18
MAR 2021
THURSDAY
1 GBP =106.82 INR
1 USD =84.43 INR
1 EUR =89.03 INR
.png)
ഈസ്റ്റ് ലണ്ടനില്‍ കാറിന്റെ ഡിക്കിയില്‍ യുവതിയെ കൊല്ലപ്പെട്ട നിലയില്‍ കണ്ടെത്തിയ സംഭവത്തില്‍ ഇര ഇന്ത്യാക്കാരി. ഡല്‍ഹി സ്വദേശിനിയായ ഹര്‍ഷിത ബ്രെല്ല ആണ് ദാരുണമായി കൊല്ലപ്പെട്ടത്. 24 വയസ്സ് പ്രായമുണ്ടായിരുന്ന യുവതിയെ ഭര്‍ത്താവ് കൊലപ്പെടുത്തിയ ശേഷം കാറിന്റെ ഡിക്കിയില്‍ ഉപേക്ഷിച്ചതാണെന്ന സംശയം പോലീസ് പ്രകടിപ്പിച്ചിരുന്നു.
മകള്‍ക്ക് നീതി കിട്ടണമെന്ന് ഹര്‍ഷിത ബ്രെല്ലന്റെ കുടുംബം ആവശ്യപ്പെട്ടു. ഹര്‍ഷിത ബ്രെല്ലന്റെ സ്വദേശം ഡല്‍ഹി ആണ്. ഹര്‍ഷിത ബ്രെല്ലന്റെ അമ്മ സുദേഷ് കുമാരി കണ്ണീരോടെയാണ് മാധ്യമങ്ങളെ കണ്ടത്. വിവാഹത്തിനു ശേഷം യുകെയിലേക്ക് പോകുന്നതില്‍ ഹര്‍ഷിത ബ്രെല്ല വളരെ സന്തോഷവതിയായിരുന്നു എന്നാണ് സഹോദരി സോണിയ ദബാസ് പറഞ്ഞു. യുവതിയുടെ ദാരുണ കൊലപാതകം യുകെയിലാകെ വന്‍ വാര്‍ത്താ പ്രാധാന്യം നേടിയിരുന്നു. ഹര്‍ഷിത ബ്രെല്ല മരിക്കുന്നതിന് മാസങ്ങള്‍ക്ക് മുമ്പ് ഗാര്‍ഹിക പീഡന സംരക്ഷണ ഉത്തരവിന് വിധേയയായിരുന്നുവെന്ന് പോലീസ് സ്ഥിരീകരിച്ചു. പങ്കജ് ലാംബയുമായുള്ള വിവാഹശേഷം കഴിഞ്ഞ ഏപ്രില്‍ മാസത്തിലാണ് ഹര്‍ഷിത ബ്രെല്ല യുകെയില്‍ എത്തിയത്. യുവതിയെ കൊലപ്പെടുത്തിയതിനു ശേഷം കാറിന്റെ ഡിക്കിയില്‍ ഈസ്റ്റ് ലണ്ടനിലെ ഇല്‍ഫോര്‍ഡിലേക്ക് കൊണ്ടു വരുകയായിരുന്നു എന്നാണ് പോലീസ് അറിയിച്ചിരിക്കുന്നത്. അതിനുശേഷം ഭര്‍ത്താവ് പങ്കജ് ലാംബ രാജ്യം വിട്ടതായാണ് നോര്‍ത്താംപ്ടണ്‍ഷയര്‍ പോലീസ് അനുമാനിക്കുന്നത്.
കൊലപാതകം നടത്തിയ പങ്കജ് ലാംബനെ നിയമത്തിനു മുന്നില്‍ കൊണ്ടുവരണമെന്നും മകളുടെ മൃതദേഹം ഇന്ത്യയില്‍ എത്തിക്കണമെന്നും ഹര്‍ഷിത ബ്രെല്ലന്റെ പിതാവ് സത്ബീര്‍ ബ്രെല്ല പറഞ്ഞു. നവംബര്‍ 10-ാം തീയതിയാണ് കുടുംബം ഹര്‍ഷിത ബ്രെല്ലയുമായി അവസാനമായി സംസാരിച്ചത്. 2023 ആഗസ്റ്റിലാണ് ഹര്‍ഷിത ബ്രെല്ലയും പങ്കജ് ലാംബയും വിവാഹിതരായത്. പങ്കജ് ലാംബ സ്റ്റുഡന്റ് വിസയിലായിരുന്നു യുകെയില്‍ എത്തിയത്. ആശ്രിത വിസയില്‍ എത്തിയ ഹര്‍ഷിത ബ്രെല്ല ഒരു വെയര്‍ഹൗസില്‍ ജോലി ചെയ്യുകയായിരുന്നു.
ജോലിയുടെ ഭാഗമായി ലോങ്ങ് കോവിഡ് ബാധിച്ചവര്‍ക്ക് യുകെ സര്‍ക്കാരില്‍ നിന്നും നസഹായം ഒന്നും ഇനിയും ലഭിക്കുന്നില്ലെന്ന് കടുത്ത ആക്ഷേപം. പാന്‍ഡമിക്കിന്റെ സമയത്ത് ലോങ്ങ് കോവിഡ് ബാധിച്ച ആയിരക്കണക്കിന് നഴ്‌സുമാര്‍ക്കും മറ്റ് ആരോഗ്യ പ്രവര്‍ത്തകര്‍ക്കും ഉള്ള സാമ്പത്തിക സഹായം യഥാസമയം നല്‍കണമെന്ന് റോയല്‍ കോളേജ് ഓഫ് നഴ്‌സിംഗ് ആവശ്യപ്പെട്ടു. ഇന്‍ഡസ്ട്രിയല്‍ ഇന്‍ജറീസ് ആന്‍ഡ് അഡൈ്വസറി കൗണ്‍സില്‍ (ഐഐഎസി) ലോങ്ങ് കോവിഡിനെ ഒരു തൊഴിലിനോട് അനുബന്ധിച്ചുള്ള രോഗമായി പരിഗണിക്കണമെന്ന് രണ്ടുവര്‍ഷം മുമ്പ് ശുപാര്‍ശ ചെയ്തിരുന്നു.
എന്നാല്‍ ഇന്‍ഡസ്ട്രിയല്‍ ഇന്‍ജുറീസ് ആന്‍ഡ് ഡിസേബിള്‍മെന്റ് ബനഫിറ്റുകള്‍ (ഐഐഡിബി) ആക്‌സസ് ആനുകൂല്യത്തിനായി അപേക്ഷിക്കാന്‍ ഇപ്പോഴും നഴ്‌സുമാര്‍ക്ക് സാധിക്കുന്നില്ല. ഐഐഡിബില്‍ 70 ലധികം രോഗങ്ങള്‍ ഉള്‍ക്കൊള്ളുന്നുണ്ടെങ്കിലും കോവിഡ് ഇപ്പോഴും ലിസ്റ്റ് ചെയ്യുന്നില്ല. ഇതാണ് ജീവനക്കാര്‍ക്ക് സാമ്പത്തിക സഹായം ലഭിക്കുന്നതിന് തടസ്സം നില്‍ക്കുന്നത്. ലോങ്ങ് കോവിഡ് കാരണം പല ആരോഗ്യ പ്രവര്‍ത്തകരും ജോലിയില്‍ നിന്ന് നേരത്തെ വിരമിക്കുന്ന സാഹചര്യവും ഉണ്ടായി കൊണ്ടിരിക്കയാണ് . ഇത്തരക്കാര്‍ കടുത്ത സാമ്പത്തിക ബുദ്ധിമുട്ടിലൂടെയാണ് കടന്നു പോകുന്നത്.
Latest News
ചെറുത് കൊടുത്ത് വലുത് സ്വന്തമാക്കുന്ന സംഭവങ്ങള്‍ പലതും വാര്‍ത്തയായിട്ടുണ്ട്. അത്തരത്തില്‍ ഇതാ ചെറിയത് കൊടുത്ത് വലിയ കോടിപതിയായ സംഭവം ആണ് സോഷ്യല്‍ മീഡിയയില്‍ വൈറലാകുന്നത്.
കൈയ്യിലുണ്ടായിരുന്ന ഒരു വെള്ളി നാണയം കോടിപതിയാക്കി മാറ്റിയ സംഭവം ആണ് വൈറലാകുന്നത്. അത്തരം ഒരു സംഭവമാണ് യുഎസില്‍ നടന്നത്.
400 വര്‍ഷത്തിലധികം പഴക്കമുള്ള നാണയമാണ് 21 കോടി രൂപയ്ക്ക് ലേലം ചെയ്തത്. അമേരിക്കന്‍ വിപ്ലവത്തിന് മുമ്പ് യുഎസ് ബ്രിട്ടീഷ് ആധിപത്യത്തിന് കീഴിലായിരുന്നു. 1652 ല്‍ ബ്രിട്ടനില്‍ നിര്‍മിച്ച നാണയം ബോസ്റ്റണില്‍ നിന്നാണ് ലഭിച്ചത്.
ലേലക്കമ്പനിയുടെ വെബ്‌സൈറ്റ് പ്രകാരം ഇതേ വിഭാഗത്തില്‍പ്പെടുന്ന പുരാവസ്തുവിന് ലഭിച്ച ഏറ്റവും ഉയര്‍ന്ന തുകയായി ഇതുമാറി. ഇതിന് മുമ്പ് ഒരു വെള്ളി നാണയത്തിന് ലഭിച്ച ഏറ്റവും ഉയര്‍ന്ന തുക 5 കോടി രൂപയായിരുന്നു. 58-ാം തവണയാണ് ഒരു നാണയം മില്യണ്‍ ഡോളറിധികം നേടുന്നത്. 1936 ല്‍ അര്‍ജന്റീന റിപ്പബ്ലിക്കിന്റെ വിദേശകാര്യ മന്ത്രി കാര്‍ലോസ് സാവേദ്ര ലാമാസിന് ലഭിച്ച സമാധാനത്തിനുള്ള നോബല്‍ പുരസ്‌കാരവും ഒരു മില്യണ്‍ കടന്നിരുന്നു..
ASSOCIATION
യുകെ മലയാളികള്‍ക്ക് മനോഹരമായ ഒരു സാംസ്‌കാരിക കാഴ്ചയ്ക്ക് സാക്ഷ്യം വഹിക്കാനുള്ള അവസരം വീണ്ടും ലഭിക്കുകയാണ്. വടക്കന്‍ കേരളത്തിലെ സമ്പന്നമായ തെയ്യം കലാരൂപത്തെ ആസ്പദമാക്കിയുള്ള യുകെയിലെ മലയാളി അസോസിയേഷന്‍ ഓഫ് യുകെ (എംഎയുകെ) യുടെ നാടക ട്രൂപ്പായ ദൃശ്യകലയുടെ 21-ാമത് നാടകമായ 'തെയ്യം' വീണ്ടും അരങ്ങിലെത്തുന്നു.
ബ്രിട്ടീഷ് കേരളൈറ്റ്സ അസോസിയേഷനാണ് സൗത്താളില്‍ നാടകം സംഘടിപ്പിക്കുന്നത്. ഫെതര്‍സ്റ്റോണ്‍ ഹൈ സ്‌കൂള്‍ വൈകിട്ട് നാലിനാണ് നാടകം അരങ്ങിലെത്തുക.
മരുതിയോടന്‍ കുരുക്കള്‍, മുച്ചിലോട്ട് ഭഗവതി തുടങ്ങിയ തെയ്യങ്ങളുടെ ഉത്ഭവവും, തെയ്യം തൊഴിലാക്കിയിരിക്കുന്ന കുറെ മനുഷ്യരുടെ ജീവിത കഥകളുമാണ് ഈ നാടകത്തിന്റെ ഇതിവൃത്തവും. ലണ്ടനിലെ മലയാള നാടക പ്രവര്‍ത്തകരാണ് അരങ്ങത്തും അണിയറയിലും. നാടക രചന രാജന്‍ കിഴക്കനേല, സംവിധാനം ശശി കുളമട.
MAUK സ്ഥാപിച്ച യു. കെ. യിലെ പ്രശസ്തനാടക സമിതിയായ ദൃശ്യകല, MAUK യുടെ ഇരുപത്തിരണ്ടാമത് നാടകമാണ് തെയ്യം. കുഞ്ഞാലിമരയ്ക്കാരുടേയും, പറയിപെറ്റപന്തിരുകുലത്തിന്റേയും, ഇടപ്പള്ളി കവികളുടേയും, അഷ്ടവൈദ്യന്മാരുടേയും, തുള്ളല്‍ക്കഥകളുടേയും, അന്യംനിന്നുപോകുന്ന നെല്‍ക്കൃഷിയുടേയും കഥകള്‍ നാടകമാക്കിയിട്ടുള്ള ദൃശ്യകല തെയ്യം കഥകള്‍ നാടക വിഷയമാക്കുന്നുണ്ട്.
വിവരങ്ങള്‍ക്ക്:
ജയിംസ്: 07775804305,
ജോസ്; 07941020959,
ജയന്‍: 07957556791,
ടോമി; 07886204096,
ജോഷ്വാ: 07375982192
Book your tickets now! Call on 07775804305
സമീക്ഷ യുകെ ഏഴാം ദേശീയ സമ്മേളനത്തിന്റെ ഭാഗമായ ഏരിയ സമ്മേളനങ്ങള്‍ പൂര്‍ത്തിയായി. വെയില്‍സ്, ബിര്‍മിങ്ഹാം ഏരിയാ സമ്മേളനങ്ങളാണ് ഏറ്റവും ഒടുവില്‍സമാപിച്ചത്. ഈ മാസം പത്തിന് മാഞ്ചസ്റ്ററിലായിരുന്നു ആദ്യ ഏരിയ സമ്മേളനം.കഴിഞ്ഞ കാലങ്ങളിലെ പ്രവര്‍ത്തനങ്ങള്‍ സമ്മേളനങ്ങള്‍ വിലയിരുത്തി.
യൂണിറ്റ്സമ്മേളനങ്ങളില്‍ നിന്നും ലഭിച്ച ക്രിയാത്മക നിര്‍ദ്ദേശങ്ങള്‍ ചര്‍ച്ച ചെയ്തു. പുതിയകാലത്തിനൊത്ത് ഭാവി പരിപാടികള്‍ രൂപപ്പെടുത്തി. പങ്കാളിത്തത്തില്‍ മുന്‍സമ്മേളനങ്ങളെ കവച്ചുവെയ്ക്കുന്നതായിരുന്നു ഇത്തവണത്തേത്. ഓരോ ഏരിയാകമ്മിറ്റികള്‍ക്കും പുതിയ നേതൃത്വം നിലവില്‍ വന്നു. അനുഭവ സമ്പത്തും യുവത്വവുംചേര്‍ന്ന കമ്മിറ്റികളില്‍ വനിതാ പ്രാതിനിധ്യവും ഉറപ്പാക്കി. പ്രവര്‍ത്തനസൗകര്യത്തിനായി നോര്‍ത്തേണ്‍ അയര്‍ലണ്ടില്‍ പുതിയ ഏരിയ കമ്മറ്റി രൂപീകരിച്ചു.
ഇതോടെനാഷണല്‍ കമ്മിറ്റിക്ക് കീഴിലുള്ള ഏരിയ കമ്മിറ്റികളുടെ എണ്ണം അഞ്ചായി.മാഞ്ചസ്റ്റര്‍ ഏരിയ സെക്രട്ടറിയായി ഷിബിന്‍ കാച്ചപ്പള്ളിയേയും ജോയിന്റ്സെക്രട്ടറിയായി സ്വരൂപ് കൃഷ്ണനെയും തെരഞ്ഞെടുത്തു. ആതിര രാമകൃഷ്ണനാണ്നോര്‍ത്തേണ്‍ അയര്‍ലണ്ട് ഏരിയ സെക്രട്ടറി. രഞ്ജു രാജുവാണ് ജോയിന്റ് സെക്രട്ടറി.ലണ്ടന്‍ ഏരിയ സെക്രട്ടറിയായി അല്‍മിഹറാജും ജോയിന്റ് സെക്രട്ടറിയായി അജീഷ്ഗണപതിയാടനും ലണ്ടന്‍ ഏരിയ കമ്മിറ്റിയെ നയിക്കും. വെയില്‍സ് കമ്മിറ്റിയുടെ പുതിയ സെക്രട്ടറിയായി അഖില്‍ ശശിയും ജോയിന്റ് സെക്രട്ടറിയായി ഐശ്വര്യ നിഖിലുംചുമതലയേറ്റു.
മണികണ്ഠന്‍ കുമാരനും ഏരിയ സെക്രട്ടറിയായും, ജോയിന്റ്സെക്രട്ടറിയായി ബിപിന്‍ ഫിലിപ്പുമാണ് ബിര്‍മിങ്ഹാം കമ്മിറ്റിയുടെ പുതിയനേതൃത്വം. ഈ മാസം 30ന് ബിര്‍മിങ്ഹാമിലെ ഹോളി നെയിം പാരിഷ് സെന്റര്‍ ഹാളിലാണ്ഏഴാമത് സമീക്ഷ യുകെ ദേശീയ സമ്മേളനം. സിപിഐഎം കേന്ദ്ര കമ്മിറ്റി അംഗം കെ കെശൈലജ ടീച്ചര്‍ പ്രതിനിധി സമ്മേളനം ഉദ്ഘാടനം ചെയ്യും. സമീക്ഷയുടെ 33യൂണിറ്റുകളില്‍ നിന്നായി ഇരുന്നൂറോളം പ്രതിനിധികള്‍ സമ്മേളനത്തില്‍ പങ്കെടുക്കും.സിപിഐഎം സംസ്ഥാന കമ്മിറ്റി അംഗവും മന്ത്രിയുമായ എംബി രാജേഷ് പൊതുസമ്മേളനം ഉദ്ഘാടനം ചെയ്യും.
കഴിഞ്ഞ ദിവസം നടത്തിയ ലിംക ചില്‍ഡ്രന്‍സ് ഫെസ്റ്റ് പങ്കാളിത്തം കൊണ്ടും നടത്തിപ്പിന്റെ മികവുകൊണ്ടും കാണികളുടെ കൈയ്യടിക്ക് പത്രമായി. യുകെ മലയാളികളില്‍ കുട്ടികളുടെ നൈസര്‍ഗിക വാസനകളെ പരിപോഷിക്കുന്നതിന്റെ ഭാഗമായി ചില്‍ഡ്രന്‍ ഫസ്റ്റ് എന്ന ആശയം ആദ്യമായി തുടക്കം കുറിച്ചത് ലിവര്‍പൂളിലെ ലിംക എന്ന സംഘടനയാണ്.
കുട്ടികളുടെ ഉന്നമനത്തിന് അവരുടെ കലാവാസനകളെ പരിപോഷിപ്പിക്കുന്നതിന്റെ ഭാഗമായി ഈ വര്‍ഷവും ഈ കഴിഞ്ഞ പതിനാറാം തീയതി ശനിയാഴ്ച മെല്ലെനിയം സെന്‍ട്രല്‍ ഹാളില്‍ വച്ച് ഒരു ദിവസം നീണ്ടു നില്‍ക്കുന്ന കലാമേളയ്ക്ക് തുടക്കം കുറിച്ചു.
കാലത്ത് 9 മണിക്ക് നടന്ന ഉദ്ഘാടന സമ്മേളനത്തില്‍ ലിംകയുടെ പ്രസിഡന്റ് തോമസുകുട്ടി ഫ്രാന്‍സിസ് അധ്യക്ഷനായുള്ള വേദിയില്‍ ഓര്‍ത്തോഡോക്‌സ് മാഞ്ചസ്റ്റര്‍/ സ്റ്റോക്ക് ഓണ്‍ ട്രെന്‍ഡ് പള്ളി വികാരി ഫാദര്‍ ബിനു തോമസ് ഉദ്ഘാടനം ചെയ്തു.
സബ് ജൂനിയര്‍ മുതല്‍ സീനിയര്‍ വരെയുള്ള കാറ്റഗറിയില്‍ ഏകദേശം 25 ഇല്‍ പരം മത്സര ഇനങ്ങള്‍ വിവിധ വേദികളില്‍ മാറ്റുരച്ചു, വാശിയേറിയ മത്സരത്തില്‍ അഭികയില്‍ എല്‍സ ബിനു കലാ തിലകവും, അര്‍ജുന്‍ സജീവ് കലാ പ്രതിഭയും ആയി തിരഞ്ഞെടുക്കപ്പെട്ടു. വ്യക്തിഗത ചാമ്പ്യന്മാരായി യഥാവിതം ബെഗി നേഴ്‌സില്‍ അബിയ അരുണും, സബ്ജൂനിയേഴ്‌സില്‍ അഞ്ജലി അരുണും, ജൂനിയേഴ്‌സില്‍ സാന്‍വി മഹിഖയും, സീനിയര്‍ കാറ്റഗറിയില്‍ അര്‍ജുന്‍ സജീവും തെരഞ്ഞെടുക്കപ്പെട്ടു.
സംഘടനയുടെ തന്നെ പ്രവര്‍ത്തകരായ സെക്രട്ടറി വിപിന്‍ വര്‍ഗീസും മുന്‍ വൈസ് പ്രസിഡന്റ് റാണി ജേക്കപ്പും പാകപ്പെടുത്തിയ വിഭവ വില്‍പ്പന ഒരു വേറിട്ട അനുഭവമായി. വൈകിട്ട് നടന്ന പൊതുയോഗത്തില്‍ പ്രസിഡന്റ് തോമസുകുട്ടി ഫ്രാന്‍സിസ്, യുഗ്മ കലാ വേളയില്‍ വിജയിച്ച ജൊഹാന ജേക്കബ്, ഡാന്‍ ഡെറിക്കും ചേര്‍ന്ന് നിറദീപം തെളിയിച്ച് പരിപാടികള്‍ക്ക് തുടക്കം കുറിച്ചു ലിംകയുടെ എക്സിക്യൂട്ടീവ് അംഗങ്ങള്‍ വിജയികളായവര്‍ക്ക് സമ്മാനങ്ങള്‍ നല്‍കി, ചില്‍ഡ്രന്‍ ഫെസ്റ്റ് കമ്മറ്റി മെമ്പര്‍ നിതീഷ് സോമന്‍ സ്വാഗതവും ഈ വര്‍ഷത്തെ ചില്‍ഡ്രന്‍ ഫെസ്റ്റ് കണ്‍വീനര്‍ ജേക്കബ് വര്‍ഗീസ് സഹകരിച്ച എല്ലാവര്‍ക്കും നന്ദിയും രേഖപ്പെടുത്തി.
മറ്റ് സംഘാടക സമിതി അംഗങ്ങളായ സെക്രട്ടറി വിപിന്‍ വര്‍ഗീസ്, ട്രഷറര്‍ അജി വര്‍ഗീസ്, ദീപ്തി ജയകൃഷ്ണന്‍, യുഗ്മ നോര്‍ത്ത് വെസ്റ്റ് പ്രസിഡന്റ് ബിജു പീറ്റര്‍ എന്നിവരുടെ പ്രവര്‍ത്തനം ഈ വര്‍ഷത്തെ ചില്‍ഡ്രന്‍ ഫെസ്റ്റിന്റെ വിജയം അനായാസമാക്കി.
ടോണ്ടന്‍: സാംസ്‌കാരിക സംഘടനയായ 'മാസ്സ് യുകെ' (മലയാളം സാംസ്‌കാരിക സമിതി) യുടെ നാലാമത് ഭരണ സമിതി ചാര്‍ജെടുത്തു. ബൈജു സെബാസ്റ്റ്യന്‍ -പ്രസിഡന്റ്, അപ്പു വിജയക്കുറുപ്പ് -വൈസ് പ്രസിഡന്റ് സുജിത് സോമരാജന്‍ നായര്‍ -ജനറല്‍ സെക്രട്ടറി, അജോ റാഫേല്‍ -ട്രഷറര്‍ (ഫിനാന്‍സ് സെക്രട്ടറി), ശ്രീലക്ഷ്മി എസ് വെട്ടത്ത് -പ്രോഗ്രാം കോഡിനേറ്റര്‍ എന്നിവരാണ് എക്സിക്യൂട്ടീവ്സ്.
ഒരിടവേളയ്ക്കു ശേഷം ബൈജു സെബാസ്റ്റ്യന്‍ വീണ്ടും പ്രസിഡന്റായി തെരഞ്ഞെടുക്കപ്പെടുകയായിരുന്നു. മാസ്സിന്റെ നിയമാവലിയനുസരിച്ചു രണ്ടു ടേമില്‍ കൂടുതല്‍ എക്സിക്യൂട്ടീവ് പദവിയില്‍ തുടരുവാന്‍ പാടുള്ളതല്ല. ഒരു ഭരണസമിതിയുടെ കാലാവധി മൂന്നുവര്‍ഷമാണ്.
മാസ്സ് അതിലെ അംഗങ്ങളുടെ ക്ഷേമത്തിനായി വിവിധ ബിസിനസ് സംരംഭങ്ങള്‍ മാതൃകാപരമായി നടത്തി വരുന്നു. സോമര്‍സെറ്റ് തലസ്ഥാനമായ ടോണ്ടന്‍ ആസ്ഥാനമായി പ്രവര്‍ത്തിക്കുന്ന മാസ്സിന് യുകെയില്‍ വിവിധയിടങ്ങളില്‍ ബിസിനസ് ഫ്രാഞ്ചയ്‌സുകള്‍ ഉണ്ട്. പ്രസിഡന്റായി തെരഞ്ഞെടുക്കപ്പെട്ട ബൈജു സെബാസ്റ്റ്യന്‍ 'മാസ്സ് കെയര്‍ മൊമെന്റസ്' എം ഡി കൂടിയാണ്.
SPIRITUAL
സേവനം ലീഡ്സിനെ കേന്ദ്രമാക്കി പുതിയ കുടുംബ യൂണിറ്റിന് രൂപം നല്‍കുന്നു. ശ്രീനാരായണ ഗുരുവിന്റെ ദര്‍ശനങ്ങള്‍ പ്രചരിപ്പിക്കുക എന്ന മഹത്തര ലക്ഷ്യത്തോടെ ആണ് ലീഡിസില്‍ പ്രവര്‍ത്തനങ്ങള്‍ക്കു തുടക്കം കുറിക്കുന്നത്.
2024 നവംബര്‍ 23ന് ഉച്ചക്ക് 3 മണിക്ക് ലീഡ്സില്‍ സംഘടിപ്പിക്കുന്ന മീറ്റിംഗില്‍ സേവനം യു കെ കണ്‍വീനര്‍ സജീഷ് ദാമോദരന്‍, കുടുംബ യൂണിറ്റ് കോര്‍ഡിനേറ്റര്‍ ഗണേഷ് ശിവന്‍, സേവനം യു കെ വനിതാ വിഭാഗം കണ്‍വീനര്‍ കല ജയന്‍, നാഷണല്‍ എക്സിക്യൂട്ടീവ് അംഗങ്ങള്‍ എന്നിവരുടെ സാന്നിധ്യം വിപുലമാക്കും.
ലീഡ്സിലും സമീപ പ്രദേശങ്ങളിലുമുള്ള എല്ലാ ഗുരുഭക്തരെയും ഈ ചടങ്ങില്‍ സ്നേഹപൂര്‍വ്വം ക്ഷണിക്കുന്നു. ഈ പുതിയ സംരംഭം ശ്രീനാരായണ ഗുരുവിന്റെ അനുഗ്രഹത്താല്‍ നന്മയും ആത്മീയതയും പ്രചരിപ്പിക്കുന്നതില്‍ ഒരു വഴികാട്ടിയായി മാറും.
കൂടുതല്‍ വിവരങ്ങള്‍ക്ക് :
അരുണ്‍ ശശി : 07423158746
ബിന്ദു രവീന്ദ്രന്‍ : 07900318968
ഗണേഷ് ശിവന്‍ : 07405513236
ബര്‍മിങ്ഹാം: ഗ്രേറ്റ് ബ്രിട്ടന്‍ സീറോ മലബാര്‍ രൂപത കമ്മീഷന്‍ ഫോര്‍ ചര്‍ച്ച് ക്വയറിന്റെ ആഭിമുഖ്യത്തില്‍ നടത്തുന്ന ക്രിസ്മസ് കരോള്‍ ഗാന മത്സരം 'കന്‍ദിഷ്' ഡിസംബര്‍ 7ന് ലെസ്റ്റര്‍ മദര്‍ ഓഫ് ഗോഡ് ദേവാലയ പാരിഷ് ഹാളില്‍ നടക്കും. രൂപതയിലെ വിവിധ ഇടവക/ മിഷന്‍ / പ്രൊപ്പോസഡ് മിഷനുകളില്‍ നിന്നുള്ള ഗായക സംഘങ്ങള്‍ക്കായി നടക്കുന്ന ഈ മത്സരത്തില്‍ പങ്കെടുക്കുവാന്‍ രജിസ്റ്റര്‍ ചെയ്യുവാനുള്ള അവസാന തീയതി ഈ മാസം മുപ്പതാം തീയതി ആണ്.
മുന്‍ വര്‍ഷങ്ങളിലേതു പോലെ തന്നെ കാഷ് പ്രൈസ് ഉള്‍പ്പടെ ആകര്‍ഷകമായ സമ്മാനങ്ങള്‍ ഒന്നും രണ്ടും മൂന്നും സ്ഥാനങ്ങള്‍ ലഭിക്കുന്ന ടീമുകള്‍ക്ക് ലഭിക്കും. രാവിലെ പതിനൊന്നു മണിക്ക് ആരംഭിക്കുന്ന മത്സരങ്ങള്‍ വൈകുന്നേരം ആറ് മണിക്ക് തീരുന്ന രീതിയില്‍ ആണ് ക്രമീകരിച്ചിരിക്കുന്നത്. വിജയികളാകുന്നവര്‍ക്ക് രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ സമ്മാനങ്ങള്‍ വിതരണം ചെയ്യും.
കൂടുതല്‍ വിവരങ്ങള്‍ക്ക്:
കമ്മീഷന്‍ ഫോര്‍ ചര്‍ച്ച് ക്വയര്‍ ചെയര്‍മാന്‍ റെവ ഫാ പ്രജില്‍ പണ്ടാരപ്പറമ്പില്‍ 07424165013,
ജോമോന്‍ മാമ്മൂട്ടില്‍ 07930431445
ലണ്ടന്‍: ഗ്രേറ്റ് ബ്രിട്ടന്‍ സീറോമലബാര്‍ എപ്പാര്‍ക്കി ലണ്ടന്‍ റീജണല്‍ ഇവാഞ്ചലൈസേഷന്‍ കമ്മീഷന്റെ നേതൃത്വത്തില്‍ ഡിസംബര്‍ മാസം 21 ന് ശനിയാഴ്ച ബൈബിള്‍ കണ്‍വെന്‍ഷന്‍ സംഘടിപ്പിക്കുന്നു. ഗ്രേറ്റ് ബ്രിട്ടന്‍ രൂപതയുടെ അഭിവന്ദ്യ അദ്ധ്യക്ഷന്‍ മാര്‍ ജോസഫ് സ്രാമ്പിക്കല്‍ വിശുദ്ധ ബലി അര്‍പ്പിച്ചു സന്ദേശം നല്‍കുന്നതും, എപ്പാര്‍ക്കി പാസ്റ്ററല്‍ കോര്‍ഡിനേറ്റര്‍ റവ.ഡോ.ടോം ഓലിക്കരോട്ട് ബൈബിള്‍ കണ്‍വെന്‍ഷനില്‍ മുഖ്യ പ്രഭാഷണം നടത്തുന്നതുമാണ്.
ഗ്രേറ്റ് ബ്രിട്ടന്‍ എപ്പാര്‍ക്കി യൂത്ത് ആന്‍ഡ് മൈഗ്രന്റ് കമ്മീഷന്‍ ഡയറക്ടറും, ലണ്ടന്‍ റീജണല്‍ ഇവാഞ്ചലൈസേഷന്‍ ഡയറക്ടറും, പ്രശസ്ത ധ്യാന ഗുരുവുമായ ഫാ. ജോസഫ് മുക്കാട്ട് തിരുവചന സന്ദേശം പങ്കുവെക്കുകയും, സഹകാര്‍മികത്വം വഹിക്കുകയും ചെയ്യും.ഗ്രേറ്റ് ബ്രിട്ടന്‍ എപ്പാര്‍ക്കി ഇവാഞ്ചലൈസേഷന്‍ കമ്മീഷന്‍ ചെയര്‍ പേഴ്‌സണും, കൗണ്‍സിലറും, പ്രശസ്ത തിരുവചന പ്രഘോഷകയുമായ സിസ്റ്റര്‍ ആന്‍ മരിയ SH വിശുദ്ധഗ്രന്ഥ സന്ദേശങ്ങള്‍ പങ്കുവെക്കുകയും, സ്പിരിച്ച്വല്‍ ഷെയറിങ്ങിനു നേതൃത്വം നല്‍കുകയും ചെയ്യുന്നതാണ്.
ലോക രക്ഷകനായ ഉണ്ണിയേശുവിന്റെ തിരുപ്പിറവിക്ക് മുന്നൊരുക്കമായി നടത്തപ്പെടുന്ന അനുഗ്രഹദായകമായ തിരുക്കര്‍മ്മങ്ങളിലും, തിരുവചന ശുശ്രുഷയിലും, ആരാധനയിലും പങ്കുചേര്‍ന്ന് ദൈവീക കൃപകളും, അനുഗ്രഹങ്ങളും പ്രാപിക്കുന്നതിന് ഏവരെയും സ്നേഹപൂര്‍വ്വം ക്ഷണിച്ചു കൊള്ളുന്നതായി ഫാ. ജോസഫ് മുക്കാട്ട്, ഇവാഞ്ചലൈസേഷന്‍ രൂപതാ കോര്‍ഡിനേറ്റര്‍ മനോജ് തയ്യില്‍, ലണ്ടന്‍ റീജണല്‍ കോര്‍ഡിനേറ്റര്‍ മാത്തച്ചന്‍ വിളങ്ങാടന്‍ എന്നിവര്‍ അറിയിച്ചു.
ബൈബിള്‍ കണ്‍വെന്‍ഷനില്‍ കുമ്പസാരത്തിനും, സ്പിരിച്യുല്‍ ഷെയറിങ്ങിനുമുള്ള സൗകര്യം ഉണ്ടായിരിക്കും. കുട്ടികള്‍ക്കായി പ്രത്യേക ശുശ്രുഷകള്‍ നടത്തുന്നതുമാണ്.
കൂടുതല്‍ വിവരങ്ങള്‍ക്ക് ബന്ധപ്പെടുക:
മനോജ് തയ്യില്‍ - 07848 808550
മാത്തച്ചന്‍ വിളങ്ങാടന്‍ - 07915 602258
December 21st Saturday 9:00 - 16:00 PM.
Venue:
SIR WALTER RAYLEIGH DRIVE,
RAYLEIGH,
SS6 9BZ.
SPECIAL REPORT
ഇന്‍സ്റ്റഗ്രാമിലെ ഒരു മാറ്റം ചിലപ്പോള്‍ ഉപയോക്താക്കള്‍ ഒരുപാട് നാള്‍ കാത്തിരുന്നിട്ടുണ്ടാകും. എന്നും പുതുമകള്‍ വാരിക്കോരി തരുന്ന യുവ തലമുറയ്ക്ക് ഏറെ ഇഷ്ടമുള്ള ഇന്‍സ്റ്റഗ്രാം പുതിയ ഫീച്ചറുമായി എത്തി.
ഉപയോക്താക്കള്‍ക്ക് അവരുടെ ഫീഡില്‍ വരുന്ന റീലുകളും മറ്റും റീസെറ്റ് ചെയ്യാന്‍ സാധിക്കുന്നതാണ് പുതിയ ഫീച്ചര്‍. മുന്‍പ് നടത്തിയിട്ടുള്ള സെര്‍ച്ചുകള്‍ക്കും നമ്മുടെ താത്പര്യങ്ങളും അനുസൃതമായിട്ടുള്ള കണ്ടന്റുകളാണ് നിലവില്‍ ഓരോരുത്തരുടേയും ഫീഡില്‍ നിറഞ്ഞിട്ടുണ്ടാവുക. പുതിയ ഫീച്ചറിലൂടെ മുന്‍കാല പ്രവര്‍ത്തനങ്ങള്‍ മറക്കാനും ആദ്യം മുതലുള്ള മുന്‍ഗണനകള്‍ മാറ്റാനും ആപ്പിനെ പ്രാപ്തമാക്കും.
'ഇത് ആദ്യം നിങ്ങളുടെ ഇന്‍സ്റ്റാഗ്രാമിനെ കൂടുതല്‍ രസകരമാക്കും, കാരണം നിങ്ങളുടെ താത്പര്യങ്ങളെക്കുറിച്ച് ഞങ്ങള്‍ക്ക് ഒന്നുമറിയാത്തതുപോലെ ഞങ്ങള്‍ നിങ്ങളോട് പെരുമാറും' ഇന്‍സ്റ്റഗ്രാം ഹെഡ് ആദം മൊസ്സേരി പറഞ്ഞു. കൗമാരക്കാര്‍ക്കുള്ള അക്കൗണ്ടുകളിലുള്‍പ്പടെ എല്ലാ ഉപയോക്താക്കള്‍ക്കും പുതിയ ഫീച്ചര്‍ ലഭ്യമാകുമെന്ന മെറ്റ അറിയിച്ചു.
ഉപയോക്താക്കള്‍ സമയം ചെലവഴിക്കുന്നതും സെര്‍ച്ച് ചെയ്യുന്നതുമായ കാര്യങ്ങളിലൂടെ അല്‍ഗോരിതം വെച്ചാണ് ഓരോരുത്തരുടെയും ഫീഡുകള്‍ നിറയുന്നത്. അതില്‍ മാത്രം ഒതുങ്ങിപ്പോകാതെ പുതിയ വിഷയങ്ങളും ആളുകളിലേക്ക് എത്തിക്കുന്നതിനുള്ള ഓപ്ഷനാണിത്. അല്‍ഗോരിതം റീസെറ്റ് ചെയ്യുന്നതിലൂടെ പുതുതായി അക്കൗണ്ട് തുടങ്ങിയ പ്രതീതിയില്‍ തന്നെ ഇന്‍സ്റ്റഗ്രാം പുതിയ ഫീഡുകള്‍ നല്‍കുമെന്നാണ് മെറ്റ അവകാശപ്പെടുന്നത്.
CINEMA
മലയാള ചരിത്രത്തില്‍ തന്നെ വലിയൊരു സംഭവമായി മാറാന്‍ പോകുന്ന മഹേഷ് നാരായണ്‍ ചിത്രത്തില്‍ ജോയിന്‍ ചെയ്ത് ഫഹദ്. മഹേഷ് നാരായണന്‍ ചിത്രത്തില്‍ അഭിനയിക്കാനായി ഫഹദ് ഫാസില്‍ ശ്രീലങ്കയിലെത്തിയ ചിത്രങ്ങള്‍ സോഷ്യല്‍ മീഡിയയില്‍ വൈറലാകുന്നു.
ഇന്നലെ രാവിലെയാണ് ഫഹദ് മഹേഷ് നാരായണന്‍ ചിത്രത്തില്‍ ജോയിന്‍ ചെയ്തത്. ഷൂട്ടിങ് സെറ്റില്‍ നിന്നുള്ള ഫഹദിന്റെ ചിത്രം സോഷ്യല്‍ മീഡിയയില്‍ ചര്‍ച്ചയായിട്ടുണ്ട്. നേരത്തെ മമ്മൂട്ടി, മോഹന്‍ലാല്‍, കുഞ്ചാക്കോ ബോബന്‍ എന്നിവര്‍ ഒന്നിച്ചുള്ള ചിത്രം പുറത്തുവന്നിരുന്നു. അതില്‍ ഫഹദ് ഇല്ലാത്തതിനാല്‍ ഈ പ്രൊജക്ടില്‍ നിന്ന് സൂപ്പര്‍താരം പിന്മാറിയോ എന്ന സംശയത്തിലായിരുന്നു ആരാധകര്‍.
ഈ മാസം 17 നാണ് മഹേഷ് നാരായണന്‍ സിനിമയുടെ ചിത്രീകരണം ആരംഭിച്ചത്. രണ്ട് ദിവസത്തെ ചിത്രീകരണത്തിനു ശേഷം ലാല്‍ ശ്രീലങ്കയില്‍ നിന്ന് നാട്ടിലേക്ക് മടങ്ങി. ലാല്‍ മടങ്ങിയതിനു പിന്നാലെയാണ് ഫഹദ് ശ്രീലങ്കയില്‍ എത്തിയത്. മമ്മൂട്ടിക്കൊപ്പമുള്ള മോഹന്‍ലാലിന്റെ രംഗങ്ങളാണ് ലങ്കയില്‍ ഷൂട്ട് ചെയ്തത്. മമ്മൂട്ടി, ഫഹദ് ഫാസില്‍, കുഞ്ചാക്കോ ബോബന്‍ എന്നിവര്‍ ഒന്നിച്ചുള്ള ഭാഗങ്ങളായിരിക്കും ഇനിയുള്ള ദിവസങ്ങളില്‍ ചിത്രീകരിക്കുക.
മഹേഷ് നാരായണന്‍ തന്നെയാണ് ചിത്രത്തിന്റെ തിരക്കഥ. 'ആന്റോ ജോസഫ് ഫിലിം കമ്ബനി അവതരിപ്പിക്കുന്ന മമ്മൂട്ടി-മോഹന്‍ലാല്‍-മഹേഷ് നാരായണന്‍ ചിത്രം' എന്നാണ് സിനിമയുടെ ക്ലാപ്പ് ബോര്‍ഡില്‍ നല്‍കിയിരിക്കുന്നത്. മോഹന്‍ലാലിന്റേത് സുപ്രധാന കാമിയോ റോള്‍ ആണെന്ന് നേരത്തെ വാര്‍ത്തകളുണ്ടായിരുന്നു. ബോളിവുഡിലെ പ്രശസ്തനായ സിനിമാട്ടോഗ്രഫര്‍ മനുഷ് നന്ദനാണ് ഛായാഗ്രഹണം. സംഗീതം: സുഷിന്‍ ശ്യാം ആണ്. മോഹന്‍ലാല്‍ ആണ് സിനിമയുടെ ചിത്രീകരണം ആരംഭിക്കുന്നതിനായുള്ള ഭദ്രദീപം കൊളുത്തിയത്.
വേറിട്ട കഥാപാത്രങ്ങളെ അവതരിപ്പിച്ച് മലയാളത്തിലും തെന്നിന്ത്യയിലും ചുവടുറപ്പിച്ചോടെ തിരക്കേറിയ താരമായ് മാറിയിരിക്കുകയാണ് ഐശ്വര്യ ലക്ഷ്മി. താരത്തിന്റെ ഏറ്റവും പുതിയ സിനിമയാണ് വൈശാഖ് എലന്‍സ് സംവിധാനം ചെയ്യുന്ന 'ഹലോ മമ്മി'. ഫാന്റസി ഹൊറര്‍ കോമഡി എന്റര്‍ടെയ്‌നര്‍ പശ്ചാത്തലത്തില്‍ ഒരുങ്ങുന്ന ചിത്രം നവംബര്‍ 21ന് തിയറ്റര്‍ റിലീസ് ചെയ്യും.
ഷറഫുദ്ദീനാണ് നായകന്‍. ഹാങ്ങ് ഓവര്‍ ഫിലിംസും എ ആന്‍ഡ് എച്ച് എസ് പ്രൊഡക്ഷനും ചേര്‍ന്നാണ് ചിത്രം നിര്‍മ്മിക്കുന്നത്. ജോമിന്‍ മാത്യു, ഐബിന്‍ തോമസ്, രാഹുല്‍ ഇ. എസ് എന്നിവരാണ് നിര്‍മ്മാതാക്കള്‍. സജിന്‍ അലി, നിസാര്‍ ബാബു, ദിപന്‍ പട്ടേല്‍ എന്നിവരാണ് സഹനിര്‍മ്മാതാക്കള്‍. ഐശ്വര്യ ലക്ഷ്മി ഇതുവരെ അവതരിപ്പിച്ച വേഷങ്ങളില്‍ നിന്നും ഏറെ വ്യത്യസ്തത പുലര്‍ത്തുന്ന കഥാപാത്രമായിട്ടാണ് ഇത്തവണ എത്തുന്നത്.
'ഞണ്ടുകളുടെ നാട്ടില്‍ ഒരിടവേള' എന്ന ചിത്രത്തില്‍ റേച്ചല്‍ എന്ന കഥാപാത്രത്തെ അവതരിപ്പിച്ചുകൊണ്ടാണ് ഐശ്വര്യ തന്റെ അഭിനയ ജീവിതത്തിന് തുടക്കമിട്ടത്. 'മായാനദി' താരത്തിന്റെ രണ്ടാമത്തെ സിനിമയാണ്. ആദ്യ ചിത്രത്തില്‍ നിവിന്‍ പോളിയുടെയും രണ്ടാമത്തെ ചിത്രത്തില്‍ ടൊവിനോ തോമസിന്റെയും നായികയായ് എത്തിയപ്പോള്‍ മൂന്നാമത്തെ ചിത്രമായ 'വരത്തന്‍'നില്‍ ഫഹദ് ഫാസിലിന്റെ നായികയായാണ് പ്രത്യക്ഷപ്പെട്ടത്. 'വിജയ് സൂപ്പറും പൗര്‍ണമിയും' എന്ന ചിത്രത്തില്‍ ആസിഫ് അലിയുടെ നായികയായും അഭിനയിച്ചു.
'അര്‍ജന്റീന ഫാന്‍സ് കാട്ടൂര്‍ക്കടവ്', 'ബ്രദേഴ്‌സ് ഡേ', 'കാണെക്കാണെ', 'അര്‍ച്ചന 31 നോട്ടൗട്ട്', 'കുമാരി' എന്നീ ചിത്രങ്ങളിലും നായിക വേഷം അണിഞ്ഞ താരത്തിന്റെ ഒടുവിലായി പുറത്തിറങ്ങിയ മലയാള ചിത്രം ദുല്‍ഖര്‍ സല്‍മാന്‍ നായകനായെത്തിയ 'കിംഗ് ഓഫ് കൊത്ത'യാണ്. ഇതിനിടയില്‍ തമിഴില്‍ 'ഗാര്‍ഗി', 'ഗാട്ടാ ഗുസ്തി', 'പൊന്നിയിന്‍ സെല്‍വന്‍' എന്നീ ഹിറ്റ് ചിത്രങ്ങളിലും തെലുങ്കില്‍ 'അമ്മു' എന്ന ചിത്രത്തിലും സുപ്രധാന വേഷം അവതരിപ്പിച്ചു. മണിരത്‌നം ഉള്‍പ്പെടെയുള്ള പ്രഗല്‍ഭരായ സംവിധായകര്‍ക്കൊപ്പം പ്രവര്‍ത്തിച്ചതോടെ ആരാധകരോടൊപ്പം താരമൂല്യവും വര്‍ദ്ധിച്ചു. തഗ് ലൈഫില്‍ കമല്‍ ഹാസനൊപ്പമാണ് ഐശ്വര്യ അഭിനയിക്കുന്നത്.
ഷറഫുദ്ദീനൊപ്പം ഐശ്വര്യലക്ഷ്മി അഭിനയിക്കുന്ന രണ്ടാമത്തെ സിനിമയാണ് 'ഹലോ മമ്മി'. 'വരത്തന്‍'നില്‍ ഐശ്വര്യയുടെ വില്ലനായാണ് ഷറഫുദ്ദീന്‍ എത്തിയതെങ്കില്‍ 'ഹലോ മമ്മി'യില്‍ നായകനായാണ് എത്തുന്നത്. ബോണിയായ് ഷറഫുദ്ദീനും സ്റ്റെഫിയായ് ഐശ്വര്യ ലക്ഷ്മിയും വേഷമിടുന്ന ചിത്രം തിയറ്ററുകളില്‍ ഓളം കൊള്ളിക്കുമെന്ന് ട്രെയിലറില്‍ നിന്നും വ്യക്തമാണ്. ചിത്രത്തിന്റെ ബുക്കിങ് ആരംഭിച്ചു കഴിഞ്ഞു.
സണ്ണി ഹിന്ദുജ ('ആസ്പിരന്റ്‌സ്'ഫെയിം), അജു വര്‍ഗീസ്, ജഗദീഷ്, ജോണി ആന്റണി, ജോമോന്‍ ജ്യോതിര്‍, ബിന്ദു പണിക്കര്‍, അദ്രി ജോ, ശ്രുതി സുരേഷ്, ഗംഗാ മീരാ തുടങ്ങിയവരും ചിത്രത്തിലുണ്ട്. ഡ്രീം ബിഗ് പിക്‌ച്ചേഴ്‌സാണ് ചിത്രത്തിന്റെ കേരളാവിതരണാവകാശം സ്വന്തമാക്കിയിരിക്കുന്നത്. ജിസിസി ഓവര്‍സീസ് ഡിസ്ട്രിബ്യുഷന്‍ റൈറ്റ്‌സ് ഉള്‍പ്പെടെയുള്ള ഓവര്‍സീസ് ഡിസ്ട്രിബ്യുഷന്‍ ഫാഴ്‌സ് ഫിലിംസും കരസ്ഥമാക്കി.
ചിത്രത്തിലെ ഗാനങ്ങള്‍ സരിഗമ മ്യൂസിക്ക് പ്രേക്ഷകരിലേക്കെത്തിക്കും. ചിത്രത്തിലെ ആദ്യഗാനം 'റെഡിയാ മാരന്‍' പ്രേക്ഷകശ്രദ്ധ ആകര്‍ഷിച്ചിരുന്നു. ഡബ്സി, സിയ ഉള്‍ ഹഖ്, ജേക്‌സ് ബിജോയ് എന്നിവര്‍ ചേര്‍ന്നാണ് ആലപിച്ച ഗാനത്തിന് ജേക്‌സ് ബിജോയിയാണ് സംഗീതം പകര്‍ന്നത്. മൂ.രിയുടെതാണ് വരികള്‍.
'സൂഫിയും സുജാതയും' എന്ന ചിത്രത്തിലൂടെ പ്രേക്ഷകരുടെ ഹൃദയം കവര്‍ന്ന നടനാണ് ദേവ് മോഹന്റെ പുതിയ സിനിമയാണ് 'പരാക്രമം'. അര്‍ജ്ജുന്‍ രമേശ് തിരക്കഥയെഴുതി സംവിധാനം ചെയ്യുന്ന 'പരാക്രമം' സിനിമയുടെ രണ്ടാമത്തെ ഗാനം 'നീയെന്‍..' പുറത്തിറങ്ങി. അനൂപ് നിരിച്ചന്‍ ആണ് ഈ ചിത്രത്തിന്റെ സംഗീത സംവിധായകന്‍. സുഹൈല്‍ എം കോയയാണ് ഗാനരചന. ജാസിം ജമാലാണ് ഗാനം ആലപിച്ചിരിക്കുന്നത്. മുന്‍പ് ഇറങ്ങിയ ' കണ്മണിയേ..' എന്ന ഗാനവും ചിത്രത്തിന്റെ ട്രെയ്ലറും സോഷ്യല്‍ മീഡിയയില്‍ ഹിറ്റാണ്. പരാക്രമം നവംബര്‍ 22നു പ്രദര്‍ശനത്തിനെത്തും.
'വാഴ' ഫെയിം സിജു സണ്ണി, ജോമോന്‍ ജ്യോതിര്‍, അമിത് മോഹന്‍ എന്നിവരും ചിത്രത്തില്‍ മുഖ്യ വേഷത്തിലുണ്ട്. രഞ്ജി പണിക്കര്‍, സംഗീത മാധവന്‍, സോണ ഒലിക്കല്‍, ജിയോ ബേബി,സച്ചിന്‍ ലാല്‍ ഡി, കിരണ്‍ പ്രഭാകരന്‍ എന്നിവരാണ് ചിത്രത്തില്‍ മറ്റ് പ്രധാന കഥാപാത്രങ്ങളെ അവതരിപ്പിക്കുന്നത്. മില്ലേന്നിയല്‍ ഫിലിംസാണ് ചിത്രത്തിന്റെ നിര്‍മാണം. ഹാരിസ് ദേശം എക്സിക്യൂട്ടീവ് പ്രൊഡ്യൂസര്‍ ആണ്. സാലു കെ തോമസ് ഛായാഗ്രഹണം നിര്‍വഹിക്കുന്ന ചിത്രത്തിന്റെ എഡിറ്റിങ് കൈകാര്യം ചെയ്യുന്നത് കിരണ്‍ ദാസാണ്. റിന്നി ദിവാകര്‍ ആണ് പ്രൊഡക്ഷന്‍ കണ്‍ട്രോളര്‍.
പ്രൊഡക്ഷന്‍ ഡിസൈനര്‍ - ദിലീപ് നാഥ്, മേക്കപ്പ് - മുഹമ്മദ് അനീസ്, കോസ്റ്റ്യൂം - ഇര്‍ഷാദ് ചെറുകുന്ന്, ചീഫ് അസോസിയേറ്റ് ഡയറക്ടര്‍ - ഷെല്ലി ശ്രീസ്, സൗണ്ട് ഡിസൈന്‍ - സിങ്ക് സിനിമ, ആക്ഷന്‍ - ഫീനിക്സ് പ്രഭു, ഓഡിയോഗ്രാഫി - രാജകൃഷ്ണന്‍ എം ആര്‍, പ്രൊമോഷന്‍ കണ്‍സല്‍ട്ടന്റ് - വിപിന്‍ കുമാര്‍, പ്രൊമോഷന്‍സ്- ടെന്‍ ജി മീഡിയ, പബ്ലിസിറ്റി സ്റ്റില്‍സ് - ഷഹീന്‍ താഹ, ഡിസൈനര്‍ - യെല്ലോ ടൂത്ത്സ്, പി ആര്‍ ഒ - എ എസ് ദിനേശ് എന്നിവരാണ് ചിത്രത്തിലെ മറ്റ് അണിയറ പ്രവര്‍ത്തകര്‍.
NAMMUDE NAADU
കൊച്ചി: കളമശ്ശേരിയില്‍ ഇന്ധന ടാങ്കര്‍ മറിഞ്ഞു. ഇരുമ്പനം ബിപിസിഎല്‍ പ്ലാന്റില്‍ നിന്നും ഗുജറാത്തിലേക്ക് പോയ ടാങ്കര്‍ ലോറിയാണ് മറിഞ്ഞത്. രാത്രി 11 മണിയോടെ കളമശ്ശേരി ടിവിഎസ് കവലക്ക് സമീപം മീഡിയനില്‍ ഇടിച്ചാണ് ബുള്ളറ്റ് ടാങ്കര്‍ മറിഞ്ഞത്. മണിക്കൂറുകള്‍ നീണ്ട ശ്രമത്തിനൊടുവിലാണ് ടാങ്കര്‍ ഉയര്‍ത്തിയത്. ക്രെയിന്‍ ഉപയോഗിച്ചാണ് ടാങ്കര്‍ വലിച്ചു മാറ്റിയത്. ഫയര്‍ഫോഴ്‌സും പോലീസും ചേര്‍ന്നായിരുന്നു രക്ഷാപ്രവര്‍ത്തനം. ഇന്ന് പുലര്‍ച്ചെയോടെയാണ് ടാങ്കറിന്റെ ചോര്‍ച്ച അടക്കാനായത്.
മേഖലയില്‍ വലിയ രീതിയില്‍ ഗതാഗത കുരുക്കുണ്ടായി. 11:15 ന് തന്നെ കളമശേരി പോലീസും ഫയര്‍ഫോഴ്‌സും സ്ഥലത്തെത്തുകയും സ്ഥിതിഗതികള്‍ വിലയിരുത്തി ബിപിസിഎല്ലുമായി ആശയവിനിമയം നടത്തുകയും ചെയ്തു. വാഹനം ഉയര്‍ത്തുന്നതിനിടയില്‍ ഇന്ധനം ചോര്‍ന്നത് ആശങ്കയ്ക്കിടയാക്കി. 18 Sണ്‍ പ്രൊപിലീന്‍ ഗ്യാസാണ് ലോറിയില്‍ ഉണ്ടായിരുന്നത്.
ലീക്കേജ് ഇല്ലെന്ന് ആദ്യഘട്ടത്തില്‍ ഉറപ്പ് വരുത്തിയ ശേഷം ടാങ്കര്‍ ഉയര്‍ത്താനുള്ള നടപടികള്‍ തുടങ്ങിയത്. എന്നാല്‍ നാല് മണിയോടെ വാതകചോര്‍ച്ച ശ്രദ്ധയില്‍പ്പെട്ടതോടെ ആശങ്ക ഉയര്‍ന്നു. പിന്നീട് ബിപിസിഎല്‍ ടെക്‌നിക്കല്‍ ടീമും ഫയര്‍ഫോഴ്‌സും എത്തി അടിയന്തര നടപടികള്‍ സ്വീകരിച്ചതോടെ അഞ്ച് മണിയോടെ ലോറി ഉയര്‍ത്തി ഗതാഗതം പുനഃസ്ഥാപിച്ചു.
കോഴിക്കോട്: നടന്‍ മേഘനാഥന്‍ (60) അന്തരിച്ചു. വ്യാഴാഴ്ച പുലര്‍ച്ചെ രണ്ട് മണിയോടെയായിരുന്നു അന്ത്യം. ശ്വാസകോശ സംബന്ധമായ അസുഖത്തെത്തുടര്‍ന്ന് കോഴിക്കോട് ബേബി മെമ്മോറിയല്‍ ഹോസ്പിറ്റലില്‍ ചികിത്സയില്‍ ആയിരുന്നു. നടന്‍ ബാലന്‍ കെ നായരുടെ മകനാണ്.
1980 ല്‍ പി.എന്‍ മേനോന്‍ സംവിധാനം ചെയ്ത ' അസ്ത്രം' എന്ന ചിത്രത്തില്‍ ഒരു സ്റ്റുഡിയോബോയിയുടെ കഥാപാത്രത്തെ അവതരിപ്പിച്ചാണ് മേഘനാദന്‍ സിനിമ ജീവിതം ആരംഭിക്കുന്നത്. പഞ്ചാഗ്‌നി, ചമയം,രാജധാനി, ഭൂമിഗീതം, ചെങ്കോല്‍, മലപ്പുറം ഹാജി മഹാനായ ജോജി,പ്രായിക്കര പാപ്പാന്‍, ഉദ്യാനപാലകന്‍, ഈ പുഴയും കടന്ന്, ഉല്ലാസപ്പൂങ്കാറ്റ്, രാഷ്ട്രം, കുടമാറ്റം, വാസന്തിയും ലക്ഷ്മിയും പിന്നെ ഞാനും, വാസ്തവം, ആക്ഷന്‍ ഹീറോ ബിജു എന്നിവയാണ് പ്രധാന ചിത്രങ്ങള്‍.
ചെങ്കോല്‍, ഈ പുഴയും കടന്ന്, ഉത്തമന്‍ തുടങ്ങി 50 ഓളം ചിത്രങ്ങളില്‍ അഭിനയിച്ചിട്ടുണ്ട്. 2022ല്‍ റിലീസ് ചെയ്ത കൂമനാണ് അവസാന ചിത്രം. മലയാള ചലച്ചിത്രങ്ങള്‍ക്ക് പുറമെ തമിഴ് സിനിമാ ലോകത്തും അദ്ദേഹം തന്റേതായ പ്രകടനം കാഴ്ചവച്ചിട്ടുണ്ട്. കൂടുതലും വില്ലന്‍ വേഷങ്ങള്‍ കൈകാര്യം ചെയ്ത മേഘനാഥന്‍ സീരിയലുകളിലും പ്രത്യക്ഷപ്പെട്ടിരുന്നു.സംസ്‌കാരം ഷൊര്‍ണ്ണൂരിലുള്ള വീട്ടില്‍ വെച്ച് നടക്കും. ഭാര്യ സുസ്മിത, മകള്‍ പാര്‍വതി.
Channels
ആത്മാര്‍ത്ഥ സുഹൃത്തുക്കള്‍ ആണ് മഞ്ജു പത്രോസും സിമി സാബുവും. വെറുതെ അല്ല ഭാര്യ റിയാലിറ്റി ഷോയിലൂടെ സഹ മത്സരരാതികളായി എത്തി ഇപ്പോള്‍ ജീവിതത്തില്‍ അത്രയും ഗാഢമായ സൗഹൃദത്തില്‍ എത്തിയ രണ്ടുപേരാണ് മഞ്ജുവും സിമിയും. ബ്ലാക്കീസ് എന്ന പേരിലുള്ള യൂട്യൂബ് ചാനലിലൂടെയും മഞ്ജു പത്രോസും സിമിയും പങ്കുവെയ്ക്കുന്ന വീഡിയോകള്‍ പെട്ടെന്ന് തന്നെ വൈറലാകാറുണ്ട്. ഇപ്പോഴിതാ ഇരുവരുടെ പുതിയ വീഡിയോ ആണ് ആരാധകര്‍ ഏറ്റെടുത്തിരിക്കുന്നത്
വ്‌ലോഗ് നിര്‍ത്താന്‍ ഞങ്ങള്‍ക്ക് രണ്ടുമൂന്നു കാരണങ്ങള്‍ ഉണ്ട്. കൊറോണയുടെ സമയത്ത് വീട്ടില്‍ വെറുതെ ഇരുന്നപ്പോള്‍, ഞങ്ങളുടെ ഒരു സ്ട്രെസ് റിലീഫിനും മറ്റുമായി ഞങ്ങള്‍ തുടങ്ങിയ ഒരു സംഭവം ആണ് ഈ വ്‌ലോഗ്. അല്ലാതെ ഇതില്‍ നിന്നും വരുമാനം വേണം ജീവിതോപാധി ആകണം എന്നൊന്നും എവിടെയും നമ്മള്‍ ചിന്തിച്ചിട്ടുപോലുമില്ല. അതുപോലെ തന്നെ ഞങ്ങള്‍ക്ക് വലിയ വരുമാനം ഒന്നും കിട്ടിയതുമില്ല.
അങ്ങനെ മുന്‍ പോട്ട് പോകുന്നതിന്റെ ഇടയിലാണ് ഒരു കാര്യം മനസിലാകുന്നത് ഈ വ്‌ലോഗും കാര്യങ്ങളും ഒക്കെ വളരെ സീരിയസ് ആയി കൊണ്ട് പോകുന്ന, ഒരുപാട് ആളുകള്‍ ഉണ്ട്. അത്തരക്കാരുടെ ഇടയില്‍ ഞങ്ങള്‍ക്ക് പിടിച്ചു നില്‍ക്കാന്‍ ആയില്ല എന്നതാണ് സത്യം. പിന്നെ നമ്മള്‍ക്ക് തന്നെ ഒരു ചമ്മല്‍ തുടങ്ങി, അങ്ങനെ കോണ്‍ഫിഡന്‍സ് ഇല്ലാതെ ആയി. പിന്നെ പയ്യെ പയ്യെ അതങ് അങ്ങനെ നിര്‍ത്തി. പിന്നെ നമ്മള്‍ രണ്ടാളും തിരക്കില്‍ ആയി.
ഒരാള്‍ ബിസിനസിലേക്കും ഒരാള്‍ ഒന്ന് രണ്ടു പ്രോജക്ടിലേക്കും ഒക്കെ തിരിഞ്ഞതോടെ വ്‌ലോഗ് സീരിയസ് ആയി ചെയ്യാന്‍ സമയം തികയാതെ വന്നു., മാത്രമല്ല ഈ വ്‌ലോഗ് മുന്‍പോട്ട് കൊണ്ട് പോകണം എങ്കില്‍ നല്ല ചിലവും ഉണ്ട്. പോക്കറ്റില്‍ നിന്നും എടുത്താണ് പലതും ചെയ്തത്. അങ്ങനെ ഞങ്ങള്‍ കുറേക്കാലം നിര്‍ത്തി വച്ചതാണ്. ഞങ്ങള്‍ ഒരുമിച്ചു കണ്ടിട്ടും ഒരുപാട് നാളുകള്‍ ആയിരുന്നു. പരിചയക്കാര്‍ വരെ ചോദിച്ചു ഞങ്ങള്‍ തമ്മില്‍ എന്തെങ്കിലും വിഷയങ്ങള്‍ ഉണ്ടോ എന്ന്. എന്നാല്‍ അതല്ല ഞങ്ങള്‍ ആ ഒരു അവസ്ഥയിലേക്ക് എത്തിയിട്ടില്ല.
നമ്മള്‍ ഒരുമിച്ചൊരു സംരഭം തുടങ്ങി, എന്നാല്‍ അവിടെയും ഒരു ക്ലാഷും ഞങ്ങള്‍ക്ക് വിഷയം ആയില്ല. പണം ഒക്കെ കൂടുതല്‍ വരുമ്പോള്‍ അല്ലെങ്കില്‍ പങ്കിട്ട് ബിസിനെസ്സ് തുടങ്ങുമ്പോള്‍ അവിടെ ഉണ്ടാകുന്ന വിഷയങ്ങള്‍ ഒക്കെയാണ് എല്ലാ സൗഹൃദങ്ങള്‍ക്ക് ഇടയിലും വിഷയം ആകുന്നത്. എന്നാല്‍ ഞങ്ങള്‍ക്ക് പങ്കിടാന്‍ പണവും ഇല്ല കൂട്ട ബിസിനസും ഞങ്ങള്‍ക്ക് ഇടയില്‍ ഇല്ല. പിന്നെ ഇനിയിപ്പോ അങ്ങനെ ഉണ്ടായാല്‍ തന്നെ തമ്മില്‍ ഒരു അടി ഉണ്ടാകും എന്ന് തോന്നുന്നില്ല. ദൈവത്തിന്റെ അനുഗ്രഹം കൊണ്ട് ഞങ്ങള്‍ക്ക് ഇടയില്‍ ഉള്ള സ്‌നേഹവും സൗഹൃദവും അങ്ങനെ ഉണ്ട്. പക്ഷെ കാണാന്‍ മാത്രം സമയമില്ല. അല്ലാതെ ഞങ്ങള്‍ തമ്മില്‍ അടിച്ചു പിരിഞ്ഞിട്ടില്ല.
ഞങ്ങള്‍ വീട്ടില്‍ ഇരുന്നപ്പോള്‍ പക്ഷേ എന്തെങ്കിലും ചെയ്യണം എന്നൊരു തോന്നല്‍ പിന്നെയും മനസിലേക്ക് എത്തി അതുകൊണ്ടുതന്നെ വെബ് സീരീസ് ആയി നമ്മള്‍ എത്താം എന്നുമാത്രം തീരുമാനിച്ചു. അതിന്റെ പിന്നാമ്പുറത്ത് നമ്മള്‍ മാത്രമാകുമെന്നും പറയട്ടെ. പിന്നെ ഏതെങ്കിലും കാരണം കൊണ്ട് വെബ് സീരീസ് സക്‌സസ് ആയില്ല എങ്കില്‍ നമ്മള്‍ ഉറപ്പായും വ്‌ലോഗിലേക്ക് തിരിയും- മഞ്ജുവും സിമിയും അറിയിച്ചു.
സ്റ്റാര്‍ മാജിക്ക് വേദിയിലൂടെ നിരവധി ആരാധകരെ സ്വന്തമാക്കിയ താരമാണ് ലക്ഷ്മി നക്ഷത്ര. സ്വന്തമായി ഒരു യൂട്യൂബ് ചാനല്‍ ഉണ്ട് ലക്ഷ്മിക്ക്. ഇതില്‍ പങ്കുവയ്ക്കുന്ന വീഡിയോയ്ക്ക് നിരവധി ആരാധകര്‍ ഉണ്ട്. എന്നാല്‍ എപ്പോഴും നിരവധി വിമര്‍ശനങ്ങള്‍ ഏറ്റുവാങ്ങുന്ന താരം കൂടിയാണ് ലക്ഷ്മി.
ലക്ഷ്മി യൂട്യൂബ് വീഡിയോയില്‍ തമ്പ് നെയിലായി പങ്കുവയ്ക്കുന്ന ക്യാപ്ഷനാണ് എപ്പോഴും വിവാദങ്ങളില്‍ കൊണ്ട് എത്തിക്കുന്നത്. തെറ്റിദ്ധരിപ്പിക്കുന്ന ക്യാപ്ഷനുകളാണ് താരം കൊടുക്കുന്നത്. ഇപ്പോഴിതാ പുതിയ വീഡിയോ പങ്കുവെച്ചതിലും അത്തരത്തില്‍ തെറ്റിദ്ധരിപ്പിക്കുന്ന ക്യാപ്ഷനാണ് താരം പങ്കുവെച്ചിരിക്കുന്നത്.
താരം ഇപ്പോള്‍ വിദേശത്ത് അവധിക്കാലം ആഘോഷിക്കുകയാണ്. റഷ്യന്‍ ബോര്‍ഡറിലെ മഞ്ഞു മലയില്‍ നിന്നുള്ള രസകരമായ വീഡിയോയാണ് ലക്ഷ്മി പങ്കുവച്ചിരിക്കുന്നത്. ഒരു വിദേശ യുവാവിനൊപ്പമുള്ള തന്റെ ചിത്രമാണ് ലക്ഷ്മി നക്ഷത്രയുടെ വീഡിയോയുടെ തമ്ബ് നെയില്‍. ഐ സെഡ് യെസ് എന്നാണ് തമ്ബ്നെയിലില്‍ ലക്ഷ്മി കുറിച്ചിരിക്കുന്നത്.
ഒറ്റനോട്ടത്തില്‍ ലക്ഷ്മിയുടെ പ്രണയത്തെക്കുറിച്ചുള്ളതോ വിവാഹത്തെക്കുറിച്ചുള്ളതോ ആണ് വീഡിയോ എന്ന് തോന്നിപ്പോകും. എന്നാല്‍ അതൊന്നുമില്ല. മഞ്ഞുമലയില്‍ വച്ച് കണ്ടുമുട്ടിയൊരു യുവാവിനൊപ്പമുള്ള ബൈക്ക് റൈഡിംഗിന്റെ വീഡിയോയാണ് താരം പങ്കുവെച്ചിരിക്കുന്നത്. വീഡിയോയില്‍ യുവാവിനെ ലക്ഷ്മി മലയാളം പഠിപ്പിക്കുന്നുണ്ട്. തുടര്‍ന്ന് ഈ യുവാവ് ലക്ഷ്മി വാ നമുക്ക് പോകാം എന്ന് പറയുന്നുണ്ട്.
ഇതോടെ തമാശയായി ഇങ്ങനെ വിളിച്ചാല്‍ ഞാന്‍ ചിലപ്പോള്‍ പോകാന്‍ ചാന്‍സ് ഉണ്ട്. അങ്ങനെയെങ്കില്‍ എനിക്ക് ജോര്‍ജിയന്‍ പൗരത്വം കിട്ടിയേക്കും എന്ന് ലക്ഷ്മി പറയുന്നുണ്ട്. ഈ കോമഡിയുടെ തുടര്‍ച്ച എന്ന നിലയിലാണ് ലക്ഷ്മി വീഡിയോയുടെ തമ്ബ് നെയ്ലും ക്യാപ്ഷനുമൊക്കെ അത്തരത്തിലാക്കിയിരിക്കുന്നത്. അതേസമയം നിരവധി പേരാണ് ലക്ഷ്മിയുടെ വീഡിയോയ്ക്ക് താഴെ കമന്റുമായി എത്തിയിരിക്കുന്നത്.
ബിഗ്‌ബോസ് സീസണിലെ ഏറ്റവും കൂടുതല്‍ ആരാധകരും ഹേറ്റേഴ്‌സും ഉള്ള താരമാണ് റോബിന്‍. റോബിനും ആരതി പൊടിയും പ്രേക്ഷകരുടെ ഇഷ്ടപ്പെട്ട കപ്പിളാണ്. ഇപ്പോഴിതാ ആരതിയുടെ യൂട്യൂബ് ചാനലില്‍ റോബിനും ആരതിയും ഒരു വീഡിയോ പങ്കിട്ടിരിക്കുകയാണ്. 22ാം തീയതി തനിക്കൊരു സര്‍ജറി ഉണ്ടെന്നാണ് റോബിന്‍ പറഞ്ഞിരിക്കുന്നത്. എന്താണ് സംഭവിച്ചത് എന്നും റോബിന്‍ പറയുന്നുണ്ട്.
കോവിഡ് വന്നതിന് ശേഷം തന്റെ ലംഗ്സ് കപ്പാസിറ്റി ഭയങ്കരമായി കുറവായിരുന്നുവെന്നും അതുകാരണം തനിക്ക് ശ്വസിക്കാന്‍ ബുദ്ധിമുട്ടുണ്ടായിരുന്നുവെന്നും കിതപ്പുണ്ടായിരുന്നുവെന്നും റോബിന്‍ പറയുന്നു. ഡോക്ടറെ കണ്ടപ്പോഴാണ് തനിക്ക് ഡീവിയേറ്റഡ് നേസല്‍ സെപ്റ്റം ആണെന്ന് കണ്ടെത്തിയത്. മൂക്കിന് ചെറിയ വളവും ചെറിയൊരു മാംസത്തിന്റെ വളര്‍ച്ചയും ഉണ്ടെന്ന് പറഞ്ഞുവെന്നും റോബിന്‍ പറയുന്നു.
നവംബര്‍ 22 സര്‍ജറി ആണെന്നും 21 ന് ഹോസ്പിറ്റലില്‍ പോകുമെന്നും റോബിന്‍ പറയുന്നു. റൈനോ പ്ലാസ്റ്റിയാണെന്നും ഒരാഴ്ച വരെ നേസല്‍ പാക്കേജ് ഉണ്ടാവുമെന്നും ഒരു മാസം വരെ മുഖത്ത് വീക്കം ഉണ്ടാകുമെന്നും താരം പറയുന്നു. ശ്വാസം ശരിയായി എടുക്കാന്‍ പറ്റാത്തത് കൊണ്ട് ശരീരത്തിന് ആവശ്യത്തിന് ഓക്സിജിന്‍ ലഭിക്കുന്നുണ്ടായിരുന്നില്ല, അത് കാരണം ക്ഷീണവും തലകറക്കവും വണ്ടിയോടിക്കുമ്‌ബോള്‍ ഇരുട്ട് കയറുന്നത് പോലെയൊക്കെ ഉണ്ടായിരുന്നു, റോബിന്‍ പറയുന്നു. ചെറിയ രീതിയില്‍ ബി പി ഉണ്ടായിരുന്നു. ബി പി ഉയര്‍ന്നത് കൊണ്ടായിരിക്കും ഇങ്ങനെ എന്നായിരുന്നു കരുതിയിരുന്നതെന്നും റോബിന്‍ പറഞ്ഞു.
നിരവധി പേരാണ് ഈ വീഡിയോയ്ക്ക് താഴെ കമന്റുമായി എത്തുന്നത് . സര്‍ജറി നന്നായി നടക്കട്ടെ. ഞങ്ങളുടെ പ്രാര്‍ത്ഥനയും സ്‌നേഹവും ഞങ്ങളുടെ ഡോക്ടര്‍ ബ്രേക്ക് ഒപ്പമുണ്ടാകും, എല്ലാം അതിജീവിച്ച ഡോക്ടര്‍ക്ക് ഇതൊക്കെ കടന്നു മുന്നോട്ടു പോകാന്‍ പറ്റും. സര്‍ജറി ഒക്കെ നന്നായി നടക്കട്ടെ. എല്ലാവരുടെയും പ്രാര്‍ത്ഥനയും സപ്പോര്‍ട്ടും എപ്പോഴും ഉണ്ടാകും. സര്‍ജറി ഒക്കെയും കഴിഞ്ഞു ആരോഗ്യം ഒക്കെയും വീണ്ടെടുത്ത് ഡോക്ടര്‍ വരുംം. കാത്തിരിക്കുന്നു എനര്‍ജറ്റിക് ആയി ഡോക്ടറെ വീണ്ടൂം കാണാന്‍ എന്നിങ്ങനെ പോകുന്നു കമന്റുകള്‍.
മലയാള സിനിമയില്‍ വളരെ ചുരുക്കം സിനിമകള്‍ ചെയ്ത് തന്റേതായ സ്ഥാനം ഉറപ്പിച്ച താരമാണ് നസ്രിയ. നസ്രിയ പേളി മാണിക്കൊപ്പം എത്തിയ വീഡിയോയും നിലയ്‌ക്കൊപ്പമുള്ള ചിത്രങ്ങളും ആണ് ഇപ്പോള്‍ സോഷ്യല്‍ മീഡിയയില്‍ വൈറല്‍.
പേളി മാണിയുടെ യൂട്യൂബ് ചാനലില്‍ നസ്രിയയും ബേസിലും സിനിമയുടെ ഭാഗമായി എത്തുകയായിരുന്നു. അത്തരത്തില്‍ പേളി മാണി കഴിഞ്ഞ ദിവസം സോഷ്യല്‍ മീഡിയയില്‍ പങ്കുവെച്ച ഒരു ചിത്രമാണ് ശ്രദ്ധ നേടിക്കൊണ്ടിരിക്കുന്നത് മകള്‍ നിലയും നസ്രിയയും ഒരുമിച്ച് ഇരിക്കുന്ന ചിത്രമാണ് പങ്കുവെച്ചത് ഈ ചിത്രങ്ങള്‍ വലിയൊരു ആരാധകനിര തന്നെയാണ് ഉണ്ടായിരിക്കുന്നത് ഇതിനു താഴെ ഇപ്പോള്‍ പലരും കമന്റ് ചെയ്തിരിക്കുന്നത് രണ്ട് ക്യൂട്ടികള്‍ എന്നാണ്
പൊതുവേ ഒരു ക്യൂട്ട് ഇമേജ് ആണ് നസ്രിയയ്ക്ക് ഉള്ളത് പ്രായം എത്രയായാലും നസ്രിയ മലയാളികള്‍ക്ക് അത്തരത്തില്‍ ക്യൂട്ട് ആയിട്ടുള്ള ഒരു കുട്ടി തന്നെയാണ്.. അങ്ങനെയൊരു ഇഷ്ടം തന്നെയാണ് നസ്രിയയോട് പ്രേക്ഷകര്‍ക്ക് ഉള്ളത്. മെസ്സിയുടെയും നിലയുടെയും ചിത്രങ്ങള്‍ കണ്ട ആരാണ് ഇതില്‍ കൂടുതല്‍ ക്യൂട്ട് എന്ന് മനസ്സിലാക്കാന്‍ സാധിക്കുന്നില്ല എന്നാണ് പലരും കമന്റ് ചെയ്യുന്നത് ഈ ചിത്രങ്ങള്‍ വളരെ വേഗം തന്നെ സോഷ്യല്‍ മീഡിയ ഏറ്റെടുക്കുകയും ചെയ്തു.
മലയാളി പ്രേക്ഷകരുടെ മനസ്സില്‍ തന്റേതായ ഇടം നേടിയെടുത്ത നായികയാണ് സ്വാസിക വിജയി അടുത്ത കാലങ്ങളായി താരം വളരെയധികം വിമര്‍ശനങ്ങള്‍ സോഷ്യല്‍ മീഡിയയില്‍ ഏല്‍ക്കേണ്ട സാഹചര്യം ഉണ്ടാവുന്നുണ്ട് പ്രധാനമായ കാരണം നിലപാടുകളാണ് ഭര്‍ത്താവിന്റെ കീഴില്‍ ജീവിക്കുവാന്‍ ആണ് ഇഷ്ടം എന്നും എന്നാല്‍ മറ്റുള്ളവര്‍ അങ്ങനെ വേണമെന്ന് വാശി പിടിക്കുന്നില്ല എന്നുമാണ് അടുത്ത സമയത്ത് സ്വാസിക പറഞ്ഞത്.
തന്നെ നിയന്ത്രിക്കുന്ന ഒരു ഭര്‍ത്താവിനെ ആയിരുന്നു താന്‍ ആഗ്രഹിച്ചത് എന്നാല്‍ തനിക്ക് കിട്ടിയത് അങ്ങനെ ഒരു ഭര്‍ത്താവിനെ ആയിരുന്നില്ല ഒരു കാര്യങ്ങളിലും തന്നോട് ഇടപെടാത്ത ഒരു ഭര്‍ത്താവിനെയാണ് തനിക്ക് കിട്ടിയത് ഈ സാഹചര്യത്തില്‍ ഞാന്‍ മനസ്സിലാക്കി ഇതും മികച്ച ഒരു രീതിയാണെന്ന് എന്നാല്‍ എനിക്ക് എന്റെ ഭര്‍ത്താവിന്റെ പിന്നില്‍ നില്‍ക്കുവാനാണ് കൂടുതല്‍ ഇഷ്ടം. അങ്ങനെ ജീവിക്കുവാന്‍ ആണ് ഞാന്‍ ആഗ്രഹിക്കുന്നത് അത് ഞാന്‍ സന്തോഷവതിയാണ് അതില്‍ ഞാന്‍ മറ്റാരെയും അടിച്ചേല്‍പ്പിക്കാന്‍ ഉദ്ദേശിക്കുന്നുമില്ല.
എനിക്കങ്ങനെ ആവാനാണ് ഇഷ്ടമെന്നാണ് ഞാന്‍ പറഞ്ഞത് എന്ന് സ്വാസിക വ്യക്തമാക്കിയിരുന്നു. ഈ സംഭവം പല രീതിയില്‍ ആണ് വ്യാഖ്യാനിക്കപ്പെട്ടത്. പലരും ഇതേ കുറിച്ച് അഭിപ്രായങ്ങള്‍ പറഞ്ഞു. ഇപ്പോഴിതാ ഇതേ കുറിച്ച് ഒരു യൂട്യൂബര്‍ പറഞ്ഞ വാക്കുകളാണ് ശ്രദ്ധ നേടുന്നത്.
'സ്വാസിക ഒരു ഫാന്റസി ലോകത്താണ്. അവിടെ അങ്ങനെ ജീവിക്കുന്നതാണ് തനിക്ക് ഇഷ്ടമെന്നാണ് സ്വാസിക പറഞ്ഞതിന്റെ അര്‍ത്ഥം. എന്നാല്‍ അവരുടെ ഭര്‍ത്താവ് ഒരു ടോക്‌സിക്ക് അല്ല. അതുകൊണ്ടുതന്നെ യഥാര്‍ത്ഥത്തില്‍ നമ്മുടെ സ്വാതന്ത്ര്യത്തെ ഒരു വ്യക്തി അടിച്ചമര്‍ത്തുന്നത് ഏത് രീതിയിലാണ് എന്ന് സ്വാസികയ്ക്ക് അറിയില്ല. അതവരെ അനുഭവിച്ചിട്ടില്ല അതുകൊണ്ടാണ് അത് വളരെ ബ്യൂട്ടിഫുള്‍ ആണ് എന്ന രീതിയില്‍ അവര്‍ സംസാരിക്കുന്നത്. യഥാര്‍ത്ഥ ജീവിതത്തില്‍ അങ്ങനെ അനുഭവിക്കുന്നവര്‍ക്ക് മാത്രമേ അതിന്റെ ബുദ്ധിമുട്ട് പറഞ്ഞാല്‍ മനസ്സിലാവുകയുള്ളൂ. അതുകൊണ്ട് പുറത്തിരുന്ന് അഭിപ്രായം പറയാന്‍ എളുപ്പമാണ് എന്നാണ് പലരും പറയുന്നത്.'
BUSINESS
ജീവനക്കാരെ പിരിച്ചുവിടാന്‍ തീരുമാനിച്ച് പ്രമുഖ വാഹന നിര്‍മ്മാതാക്കളായ ഫോര്‍ഡ്. ഇലക്ട്രിക് കാറുകളുടെ വില്‍പ്പന കുറഞ്ഞതിനെ തുടര്‍ന്നാണ് ഫോര്‍ഡ് ഇങ്ങനെ ഒരു തീരുമാനത്തിലേക്ക് എത്തിയത്.
യൂറോപ്പില്‍ 4000 ജീവനക്കാരുടെ ജോലി നഷ്ടമാകാന്‍ പോകുന്നു എന്നാണ് പുറത്ത് വരുന്ന റിപ്പോര്‍ട്ടില്‍ പറയുന്നത്. ഇലക്ട്രിക് കാറുകളുടെ പ്രതീക്ഷിച്ച വില്‍പ്പന നടക്കാതിരുന്നതും മത്സരം മുറുകിയത് മൂലമുള്ള സമ്മര്‍ദ്ദം നിമിത്തവും സമ്പദ് വ്യവസ്ഥയില്‍ നിന്നുള്ള പ്രതികൂല സാഹചര്യവും കണക്കിലെടുത്താണ് ജീവനക്കാരെ കൂട്ടത്തോടെ പിരിച്ചുവിടാന്‍ തീരുമാനിച്ചതെന്ന് ഫോര്‍ഡ് മോട്ടോര്‍ അറിയിച്ചു.
ഭൂരിഭാഗം ജീവനക്കാരെയും പിരിച്ചുവിടുന്നത് ജര്‍മ്മനിയിലായിരിക്കുമെന്നും ജീവനക്കാരുടെ പ്രതിനിധികളുമായി കൂടിയാലോചിച്ച് മാത്രമേ ഇത് നടപ്പാക്കൂ എന്നും ഫോര്‍ഡ് വ്യക്തമാക്കി. ഇലക്ട്രിക് വാഹനങ്ങളിലേക്ക് മാറുന്നതിന് അനുസരിച്ച് സര്‍ക്കാരുകളുടെ ഭാഗത്ത് നിന്ന് വേണ്ട പിന്തുണ ലഭിക്കുന്നില്ലെന്നും ഫോര്‍ഡ് കുറ്റപ്പെടുത്തി.
യൂറോപ്പില്‍ ഫോര്‍ഡിന്റെ ഭാവി നിലനിര്‍ത്തി മത്സരക്ഷമത ഉറപ്പാക്കാന്‍ കടുത്ത നടപടി സ്വീകരിക്കേണ്ടി വന്നതായി കമ്പനി അറിയിച്ചു. ആഗോള വാഹന വ്യവസായം വൈദ്യുതി വാഹനങ്ങളിലേക്ക് മാറുന്നതിനാല്‍ വലിയ പ്രതിസന്ധി നേരിടുകയാണ്. പണപ്പെരുപ്പത്തില്‍ മടുത്ത ഉപഭോക്താക്കള്‍ ചെലവുകള്‍ കുറയ്ക്കാന്‍ ശ്രമം നടത്തുന്നതിനാല്‍ ഇവി വില്‍പ്പന പിന്നോട്ട് പോയതായും റിപ്പോര്‍ട്ടുകള്‍ വ്യക്തമാക്കുന്നു.
മെറ്റയ്ക്ക് പിഴ ചുമത്തി കോംപറ്റീഷന്‍ കമ്മീഷന്‍ ഓഫ് ഇന്ത്യ. സ്വകാര്യതയില്‍ വീഴ്ചയ വരുത്തി എന്ന് ആരോപിച്ചാണ് പിഴ ചുമത്തിയത്. 213 കോടി രൂപയാണ് പിഴയായി ചുമത്തിയത്.
2021 ലെ വാട്സ്ആപ്പ് സ്വകാര്യതാ നയ പരിഷ്‌കരണവുമായി ബന്ധപ്പെട്ട് കൃത്രിമത്വം കാട്ടിയെന്നാണ് ചൂണ്ടിക്കാട്ടിയത്. ഡിജിറ്റല്‍ വിപണിയിലെ കുത്തക നിലനിര്‍ത്താനുള്ള നിയമവിരുദ്ധ ശ്രമങ്ങളില്‍ നിന്ന് വിട്ടുനില്‍ക്കാനും മത്സരവിരുദ്ധ നടപടികളില്‍ നിന്നൊഴിവാകാനും മെറ്റക്ക് നിര്‍ദേശം നല്‍കി.
ഇന്ത്യയിലെ ഉപയോക്താക്കളുടെ വ്യക്തി വിവരങ്ങള്‍ ഫെയ്‌സ്ബുക്ക്, ഇന്‍സ്റ്റഗ്രാം എന്നിവയുമായി പങ്കുവയ്ക്കുന്നതിനായി 2021 ല്‍ സ്വകാര്യതാനയം വാട്സ്ആപ്പ് പുതുക്കിയിരുന്നു.ഈ നയം അം?ഗീകരിക്കാത്ത ഉപയോക്താക്കള്‍ക്ക് വാട്സ്ആപ്പ് സേവനം ലഭ്യമാക്കില്ലെന്നും കമ്പനി നിലപാടെടുത്തു. പുതുക്കിയ സ്വകാര്യതാനയം നടപ്പാക്കുന്നത് എതിര്‍പ്പിനെ തുടര്‍ന്ന് വാട്സ്ആപ്പ് താത്ക്കാലികമായി മരവിച്ചു. കോംപറ്റീഷന്‍ ആക്ടിന് വിരുദ്ധമാണ് വാട്സ്ആപ്പ് നടപടിയെന്ന് വിലയിരുത്തിയാണ് കമ്മീഷന്റെ തീരുമാനം.
2029 വരെ ഉപയോക്താക്കളുടെ വ്യക്തി വിവരങ്ങള്‍ മെറ്റയുടെ മറ്റു സ്ഥാപനങ്ങളുമായി പങ്കുവയ്ക്കരുത് എന്നും .പരസ്യ ഇതരാവശ്യങ്ങള്‍ക്കായി വിവരങ്ങള്‍ പങ്കുവച്ചിട്ടുണ്ടെങ്കില്‍ അത് വ്യക്തമാക്കി വിശദീകരണം നല്‍കണം എന്നും കോംപറ്റീഷന്‍ കമ്മീഷന്‍ ഓഫ് ഇന്ത്യ വ്യക്തമാക്കി.
തൃശൂര്‍: 161 വര്‍ഷത്തെ വിശ്വസ്ത പാരമ്പര്യമുള്ള ബോബി ചെമ്മണൂര്‍ ഇന്റര്‍നാഷണല്‍ ജ്വല്ലേഴ്സിന്റെ ഏറ്റവും പുതിയ ഷോറൂം തൃപ്രയാറില്‍ പ്രവര്‍ത്തനമാരംഭിക്കുന്നു. ഉദ്ഘാടനം നവംബര്‍ 21 വ്യാഴാഴ്ച രാവിലെ 10.30 ന് ബോചെയും സിനിമാതാരം ശ്വേത മേനോനും ചേര്‍ന്ന് നിര്‍വ്വഹിക്കും. ഡയമണ്ട് ആഭരണങ്ങളുടെ ആദ്യ വില്‍പ്പന എം.ആര്‍. ദിനേശന്‍ (പ്രസിഡന്റ്, നാട്ടിക ഗ്രാമപഞ്ചായത്ത്), സ്വര്‍ണാഭരണങ്ങളുടെ ആദ്യ വില്‍പ്പന രജനി ബാബു (വൈസ് പ്രസിഡന്റ്, നാട്ടിക ഗ്രാമപഞ്ചായത്ത്) എന്നിവര്‍ നിര്‍വ്വഹിക്കും.
ഗ്രീഷ്മ സുഗിലേഷ് (വാര്‍ഡ് മെംബര്‍), അബ്ദുല്‍ അസീസ് (പ്രസിഡന്റ്, ഗോള്‍ഡ് അസോസിയേഷന്‍, തൃപ്രയാര്‍), ഡാലി ജോണ്‍ (പ്രസിഡന്റ്, വ്യാപാരി വ്യവസായി ഏകോപന സമിതി, തൃപ്രയാര്‍) എന്നിവര്‍ ആശംസകളറിയിക്കും. അനില്‍ സി.പി. (ജി.എം. മാര്‍ക്കറ്റിംഗ്, ബോബി ഇന്റര്‍നാഷണല്‍ ഗ്രൂപ്പ്) സ്വാഗതവും ജോജി എം.ജെ. (പി.ആര്‍.ഒ.) നന്ദിയും അറിയിക്കും. ഉദ്ഘാടനവേളയില്‍ തൃപ്രയാറിലെ തിരഞ്ഞെടുക്കപ്പെട്ട നിര്‍ധനരായ രോഗികള്‍ക്ക് ബോചെ ഫാന്‍സ് ചാരിറ്റബിള്‍ ട്രസ്റ്റ് നല്‍കുന്ന ധനസഹായം ബോചെ വിതരണം ചെയ്യും.
അതിശയിപ്പിക്കുന്ന നിരവധി ഓഫറുകളും സമ്മാനങ്ങളുമാണ് ഉദ്ഘാടനത്തിന്റെ ഭാഗമായി ഉപഭോക്താക്കളെ കാത്തിരിക്കുന്നത്. HUID മുദ്രയുള്ള 916 സ്വര്‍ണാഭരണങ്ങള്‍ ഇന്ത്യയിലെ ഏറ്റവും കുറഞ്ഞ പണിക്കൂലിയില്‍ സ്വന്തമാക്കാം. നറുക്കെടുപ്പിലൂടെ തിരഞ്ഞെടുക്കപ്പെടുന്നവര്‍ക്ക് ടൂവീലറുകള്‍, ടിവി, ഫ്രിഡ്ജ്, ഐഫോണുകള്‍ എന്നീ സമ്മാനങ്ങള്‍.
ബംബര്‍ സമ്മാനം മഹീന്ദ്ര ഥാര്‍. ഡയമണ്ട് ആഭരണങ്ങള്‍ക്ക് പണിക്കൂലിയില്‍ 50 ശതമാനം വരെ ഡിസ്‌കൗണ്ട്. ഡയമണ്ട്, അണ്‍കട്ട്, പ്രഷ്യസ് ആഭരണങ്ങള്‍ പര്‍ച്ചേയ്സ് ചെയ്യുന്നവരില്‍ നിന്നും നറുക്കെടുപ്പിലൂടെ ദിവസേന ഒരു ഭാഗ്യശാലിക്ക് ഡയമണ്ട് റിംഗ് സമ്മാനം. ഈ ഓഫര്‍ 10 ദിവസത്തേക്ക് മാത്രം. ഉയരുന്ന സ്വര്‍ണവിലയില്‍ നിന്നും സംരക്ഷണം നല്‍കിക്കൊണ്ട് അഡ്വാന്‍സ് ബുക്കിംഗ് ഓഫര്‍. വിവാഹ പര്‍ച്ചേയ്സുകള്‍ക്ക് പ്രത്യേക ആനുകൂല്യങ്ങള്‍. ഉദ്ഘാടനത്തിനെത്തുന്നവരില്‍ നിന്നും നറുക്കെടുപ്പിലൂടെ തിരഞ്ഞെടുക്കപ്പെടുന്ന 5 പേര്‍ക്ക് ഡയമണ്ട് റിംഗ് ലഭിക്കും.
BP SPECIAL NEWS
പിണങ്ങിപ്പോയ ഭാര്യയെ മടക്കി കൊണ്ടുവരാന്‍ നേരിട്ട് സംസാരിക്കുകയും ഇടനിലക്കാരെ കൊണ്ട് സംസാരിപ്പിക്കുകയും ചെയ്യുന്ന പതിവുണ്ട്. എന്നാല്‍ ആ പതിവില്‍ നിന്നും വ്യത്യസ്തമായി ഒരു ഭര്‍ത്താവ് ചെയ്തതാണ് വാര്‍ത്തയാകുന്നത്.
പിണങ്ങിപ്പോയ ഭാര്യയുമായി ഒന്നിക്കാന്‍ ഒരു വ്യത്യസ്തമായ സൈക്കിള്‍ യാത്ര നടത്തിയിരിക്കുകയാണ് ഒരു ഭര്‍ത്താവ്. 40കാരനായ 'സോ' എന്ന വ്യക്തിയുടെ വ്യത്യസ്തമായ ദൗത്യമാണ് വാര്‍ത്തയാകുന്നത്. നൂറ് ദിവസത്തെ സൈക്കിള്‍ യാത്രയാണ് ഇദ്ദേഹം നടത്തിയത്. ചൈനയിലാണ് സംഭവം നടന്നത്.
ജൂലൈ 28ന് നാന്‍ജിംഗില്‍ നിന്നാണ് സോ യാത്രതിരിച്ചത്. രണ്ട് വര്‍ഷമായി തന്നില്‍ നിന്നും വേര്‍പിരിഞ്ഞുനില്‍ക്കുന്ന ഭാര്യ ലീയുമായി ഒന്നിക്കണമെന്ന സോയുടെ ആഗ്രഹം സൈക്കിള്‍ യാത്രയ്ക്ക് അദ്ദേഹത്തിന് ഊര്‍ജം പകര്‍ന്നു. 2007ലാണ് ഇരുവരും വിവാഹിതരായത്. എന്നാല്‍ വേര്‍പിരിയാന്‍ തക്ക പ്രശ്നങ്ങളൊന്നും തങ്ങള്‍ക്കിടയില്‍ ഉണ്ടായിട്ടില്ലെന്നാണ് സോ പറയുന്നത്. ഒരു വാശിയ്ക്ക് ഇരുവരും എടുത്ത തീരുമാനമാണ് രണ്ട് വര്‍ഷം നീണ്ട വേര്‍പിരിയലിലേക്ക് എത്തിച്ചതെന്ന് സോ പറഞ്ഞു. സൈക്കിള്‍യാത്ര അത്ര സുഖകരമായിരുന്നില്ലെന്നാണ് അദ്ദേഹം തന്നെ പറയുന്നത്. യാത്രയ്ക്കിടെ രണ്ട് തവണ തനിക്ക് സൂര്യാഘാതമേറ്റുവെന്ന് സോ പറഞ്ഞു. ഒരിക്കല്‍ അന്‍ഹുയി പ്രവിശ്യയില്‍ വെച്ചാണ് സൂര്യാഘാതമേറ്റത്. അന്ന് തന്നെ ചിലര്‍ ആശുപത്രിയില്‍ എത്തിച്ചുവെന്ന് സോ പറഞ്ഞു. ഹുബൈ പ്രവിശ്യയില്‍ വെച്ചാണ് രണ്ടാമത്തെ തവണ സൂര്യാഘാതമേറ്റത്.
അന്ന് നടുറോഡില്‍ താന്‍ തളര്‍ന്നുവീണുവെന്നും സോ പറഞ്ഞു. ഇതെല്ലാമറിഞ്ഞ ലീ സോയുടെ സഹായത്തിനെത്തി. സ്വന്തം ജീവന്‍ പണയപ്പെടുത്തി ഇത്തരമൊരു സാഹസത്തിന് മുതിരേണ്ടതില്ലെന്ന് ലീ സോയോട് പറഞ്ഞു. ഒന്നിച്ചുജീവിക്കാന്‍ താന്‍ തയ്യാറാണെന്നും ഈ സൈക്കിള്‍യാത്ര അവസാനിപ്പിക്കണമെന്നും ലീ സോയോട് ആവശ്യപ്പെട്ടു. എന്നാല്‍ സോ അതിന് തയ്യാറായില്ല. തന്റെ ദൗത്യം പൂര്‍ത്തിയാക്കണമെന്ന വാശിയിലായിരുന്നു സോ.
ആയിടെയ്ക്കാണ് ലാസയില്‍ നിന്നും 400 കിലോമീറ്റര്‍ അകലെയുള്ള നൈന്‍ചിയില്‍ വെച്ച് ലീയുടെ ആരോഗ്യസ്ഥിതി വഷളായത്. ഇതറിഞ്ഞതും സോ ലീയെ സഹായിക്കാനായി ഓടിയെത്തി. വീണ്ടും ഒന്നിച്ചുജീവിക്കാന്‍ തീരുമാനിച്ച ഇവര്‍ സുഹൃത്തുക്കള്‍ക്കായി ലാസയില്‍ ചെറിയൊരു പാര്‍ട്ടിയും സംഘടിപ്പിച്ചു.
സോയുടെ ഈ സൈക്കിള്‍യാത്ര സോഷ്യല്‍ മീഡിയയില്‍ ചര്‍ച്ചയായി. പലരും സോയുടെ നിശ്ചയദാര്‍ഢ്യത്തെ പ്രശംസിച്ച് രംഗത്തെത്തി. എന്നാല്‍ സ്വന്തം ആരോഗ്യസ്ഥിതി കണക്കിലെടുക്കാതെ സോ സൈക്കിള്‍യാത്ര നടത്തുന്നതിനെ പലരും വിമര്‍ശിച്ചു. എന്നാല്‍ സൈക്കിളിലെ സാഹസിക യാത്ര തുടരാന്‍ തന്നെയാണ് തന്റെ തീരുമാനമെന്ന് സോ പറഞ്ഞു. നേപ്പാളിലേക്കും യൂറോപ്പിലേക്കും സൈക്കിളില്‍ യാത്ര ചെയ്യാനൊരുങ്ങുകയാണ് സോ ഇപ്പോള്‍.
PRAVASI VARTHAKAL
