതത്തിലായാലും എല്ലാത്തിലുമൊരു വളർച്ചയുണ്ടാകുമെന്ന് ചില ആളുകളെ കാണുമ്പോൾ അവരോട് സംസാരിക്കുമ്പോൾ അടുത്തിടപഴകുമ്പോൾ ദൈവം നമുക്ക് കൊണ്ട തന്നതുപോലെ തോന്നിപ്പിക്കുന്ന, അങ്ങനെ തോന്നിപ്പിക്കാറുണ്ട്. എല്ലാവരും വലിയ പ്രതീക്ഷയിലാണ് ജീവിതം തുടങ്ങുന്നത്. എനിക്കും അങ്ങനെ തോന്നിയ ഒരു കാര്യമാണ്.
പിന്നെ ബാക്കിയൊക്കെ മുന്നോട്ട് ജീവിച്ച് കഴിയുമ്പോഴേ നമുക്ക് മനസിലാവുകയുള്ളൂ. സെലക്ട് ചെയ്യാനുള്ള കാരണം എന്താണെന്ന് ചോദിച്ചാൽ, എനിക്ക് മനസിലായി ജീവിതത്തിലെ ഏറ്റവും വലിയ കാര്യം പണമോ പ്രശസ്തിയോ അതൊന്നും കണ്ടിട്ടല്ല. എനിക്ക് സമാധാനത്തോടെ എന്നെ നന്നായി നോക്കുന്ന എന്റെ വശങ്ങളും മനസിലാക്കിയ..
ദേഷ്യം, വാശി, സ്നേഹം, വിഷമം, അഹങ്കാരം അങ്ങനെ എല്ലാ നല്ല വശവും ചീത്ത വശവും കുറച്ചു നാളുകൊണ്ട് നമ്മൾ രണ്ടു പേരും അങ്ങോട്ടുമിങ്ങോട്ടും മനസിലാക്കി. അതിലുപരി എനിക്ക് നല്ല മനസമാധാനം കിട്ടി. നല്ലൊരു ജീവിതം കിട്ടുമെന്ന് തോന്നിയപ്പോഴാണ് ഞാനീ തീരുമാനം എടുക്കുന്നത്.
എനിക്കെന്തെങ്കിലും പറയാനുണ്ടെങ്കിൽ എന്റെ ഇൻസ്റ്റഗ്രാമിലൂടെയും യൂട്യൂബ് ചാനലിലൂടെയും ഞാൻ പങ്കുവയ്ക്കും. അത് മാത്രം മനസിലാക്കുക. അപ്പോൾ ഉടനെ ഉണ്ടാകും എന്ന് വിചാരിക്കുന്നു. പിന്നെ എല്ലാം ദൈവത്തിന്റെ കയ്യിൽ അല്ലേ. എല്ലാവരുടെയും പ്രാർഥനയും അനുഗ്രഹവും പിന്തുണയും ഉണ്ടാകണം".- റിമി ടോമി വിഡിയോയിൽ പറഞ്ഞു.
നടി ഷംന കാസിമിനെ വിവാഹാലോചനയുടെ പേരിൽ കബളിപ്പിച്ച് പണവും സ്വർണവും തട്ടാൻ ശ്രമിക്കുകയും ബ്ലാക്മെയിൽ ചെയ്യുകയും ചെയ്ത സംഭവം വലിയ വാർത്തയായിരുന്നു. 2020 ജൂണിൽ നടന്ന സംഭവത്തിൽ പ്രതികൾ അറസ്റ്റിലാവുകയും ചെയ്തു. തൃശൂർ കേന്ദ്രീകരിച്ച് പ്രവർത്തിക്കുന്ന തട്ടിപ്പ് സംഘമാണ് സംഭവത്തിൽ പിടിയിലായത്.
ഇപ്പോഴിതാ ഈ സംഭവത്തെക്കുറിച്ച് ഓർത്തെടുക്കുകയാണ് ഷംന. കുടുംബവും പൊലീസ് ഉദ്യോഗസ്ഥരുമൊക്കെ തന്നെ നന്നായി സപ്പോർട്ട് ചെയ്തിരുന്നുവെന്നും എന്നാൽ ടിവിയിലൊക്കെ തന്റെ പേര് കാണുമ്പോൾ നെഞ്ചിടിപ്പ് ആയിരുന്നുവെന്നും പറയുകയാണ് ഷംന. വനിതയുടെ യൂട്യൂബ് ചാനലിന് നൽകിയ അഭിമുഖത്തിൽ സംസാരിക്കുകയായിരുന്നു ഷംന.
"ഒരു വിവാഹാലോചന വന്നതാണ്. അത് നമ്മളൊരു സിനിമ കാണുന്ന ഫീലാണ്. ഒരുപാട് ആൾക്കാരുണ്ട് അതിൽ, എല്ലാവരും കുടുംബക്കാരും. ആ കേസ് അന്വേഷിച്ച പൊലീസുകാർ പറയുകയായിരുന്നു ഇങ്ങനെയൊക്കെ ആളുകൾക്ക് സംസാരിക്കാൻ കഴിയുമോ ? എന്ന്. ഒരാളാണ് അഞ്ച് വോയ്സിൽ ഒക്കെ സംസാരിക്കുന്നത്. ഒരു കുടുംബം ചേർന്ന് മറ്റു കുറേ കുടുംബങ്ങളെ ഇങ്ങനെ പറ്റിച്ചു കൊണ്ടിരിക്കുകയാണ്. ഒരു കല്യാണത്തിന്റെ പേരും പറഞ്ഞ്.
ഈ ലോകം അങ്ങനെയാണല്ലേ. എന്തൊക്കെ കാണാം. എന്നെ മാത്രമല്ല, ഒരുപാട് കുട്ടികളോട് അവരിങ്ങനെ ചെയ്തിട്ടുണ്ട്. ഒരു കേസ് ആയിട്ട് പോകുമ്പോൾ എന്തായാലും ഇത് പൊതുസമൂഹത്തിൽ അറിയുമെന്ന കാര്യം എനിക്കറിയാമായിരുന്നു. എല്ലാ ചാനലുകളും അന്ന് എന്നെ സപ്പോർട്ട് ചെയ്തിരുന്നു.
എന്നാലും ഷംന കാസിം... ഷംന കാസിം എന്ന പേര് ടിവിയിലൊക്കെ വരുമ്പോൾ നെഞ്ചിലിങ്ങനെ ഇടിപ്പായിരുന്നു എനിക്ക്. അന്ന് പൊലീസുദ്യോഗസ്ഥരാണെങ്കിലും എല്ലാവരും നന്നായി പിന്തുണച്ചിരുന്നു".- ഷംന കാസിം പറഞ്ഞു.
NAMMUDE NAADU
ബോബി ചെമ്മണൂര്‍ ഇന്റര്‍നാഷണല്‍ ജ്വല്ലേഴ്‌സിന്റെ ഏറ്റവും പുതിയ ജ്വല്ലറി ഷോറൂം ലക്ഷദ്വീപില്‍. കവരത്തിയിലാണ് ദ്വീപിലെ ആദ്യത്തെ ബ്രാന്‍ഡഡ് ജ്വല്ലറി ഷോറൂം പ്രവര്‍ത്തനമാരംഭിക്കുന്നത്. ഉദ്ഘാടനം ലക്ഷദ്വീപ് ഡേ ആയ നവംബര്‍ 1 ഞായറാഴ്ച, വൈകുന്നേരം 5 മണിക്ക്, 812 കിലോമീറ്റര്‍ റണ്‍ യുനീക് വേള്‍ഡ് റെക്കോഡ് ഹോള്‍ഡറും ലോകസമാധാനത്തിനുള്ള ഗിന്നസ് ജേതാവുമായ ബോചെ നിര്‍വ്വഹിക്കും.
ഉദ്ഘാടനം പ്രമാണിച്ച് ആദ്യത്തെ 10 ദിവസം ലക്ഷദ്വീപ് ഷോറൂമില്‍ നിന്നും പര്‍ച്ചേയ്‌സ് ചെയ്യുന്നവര്‍ക്ക് പവന് 1000 രൂപ ഡിസ്‌കൗണ്ട് നേടാം. കൂടാതെ നവംബര്‍ 2,3 തിയ്യതികളില്‍, ബോബി ചെമ്മണൂര്‍ ഇന്റര്‍നാഷണല്‍ ജ്വല്ലേഴ്‌സിന്റെ എല്ലാ ഷോറൂമുകളില്‍ നിന്നും പര്‍ച്ചേയ്‌സ് ചെയ്യുന്നവര്‍ക്കും പവന് 1000 രൂപ ഡിസ്‌കൗണ്ട് ലഭിക്കും. ഉദ്ഘാടനത്തിനെത്തുന്നവരില്‍ നിന്നും നറുക്കെടുപ്പിലൂടെ തിരഞ്ഞെടുക്കപ്പെടുന്ന 5 പേര്‍ക്ക് ഡയമണ്ട് റിംഗ് സമ്മാനമായി ലഭിക്കും. കൂടാതെ ആദ്യത്തെ 10 ദിവസം പര്‍ച്ചേയ്‌സ് ചെയ്യുന്നവരില്‍ നിന്നും നറുക്കെടുപ്പിലൂടെ തിരഞ്ഞെടുക്കപ്പെടുന്ന 10 പേര്‍ക്ക് സ്‌പോര്‍ട്‌സ് സൈക്കിള്‍ സമ്മാനം. അതോടൊപ്പം ആഴ്ചതോറും നറുക്കെടുപ്പിലൂടെ സ്വര്‍ണനാണയങ്ങളും മറ്റു നിരവധി സമ്മാനങ്ങളും. HUID മുദ്രയുള്ള 916 സ്വര്‍ണാഭരണങ്ങള്‍ക്ക് ഏറ്റവും കുറഞ്ഞ പണിക്കൂലി.
ഡയമണ്ട് ആഭരണങ്ങള്‍ക്ക് പണിക്കൂലിയില്‍ 50% വരെ ഡിസ്‌കൗണ്ട്. സ്വര്‍ണവിലയില്‍ നിന്നും സംരക്ഷണം നല്‍കിക്കൊണ്ട് അഡ്വാന്‍സ് ബുക്കിംഗ് ഓഫര്‍. നിങ്ങളുടെ കൈവശമുള്ള, ഏത് ജ്വല്ലറിയില്‍ നിന്നും വാങ്ങിയ പഴയ സ്വര്‍ണാഭരണങ്ങളും ഏറ്റവും മികച്ച മാര്‍ക്കറ്റ് വിലയില്‍ ഷോറൂമില്‍ വില്‍ക്കാം. കവരത്തി, കച്ചേരി ജംഗ്ഷനിലാണ് ഷോറൂം പ്രവര്‍ത്തിക്കുന്നത്.
ഭാഷാ അടിസ്ഥാനത്തില്‍ ഐക്യകേരളം പിറവികൊണ്ടിട്ട് ഇന്ന് 70 വര്‍ഷം. വിദ്യാഭ്യാസം, ആരോഗ്യം തുടങ്ങി ഒട്ടേറെ മേഖലകളില്‍ നാം രാജ്യത്തിന് തന്നെ മാതൃകയാണ്. സംസ്ഥാനത്തിന്റെ പേര് കേരള എന്നതില്‍ നിന്ന് കേരളം എന്ന് മാറ്റിയ ശേഷമുള്ള ആദ്യ കേരളപ്പിറവി ദിനം കൂടിയാണ് ഇത്തവണത്തേത്.
1956 നവംബര്‍ 1ന് ഭാഷയുടെ അടിസ്ഥാനത്തില്‍ സംസ്ഥാനങ്ങളെ പുനസംഘടിപ്പിക്കാനുള്ള കേന്ദ്രസര്‍ക്കാരിന്റെ തീരുമാനപ്രകാരം മലബാര്‍, കൊച്ചി, തിരുവിതാംകൂര്‍ പ്രദേശങ്ങള്‍ കൂട്ടിച്ചേര്‍ത്ത് കേരളം രൂപീകരിച്ചു. പിന്നീടുണ്ടായത് ചരിത്രം. നവോത്ഥാനത്തിന്റെ വെളിച്ചം വീശിയ നാളുകള്‍. ഭൂപരിഷ്‌കരണ ബില്‍, വിദ്യാഭ്യാസ ബില്‍, അധികാര വികേന്ദ്രീകരണം, സാക്ഷരതാ യജ്ഞം, ജനകീയ ആസൂത്രണം, പരിസ്ഥിതി സംരക്ഷണ സമരങ്ങള്‍, തുടങ്ങി നിരവധി പരിവര്‍ത്തനങ്ങള്‍ക്ക് കേരളം സാക്ഷ്യം വഹിച്ചു.
സര്‍ക്കാരിന്റെയും വിവിധ സംഘടനകളുടെയും നേതൃത്വത്തില്‍ സംസ്ഥാനത്തുടനീളം വിപുലമായ ആഘോഷ പരിപാടികളാണ് ഇന്ന് സംഘടിപ്പിച്ചിരിക്കുന്നത്. കേരളപ്പിറവിയുടെ എഴുപതാം വാര്‍ഷിക ആഘോഷ നിറവില്‍ തലസ്ഥാനത്ത് മാതൃഭാഷാ സ്‌നേഹവും ജനാധിപത്യ ഓര്‍മ്മകളും സംഗമിക്കുന്ന വിപുലമായ പരിപാടികള്‍ക്ക് തുടക്കമാകും. രാവിലെ 10 മണിക്ക് നിയമസഭാ സമുച്ചയത്തില്‍ വച്ച് സ്പീക്കര്‍ തിരുവഞ്ചൂര്‍ രാധാകൃഷ്ണന്‍ അധ്യക്ഷത വഹിക്കുന്ന ചടങ്ങില്‍ മുന്‍ സ്പീക്കര്‍മാര്‍, ഡെപ്യൂട്ടി സ്പീക്കര്‍മാര്‍, മുന്‍ സെക്രട്ടറിമാര്‍, മുതിര്‍ന്ന മാധ്യമപ്രവര്‍ത്തകര്‍ എന്നിവരെ ആദരിക്കുന്നതിനൊപ്പം, അന്താരാഷ്ട്ര കായിക മത്സരങ്ങളില്‍ നേട്ടങ്ങള്‍ കൈവരിച്ച മുന്‍ നിയമസഭാംഗം എം.ജെ. ജേക്കബിനെയും വിശിഷ്ടമായി ആദരിക്കും.
നിയമസഭാ ലൈബ്രറി റഫറന്‍സ് ഹാളില്‍ സംഘടിപ്പിക്കുന്ന എട്ടുദിവസം നീണ്ടുനില്‍ക്കുന്ന പുസ്തക പ്രദര്‍ശനവും രാവിലെ 9:15-ന് സ്പീക്കര്‍ തിരുവഞ്ചൂര്‍ രാധാകൃഷ്ണന്‍ ഉദ്ഘാടനം ചെയ്യും. ആഘോഷങ്ങള്‍ക്ക് കൂടുതല്‍ മധുരം പകര്‍ന്ന് 2026ലേക്കുള്ള മലയാള സാഹിത്യത്തിലെ പരമോന്നത ബഹുമതിയായ എഴുത്തച്ഛന്‍ പുരസ്‌കാര പ്രഖ്യാപനവും ഇന്ന് നടക്കും.
Channels
സ്റ്റേജ് ഷോകളിലും സിനിമയിലും ഒന്നിച്ച് അഭിനയിച്ച്, ഒടുവിൽ ജീവിതത്തിലും ഒന്നായവരാണ് നവാസും രഹ്നയും. ഒരു വർഷം മുൻപാണ് ഹൃദായാഘാതത്തെത്തുടർന്ന് നവാസ് മരണപ്പെടുന്നത്. നവാസിനെക്കുറിച്ച് സംസാരിക്കുമ്പോഴെല്ലാം പലരും ഓർക്കുന്നൊരു മുഖമാണ് രഹ്നയുടേതും. ഇപ്പോഴിതാ തങ്ങളുടെ വിവാഹ വാർഷിക ദിനത്തിൽ രഹ്ന പങ്കുവെച്ച ഹൃദയസ്പർശിയായ പോസ്റ്റാണ് പലരുടെയും ശ്രദ്ധ നേടുന്നത്.
''ഇന്ന് ഞങ്ങളുടെ വിവാഹ വാർ‌ഷികം ആണ്. നവാസ്ക്കയുടെ ആത്മാവിന്റെ കൈ പിടിച്ച് ഇന്നും ഞാൻ തൈ നട്ടു, വർഷങ്ങളായി ചെയ്തു വരുന്നത് കൊണ്ട് ചെയ്യാതിരിക്കാനും പറ്റുന്നില്ല, മനസ്സിന്റെ വിഷമം കാരണം ചെയ്യാനും പറ്റുന്നില്ല. ചില സമയത്ത് വിധി നമ്മുടെ ഹൃദയത്തെ കീറിമുറിക്കും ഈശ്വരൻ അത് heal ആക്കും, പക്ഷെ ആ പാടുകൾ നമ്മുടെ മനസ്സിൽ അങ്ങിനെകിടക്കും. ഞാനും മക്കളും നടുക്കടലിൽ പെട്ട അവസ്ഥയാണ് എത്രനേരം നടുക്കടലിൽ പിടിച്ചു നിൽക്കാൻ പറ്റും എന്ന് എനിക്കറിയില്ല. നവാസ്ക്ക പോയി ഇത്രയും നാളായിട്ടും ആർക്കും ഒരു ബാധ്യതയും ആയിട്ടില്ല. അത് പടച്ചവൻ എന്നെ ഒന്ന് താങ്ങിപിടിച്ചതുകൊണ്ടാണ്. മരണം വരെ ആരിൽനിന്നും ഒന്നും വാങ്ങാതെ ഇങ്ങനെ തന്നെ മുന്നോട്ടുപോണം എന്നാണ് ആഗ്രഹം, അതിനു ഞാൻ ജോലി ചെയ്തേ പറ്റൂ'', എന്നാണ് വിവാഹ ചിത്രങ്ങൾ പങ്കുവെച്ചുകൊണ്ട് രഹ്ന കുറിച്ചത്.
2002ലായിരുന്നു നവാസിന്റെയും രഹ്നയുടെയും വിവാഹം. ഇവർക്ക് മൂന്ന് മക്കളുണ്ട്. വിവാഹശേഷം അഭിനയത്തിൽ നിന്ന് ഇടവേളയെടുത്ത രഹ്ന, വർഷങ്ങൾക്കുശേഷം 'ഇഴ' എന്ന ചിത്രത്തിലൂടെ അഭിനയരംഗത്തേയ്ക്ക് തിരിച്ചെത്തിയിരുന്നു. ഈ സിനിമയിൽ നവാസിന്റെ നായികയായാണ് രഹ്ന അഭിനയിച്ചത്. ഇപ്പോൾ ഹാപ്പി ലൂപ്പ് എന്ന ചിത്രത്തിലും രഹ്ന അഭിനയിക്കുന്നുണ്ട്. കരിയറിൽ സജീവമായി തുടരുന്നതിനിടെയാണ് നവാസിന്റെ അപ്രതീക്ഷിത മരണം. 'പ്രകമ്പനം' എന്ന സിനിമയുടെ ചിത്രീകരണത്തിനായി ചോറ്റാനിക്കരയിലെത്തിയ നവാസിന് ഹോട്ടൽ മുറിയിൽ വെച്ച് ഹൃദായാഘാതം സംഭവിക്കുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല.
ബിഗ് ബോസിലൂടെ മലയാളികള്‍ക്ക് പ്രിയങ്കരായി മാറിയവരാണ് ആദിലയും നൂറയും. ലെസ്ബിയന്‍ പങ്കാളികളായ ഇവരും ഷോയിലൂടെ നേടിയത് വലിയ സ്വീകാര്യതയാണ്. ഷോയ്ക്കിടെ സഹതാരം ഇരുവരേയും വീട്ടില്‍ കയറ്റില്ലെന്ന് പറഞ്ഞപ്പോള്‍ അവതാരകനായ മോഹന്‍ലാല്‍ തന്റെ വീട്ടിലേക്ക് ക്ഷണിച്ചത് വലിയ ചര്‍ച്ചയായി മാറിയിരുന്നു. ബിഗ് ബോസ് പുതിയ സീസണ്‍ പകുതിയിലെത്തി നില്‍ക്കുമ്പോള്‍ മോഹന്‍ലാലിന്റെ അന്നത്തെ ക്ഷണം എന്തായെന്ന് പറയുകയാണ് ആദിലയും നൂറയും.
തങ്ങളുടെ യൂട്യൂബ് ചാനലില്‍ പങ്കുവച്ച വിഡിയോയിലൂടെയായിരുന്നു ആദിലയുടേയും നൂറയുടേയും പ്രതികരണം. മോഹന്‍ലാല്‍ പിന്നീട് വിളിച്ചോ, വീട്ടിലേക്ക് ക്ഷണിച്ചോ എന്നൊക്കെ പലരും ചോദിക്കാറുണ്ടെന്നും അതിനാലാണ് ഇപ്പോള്‍ മറുപടി നല്‍കുന്നതെന്നും ആദിലയും നൂറയും പറയുന്നു.
''പിള്ളേരെ ലാലേട്ടന് വിളിച്ചോ എന്ന് ഇപ്പോഴും പലരും ചോദിക്കുന്നുണ്ട്. ലാലേട്ടന് ഫിനാലെയ്ക്ക് കണ്ടപ്പോള്‍ യു ആര്‍ ഓള്‍വെയ്‌സ് വെല്‍ക്കം എന്ന് പറഞ്ഞിരുന്നു. രണ്ടു പേരുടേയും സമയം നോക്കിയിട്ട് ഒരു ദിവസം രണ്ട് കൂട്ടരും കാണുമെന്നും ഒരുമിച്ച് ഭക്ഷണം കഴിക്കാമെന്നും പറഞ്ഞിരുന്നു. ഷോയില്‍ നില്‍ക്കുമ്പോഴും ലാലേട്ടന് പറഞ്ഞിരുന്നു. ഫിനാലെയ്ക്കും പറഞ്ഞിരുന്നു'' എന്നാണ് ആദില പറയുന്നത്.
''അവസാന വര്‍ഷം ഡിസംബറില്‍ ലാലേട്ടന് ഓക്കെ ആയിട്ടുള്ളൊരു ഡേറ്റ് പറഞ്ഞിരുന്നു മീറ്റ് ചെയ്യാന്‍ വേണ്ടി. പക്ഷെ ആ സമയത്താണ് ലാലേട്ടന്റെ അമ്മയ്ക്ക് വയ്യാതായത്. അതിനാല്‍ നീട്ടി നീട്ടിവെക്കേണ്ടി വന്നത്. പിന്നെ അങ്ങോട്ട് ഓരോ ചടങ്ങുകളും കാര്യങ്ങളും ഉണ്ടായിരുന്നല്ലോ. അങ്ങനെ പോയി പോയി, അത് വര്‍ക്കായില്ല'' എന്നും ആദില പറഞ്ഞു.
ലാഗ് വന്നു. രണ്ടു പേര്‍ക്കും. ലാലേട്ടന് തിരക്കുള്ള മനുഷ്യന്‍ അല്ലേ. ഞങ്ങളും പിന്നെ ഫോളോ അപ്പ് ചെയ്യാന്‍ പോയില്ലെന്നാണ് നൂറ പറയുന്നത്. നടക്കുമ്പോള്‍ നടക്കട്ടെ. സമയം ഉണ്ടല്ലോ. ലാലേട്ടന് പറഞ്ഞതാണ്. ലാലേട്ടന് ഓര്‍മയുമുണ്ടാകും. അത് അതിന്റെ സമയത്ത് നടക്കുമെന്ന് ആദിലയും പറയുന്നു. മോഹന്‍ലാലിന്റെ ക്ഷണം മുന്‍കൂട്ടി തയ്യാറാക്കിയ തിരക്കഥയാണോ എന്ന ചോദ്യത്തിനും ഇരുവരും മറുപടി പറയുന്നുണ്ട്.
''ഒരിക്കലും സ്‌ക്രിപ്റ്റഡ് ആയിരുന്നില്ല. അദ്ദേഹം മനസില്‍ നിന്നുമാണത് പറഞ്ഞത്. ഇഷ്ടത്തോടെയാണ് പറഞ്ഞത്. വിളിക്കേണ്ട സാഹചര്യവും വന്നതാണ്. പക്ഷെ ഓരോ സാഹചര്യങ്ങള്‍ മൂലം തെന്നിമാറിപ്പോയതാണ്.'' എന്നാണ് നൂറ പറഞ്ഞത്. ''നമ്മളെ സപ്പോര്‍ട്ട് ചെയ്ത എപ്പിസോഡിനെ തുടര്‍ന്ന് ലാലേട്ടന് സൈബര്‍ അറ്റാക്ക് കിട്ടിയിരുന്നു. അത് കഴിഞ്ഞിട്ടും ഒരു മനുഷ്യന്‍ ഫിനാലെയ്ക്ക് കണ്ടപ്പോള്‍ വിളിക്കുന്ന് ആരെങ്കിലും പറഞ്ഞു കൊടുത്തിട്ടാകുമെന്ന് തോന്നുന്നില്ല. അങ്ങനെയെങ്കില്‍ മിണ്ടാതിരുന്നാല്‍ മതിയല്ലോ. ഞങ്ങളെ ക്ഷണിച്ചിരുന്നു.അതിന്റെ സമയം ആകുമ്പോള്‍ മീറ്റ് ചെയ്യും'' എന്നാണ് ആദില പറയുന്നത്.
നെടുമ്പാശ്ശേരി വാഹനാപകടവുമായി ബന്ധപ്പെട്ട് മഞ്ജു പിള്ള നടത്തിയ പരാമര്‍ശത്തില്‍ വ്യക്തത വരുത്തി മകള്‍ ദിയ സുജിത്ത്. കഴിഞ്ഞ ദിവസം ദിയയുടെ വ്‌ളോഗില്‍ സംസാരിക്കവെ മഞ്ജു പിള്ള വാഹനപകടത്തെക്കുറിച്ച് പറഞ്ഞിരുന്നു. ഇത് തെറ്റായ രീതിയില്‍ പ്രചരിപ്പിക്കപ്പെട്ടതോടെയാണ് ദയ വിഡിയോ പങ്കുവച്ചു കൊണ്ട് പ്രതികരണവുമായെത്തിയത്.
''ഇതാണ് ഞാന്‍ പറഞ്ഞത്. ആ മൂന്ന് കുഞ്ഞുങ്ങളുടെ ഫാമിലിയുടെ ക്ലാരിഫിക്കേഷന് വേണ്ടി പോസ്റ്റ് ചെയ്യുന്നു. ദയവ് ചെയ്ത് കാര്യങ്ങള്‍ വളച്ചൊടിക്കരുത്. നന്ദി'' എന്ന കുറിപ്പോടെയാണ് വിഡിയോ പങ്കുവച്ചിരിക്കുന്നത്. വിഡിയോയില്‍ മഞ്ജു പിള്ള പറയുന്നത് ഇങ്ങനെയാണ്:
''ഇപ്പോള്‍ ആ മൂന്ന് കുട്ടികള്‍ പോയില്ലേ? അങ്ങനെ പോകും എന്നു കരുതിയാണോ അവര്‍ ട്രാവല്‍ ചെയ്തത്? അപ്പോള്‍ പിന്നെ എന്താ, ആ മൂന്ന് പിള്ളേരും എന്തിനാ പുറത്തിറങ്ങിയത് എന്നായി. അതൊക്കെ വിവരമില്ലായ്മയാണെന്ന് ഞാന്‍ പറയും. പഠിക്കുകയും ജോലി ചെയ്യുകയും ചെയ്യുന്ന കുട്ടികളാണ്. അവര്‍ക്കൊപ്പം പഠിക്കുന്നവരാണ്. അവര്‍ പന്ത്രണ്ട് മണിയ്‌ക്കോ ഒരു മണിയ്‌ക്കോ ഒരു പ്രശ്‌നവും ഉണ്ടാകില്ലെന്ന് കരുതി പോയതാകും. അവര്‍ പോയതിനെ ഞാന്‍ ന്യായീകരിക്കുകയല്ല. മൂന്ന് പേര് ഒരുമിച്ച് പോയതും, ഹെല്‍മറ്റ് ധരിക്കാതെ പോയതും തെറ്റാണ്. അതിനെ ന്യായീകരിക്കുന്നില്ല. പക്ഷെ അതിന് എന്തിനാണ് അങ്ങനൊരു ചോദ്യം?
രണ്ട് ഹിന്ദുക്കുട്ടികള്‍ അന്യമതസ്ഥനായ ഒരാളുടെ കൂടെ എന്തിന് പോയി എന്നല്ല ചോദിക്കേണ്ടത്. അവിടെ ചോദിക്കേണ്ടത് അവര്‍ മൂന്നു പേരും ഒരുമിച്ച് എന്തിന് യാത്ര ചെയ്തുവെന്നാണ്. രാത്രി എന്തിന് യാത്ര ചെയ്തു എന്നുമല്ല. മൂന്നു പേരും ഒരുമിച്ച്, ഹെല്‍മറ്റ് ഇല്ലാതെ എന്തിന് യാത്ര ചെയ്തുവെന്നാണ്. അത് വളരെ പ്രസക്തമായ ചോദ്യമാണ്.
അല്ലാതെ രണ്ട് പെണ്‍കുട്ടികള്‍, അസമയത്ത്, ഒരു പുരുഷന്റെ കൂടെ, അതും അന്യ മതസ്ഥന്റെ കൂടെ എന്തിന് എന്ന് ചോദിക്കുന്നത് തെറ്റാണ്. അതല്ല ചോദിക്കേണ്ടത്. വളരെ തെറ്റാണ്. ഒരു നിയമത്തിലും അത് പറയുന്നില്ല. നിയമത്തില്‍ പറയുന്നത് രാത്രി ഹെല്‍മറ്റില്ലാതെ മൂന്ന് പേര് ഒരു ബൈക്കില്‍ യാത്ര ചെയ്തത് തെറ്റാണെന്ന് മാത്രമാണ്''.
പൊതുസമൂഹത്തിൽ രാഹുൽ ഈശ്വറിന് ഉണ്ടായിരുന്ന അംഗീകാരവും വാക്കുകൾക്കുണ്ടായിരുന്ന വിലയും ബിഗ് ബോസ് വീട്ടിൽ എത്തിയതോടെ നഷ്ടപ്പെടുത്തിയെന്ന് സംവിധായകനും ബിഗ് ബോസ് മുൻ വിജയിയുമായ അഖിൽ മാരാർ. രാഹുൽ ഈശ്വറിനോട് മറ്റ് മത്സരാർഥികൾ പെരുമാറുന്ന രീതി കണ്ട് തനിക്ക് വിഷമം തോന്നിയെന്നും പൊതുസമൂഹത്തിൽ അറിയപ്പെടുന്ന ഒരാൾ ഇത്തരത്തിൽ അവഹേളിക്കപ്പെടേണ്ട ആളല്ലെന്നും ജിഞ്ചർ മീഡിയക്കു വേണ്ടി നടത്തുന്ന യൂട്യൂബ് വിശകലത്തിനിടെ അഖിൽ മാരാർ പറഞ്ഞു.
“അയാൾക്ക് പൊതുസമൂഹത്തിൽ ഉണ്ടായിരുന്ന അംഗീകാരവും അയാളുടെ വാക്കുകൾക്ക് ഉണ്ടായിരുന്ന ഒരു വിലയുമെല്ലാം അയാൾ പോയി ഭയങ്കരമായി നഷ്ടപ്പെടുത്തിയതായാണ് എനിക്ക് തോന്നിയത്,” അഖിൽ മാരാർ കൂട്ടിച്ചേർത്തു.കഴിഞ്ഞ വീക്കെൻഡ് എപ്പിസോഡിൽ മോഹൻലാൽ മറ്റ് മത്സരാർഥികൾ രാഹുൽ ഈശ്വറിന്റെ പാവകളെപ്പോലെയാണ് പെരുമാറുന്നതെന്ന് ചൂണ്ടിക്കാട്ടിയിരുന്നു. എന്നാൽ ഈ പരാമർശത്തിനു ശേഷവും മത്സരാർഥികൾ സ്വന്തം നിലയിൽ ഗെയിം കളിക്കാൻ തയ്യാറാകുന്നില്ല എന്നും അഖിൽ മാരാർ വിമർശിച്ചു.
''കഴിഞ്ഞ വീക്കിൽ ഇത്രയും പേർ എവിക്റ്റായിപ്പോയി, രാഹുൽ ഈശ്വറിന്റെ കളിപ്പാവകളാണ് എന്ന് പറഞ്ഞതിനു ശേഷം, രാഹുൽ ഈശ്വറിനോട് റിയാക്‌ട് ചെയ്യുമെന്നും, അദ്ദേഹവുമായി ബന്ധപ്പെട്ട കണ്ടെന്റുകൾ വരുമെന്നും പലരും പറഞ്ഞു. വിക്കി തഗ്ഗിനോട് ഒരു പത്തു പ്രാവശ്യം കൺഫഷൻ റൂമിൽ വിളിച്ചിരുത്തിയിട്ട്, വിക്കി ഗെയിം കളിക്കണം, ഗെയിം കളിക്കണം എന്നൊക്കെ ബിഗ് ബോസും ലാലേട്ടനും പറഞ്ഞു. ഇത്രയേറെ കാര്യങ്ങൾ ചെയ്തിട്ടും, ഹൗസിൽ നിന്ന് കൂട്ട ഒഴിവാക്കൽ നടന്നിട്ടും, ഇവർക്ക് ഇത് മനസിലാകുന്നില്ല. ഒരു റിയൽ ബിഗ് ബോസ് ഗെയിമിലേക്ക് ഇവർ വരുന്നില്ല, ചോദ്യങ്ങൾ ചോദിക്കുന്നില്ല. ആ ഒരു വലിയ പ്രശ്‌നം നമ്മൾ കാണുന്നുണ്ട്. സ്‌പൂൺ ഫീഡ് ചെയ്ത്, സ്‌പൂൺ ഫീഡ് ചെയ്ത് ഈ ഷോയെ കുളമാക്കുകയാണ്'', അഖിൽ മാരാർ പറഞ്ഞു.
ബിഗ് ബോസ് മലയാളം സീസണ്‍ നാലിലൂടെ താരമായി മാറിയ വ്യക്തിയാണ് റിയാസ് സലീം. വൈല്‍ഡ് കാര്‍ഡ് എന്‍ട്രിയിലൂടെ കടന്നു വന്ന റിയാസ് അക്ഷാര്‍ത്ഥത്തില്‍ തന്നെ ബിഗ് ബോസിനെ ഇളക്കി മറിക്കുകയായിരുന്നു. തന്റെ നിലപാടുകളിലേയും വാക്കുകളിലേയും വ്യക്തതയാണ് റിയാസിനെ താരമാക്കുന്നത്. സെക്ഷ്വാലിറ്റിയെക്കുറിച്ചും ജെന്ററിനെക്കുറിച്ചുമൊക്കെ ഉറക്കെ സംസാരിക്കുന്നയാൾ കൂടിയാണ് റിയാസ്. ഇപ്പോഴിതാ അവതാരക രഞ്ജിനി ഹരിദാസുമായുള്ള അഭിമുഖത്തിൽ മുൻപുണ്ടായിരുന്ന റിലേഷൻഷിപ്പുകളെക്കുറിച്ച് സംസാരിക്കുകയാണ് റിയാസ്.
''പത്ത് വര്‍ഷം മുന്‍പാണ് തന്റെ ജീവിതത്തില്‍ ഒരു പ്രണയം സംഭവിച്ചിട്ടുള്ളത്. അതിന് ശേഷം എനിക്ക് പലരോടും ഇഷ്ടം തോന്നിയിരുന്നു, പക്ഷേ അവര്‍ക്ക് തിരിച്ചു തോന്നണം എന്നില്ലല്ലോ. പിന്നീടൊരു റിലേഷന്‍ഷിപ്പിലേക്ക് പോകാന്‍ ഇരുന്നതായിരുന്നു, പക്ഷേ ആ ബന്ധം എന്റെ കംഫര്‍ട്ട്‌സോണിനെ ബാധിക്കും എന്ന അവസ്ഥ എത്തിയപ്പോൾ അത് ഒഴിവാക്കുകയായിരുന്നു. പ്രണയത്തില്‍ ഞാന്‍ വളരെ എക്‌സ്പ്രസീവ് ആയിട്ടുള്ള ആളാണ്. സ്‌നേഹിക്കുന്നവരെ ഞാന്‍ നന്നായി ടേക് കെയര്‍ ചെയ്യും, അതിനെ പോലെ തന്നെ പ്രധാനമാണ് എനിക്ക് എന്നെ ടേക് കെയര്‍ ചെയ്യുന്നതും. ഒരു വ്യക്തി എത്രത്തോളം സ്വയം സ്‌നേഹിക്കുന്നുവോ, അങ്ങനെ ഉള്ള ആളുകള്‍ക്ക് മാത്രമേ മറ്റൊരാളെ സ്‌നേഹിക്കാനും ടേക് കെയര്‍ ചെയ്യാനും കഴിയുകയുള്ളൂ. സെല്‍ഫ് ലവ് വളരെ പ്രധാനമാണ്'', രഞ്ജിനി ഹരിദാസിന്റെ യൂട്യൂബ് ചാനലിനു നൽകിയ അഭിമുഖത്തിൽ റിയാസ് പറഞ്ഞു.
പങ്കാളിയെക്കുറിച്ചുള്ള സങ്കൽപങ്ങളെക്കുറിച്ചും റിയാസ് അഭിമുഖത്തിൽ സംസാരിക്കുന്നുണ്ട്. ''എന്നെ ഞാനായി അംഗീകരിക്കുന്ന ആളെ മാത്രമാണ് പങ്കാളിയായി സങ്കല്‍പിക്കുന്നത്. എന്നെ സംബന്ധിച്ച് എന്റെ പെണ്‍കുട്ടി ഫെമിനിൻ ആകേണ്ടതില്ല, മാസ്‌കുലിനായി അഭിനയിക്കേണ്ടതുമില്ല. അവര്‍ എങ്ങനെയാണോ അങ്ങനെ തന്നെയായിരിക്കണം. അതാണ് പ്രധാനം'', റിയാസ് കൂട്ടിച്ചേർത്തു.
BUSINESS
പാഠപുസ്തകങ്ങൾ കണ്ടെത്താനും അവയിലെ വിവരങ്ങൾ മനസ്സിലാക്കാനും പരീക്ഷയ്ക്കായി തയ്യാറെടുക്കാനും വിദ്യാർഥികൾക്ക് കൂടുതൽ സൗകര്യമൊരുക്കി ഗൂഗിൾ. ഗൂഗിളിന്റെ എഐ അധിഷ്ഠിത പഠനസഹായിയായ നോട്ട്ബുക്ക് എൽഎമ്മിൽ (NotebookLM) ഇന്ത്യയിലെയും അമേരിക്കയിലെയും വിദ്യാർഥികൾക്കായി നൂറുകണക്കിന് പാഠപുസ്തകങ്ങൾ സൗജന്യമായി ലഭ്യമാക്കുന്നു. പുസ്തകങ്ങൾ പ്രത്യേകം ഡൗൺലോഡ് ചെയ്ത് അപ്‌ലോഡ് ചെയ്യേണ്ടതില്ലെന്നതാണ് പുതിയ സംവിധാനത്തിന്റെ പ്രധാന സവിശേഷത.
ഇന്ത്യയിലെ പ്രമുഖ വിദ്യാഭ്യാസ പ്രസാധകരായ എസ്. ചന്ദ് പബ്ലിഷിങ്, ഓപ്പൺസ്റ്റാക്സ്, ഓപ്പൺ ടെക്സ്റ്റ്ബുക്ക് ലൈബ്രറി എന്നിവയിൽനിന്നുള്ള പുസ്തകങ്ങളാണ് പ്രധാനമായും ഈ ശേഖരത്തിൽ ഉൾപ്പെടുത്തിയിരിക്കുന്നത്. വിദ്യാർഥികൾക്ക് ആവശ്യമായ പാഠപുസ്തകം പ്ലാറ്റ്‌ഫോമിൽനിന്നുതന്നെ തിരഞ്ഞെടുത്ത് സ്വന്തം നോട്ട്ബുക്കിലേക്ക് ചേർക്കാം. കോഴ്സുകൾപഠിക്കൂ
പാഠപുസ്തകങ്ങൾ ലഭ്യമാക്കുന്നതിനൊപ്പം പഠനം കൂടുതൽ എളുപ്പമാക്കുന്ന എഐ സൗകര്യങ്ങളും ഇതിലുണ്ട്. പുസ്തകത്തെ അടിസ്ഥാനമാക്കി വിദ്യാർഥികൾ ഉന്നയിക്കുന്ന സംശയങ്ങൾക്ക് എഐ മറുപടി നൽകും. ഉത്തരങ്ങൾ പുസ്തകത്തിലെ ഏതുഭാഗത്തുനിന്നാണ് കണ്ടെത്തിയതെന്ന് വ്യക്തമാക്കുന്ന സൈറ്റേഷനുകളും ലിങ്കുകളും ലഭ്യമാകുന്നതിനാൽ വിവരങ്ങളുടെ ഉറവിടം പരിശോധിക്കാനും സാധിക്കും.
ഓരോ വിദ്യാർഥിയുടെയും പഠനാവശ്യങ്ങൾക്ക് അനുസരിച്ച് വ്യക്തിഗത സ്റ്റഡി ഗൈഡുകൾ തയ്യാറാക്കാനും പാഠഭാഗങ്ങൾ അടിസ്ഥാനമാക്കിയുള്ള പരിശീലന ക്വിസുകളും ഫ്ലാഷ് കാർഡുകളും സൃഷ്ടിക്കാനും കഴിയും. പരീക്ഷയ്ക്ക് മുമ്പുള്ള റിവിഷനും പ്രധാന ആശയങ്ങൾ ഓർത്തെടുക്കുന്നതിനും ഈ സംവിധാനങ്ങൾ പ്രയോജനപ്പെടുത്താം.
ടെക് മേഖലയിലെ തൊഴിൽ വെട്ടിക്കുറയ്ക്കൽ നടപടികൾ തുടരുന്നതിനിടെ ആമസോണിൽ വീണ്ടും പിരിച്ചുവിടൽ. പുതിയ കിൻഡിൽ ഇ-റീഡറുകളും ടാബ്‌ലെറ്റ് കമ്പ്യൂട്ടറുകളും വിപണിയിൽ അവതരിപ്പിച്ചതിന് പിന്നാലെ കമ്പനിയുടെ ഡിവൈസസ് ആൻഡ് സർവീസസ് വിഭാഗത്തിലെ ഏകദേശം 250 ജീവനക്കാരെയാണ് ഒഴിവാക്കിയത്. വാർത്താ ഏജൻസിയായ റോയിട്ടേഴ്‌സിന്റെ അന്വേഷണത്തിന് മറുപടിയായി ആമസോൺ തന്നെയാണ് ഇക്കാര്യം സ്ഥിരീകരിച്ചത്.
കമ്പനിയുടെ പ്രവർത്തനങ്ങൾ കൂടുതൽ കാര്യക്ഷമമാക്കുന്നതിനും ഭാവി പദ്ധതികൾക്ക് അനുയോജ്യമായ രീതിയിൽ സംഘടനാ ഘടന പുനഃക്രമീകരിക്കുന്നതിനുമാണ് പുതിയ തീരുമാനമെന്ന് ആമസോൺ വക്താവ് അറിയിച്ചു. പ്രധാനമായും സോഫ്റ്റ്‌വെയർ ഡെവലപ്‌മെന്റ് മേഖലയിൽ പ്രവർത്തിക്കുന്ന ജീവനക്കാരെയാണ് നടപടി ബാധിച്ചിരിക്കുന്നത്.
ബുധനാഴ്ച രാവിലെ ടെക്സ്റ്റ് സന്ദേശങ്ങളിലൂടെയും ഇമെയിലുകളിലൂടെയുമാണ് ജോലി നഷ്ടമായ വിവരം ജീവനക്കാരെ അറിയിച്ചത്. കമ്പനിയുടെ പ്രവർത്തനങ്ങളും വിവിധ തസ്തികകളുടെ ആവശ്യകതയും വിശദമായി വിലയിരുത്തിയ ശേഷമാണ് ചില തസ്തികകൾ ഒഴിവാക്കാൻ തീരുമാനിച്ചതെന്ന് ഡിവൈസസ് ആൻഡ് സർവീസസ് വിഭാഗം എച്ച്.ആർ വൈസ് പ്രസിഡന്റ് ചെറി റോബിൻസൺ ജീവനക്കാർക്ക് അയച്ച സന്ദേശത്തിൽ വ്യക്തമാക്കി.
പുതിയ ഉൽപ്പന്നങ്ങൾ അവതരിപ്പിച്ച് വിപണിയിലെ സാന്നിധ്യം ശക്തമാക്കുന്നതിനിടെയാണ് ആമസോണിന്റെ ഈ നടപടി. അടുത്തിടെ പുതിയ കിൻഡിൽ മോഡലുകൾക്കും ടാബ്‌ലെറ്റുകൾക്കും പുറമെ അലക്‌സയുടെ സഹായത്തോടെ പ്രവർത്തിക്കുന്ന അലാറം ക്ലോക്കും ഫോട്ടോ ഫ്രെയിമും കമ്പനി പുറത്തിറക്കിയിരുന്നു. ഉൽപ്പന്ന നിര വിപുലീകരിക്കുന്നതിനൊപ്പം ജീവനക്കാരുടെ എണ്ണം കുറയ്ക്കാനുള്ള തീരുമാനം ശ്രദ്ധേയമായിരിക്കുകയാണ്.
ഈ മാസത്തിന്റെ തുടക്കത്തിൽ ആമസോണിന്റെ പ്രധാന റീട്ടെയിൽ വിഭാഗത്തിൽനിന്ന് ആയിരത്തോളം ജീവനക്കാരെ പിരിച്ചുവിട്ടിരുന്നു. ഇതിന് പിന്നാലെയാണ് ഡിവൈസസ് ആൻഡ് സർവീസസ് വിഭാഗത്തിലും 250 ഓളം തസ്തികകൾ വെട്ടിക്കുറച്ചിരിക്കുന്നത്.
കമ്പനിയുടെ മൂന്നാം പാദ സാമ്പത്തിക ഫലങ്ങൾ പുറത്തുവരാനിരിക്കെയാണ് തുടർച്ചയായ പിരിച്ചുവിടൽ നടപടികളെന്നതും ശ്രദ്ധേയമാണ്. പുതിയ ഉൽപ്പന്നങ്ങളിലൂടെ ബിസിനസ് വിപുലീകരിക്കാനുള്ള ശ്രമങ്ങൾക്കൊപ്പം പ്രവർത്തനച്ചെലവും സംഘടനാ ഘടനയും പുനഃക്രമീകരിക്കുന്നതിലേക്കും ആമസോൺ ശ്രദ്ധ കേന്ദ്രീകരിക്കുന്നുവെന്നാണ് പുതിയ നീക്കം വ്യക്തമാക്കുന്നത്.
വിതരണക്കാരെ കണ്ടെത്തുന്നതും കരാറുകൾ പരിശോധിക്കുന്നതും ഇൻവോയ്സുകൾ താരതമ്യം ചെയ്യുന്നതും ജീവനക്കാരുടെ ബയോഡാറ്റകൾ വിലയിരുത്തുന്നതുമടക്കമുള്ള ബിസിനസ് ജോലികൾ കൂടുതൽ എളുപ്പമാക്കാൻ പുതിയ എഐ സംവിധാനവുമായി ദുബായ്. കമ്പനികളുടെ ഭരണപരവും പ്രവർത്തനപരവുമായ ജോലികൾ ഓട്ടോമേറ്റ് ചെയ്യാൻ സഹായിക്കുന്ന ‘ചേംബർ എഐ ഹബ്’ (Chamber AI Hub) ദുബായ് ചേംബേഴ്‌സ് ആരംഭിച്ചു. ചേംബർ നേതൃത്വത്തിൽ ആരംഭിക്കുന്ന ലോകത്തിലെ ആദ്യത്തെ ഏജന്റിക് എഐ മാർക്കറ്റ്‌പ്ലേസ് എന്ന വിശേഷണത്തോടെയാണ് പ്ലാറ്റ്‌ഫോം അവതരിപ്പിച്ചിരിക്കുന്നത്. വിവിധ ബിസിനസ് ആവശ്യങ്ങൾക്കനുസരിച്ച് എഐ ഏജന്റുകളെ തിരഞ്ഞെടുക്കാനും അവയുടെ സേവനം പ്രയോജനപ്പെടുത്താനും കമ്പനികൾക്ക് ഇതിലൂടെ സാധിക്കും
സ്വകാര്യ മേഖലയിലെ നിർമിതബുദ്ധി (എഐ) ഉപയോഗം വ്യാപിപ്പിക്കുക, കമ്പനികളുടെ പ്രവർത്തനരീതികൾ ആധുനികവൽക്കരിക്കുക, ആഗോള വിപണിയിലെ മത്സരക്ഷമത വർധിപ്പിക്കുക എന്നിവയാണ് പദ്ധതിയുടെ പ്രധാന ലക്ഷ്യങ്ങൾ. ദുബായ് കിരീടാവകാശിയും യുഎഇ ഉപപ്രധാനമന്ത്രിയും പ്രതിരോധ മന്ത്രിയും ദുബായ് എക്സിക്യൂട്ടീവ് കൗൺസിൽ ചെയർമാനുമായ ശൈഖ് ഹംദാൻ ബിൻ മുഹമ്മദ് ബിൻ റാഷിദ് അൽ മക്തൂമിന്റെ നിർദേശങ്ങൾ നടപ്പാക്കുന്നതിന്റെ ഭാഗമായാണ് പുതിയ പ്ലാറ്റ്‌ഫോം ആരംഭിച്ചത്. എഐടൂളുകൾ പഠിക്കൂ
നിലവിൽ ഏഴ് പ്രധാന ബിസിനസ് മേഖലകളിലായി 22 പ്രത്യേക എഐ ഏജന്റുകളാണ് ചേംബർ എഐ ഹബ്ബിലുള്ളത്. കംപ്ലയൻസ്, പർച്ചേസിങ്, പ്രവർത്തന നിയന്ത്രണം, ധനകാര്യം, വിൽപ്പന, മാനവവിഭവശേഷി, ലോജിസ്റ്റിക്സ് എന്നിവയുമായി ബന്ധപ്പെട്ട ജോലികൾക്കാണ് ഈ സംവിധാനങ്ങൾ സഹായം നൽകുക. ഭാവിയിൽ എഐ ഏജന്റുകളുടെ എണ്ണം 100 ആയി ഉയർത്താനാണ് പദ്ധതി.
ദുബായ് ചേംബേഴ്‌സിൽ അംഗത്വമുള്ള കമ്പനികൾക്ക് തങ്ങളുടെ ആവശ്യങ്ങൾക്ക് അനുയോജ്യമായ എഐ ഏജന്റുകളെ തിരഞ്ഞെടുക്കാം. വിവിധ സബ്‌സ്‌ക്രിപ്ഷൻ പാക്കേജുകളും ലഭ്യമാണ്. പതിവായി ആവർത്തിക്കേണ്ടിവരുന്ന ജോലികൾ ഓട്ടോമേറ്റ് ചെയ്യുന്നതിലൂടെ ജീവനക്കാരുടെ സമയവും അധ്വാനവും ലാഭിക്കാനും പ്രധാന ബിസിനസ് പ്രവർത്തനങ്ങളിൽ കൂടുതൽ ശ്രദ്ധ കേന്ദ്രീകരിക്കാനും കമ്പനികൾക്ക് സാധിക്കുമെന്നാണ് പ്രതീക്ഷ.
ബിസിനസുകളുടെ ദൈനംദിന പ്രവർത്തനങ്ങളിൽ ഏറെ സമയം ആവശ്യപ്പെടുന്ന വിവിധ ജോലികൾ ലളിതമാക്കാൻ എഐ ഏജന്റുകൾക്ക് കഴിയും. വിതരണക്കാരെ കണ്ടെത്തുക, അവരുടെ വാഗ്ദാനങ്ങളും നിർദേശങ്ങളും വിലയിരുത്തുക, വിതരണ ശൃംഖലയിലെ അപകടസാധ്യതകൾ നിരീക്ഷിക്കുക, കരാറുകൾ പരിശോധിക്കുക തുടങ്ങിയ ജോലികൾ ഇതിലൂടെ നിർവഹിക്കാം. എഐടൂളുകൾ പഠിക്കൂ
ഇൻവോയ്സുകളും പർച്ചേസ് ഓർഡറുകളും തമ്മിൽ താരതമ്യം ചെയ്യുക, ബിസിനസ് പ്രൊപ്പോസലുകൾ തയ്യാറാക്കുക, വിൽപ്പന സാധ്യതയുള്ള ഉപഭോക്താക്കളെ തിരിച്ചറിയുക, ജോലി അപേക്ഷകരുടെ ബയോഡാറ്റകൾ പരിശോധിക്കുക, ഐടി ഹെൽപ് ഡെസ്കുമായി ബന്ധപ്പെട്ട അഭ്യർഥനകൾ കൈകാര്യം ചെയ്യുക തുടങ്ങിയ ആവശ്യങ്ങൾക്കും എഐ ഏജന്റുകളെ പ്രയോജനപ്പെടുത്താം.
ഇത്തരം ജോലികളിൽ മനുഷ്യരുടെ ഇടപെടൽ ആവശ്യമായിവരുന്ന സമയം കുറയ്ക്കുകയും നടപടിക്രമങ്ങൾ കൂടുതൽ കാര്യക്ഷമമാക്കുകയും ചെയ്യുകയാണ് ലക്ഷ്യം. ഇതിലൂടെ പ്രവർത്തനച്ചെലവ് നിയന്ത്രിക്കാനും ബിസിനസ് തീരുമാനങ്ങൾ എടുക്കുന്നതിനുള്ള നടപടികൾ വേഗത്തിലാക്കാനും കമ്പനികൾക്ക് സഹായം ലഭിച്ചേക്കും.
എഐ സംവിധാനങ്ങൾ നേരിട്ട് പ്രവർത്തനത്തിലേക്ക് കൊണ്ടുവരുന്നതിന് മുമ്പ് അവയുടെ കഴിവുകൾ പരീക്ഷിച്ചറിയാനുള്ള സൗകര്യവും പ്ലാറ്റ്‌ഫോമിലുണ്ട്. ഇതിനായി പ്രത്യേക സാൻഡ്‌ബോക്സ് സംവിധാനം ഒരുക്കിയിട്ടുണ്ട്. തുടക്കത്തിൽ പരീക്ഷണാടിസ്ഥാനത്തിൽ ഉപയോഗിക്കുന്നതിനായി കമ്പനികൾക്ക് സൗജന്യ ക്രെഡിറ്റുകളും ലഭിക്കും. തുടർന്ന് ആവശ്യാനുസരണം പണമടച്ചുള്ള സബ്‌സ്‌ക്രിപ്ഷൻ പാക്കേജുകളിലേക്ക് മാറാം.
എഐ സേവനങ്ങളുടെ ഉപയോഗവും അതിനായി വരുന്ന ചെലവും നിരീക്ഷിക്കാൻ ഡാഷ്‌ബോർഡുകളും ലഭ്യമാകും. ഒരു കമ്പനി എഐ ഉപയോഗത്തിന് എത്രത്തോളം സജ്ജമാണെന്ന് വിലയിരുത്താനും ഓരോ എഐ ഏജന്റിനും ലഭിക്കുന്ന അഭ്യർഥനകൾ എത്രത്തോളം വിജയകരമായി കൈകാര്യം ചെയ്യാനാകുന്നുവെന്ന് മനസ്സിലാക്കാനും സംവിധാനങ്ങളുണ്ട്. എഐടൂളുകൾ പഠിക്കൂ
ജീവനക്കാർ എഐ ഏജന്റുകളെ എങ്ങനെ ഉപയോഗിക്കുന്നു എന്ന് നിരീക്ഷിക്കാൻ അഡ്മിനിസ്ട്രേറ്റർ പോർട്ടലും ഉൾപ്പെടുത്തിയിട്ടുണ്ട്. ഇതിലൂടെ കമ്പനികൾക്ക് എഐ ഉപയോഗം നിയന്ത്രിക്കാനും പ്രവർത്തനഫലങ്ങൾ വിലയിരുത്താനും സാധിക്കും.
അടുത്ത രണ്ടുവർഷത്തിനുള്ളിൽ 2,95,000ത്തിലധികം സ്വകാര്യ മേഖലാ കമ്പനികൾക്ക് പ്രയോജനം ലഭ്യമാക്കുകയും പ്ലാറ്റ്‌ഫോമിലെ എഐ ഏജന്റുകളുടെ എണ്ണം 100 ആയി ഉയർത്തുകയും ചെയ്യുകയാണ് ദുബായ് ചേംബേഴ്‌സിന്റെ ലക്ഷ്യം. അറബിക്, ഇംഗ്ലീഷ് ഭാഷകളിലും എഐ ഏജന്റുകൾക്ക് പ്രവർത്തിക്കാനും പിന്തുണ നൽകാനും സാധിക്കുമെന്ന് അധികൃതർ അറിയിച്ചു.
ബിസിനസ് രംഗത്തെ ആവർത്തന ജോലികൾ ഓട്ടോമേറ്റ് ചെയ്യുന്നതിൽനിന്ന് വിതരണ ശൃംഖലയുടെ നിരീക്ഷണവും ജീവനക്കാരുടെ തിരഞ്ഞെടുപ്പും വരെ വിവിധ മേഖലകളിൽ എഐയുടെ പ്രയോജനം ലഭ്യമാക്കുകയാണ് ചേംബർ എഐ ഹബ്ബിലൂടെ ദുബായ് ലക്ഷ്യമിടുന്നത്. കമ്പനികൾക്ക് തങ്ങളുടെ ആവശ്യങ്ങൾക്ക് അനുയോജ്യമായ എഐ സംവിധാനങ്ങൾ ഒരിടത്തുനിന്ന് കണ്ടെത്താനും പരീക്ഷിക്കാനും ഉപയോഗിക്കാനും കഴിയുന്ന ഈ പ്ലാറ്റ്‌ഫോം സ്വകാര്യ മേഖലയുടെ ഡിജിറ്റൽ പരിവർത്തനത്തിന് പുതിയ വേഗം നൽകുമെന്നാണ് പ്രതീക്ഷ.
HEALTH
വിറ്റാമിനുകളും ഭക്ഷ്യനാരുകളും ആന്റിഓക്സിഡന്റുകളും ഒരുപോലെ അടങ്ങിയ പഴമാണ് പേരയ്ക്ക. രുചിയിലും പോഷകമൂല്യത്തിലും മുന്നിലുള്ള ഈ പഴം പതിവായി ഭക്ഷണത്തിൽ ഉൾപ്പെടുത്തുന്നത് ആരോഗ്യത്തിന് പലവിധത്തിൽ ഗുണകരമാണ്. ദഹനപ്രവർത്തനം മെച്ചപ്പെടുത്താനും പ്രതിരോധശേഷിയെ പിന്തുണയ്ക്കാനും ശരീരഭാരം നിയന്ത്രിക്കാനുള്ള ശ്രമങ്ങളിൽ സഹായിക്കാനും പേരയ്ക്കയ്ക്ക് കഴിയും. എന്നാൽ രാവിലെ വെറും വയറ്റിൽ തന്നെ കഴിക്കണമെന്നുണ്ടോ? ദിവസവും എത്ര പേരയ്ക്ക കഴിക്കുന്നതാണ് ഉചിതം?
പേരയ്ക്കയിൽ അടങ്ങിയിരിക്കുന്ന ഭക്ഷ്യനാരുകൾ മലബന്ധം കുറയ്ക്കാനും കുടലിന്റെ പ്രവർത്തനം സുഗമമാക്കാനും സഹായിക്കുന്നു. ആവശ്യത്തിന് നാരുകൾ ലഭിക്കുന്നത് ദഹനാരോഗ്യം മെച്ചപ്പെടുത്തുന്നതിനും പ്രധാനമാണ്. എന്നാൽ ഒരേസമയം അമിതമായി പേരയ്ക്ക കഴിക്കുന്നത് ചിലരിൽ വയറുവീക്കം, അസ്വസ്ഥത തുടങ്ങിയ പ്രശ്നങ്ങൾക്ക് കാരണമായേക്കാം. അതിനാൽ ശരീരത്തിന് അനുയോജ്യമായ അളവിൽ കഴിക്കുന്നതാണ് നല്ലത്.
വിറ്റാമിൻ സി ധാരാളമായി അടങ്ങിയ പഴമാണ് പേരയ്ക്ക. ശരീരത്തിന്റെ സാധാരണ പ്രതിരോധപ്രവർത്തനങ്ങളെ പിന്തുണയ്ക്കുന്നതിനൊപ്പം ചർമത്തിന്റെ ആരോഗ്യത്തിനും കൊളാജൻ രൂപീകരണത്തിനും വിറ്റാമിൻ സി പ്രധാനമാണ്. പേരയ്ക്കയിലെ ആന്റിഓക്സിഡന്റുകളും ശരീരകോശങ്ങളെ ഓക്സിഡേറ്റീവ് സമ്മർദത്തിൽനിന്ന് സംരക്ഷിക്കുന്നതിൽ പങ്കുവഹിക്കുന്നു.
കലോറി താരതമ്യേന കുറവും ഭക്ഷ്യനാരുകൾ കൂടുതലുമുള്ളതിനാൽ പേരയ്ക്ക കഴിക്കുന്നത് കൂടുതൽ നേരം വയറുനിറഞ്ഞതായി തോന്നാൻ സഹായിച്ചേക്കാം. ഇടനേരത്തെ ലഘുഭക്ഷണമായി പേരയ്ക്ക തിരഞ്ഞെടുക്കുന്നത് അനാവശ്യമായി കൂടുതൽ ഭക്ഷണം കഴിക്കുന്നത് കുറയ്ക്കാനും സഹായകരമാകാം. എന്നിരുന്നാലും പേരയ്ക്ക മാത്രം കഴിച്ചതുകൊണ്ട് ശരീരഭാരം കുറയില്ല. സമീകൃത ഭക്ഷണം, സ്ഥിരമായ വ്യായാമം, മതിയായ ഉറക്കം എന്നിവയും പ്രധാനമാണ്.
പേരയ്ക്കയിലെ ഭക്ഷ്യനാരുകൾ ഭക്ഷണത്തിനു ശേഷമുള്ള രക്തത്തിലെ പഞ്ചസാരയുടെ വർധന നിയന്ത്രിക്കാൻ സഹായിച്ചേക്കാം. എന്നാൽ പ്രമേഹമുള്ളവർ പഴത്തിന്റെ അളവും മൊത്തത്തിലുള്ള ഭക്ഷണക്രമവും ശ്രദ്ധിക്കണം. പേരയ്ക്ക പ്രമേഹത്തിനുള്ള മരുന്നുകൾക്ക് പകരമല്ല. രക്തത്തിലെ പഞ്ചസാരയുടെ നിയന്ത്രണത്തെക്കുറിച്ച് ആശങ്കയുണ്ടെങ്കിൽ ഡോക്ടറുടെയോ ഡയറ്റീഷ്യന്റെയോ നിർദേശം തേടാം.
ആരോഗ്യമുള്ള മിക്ക ആളുകൾക്കും രാവിലെ വെറും വയറ്റിൽ പേരയ്ക്ക കഴിക്കുന്നതിൽ പൊതുവെ പ്രശ്നമില്ല. എന്നാൽ എല്ലാവർക്കും ഒരേ രീതിയിൽ അനുയോജ്യമാകണമെന്നില്ല. പേരയ്ക്ക കഴിച്ചശേഷം വയറുവീക്കം, ഗ്യാസ്, ദഹനസംബന്ധമായ അസ്വസ്ഥതകൾ എന്നിവ അനുഭവപ്പെടുന്നവർക്ക് പ്രഭാതഭക്ഷണത്തോടൊപ്പമോ ഭക്ഷണത്തിനുശേഷമോ കഴിക്കാം. പേരയ്ക്കയുടെ ഗുണങ്ങൾ ലഭിക്കാൻ വെറും വയറ്റിൽ തന്നെ കഴിക്കണമെന്ന നിർബന്ധമില്ല.
മിക്ക ആളുകൾക്കും ദിവസവും ഒരു ഇടത്തരം പേരയ്ക്ക കഴിക്കുന്നത് പഴങ്ങൾ ഉൾപ്പെടുത്തിയ സമീകൃത ഭക്ഷണക്രമത്തിന്റെ ഭാഗമാകാം. എന്നാൽ വ്യക്തിയുടെ ആരോഗ്യസ്ഥിതി, ഭക്ഷണക്രമം, ദഹനശേഷി എന്നിവ അനുസരിച്ച് അനുയോജ്യമായ അളവിൽ മാറ്റമുണ്ടാകാം. കഴിക്കുന്നതിനുമുമ്പ് പേരയ്ക്ക നന്നായി കഴുകണം. അധികമായി ഉപ്പോ പഞ്ചസാരയോ ചേർക്കാതെ കഴിക്കുന്നതാണ് നല്ലത്.
രാവിലെ വെറും വയറ്റിൽ പേരയ്ക്ക കഴിക്കുന്നത് നിർബന്ധമായൊരു ആരോഗ്യശീലമല്ല. പ്രഭാതഭക്ഷണത്തോടൊപ്പമോ ഇടനേരത്തെ ലഘുഭക്ഷണമായോ കഴിച്ചാലും അതിലെ പോഷകങ്ങൾ ശരീരത്തിന് ലഭിക്കും. പ്രധാനമായി ശ്രദ്ധിക്കേണ്ടത്, ശരീരത്തിന് അനുയോജ്യമായ അളവിൽ പേരയ്ക്ക ഉൾപ്പെടുത്തി വൈവിധ്യമാർന്ന പഴങ്ങളും പച്ചക്കറികളും അടങ്ങിയ സമീകൃത ഭക്ഷണക്രമം പിന്തുടരുക എന്നതാണ്.
PRAVASI VARTHAKAL
