സ്വന്തം ലേഖകൻ

പലതരം വീഡിയോകള്‍ സോഷ്യല്‍ മീഡിയയില്‍ വൈറലാകാറുണ്ട്. ഇതാ അത്തരത്തില്‍ ഒരു വീഡിയോ ആണ് ഇപ്പോള്‍ സോഷ്യല്‍ മീഡിയയില്‍ ശ്രദ്ധ നേടുന്നത്. ഒരു യുവാവിന്റെ സ്വകാര്യ ഭാഗത്ത് കടിക്കുന്ന വീഡിയോ ആണ് വൈറലാകുന്നത്.

ഇന്തോനേഷ്യന്‍ സോഷ്യല്‍ മീഡിയ ഇന്‍ഫ്‌ലുവന്‍സറായ അന്‍ഗാര സോജിയ്ക്കാണ് പാമ്പ് കടിയേറ്റത്. സോഷ്യല്‍ മീഡിയയില്‍ പാമ്പുകളുടെയും മറ്റ് ഉരഗങ്ങളുടെയും ചിത്രങ്ങളും സാഹസിക വീഡിയോകളുമാണ് യുവാവ് സാധാരണയായി പങ്കുവയ്ക്കാറുണ്ട്. എന്നാല്‍ ഇപ്പോള്‍ സംഭവിച്ചത് പാമ്പിനെ പിടിക്കുന്നതിനുളള ശ്രമത്തിനിടയില്‍ അപ്രതീക്ഷിതമായി സംഭവിച്ചതെന്നാണ് റിപ്പോര്‍ട്ടുകള്‍. ഇയാളുടെ ആരോഗ്യ നിലയെക്കുറിച്ചുളള വിവരങ്ങളൊന്നും പുറത്തുവന്നിട്ടില്ല.

വീഡിയോയില്‍ മഞ്ഞയും കറുപ്പും നിറത്തിലുളള പാമ്പ് ഇയാളുടെ ഒരു കാലില്‍ പൂര്‍ണമായും ചുറ്റിയിട്ടുണ്ട്. യുവാവിന്റെ സ്വകാര്യ ഭാഗത്ത് പാമ്പ് ഒന്നിലധികം തവണ കടിക്കുകയായിരുന്നു. ഇതോടെ വേദന സഹിക്കാന്‍ വയ്യാതെ ഇയാള്‍ നിലത്തിരുന്നു. എന്നിട്ടും പാമ്പിനെ പിന്തിരിപ്പിക്കാന്‍ ഇയാള്‍ ശ്രമിച്ചെങ്കിലും സാധിച്ചില്ല.വീഡിയോ ഇതിനകം തന്നെ വൈറലായിട്ടുണ്ട് 17 മില്യണ്‍ ആളുകളാണ് ഈ വീഡിയോ കണ്ടത്. വിവിധ തരത്തിലുളള പ്രതികരണങ്ങളും ലഭിച്ചിട്ടുണ്ട്.

ചിലര്‍ പാമ്പിന് വിഷമുളളതാണോ എന്ന് ചോദിക്കുന്നുണ്ട്. മറ്റുചിലര്‍ യുവാവിനെ കടിച്ചത് കണ്ടല്‍ പാമ്പാണെന്ന് അഭിപ്രായപ്പെടുന്നുണ്ട്. കണ്ടല്‍ക്കാടുകള്‍ ഉളള ഭാഗത്താണ് കൂടുതലായും ഇത്തരത്തിലുളള പാമ്പുകള്‍ കാണപ്പെടുന്നത്. ഇത് പൂച്ച പാമ്പ് എന്ന പേരിലും അറിയപ്പെടുന്നു. വലിയ കണ്ണുകളോടുകൂടിയ ഈ പാമ്പ് ദക്ഷിണേന്ത്യ മുതല്‍ ഓസ്ട്രേലിയ വരെയുളള ഭാഗങ്ങളിലാണ് കാണപ്പെടുന്നത്. ഈ പാമ്പിന് ചെറിയ അളവില്‍ വിഷമുണ്ട്.

ഇന്‍സ്റ്റഗ്രാമില്‍ മൂന്നര ലക്ഷത്തിലധികം ഫോളോവേഴ്‌സും യൂട്യൂബില്‍ 45,000ല്‍ അധികം സബ്‌സ്‌ക്രൈബേഴ്‌സും ഉളള താരമാണ് അങ്കാര ഷോജി. സാഹസിക വീഡിയോകള്‍ ചെയ്യുന്നതിലൂടെ ശ്രദ്ധേയനാണ് ഇയാള്‍. അങ്കാരയുടെ കഴുത്തില്‍ പാമ്പ് കടിക്കുന്ന ഒരു വീഡിയോയും മുന്‍പ് പങ്കുവച്ചിട്ടുണ്ട്. ആ വീഡിയോ മൂന്ന് ലക്ഷത്തിലധികം ആളുകളാണ് കണ്ടത്.