കൊച്ചി ഇൻ്റർനാഷണൽ എയർപോർട്ട് ലിമിറ്റഡ് (സിയാൽ) ഇമിഗ്രേഷൻ നടപടിക്രമങ്ങൾ ഇനിമുതൽ അതിവേഗത്തിലാകും. സെക്കൻഡുകൾക്കുള്ളിൽ ക്ലിയറൻസുകൾ പൂർത്തിയാക്കി അതിവേഗത്തിൽ യാത്രചെയ്യാനും പുറത്തിറങ്ങാനും കഴിയും എന്നതാണ് പുതിയ പദ്ധതിയുടെ പ്രത്യേകത.
അന്താരാഷ്ട്ര യാത്രകൾ തടസ്സരഹിതവും സുരക്ഷിതവുമാക്കുന്നതിന് കേന്ദ്ര ആഭ്യന്തര മന്ത്രാലയത്തിൻ്റെ പദ്ധതിയായ ഫാസ്റ്റ് ട്രാക്ക് ഇമിഗ്രേഷൻ പ്രോഗ്രാമിന്റെ ആദ്യഘട്ടത്തിനാണ് കൊച്ചി രാജ്യാന്തര വിമാനത്താവളത്തിൽ തുടക്കമിട്ടത്.
ബയോമെട്രിക് സാങ്കേതികവിദ്യ പ്രയോജനപ്പെടുത്തി, വെറും 20 സെക്കൻഡിനുള്ളിൽ ഇമിഗ്രേഷൻ പ്രക്രിയ പൂർത്തിയാക്കാൻ ഈ പ്രോഗ്രാം യാത്രക്കാരെ പ്രാപ്തരാക്കുന്നു. ഇന്ത്യൻ പൗരന്മാർക്കും ഓവർസീസ് സിറ്റിസൺ ഓഫ് ഇന്ത്യ (ഒസിഐ) കാർഡ് ഉടമകൾക്കും തുടക്കത്തിൽ സൗജന്യമായി ഈ സൗകര്യം ലഭിക്കും.
FTI-TTP (ഫാസ്റ്റ് ട്രാക്ക് ഇമിഗ്രേഷൻ -- ട്രസ്റ്റഡ് ട്രാവലർ പ്രോഗ്രാം) ആരംഭിക്കുന്നതോടെ, അന്താരാഷ്ട്ര യാത്രക്കാർക്ക് ആഭ്യന്തര മന്ത്രാലയത്തിൻ്റെ സമർപ്പിത പോർട്ടലിൽ ഒറ്റത്തവണ രജിസ്ട്രേഷൻ കഴിഞ്ഞ് നിമിഷങ്ങൾക്കുള്ളിൽ ഇമിഗ്രേഷൻ നടപടിക്രമങ്ങൾ പൂർത്തിയാക്കാനാകും.
ഒസിഐ കാർഡ് ഉടമകൾക്ക് പോർട്ടൽ വഴി അപേക്ഷകൾ സമർപ്പിക്കാൻ അർഹതയുണ്ട്. പാസ്‌പോർട്ടുകൾ ഉൾപ്പെടെയുള്ള രേഖകൾ വിജയകരമായി അപ്‌ലോഡ് ചെയ്‌തുകഴിഞ്ഞാൽ, അപേക്ഷകർക്ക് ബയോമെട്രിക് എൻറോൾമെൻ്റിലേക്ക് പോകാം.
ഫേഷ്യൽ, ഫിംഗർപ്രിൻ്റ് സ്‌കാനിംഗിനുള്ള എൻറോൾമെൻ്റ് കൊച്ചി വിമാനത്താവളത്തിലെ എഫ്ആർആർഒ ഓഫീസിലും എമിഗ്രേഷൻ കൗണ്ടറുകളിലും സജ്ജീകരിച്ചിട്ടുണ്ട്.
വിജയകരമായ രജിസ്ട്രേഷനുശേഷം, ഇമിഗ്രേഷനിലെ നീണ്ട ക്യൂകൾ ഒഴിവാക്കി, ഭാവിയിലെ അന്തർദേശീയ ആഗമനങ്ങൾക്കും പുറപ്പെടലുകൾക്കും യാത്രക്കാർക്ക് സ്മാർട്ട് ഗേറ്റുകൾ ഉപയോഗിക്കാം.
ഫാസ്റ്റ് ട്രാക്ക് ഇമിഗ്രേഷൻ സേവനങ്ങൾ സുഗമമാക്കുന്നതിന് അറൈവൽ, ഡിപ്പാർച്ചർ ഏരിയകളിൽ നാല് വീതമുള്ള എട്ട് ബയോമെട്രിക് ഇ-ഗേറ്റുകൾ സജ്ജീകരിച്ചിട്ടുണ്ട്. ഗേറ്റിൽ, യാത്രക്കാർക്ക് അവരുടെ പാസ്‌പോർട്ടുകൾ സ്കാൻ ചെയ്യാം.
മുൻകൂട്ടി രജിസ്ട്രേഷൻ നടത്തിയാൽ ഗേറ്റ് തുറക്കും. രണ്ടാമത്തെ ക്യാമറ യാത്രക്കാരൻ്റെ മുഖം തിരിച്ചറിയുന്നതോടെ പ്രക്രിയ പൂർത്തിയാകും.
കൊച്ചി വിമാനത്താവളത്തിന് പുറമെ മുംബൈ, ചെന്നൈ, കൊൽക്കത്ത, ബെംഗളൂരു, ഹൈദരാബാദ്, അഹമ്മദാബാദ് എന്നീ ആറ് പ്രധാന വിമാനത്താവളങ്ങളിലാണ് ഈ സൗകര്യം നടപ്പാക്കുന്നത്.
ആഭ്യന്തര മന്ത്രാലയം 2024 ജൂൺ 22 ന് ന്യൂഡൽഹിയിലെ ഇന്ദിരാഗാന്ധി അന്താരാഷ്ട്ര വിമാനത്താവളത്തിൽ (IGI) ഈ സൗകര്യം തുടങ്ങിയിരുന്നു.
ആഭ്യന്തര യാത്രക്കാർക്ക് തടസ്സങ്ങളില്ലാതെ ബോർഡിംഗ് സാധ്യമാക്കുന്ന ഡിജി-യാത്രാ സംവിധാനം നേരത്തെതന്നെ സിയാലിൽ പ്രവർത്തനക്ഷമമാണ്. ഇതോടെ കൊച്ചിവഴി കുടുതൽ യാത്രക്കാർ കടന്നുവരുമെന്ന് പ്രതീക്ഷിക്കുന്നതായും സിയാൽ അധികൃതർ അറിയിച്ചു.
More Latest News
വര്‍ഷത്തിലെ ഏറ്റവും നിരാശ നിറഞ്ഞ ദിനം, ജനുവരിയിലെ തിങ്കളാഴ്ച! ബ്ലൂ മണ്‍ഡേ എന്താണെന്ന് അറിയാമോ?
സൂപ്പര്‍ ഗ്ലൂ തേച്ച് ചുണ്ട് ഒട്ടിച്ച് യുവാവ്, വൈറലാകാനും ലൈക്കുകള്‍ വാരിക്കൂട്ടാനും എന്തും ചെയ്യാവോ എന്ന് ചോദിച്ച് സോഷ്യല്‍ മീഡിയ
ഷാരോണ്‍ വധക്കേസിലെ പ്രതീ ഗ്രീഷ്മയ്ക്ക് വധശിക്ഷ വിധിച്ച ജഡ്ജി ജഡ്ജിയുടെ കട്ടൗട്ടില്‍ പാലഭിഷേകം നടത്താന്‍ ഓള്‍ കേരള മെന്‍സ് അസോസിയേഷന്‍, ഉദ്ഘാടനം രാഹുല്‍ ഈശ്വര്‍
പുറത്ത് ഇറങ്ങിയാല്‍ കൊന്നു കളയുമെന്ന് വിദ്യാര്‍ത്ഥി, മൊബൈല്‍ ഫോണ്‍ തിരിച്ച് കൊടുക്കാത്തതിന് അധ്യാപകനോട് കൊലവിളിയുമായി വിദ്യാര്‍ത്ഥി
സെയ്ഫ് അലിഖാന്‍ ആശുപത്രി വിട്ടു, ആറ് ദിവസത്തെ ആശുപത്രി വാസത്തിന് ശേഷം പൂര്‍ണ്ണ ആരോഗ്യവാനായാണ് താരം ലീലാവതി ആശുപത്രിയില്‍ നിന്നും വീട്ടിലേക്ക് എത്തിയത്
Most Read
British Pathram Recommends
