മലങ്കര യാക്കോബായ സുറിയാനി ഓര്‍ത്തഡോക്‌സ് സഭയുടെ കീഴില്‍ ഈസ്റ്റ് ആംഗ്ലിയ റീജിയണില്‍ നോര്‍വിച്ചില്‍ പരിശുദ്ധ അമ്മയുടെ നാമത്തില്‍ പുതിയ ഇടവകയ്ക്ക് തുടക്കം. യുകെ ഭദ്രാസനത്തിന്റെ അഭിവന്ദ്യ മെത്രാപ്പൊലീത്ത ഐസക് മോര്‍ ഒസ്താത്തിയോസ് തിരുമേനിയുടെ അനുവാദ കല്‍പ്പനയോടെ ഇടവക വികാരി റവ. ബിനു വി ബേബി അച്ചന്‍ നവംബര്‍ 23ാം തീയതി ബ്രണ്ടാല്‍ മെമ്മോറിയല്‍ ഹാളില്‍ ആദ്യ വിശുദ്ധ കുര്‍ബാന അര്‍പ്പിച്ചു.
പരിശുദ്ധ ദൈവമാതാവിനോടുള്ള വചനിപ്പ് പെരുന്നാളിന്റെ തലേദിവസം അര്‍പ്പിച്ച ആദ്യ കുര്‍ബാനയില്‍ ഇടവക, പരിശുദ്ധ അമ്മയുടെ തന്നെ നാമത്തില്‍ ആണെന്ന് തിരുമേനി കല്‍പ്പനയിലൂടെ അറിയിച്ചത് ഇടവക ജനത്തിനു ഏറെ അനുഗ്രഹപ്രദമായ ഒരു അനുഭവമായി.
.jpg)
.jpg)
.jpg)
അടുത്ത കാലത്ത് പരിശുദ്ധ സഭയുടെ അനേകം വിശ്വാസികള്‍ നോര്‍ഫോക് റീജിയണിലെ നോര്‍ത്ത് വാല്‍ഷം, നോര്‍വിച്, ഗോള്‍സ്റ്റണ്‍, ഗ്രേറ്റ് യാര്‍മത്, ഡെര്‍ഹം, ലോവ്‌സ്റ്റോഫ്, തുടങ്ങിയ സ്ഥലങ്ങളില്‍ എത്തപെടുകയുണ്ടായി. കിങ്സ്ലിന്‍, പീറ്റര്‍ബറോ തുടങ്ങിയ സ്ഥലങ്ങളില്‍ ഇടവകകള്‍ ഉണ്ടെങ്കിലും ദൂരക്കൂടുതല്‍ ഏവര്‍ക്കും ഒരു പ്രയാസം ആയിരുന്നു.
.jpg)
സെന്‍ട്രല്‍ ലൊക്കേഷന്‍ ആയ ബ്രണ്ടാല്‍ മെമ്മോറിയല്‍ ഹാളില്‍ മാസത്തില്‍ രണ്ടു വിശുദ്ധ കുര്‍ബാന ആണ് ക്രമീകരിച്ചിരിക്കുന്നത്, ഏവര്‍ക്കും ഒത്തിരി പ്രയാസം കൂടാതെ സ്ഥലത്തു എത്തിച്ചേരുവാന്‍ സാധിക്കും എന്നതും വളരെ അനുഗ്രഹകരമാണ്. പരിശുദ്ധ സഭയുടെ പകരക്കാരനില്ലാത്ത അമരക്കാരനായി സഭയെ നയിച്ച, കാലം ചെയ്ത മലങ്കരയുടെ ശ്രേഷ്ഠ കാതോലിക്ക ആബൂന്‍ മാര്‍ ബസേലിയോസ് തോമസ് പ്രഥമന്‍ ബാവായുടെ 24ആം ഓര്‍മ്മദിനത്തില്‍ ബാവായുടെ അനുസ്മരണത്തില്‍ ധൂപ പ്രാര്‍ത്ഥന അര്‍പ്പിച്ചു.
ക്‌നാനായ യാക്കോബായ സുറിയാനി സഭയുടെ റവ. ജോമോന്‍ പുന്നൂസ് അച്ചന്‍ കുര്‍ബാനയില്‍ സംബന്ധിച്ച് പുതിയ ഇടവകക്കുള്ള എല്ലാ ആശംസകളും അനുമോദനവും നേര്‍ന്നു. ഒരു പുതിയ ഇടവകക്കാവശ്യമായ സാധനസാമഗ്രികള്‍ നാട്ടില്‍ നിന്നയച്ചു തന്നു സഹായിച്ച, പരിശുദ്ധ അമ്മയുടെ സൂനോറോയുടെ സാന്നിധ്യത്താല്‍ ധന്യമായ മണര്‍കാട് ഇടവകയോടും മറ്റത്തില്‍ തോമസ് അച്ചനോടുമുള്ള നന്ദി ഇടവകയുടെ പേരില്‍ ബിനു അച്ചന്‍ ഏവരെയും അറിയിച്ചു.
.jpg)
നാട്ടിലുള്ള ദൈവാലയങ്ങളിലെ ത്രോണോസ് പോലെ തന്നെ അതിമനോഹരമായ രീതിയില്‍ രാപകലില്ലാതെ അധ്വാനിച്ച് വളരെ മനോഹരമായ ത്രോണോസ് പണിതു പള്ളിക്കായി സമര്‍പ്പിച്ച മാനേജിങ് കമ്മിറ്റി അംഗം കൂടിയായ ജോബി വര്‍ഗീസിനോടുള്ള നന്ദിയും അഭിനന്ദനവും ബിനു അച്ചന്‍ അറിയിച്ചു. ഇടവക തുടങ്ങുന്നതിനാവശ്യമായ എല്ലാ മാര്‍ഗ്ഗ നിര്‍ദ്ദേശങ്ങളും സഹായങ്ങളും ചെയ്തു തന്ന അഭി. മേഖല മെത്രാപോലീത്തയോടും യുകെ ഭദ്രാസന കൗണ്‌സിലിനോടും ഭദ്രാസന സെക്രട്ടറി റവ എബിന്‍ ഊന്നുകല്ലിങ്കല്‍ അച്ചനോടും ഭദ്രാസന വൈസ് പ്രസിഡന്റ് റവ. എല്‍ദോസ് കൗങ്ങുംപ്പിള്ളില്‍ അച്ചനോടും ഉള്ള നന്ദിയും കടപ്പാടും അച്ചന്‍ രേഖപ്പെടുത്തി.
കുര്‍ബാനാനന്തരം നടന്ന പൊതുയോഗത്തില്‍ ഇടവക വികാരി റവ. ബിനു വി ബേബി അച്ചന്റെ നേതൃത്വത്തില്‍ ഇടവക ഭാരവാഹികളെ തിരഞ്ഞെടുത്തു. ബിനു വര്‍ഗീസ് - ട്രസ്റ്റി ജിബിന്‍ ജോയി - സെക്രട്ടറി ജോബി വര്‍ഗീസ് - മാനേജിങ് കമ്മിറ്റി ഐസക് കുരുവിള - മാനേജിങ് കമ്മിറ്റി ആന്‍ഡ് മീഡിയ കോര്‍ഡിനേറ്റര്‍ സാബു കുര്യന്‍ - മാനേജിങ് കമ്മിറ്റി ടോണി കുഞ്ഞുമോന്‍ - മാനേജിങ് കമ്മിറ്റി ബിനീഷ് ജോണി - മാനേജിങ് കമ്മിറ്റി എന്നിവരെ തിരഞ്ഞെടുത്തു. കൂടാതെ, ബേസില്‍ തങ്കച്ചന്‍ - ഓഡിറ്റര്‍ ഷിന്‍സി വര്‍ഗീസ് - സണ്‍ഡേ സ്‌കൂള്‍ പ്രധാനാദ്ധ്യാപിക നിജോ കെ വര്‍ഗീസ് - യൂത്ത് അസോസിയേഷന്‍ സെക്രട്ടറി ബെസ്‌കിയാമോ ബെസ്സി ബോസ് - വനിതാ സമാജം സെക്രട്ടറി എന്നിവരെയും വിവിധ സ്ഥാനങ്ങളിലേക്ക് തിരഞ്ഞെടുത്തു. ഈസ്റ്റ് ആംഗ്ലിയ റീജിയനില്‍ ഉള്ള ബോസ്റ്റണ്‍, പീറ്റര്‍ബറോ തുടങ്ങിയ ഇടവകകളില്‍ നിന്നുള്ള വിശ്വാസികളും വിശുദ്ധ കുര്‍ബാനയില്‍ പങ്കെടുത്തു അനുഗ്രഹം പ്രാപിച്ചു.
കൂടുതല്‍ വിവരങ്ങള്‍ക്ക് ഫോണ്‍:
Rev. Fr Binu V Baby - 07907343536
Jibin Joy -07735 105356
Binu Vargis - 07362 313286
Joby Varghese- 07454 102671
Email: stmarysjsocnorwich@outlook.com
പള്ളിയുടെ വിലാസം:
Brundall Memorial Hall 19 Links Ave,
Brundall,
Norwich NR13 5LL
More Latest News
ശബരിമലയില്‍ പതിനെട്ടാം പടിയില്‍ പോലീസുകാരുടെ ഫോട്ടോ ഷൂട്ട്, സംഭവത്തില്‍ റിപ്പോര്‍ട്ട് ആവശ്യപ്പെട്ട് എഡിജിപി, സമൂഹമാധ്യമത്തില്‍ പ്രചരിച്ച ചിത്രം വിവാദത്തില്‍
പന്തീരങ്കാവ് വീണ്ടും ഗാര്‍ഹിക പീഡനം: യുവതിയെ മര്‍ദ്ദിച്ചെന്ന് പരാതി, രാഹുല്‍ റിമാന്‍ഡില്‍, മകളെ ഫോണില്‍ വിളിക്കാനും സംസാരിക്കാനും രാഹുല്‍ സമ്മതിക്കില്ലെന്ന് യുവതിയുടെ അച്ഛന്‍
രാജ്യത്ത് അനുവദനീയമല്ലാത്ത ഉള്ളടക്കം പ്രചരിപ്പിച്ചു, ടെലഗ്രാമിന് റഷ്യന്‍ കോടതി ചുമത്തിയത് 56.73 ലക്ഷം രൂപ പിഴ!!!
കാത്തിരിപ്പുകള്‍ക്ക് ഇന്ന് വിരാമം, സൗദിയിലെ റിയാദ് മെട്രോ ഇന്ന് സര്‍വ്വീസ് ആരംഭിക്കും, ലോകത്തിലെ തന്നെ ഏറ്റവും ദൈര്‍ഘ്യമേറിയ ഡ്രൈവറില്ലാ മെട്രോ
13ാം വയസ്സില്‍ പത്താം ക്ലാസ്, 15ാം വയസ്സില്‍ 12ാം ക്ലാസ്, പത്തൊമ്പതാം വയസ്സില്‍ ഏറ്റവും പ്രായം കുറഞ്ഞ വനിത ചാര്‍ട്ടേഡ് അക്കൗണ്ടന്റ് എന്ന ഗിന്നസ് റെക്കോഡ് സ്വന്തമാക്കി ഒരു മിടുക്കി
Most Read
British Pathram Recommends
