ഹൈദരാബാദ്: തെലുങ്ക് സിനിമയിലെ മുന്‍നിര നടിയാണ് രശ്മിക മന്ദാന. ഏത് വേഷവും അനായാസം ചെയ്യാന്‍ കഴിവുള്ള താരത്തിന് നിരവധി ആരാധകരാണ് ഉള്ളത്. ഇപ്പോഴിതാ പ്രശസ്തിയുടെ പടിവാതില്‍ക്കല്‍ നില്‍ക്കുമ്പോഴും രശ്മികയെ കുറിച്ച് പുറത്ത് വരുന്ന വാര്‍ത്ത ആരാധകരെ ഏറെ വിഷമിപ്പിക്കുകയാണ്.
തെന്നിന്ത്യയുടെ ക്യൂട്ട് സുന്ദരിയായി അറിയപ്പെടുന്ന നടി സാമന്ത രുത്പ്രഭുവിന് ത്വക്ക് രോഗം വന്നത് വലിയ വാര്‍ത്തയായിരുന്നു. മയോറ്റൈീസ് എന്ന അപൂര്‍വ്വ രോഗമായിരുന്നു സാമന്തയ്ക്ക് വന്നത്. ഇതിന്റെ ചികിത്സയിലായിരുന്നു നടി. എന്നാല്‍ സമാനമായ രീതിയില്‍ രശ്മികയ്ക്കും ചില ത്വക്ക് രോഗങ്ങള്‍ വന്നുവെന്നാണ് പുതിയ വാര്‍ത്തകള്‍ പുറത്ത് വരുന്നത്.
താരം തന്റെ പ്രശ്നങ്ങള്‍ക്ക് പരിഹാരമായി ഡെര്‍മ്മറ്റോളജിസ്റ്റിനെ കണ്ടു എന്നാണ് വാര്‍ത്തകളില്‍ പറയുന്നത്. മേക്കപ്പിന് വേണ്ടി ഉപയോഗിക്കുന്ന സൗന്ദര്യവര്‍ദ്ധക വസ്തുക്കളില്‍ നിരവധി രാസവസ്തുക്കള്‍ ചേര്‍ക്കുന്നതാണ് പ്രശ്‌നത്തിന് കാരണം. മാത്രമല്ല സ്ഥിരമായി മേക്കപ്പ് ധരിക്കുന്നതിലൂടെ ഇത്തരം പ്രശ്നങ്ങള് ചിലര്‍ക്ക് വരുന്നുണ്ട്.
ഇത്തരം മേക്കപ്പുകള്‍ സ്ഥിരമായി ഉപയോഗിക്കുന്നവര്‍ക്ക് ചര്‍മ്മത്തില്‍ വീക്കം, തിണര്‍പ്പ്, ചുവപ്പ് നിറം എന്നിങ്ങനെ പലതും ഉണ്ടാകും. അതു പോലെ രശ്മികയ്ക്കും ചിലത് പ്രത്യക്ഷപ്പെട്ടു എന്നാണ് പുറത്ത് വരുന്ന വാര്‍ത്ത.
ഷൂട്ടിംഗിനിടെ മണിക്കൂറുകള്‍ മേക്കപ്പിടുന്നതും ലൈറ്റുകളുടെ ചൂട് കാരണം മേക്കപ്പ് ഉരുകുന്നതുമൊക്കെ പ്രശ്‌നമായി. സൗന്ദര്യവര്‍ദ്ധക വസ്തുക്കളില്‍ കലര്‍ത്തിയ രാസവസ്തുക്കളുടെ ഉപയോഗം പിഗ്മെന്റേഷന്‍ വര്‍ദ്ധിപ്പിക്കുന്നു. ഇതിനൊപ്പം മുടി കൊഴിയുകയും ചര്‍മ്മം വരണ്ടതായ തീരുകയും ചെയ്യുന്നു. സോറിയാസിസിന്റെ ഗണത്തില്‍പ്പെടുന്ന അസുഖങ്ങളാണ് പിന്നീട് സംഭവിക്കുന്നത്. ഈ ലക്ഷണങ്ങള്‍ നിസ്സാരമായി കാണരുതെന്നാണ് ഡോക്ടര്‍മാര്‍ പറയുന്നത്.
എന്നാല്‍ അസുഖത്തെ കുറിച്ച് രശ്മികയോ നടിയുമായി ബന്ധപ്പെട്ടവരോ ഇനിയും പ്രതികരിച്ചിട്ടില്ല. മാത്രമല്ല പ്രചരിക്കുന്നത് പോലെ ഭീകരമായ പ്രശ്നങ്ങള് നടിയ്ക്ക് ഇല്ലെന്നാണ് സൂചന. നിലവില്‍ പുഷ്പയുടെ പ്രൊമോഷനും മറ്റുമായി നാട്ടിലും വിദേശത്തുമൊക്കെ രശ്മിക പ്രോഗ്രാമുകളില്‍ സജീവമായിരുന്നു. ഇതിന് പുറമേ നിരവധി ചിത്രങ്ങളിലും രശ്മിക അഭിനയിക്കുന്നുണ്ട്.
ചുരുങ്ങിയ കാലം കൊണ്ടാണ് സൂപ്പര്‍ താരനിരയിലേക്ക് രശ്മിക വളര്‍ന്ന് വരുന്നത്. കന്നഡ ചലച്ചിത്ര മേഖലയിലാണ് രശ്മിക നായികയായി ആദ്യം അഭിനയിച്ചത്. അതിന് ശേഷമാണ് തെലുങ്കില്‍ സജീവമാകുന്നത്. വിജയ് ദേവരകൊണ്ടയ്‌ക്കൊപ്പം നായികയായി അഭിനയിച്ച ഗീതാഗോവിന്ദം ഹിറ്റായതോടെ നടിയുടെ കരിയര്‍ തന്നെ വിജയമായി. പിന്നീട് ബോളിവുഡിലടക്കം അഭിനയിച്ച് തിളങ്ങി നില്‍ക്കുകയാണ് നടി.
More Latest News
ഉമാ തോമസ് സ്റ്റേജിന് മുകളില്‍ നിന്നും വീഴുന്ന അപകട ദൃശ്യം പുറത്ത്, സ്റ്റേജില്‍ ആവശ്യമായ അകലം ക്രമീകരിച്ചിരുന്നില്ല എന്നത് വീഡിയോയില്‍ വ്യക്തം
കണ്ണൂരിലെ സ്‌കൂള്‍ ബസ് അപകടത്തില്‍ വിദ്യാര്‍ത്ഥി മരിച്ച സംഭവം: അപകട കാരണം അശാസ്ത്രീയമായി നിര്‍മിച്ച റോഡും ഡ്രൈവറുടെ അശ്രദ്ധയാണെന്നാണ് പ്രാഥമിക നിഗമനം
ഉമാ തോമസിന്റെ അപകടം: നൃത്ത പരിപാടിക്ക് എതിരെ ഗിന്നസ് റെക്കോര്‍ഡ്‌സിന് പരാതി നല്‍കി അധ്യാപകന്‍, റെക്കോര്‍ഡ് പിന്‍വലിക്കണമെന്നാണ് ആവശ്യം
ഗായകന്‍ നജീം അര്‍ഷാദിന്റെ സ്വരമാധുരിയില്‍ ക്രിസ്മസിനോട് അനുബന്ധിച്ച് റിലീസായ 'ശാന്തി പൊഴിയും ഗാനം'എന്ന വീഡിയോ ഗാനം ആരാധകര്‍ക്കിടയില്‍ ശ്രദ്ധ നേടുന്നു
ഡെറം ഇന്ത്യന്‍ കൂട്ടായ്മയുടെ ക്രിസ്മസ് ന്യൂ ഇയര്‍ ആഘോഷങ്ങള്‍ ഈ മാസം നാലിന് നടക്കും, പരിപാടിയുടെ മുഖ്യ ആകര്‍ഷണമായി ഇടശ്ശേരിയുടെ 'പൂതപ്പാട്ട്' എന്ന കവിതയുടെ ദൃശ്യാവിഷ്‌കാരം
Most Read
British Pathram Recommends
