ലണ്ടൻ: സ്വന്തം ലേഖകൻ

ആഫ്രിക്കൻ രാജ്യങ്ങളിൽ മരണം വിതയ്ക്കുന്ന എംപോക്‌സിന്റെ പുതിയ വകഭേദം യുകെയിലും റിപ്പോർട്ട് ചെയ്‌തതോടെ പ്രതിരോധ നടപടികൾ ശക്തമാക്കുകയാണ് എൻഎച്ച്എസ്. ഇതിനായി എൻഎച്ച്എസ് ഇംഗ്ലണ്ട് പുതിയ 12 വാക്‌സിനേഷൻ സെന്ററുകൾ തുറന്നുകഴിഞ്ഞു.

റിസ്ക്ക് ഗ്രൂപ്പിലുള്ളവർ എത്രയുംവേഗം സെന്ററുകളിലെത്തി  പ്രതിരോധ വാക്‌സിനുകൾ എടുക്കണമെന്നും എൻഎച്ച്എസ് ആവശ്യപ്പെടുന്നു. അതിനിടെ ലൈംഗിക ബന്ധത്തിൽ ഏർപ്പെടുന്നവരെ മൂന്ന് ഗ്രൂപ്പുകളായി തിരിച്ച് പ്രത്യേക ജാഗ്രതാ നിർദ്ദേശങ്ങളും നൽകി. 

ഈ  മൂന്ന് പ്രത്യേക സെക്‌സ് ഗ്രൂപ്പുകൾ വാക്‌സിനുകൾ എടുക്കാൻ മുന്നോട്ട് വരണമെന്ന് എൻഎച്ച്എസ് അടിയന്തര നിർദ്ദേശം നൽകി. ഇതോടെ സ്വതന്ത്ര രതികളിൽ ഏർപ്പെടുന്നവരും സ്വവർഗഭോഗികളും  കടുത്ത ആശങ്കയിലായി. 

ജനുവരി 31 നാണ് എംപോക്‌സിന്റെ അതിമാരകമായ ക്ലേഡ് ഇബ് എംപോക്‌സ് വകഭേദം യുകെയിലെ പുതിയൊരു രോഗിയിലും കണ്ടെത്തിയെന്ന വിവരം യുകെ ഹെൽത്ത് സെക്യൂരിറ്റി ഏജൻസി (യുകെഎച്ച്എസ്എ) റിപ്പോർട്ട് ചെയ്തത്‌. നിലവിൽ എട്ടോളം എംപോക്‌സ്‌ ബാധിതർ യുകെയിലുണ്ട്.

2024 ഒക്ടോബർ മുതൽ, ഇംഗ്ലണ്ടിൽ ക്ലേഡ് ഐബിയുടെ എട്ട് കേസുകൾ തിരിച്ചറിഞ്ഞിട്ടുണ്ട്, 2022 ൽ യുകെയിൽ പൊട്ടിപ്പുറപ്പെടാൻ കാരണമായതിൽ നിന്ന് വ്യത്യസ്തമായ ഒരു സ്ട്രെയിനാണിത്. മുൻ സ്ട്രെയിനിനേക്കാൾ ക്ലേഡ് ഐബി കൂടുതൽ പകർച്ചവ്യാധിയാണെന്ന് വിശ്വസിക്കപ്പെടുന്നു. ബാധിച്ചാൽ പത്തുപേരിൽ ഒരാൾ മരണപ്പെടുമെന്നും എൻഎച്ച്എസ് മുന്നറിയിപ്പിൽ പറയുന്നു.

ഇംഗ്ലണ്ടിൽ റിപ്പോർട്ട് ചെയ്യപ്പെട്ട ഏറ്റവും പുതിയ എംപോക്സ് കേസ്, അടുത്തിടെ ഉഗാണ്ടയിൽ നിന്ന് മടങ്ങിയെത്തിയ ഒരു വ്യക്തിയുടേതാണ്. ഇപ്പോൾ ലണ്ടനിലെ റോയൽ ഫ്രീ ഹോസ്പിറ്റലിന്റെ ഹൈ കോൺസെക്വെൻസ് ഇൻഫെക്ഷ്യസ് ഡിസീസസ് യൂണിറ്റിൽ സ്പെഷ്യലൈസ്ഡ് ചികിത്സയിലാണ് ഈ രോഗി. 

ഈ രാജ്യത്ത് ക്ലേഡ് ഇബി എംപോക്സിന്റെ റിപ്പോർട്ട് ചെയ്യപ്പെടാത്ത  പ്രാദേശിക പകർച്ച  ഇതിലേറെയെണെന്നും ആരോഗ്യവിദഗ്ധർ കരുതുന്നു. ഇതിനെ പ്രതിരോധിക്കാനാണ് ഇംഗ്ലണ്ടിലുടനീളം 12 പുതിയ എംപോക്സ് വാക്സിനേഷൻ സൈറ്റുകൾ ആരംഭിച്ചത്. 

ഈ ആഴ്ച മുതൽ, അണുബാധ പിടിക്കാനുള്ള  സാധ്യത കൂടുതലുള്ളവർക്ക് എല്ലാ പ്രദേശങ്ങളിലും വാക്സിൻ നൽകാൻ എൻഎച്ച്എസ് ലക്ഷ്യമിടുന്നു. നേരത്തെ ലണ്ടൻ, മാഞ്ചസ്റ്റർ, ബ്രൈറ്റൺ എന്നിവിടങ്ങളിലെ രോഗം പിടിപെടാൻ സാധ്യതയുള്ള വ്യക്തികൾക്ക് മാത്രമേ ഈ സേവനം ലഭ്യമായിരുന്നുള്ളൂ.

സ്വതന്ത്ര രതിയിൽ ഏർപ്പെടുന്നവരിലാണ് എംപോക്‌സ്‌ വരാനുള്ള സാധ്യത കുടുതലെന്നും എൻഎച്ച്എസ് പറയുന്നു. ഈ വിധത്തിൽ സെക്‌സിലേർപ്പെടുന്ന മൂന്നു ഗ്രൂപ്പിലെ ആളുകളോടാണ് ഈ വാക്സിനുകൾക്കായി അതിവേഗം മുന്നോട്ട് വരാൻ ആഹ്വാനം ചെയ്യുന്നത്. 

സ്വവർഗഭോഗികളിൽ പുരുഷന്മാരുമായി ലൈംഗിക ബന്ധത്തിൽ ഏർപ്പെടുന്ന പുരുഷന്മാരുടെ 3 ഗ്രൂപ്പുകളാണ് തിരിച്ചിട്ടുള്ളത്. ആ വിഭാഗങ്ങൾ താഴെ നൽകുന്നു.

സെക്‌സിൽ ഒന്നിലധികം പങ്കാളികൾ ഉണ്ടായിരിക്കുക

ഗ്രൂപ്പ് സെക്സിൽ പങ്കെടുക്കുക

അല്ലെങ്കിൽ ഗ്രൂപ്പ് സെക്സ് നടത്തുന്നവരുമായി ഇടപഴകുന്നവർ 

ഇത്തരം സെക്സ് സ്ഥാപനങ്ങളിലെ ജീവനക്കാർക്കും രോഗം വരാനുള്ള സാധ്യതയുണ്ടെന്നും  എൻഎച്ച്എസ് ചൂണ്ടിക്കാണിക്കുന്നു.

ഒരുവ്യക്തിയുടെ ശരീരത്തിലുള്ള  എംപോക്സ് കുമിളകളുമായോ ശരീര ദ്രവങ്ങളുമായോയുള്ള അടുത്ത ശാരീരിക സമ്പർക്കത്തിലൂടെ ആ വ്യക്തിയിൽ നിന്ന് മറ്റൊരാളിലേക്ക് എംപോക്സ് പകരാം. 

എംപോക്സ് ബാധിച്ചതിനുശേഷം, ലക്ഷണങ്ങൾ സാധാരണയായി അഞ്ച് മുതൽ 21 ദിവസങ്ങൾക്കുള്ളിൽ പ്രത്യക്ഷപ്പെടും.

എംപോക്സിന്റെ പ്രാരംഭ ലക്ഷണങ്ങൾ കഠിനമായേക്കാം. കടുത്ത പനി, വേദനാജനകമായ തലവേദന, പേശി വേദന, നടുവേദന, വീർത്ത ഗ്രന്ഥികൾ, വിറയൽ, കടുത്ത ക്ഷീണം, സന്ധി വേദന എന്നിവ വ്യക്തികളെ അലട്ടുന്നു. 

രോഗലക്ഷണങ്ങൾ ആരംഭിച്ച് ഒന്ന് മുതൽ അഞ്ച് ദിവസങ്ങൾക്ക് ശേഷം, ശരീരത്തിൽ എവിടെയും ഒരു കുമിള അല്ലെങ്കിൽ പൊങ്ങൽ  പ്രത്യക്ഷപ്പെടാം.

ആരോഗ്യമുള്ള മിക്ക വ്യക്തികളും എംപോക്‌സ്‌ ബാധിച്ച് നാല് ആഴ്ചകൾക്കുള്ളിൽ സുഖംപ്രാപിക്കുന്നു.

എന്നാൽ ഗർഭിണികളായ അമ്മമാർ, ദുർബലമായ രോഗപ്രതിരോധ ശേഷിയുള്ളവർ, പ്രത്യേകിച്ച് എച്ച്ഐവി നിയന്ത്രണവിധേയമല്ലാത്ത വ്യക്തികൾ,എന്നിവരിൽ ഈരോഗം ഗുരുതരമാകാൻ കൂടുതൽ സാധ്യതയുണ്ടെന്ന് ലോകാരോഗ്യ സംഘടന (WHO) മുന്നറിയിപ്പ് നൽകുന്നു. 

ഇത്തരക്കാരിൽ ഒരുവേള ജീവനെടുക്കുംവിധം ഇത് മാരകമായേക്കാം. 

NHS ഓൺലൈൻ സൈറ്റ് ഫൈൻഡറിൽ ലിസ്റ്റ് ചെയ്തിരിക്കുന്ന സൈറ്റുകളിൽ വാക്സിനേഷൻ അപ്പോയിന്റ്മെന്റുകൾ ലഭ്യമാകും, എണ്ണം ഇനിയും വർദ്ധിപ്പിക്കുമെന്ന് പ്രതീക്ഷിക്കുന്നു. പുതിയ സ്ഥലങ്ങൾ ഇവയാണ്:

ബർമിംഗ്ഹാം

നോട്ടിംഗ്ഹാം

ഷെഫീൽഡ്

സൺഡർലാൻഡ്

ഹൾ

ലീഡ്സ്

ലിവർപൂൾ

ബ്ലാക്ക്പൂൾ

സതാംപ്ടൺ

ബ്രിസ്റ്റൽ

എക്സെറ്റർ

ഹാറ്റ്ഫീൽഡ്, ഹെർട്ട്ഫോർഡ്ഷയർ

ഇനിപ്പറയുന്ന സ്ഥലങ്ങളിൽ ഇതിനകം വാക്സിനേഷൻ നൽകുന്ന 19 സ്ഥലങ്ങൾക്ക് പുറമെയാണിത്:

ലണ്ടൻ

ഗ്രേറ്റർ മാഞ്ചസ്റ്റർ

ബ്രൈറ്റൺ