വിനയ് ഗോവിന്ദിന്റെ സംവിധാനത്തില്‍ ഒരുങ്ങി ഉണ്ണി മുകുന്ദന്‍ നായകനാവുന്ന 'ഗെറ്റ് സെറ്റ് ബേബി' പ്രദര്‍ശനത്തിനെത്തി. ചിത്രത്തിന് ആദ്യ ഷോ മുതല്‍ മികച്ച പ്രതികരണമാണ് ലഭിക്കുന്നത്. പ്രേക്ഷകരെയും നിരൂപകരെയും തൃപ്തിപ്പെടുത്തുന്ന ചിത്രത്തിന് ഓരോ ഷോ കഴിയുംതോറും ബുക്കിംഗ് വര്‍ദ്ധിച്ചു വരുന്നുണ്ട്. മലയാളത്തില്‍ നിരവധി ഡോക്ടര്‍ കഥാപാത്രങ്ങള്‍ വന്നിട്ടുണ്ട്.
ഇപ്പോഴും പ്രേക്ഷക മനസ്സില്‍ തങ്ങി നില്‍ക്കുന്ന ഒട്ടേറെ ഡോക്ടര്‍മാര്‍ സിനിമകളില്‍ എത്തിയിട്ടുണ്ട്. ഇപ്പോഴിതാ ആ ഗണത്തിലേക്ക് ചേര്‍ത്തുവയ്ക്കാവുന്ന ഒരു ഡോക്ടര്‍ വേഷവുമായി എത്തിയിരിക്കുകയാണ് ഉണ്ണി മുകുന്ദന്‍. ഐവിഎഫ് സ്‌പെഷലിസ്റ്റായ ഡോ. അര്‍ജുന്‍ ബാലകൃഷ്ണന്‍ എന്ന കഥാപാത്രമായി പ്രേക്ഷകരുടെ മനസ്സ് നിറയ്ക്കുന്ന പ്രകടനമാണ് 'ഗെറ്റ് സെറ്റ് ബേബി'യില്‍ ഉണ്ണി മുകുന്ദന്റേത്.
കുടുംബങ്ങളുടെ പള്‍സറിഞ്ഞുള്ള മേക്കിങ്ങാണ് 'ഗെറ്റ് സെറ്റ് ബേബി'യുടെ പ്ലസ്. ഒരു മെയില്‍ ഗൈനക്കോളജിസ്റ്റിന്റെ കാഴ്ചപ്പാടില്‍ നിന്നുകൊണ്ട് ഏറെ രസകരമായി എന്നാല്‍ വിഷയത്തിന്റെ ഗൗരവം ഒരു തരിയും ചോരാതെ കളര്‍ഫുള്ളായി അവതരിപ്പിച്ചിരിക്കുകയാണ് സിനിമയില്‍.
മലയാളത്തിലെ ആദ്യ സ്റ്റോണര്‍ സിനിമയായ കിളിപോയി, കോഹിന്നൂര്‍ എന്നീ സിനിമകള്‍ക്ക് ശേഷം വിനയ് ഗോവിന്ദ് ഒരുക്കിയിരിക്കുന്ന ചിത്രം ടോട്ടല്‍ ഫാമിലി ഫണ്‍ ഫീല്‍ഗുഡ് വിരുന്നാണ് പ്രേക്ഷകര്‍ക്ക് സമ്മാനിച്ചിരിക്കുന്നത്. വലിച്ചു നീട്ടാതെ കാര്യങ്ങള്‍ ഏറെ ഏറെ പക്വമായി എന്നാല്‍ ഏവര്‍ക്കും മനസ്സിലാകുന്ന ഭാഷയില്‍ തന്നെ ചിത്രത്തില്‍ അവതരിപ്പിച്ചിട്ടുണ്ട്. ഒരു സര്‍ക്കാര്‍ മെഡിക്കല്‍ കോളേജില്‍ ഏറെ നാളുകള്‍ക്ക് ശേഷം ഗൈനക്കോളജി പഠിക്കാനെത്തുന്ന ഏക ആണ്‍തരിയില്‍ നിന്ന് തുടങ്ങി അയാള്‍ ഒരു മെയില്‍ ഗൈനക്കോളജിസ്റ്റായി മാറുന്നതും ഐവിഎഫ് സ്‌പെഷലിസ്റ്റായുള്ള അയാളുടെ വളര്‍ച്ചയും അതിനിടയില്‍ നേരിടേണ്ടി വരുന്ന വെല്ലുവിളികളും മറ്റുമൊക്കെ ചിത്രം മികച്ച രീതിയില്‍ സ്‌ക്രീനില്‍ എത്തിച്ചിട്ടുണ്ട്.
ഉണ്ണി മുകുന്ദനും നിഖില വിമലും ആദ്യമായി ഒന്നിച്ചെത്തിയിരിക്കുന്ന എന്ന പ്രത്യേകയും ചിത്രത്തിനുണ്ട്. ഡോ. അര്‍ജുന്‍ എന്ന കഥാപാത്രമായി ഉണ്ണിയും സ്വാതി എന്ന ക്ലൗഡ് കിച്ചന്‍ നടത്തുന്ന യുവതിയായി നിഖിലയും മികവുറ്റ പ്രകടനമാണ് കാഴ്ചവെച്ചത്. ടോട്ടല്‍ വയലന്‍സ് ചിത്രമായ മാര്‍ക്കോയ്ക്ക് ശേഷം ചിരിക്കുന്ന മുഖവുമായി കളിചിരികളും കുസൃതി തരങ്ങളുമൊക്കെയായി ഉണ്ണിയെ കാണാം ഈ ചിത്രത്തില്‍. വൈകാരികമായ അഭിനയ മുഹൂര്‍ത്തങ്ങളിലും ഏറെ മികച്ച രീതിയില്‍ ഉണ്ണിയും നിഖിലയും സ്‌കോര്‍ ചെയ്തിട്ടുണ്ട്.
സുധീഷ്, ചെമ്പന്‍ വിനോദ് ജോസ്, ജോണി ആന്റണി, സുരഭിലക്ഷ്മി, ഫറ ഷിബ്‌ല, ഗംഗ മീര, മീര വാസുദേവ്, ദിനേഷ് പ്രഭാകര്‍, ഭഗത് മാനുവല്‍, അഭിറാം രാജേന്ദ്രന്‍, മുത്തുമണി, പുണ്യ എലിസബത്ത്, ജുവല്‍ മേരി, ശ്യാം മോഹന്‍ തുടങ്ങിയവരാണ് മറ്റ് കഥാപാത്രങ്ങള്‍. ഓരോ കുടുംബങ്ങള്‍ക്കും നെഞ്ചോടുചേര്‍ക്കാനുള്ള ഒട്ടേറെ മുഹൂര്‍ത്തങ്ങളുമായി സിനിമയുടെ രചന നിര്‍വഹിച്ചിരിക്കുന്നത് വൈ.വി രാജേഷും അനൂപ് രവീന്ദ്രനും ചേര്‍ന്നാണ്.
അലക്‌സ് ജെ പുളിക്കലിന്റെ ഛായാഗ്രഹണം സിനിമയുടെ കഥാഗതിക്ക് യോജിച്ചതാണ്. അര്‍ജു ബെന്നിന്റെ ചടുലമായ എഡിറ്റിംഗും സിനിമയുടെ ടോട്ടല്‍ പേസിന് ചേര്‍ന്നതാണ്. സാം സിഎസ് ഒരുക്കിയിരിക്കുന്ന പശ്ചാത്തല സംഗീതവും പാട്ടുകളും മികച്ചതാണ്. സ്‌കന്ദ സിനിമാസിന്റെയും കിംഗ്‌സ്‌മെന്‍ പ്രൊഡക്ഷന്‍സിന്റേയും ബാനറില്‍ സുനില്‍ ജെയിന്‍, സജീവ് സോമന്‍, പ്രക്ഷാലി ജെയിന്‍ എന്നിവരാണ് ചിത്രം നിര്‍മിച്ചിരിക്കുന്നത്. ജനറേഷന്‍ ഗ്യാപ്പില്ലാതെ എല്ലാ തലമുറയില്‍ പെട്ടവര്‍ക്കും ആസ്വദിച്ച് കാണാനാവുന്നൊരു സമ്പൂര്‍ണ കുടുംബ ചിത്രമാണ് 'ഗെറ്റ് സെറ്റ് ബേബി' എന്ന് ഉറപ്പിച്ച് പറയാം.
More Latest News
യുബിസി ഗ്ലാസ്‌ഗോ ഓള്‍ യുകെ ബാഡ്മിന്റണ്‍ ടൂര്‍ണമെന്റ് മാര്‍ച്ച് എട്ടിന്, ആദ്യം രജിസ്റ്റര്‍ ചെയ്യുന്ന 32 ടീമുകള്‍ക്ക് അവസരം, ശനിയാഴ്ച രാവിലെ പത്തു മണി മുതല്‍ മത്സരങ്ങള്‍ ആരംഭിക്കും
എ.പി.സി യുകെ അയര്‍ലന്‍ഡ് വാര്‍ഷിക കണ്‍വന്‍ഷന്‍ ഏപ്രില്‍ 11 മുതല്‍ 13 വരെ കേംബ്രിഡ്ജിലെ കാംബോണ്‍ വില്ലേജ് കോളജില്‍
ഒടുവില്‍ പ്രേക്ഷകര്‍ കാത്തിരുന്ന എംപുരാന്റെ പുതിയ പോസ്റ്ററും എത്തി, 'ചെറിയ പടത്തിലെ ചെറിയ ഹെലികോപ്റ്റര്‍' എന്ന് ആരാധകരുടെ കമന്റ്
'ബാല എന്നെ ബലാത്സംഗം ചെയ്തു, കിടപ്പറരംഗങ്ങള്‍ പുറത്തുവിടുമെന്ന് പറഞ്ഞ് ഭീഷണിപ്പെടുത്തി' ബാലയ്ക്ക് എതിരെ ആരോപണവുമായി എലിസബത്ത്
നോ കിസ്സിങ്, നോ ഇന്റിമേറ്റ് സീന്‍ പോളിസി പിന്തുടരുന്നയാളാണ് ഞാന്‍, പക്ഷെ ഇന്റിമേറ്റ് സീന്‍ ചെയ്യുന്നത് അവരുടെ ഇഷ്ടമാണ് : ഉണ്ണി മുകുന്ദന്‍
Most Read
British Pathram Recommends
