18
MAR 2021
THURSDAY
1 GBP =108.89 INR
1 USD =84.08 INR
1 EUR =91.28 INR
ഭര്‍ത്താവ് എന്നും മദ്യപിച്ച് വീട്ടിലെത്തി ഭാര്യയെ മര്‍ദ്ദിക്കുന്ന, ഭര്‍ത്താവിന്റെ കൂട്ടുകാരനുമായി പ്രണയത്തിലായ ഭാര്യ ഭര്‍ത്താവിനെ ഇല്ലാതാക്കാന്‍ കാമുകനെ പ്രകേപിപ്പിച്ചു... ഭര്‍ത്താവിനെ കത്തിച്ചു കൊന്ന് കാമുകന്‍...
Story Dated: 2023-01-09
കേട്ടാല്‍ തന്നെ ഞെട്ടുന്ന തരത്തിലുള്ള ഒരു കൊലപാതകമാണ് ഡല്‍ഹിയില്‍ കഴിഞ്ഞ ദിവസം റിപ്പോര്‍ട്ട് ചെയ്തത്. ഭാര്യയുടെ കാമുകന്‍ ഭര്‍ത്താവിനെ കത്തിച്ച് കൊന്ന സംഭവത്തിന് പിന്നിലുള്ള സത്യാവസ്ഥ ഏറെ ഭയാനകമാണ്.
ഡല്‍ഹിയിലെ വസീരബാദില്‍ ശനിയാഴ്ചയാണ് യുവാവ് അറസ്റ്റിലായത്. റാഷിദ് എന്നയാളാണ് കൊല്ലപ്പെട്ടത്. കത്തിക്കരിഞ്ഞ നിലയിലായിരുന്നു ഇയാളുടെ ശരീരം സംഭവ സ്ഥലത്തു നിന്നും പോലീസ് കണ്ടെടുക്കുന്നത്. റഷീദ് കൊല്ലപ്പെട്ട സംഭവത്തില്‍ സുഹൃത്തായ മുനിഷ്ദിന്‍ അറസ്റ്റിലായതോടെയാണ് സംഭവത്തിന് പിന്നലുള്ള കാരണം വ്യക്തമാകുന്നത്.
റഷീദും മുനിഷ്ദിനും വസീരാബാദ് സ്വദേശികളാണ്. ഇരുവരും ഒരുമിച്ചാണ് ജോലി ചെയ്തിരുന്നത്. മുനിഷ്ദിന്‍ പ്‌ളംബറും റാഷിദ് ഇലക്ട്രീഷ്യനുമായിരുന്നു. സുഹൃത്തുക്കളായതോടെ രണ്ടു പേരും പരസ്പരം വീടുകള്‍ സന്ദര്‍ശിക്കുക പതിവായി. എന്നാല്‍ ഇതിനിടയില്‍ ഇയാള്‍ റഷീദിന്റെ ഭാര്യയുമായി പ്രണയത്തിലായി. റാഷിദ് മദ്യപിച്ചെത്തി ഭാര്യയെ തല്ലുമായിരുന്നു. ഇതില്‍ മനംമടുത്ത റാഷിദിന്റെ ഭാര്യ ഭര്‍ത്താവിനെ ഒഴിവാക്കാന്‍ മുനിഷ്ദിനുമായി ചേര്‍ന്ന് പദ്ധതിയിട്ടു.
കഴിഞ്ഞ പത്തുപതിനഞ്ച് ദിവസമായി റാഷിദിനെ ഒഴിവാക്കാന്‍ ഭാര്യ മുനിഷ്ദിനെ സ്ഥിരമായി പ്രേരിപ്പിക്കുകയായിരുന്നു. തുടര്‍ന്ന് പദ്ധതി പ്രകാരം മുനിഷ്ദിന്‍ റാഷിദിനെ റാം ഘട്ടിലെത്തിക്കുകയും ഇരുവരും ചേര്‍ന്ന് മദ്യപിച്ചതിനുശേഷം പേനാക്കത്തി ഉപയോഗിച്ച് കുത്തുകയും കഴുത്തറുത്ത് കൊലപ്പെടുത്തുകയുമായിരുന്നു. പ്രതി തെളിവ് നശിപ്പിക്കാന്‍ ശ്രമിച്ചതായും പൊലീസ് വ്യക്തമാക്കി.
ജനുവരി രണ്ടിന് റാം ഘട്ടിന് സമീപത്തായി 90 ശതമാനം കത്തിക്കരിഞ്ഞ നിലയില്‍ മൃതദേഹം കണ്ടെത്തിയിരുന്നു. സമീപത്തുനിന്ന് പേനാക്കത്തിയും തീപ്പെട്ടിയും കിട്ടിയിരുന്നു. തുടര്‍ന്ന് നടത്തിയ അന്വേഷണത്തിലാണ് മുനിഷ്ദിന്‍ പിടിയിലാവുന്നത്. പ്രദേശത്തെ സിസിടിവിയിലെ തെളിവാണ് പോലീസിനെ മുനിഷ്ദിലേക്ക് എത്തിച്ചത്.
More Latest News
ബോളിവുഡ് നടന്‍ സല്മാന് ഖാനെതിരെ വധഭീഷണി: രണ്ടു കോടി നല്‍കിയില്ലെങ്കില്‍ സല്‍മാനെ വധിക്കുമെന്ന് സന്ദേശം അയച്ച ആള്‍ പൊലീസ് കസ്റ്റഡിയില്‍
ബോളിവുഡ് നടന്‍ സല്മാന് ഖാനെതിരെ വധഭീഷണി മുഴക്കിയ ആള്‍ പൊലീസ് കസ്റ്റഡിയില്‍. ഇന്നലെ രണ്ടു കോടി രൂപ ആവശ്യപ്പെട്ട് കൊണ്ടാണ് വധഭീഷണി മുഴക്കിയത്.
ഇന്നലെ മുതല്‍ ഈ അജ്ഞാത സന്ദേശത്തിന് പിന്നാലെയായിരുന്നു പൊലീസ്. ഇയാളെയാണ് ഇപ്പോള്‍ പൊലീസ് അറസ്റ്റ് ചെയ്തത്. ബാന്ദ്ര ഈസ്റ്റ് സ്വദേശി അസം മുഹമ്മദ് മുസ്തഫയെയാണ് ഇപ്പോള്‍ മുംബൈ പൊലീസ് അറസ്റ്റ് ചെയ്തത്.
ഇന്നലെ വന്ന സന്ദേശത്തില്‍ രണ്ടു കോടി നല്‍കിയില്ലെങ്കില്‍ സല്‍മാനെ വധിക്കുമെന്നായിരുന്നു സന്ദേശം. വാട്സ്ആപ്പ് സന്ദേശമായിരുന്നു വന്നത്. അതേസമയം സല്മാന് ഖാനെതിരെയുള്ള ഭീഷണി സന്ദേശം മുംബൈ പൊലീസിന്റെ ട്രാഫിക് കണ്‍ട്രോള്‍ റൂമിലേക്കാണ് എത്തിയത്. തുടര്‍ന്ന് കേസ് രജിസ്റ്റര്‍ ചെയ്ത് വര്‍ലി പൊലീസിന്റെ പ്രത്യേക സംഘം നടത്തിയ വിശദമായ അന്വേഷണത്തിലാണ് നിലവില്‍ പ്രതിയെ പിടികൂടിയത്.
നേരത്തെ തന്നെ ഗുണ്ടാ നേതാവ് ലോറന്‍സ് ബിഷ്‌ണോയിയുടെ സംഘാംഗം എന്ന് അവകാശപ്പെട്ട് സല്മാന് വധഭീഷണി സന്ദേശം ലഭിച്ചിരുന്നു. കഴിഞ്ഞ ദിവസം സല്‍മാനും കൊല്ലപ്പെട്ട എന്‍.സി.പി നേതാവ് ബാബ സിദ്ദീഖിയുടെ മകനുമായ സീഷാനും നേരെ വധഭീഷണി മുഴക്കിയ സംഭവത്തില്‍ 20കാരന്‍ ഗഫ്‌റാന്‍ ഖാന്‍ എന്നയാളെ പൊലീസ് അറസ്റ്റ് ചെയ്തിരുന്നു.
ഒക്ടോബര്‍ 25നാണ് സീഷാന്‍ സിദ്ദീഖിയുടെ ഓഫിസിലേക്ക് ഭീഷണി സന്ദേശം ലഭിച്ചത്. ഉടനെ തന്നെ പണം നല്‍കണമെന്നും ഇല്ലെങ്കില്‍ സല്‍മാനെയും സീഷനെയും വധിക്കുമെന്നുമായിരുന്നു ആ സന്ദേശം. ബിഷ്‌ണോയിയുമായുള്ള ശത്രുത അവസാനിപ്പിക്കാന്‍ അഞ്ച് കോടിയാണ് അന്ന് അവര്‍ ആവശ്യപ്പെട്ടത്
ഡല്‍ഹിയില്‍ വായു മലിനീകരണം, ദീപാവലി ദിനമായതിനാല്‍ ആഘോഷത്തോട് അനുബന്ധിച്ച് വായു മലിനീകരണം കൂടുതല്‍ രൂക്ഷമാകാന്‍ സാധ്യത
ഡല്‍ഹിയിലെ വായു മലിനീകരണം അതീവ രൂക്ഷമാകുന്ന സാഹചര്യത്തിലെന്ന് റിപ്പോര്‍ട്ട്. ഇന്ന് ദീപാവലി ദിനമായതിനാല്‍ ആഘോഷത്തോട് അനുബന്ധിച്ച് വായു മലിനീകരണം കൂടുതല്‍ രൂക്ഷമാകാന്‍ സാധ്യതയുണ്ട്.
ദീപാവലി ആഘോഷങ്ങള്‍ ആരംഭിച്ചതോടെ വായുഗുണ നിലവാര നിരക്ക് വീണ്ടും 300 നു മുകളില്‍ എത്തി നില്‍ക്കുകയാണ്. ആഘോഷങ്ങള്‍ അവസാനിച്ചു കഴിയുന്നതോടെ അടുത്ത രണ്ട് ദിവസങ്ങളില്‍ മലിനീകരണം കൂടുതല്‍ കടുക്കും എന്നാണ് മുന്നറിയിപ്പില്‍ പറയുന്നത്.
ഡല്‍ഹിയില്‍ ഇതനു മുന്‍പും ഇത്തരത്തില്‍ വായു മലിനീകരണം റിപ്പോര്‍ട്ട് ചെയ്തിട്ടുണ്ട്. ഇത്തരം ആഘോഷ വേളയില്‍ ഡല്‍ഹിയില്‍ വായു മലിനീകരണ പ്രശ്നങ്ങള്‍ കടുക്കാറാണ് പതിവ്. പ്രത്യേകിച്ച് ദീപാവലി ആഘോഷങ്ങള്‍ക്ക് ശേഷം വായു മലിനീകരണത്തിന്റെ പ്രശ്നങ്ങള്‍ എല്ലായ്പ്പോഴും കൂടാറുണ്ട്. ഇതില്‍ നിന്നെല്ലാം മാറ്റം വരാന്‍ അധിക ദിവസങ്ങള്‍ എടുക്കേണ്ടി വരാറുണ്ട്.
അതേസമയം ഡല്‍ഹിയിലെ വായു മലിനീകരണത്തിന്റെ പ്രധാനകാരണം അയല്‍ സംസ്ഥാനങ്ങളിലെ കാര്‍ഷിക അവശിഷ്ടങ്ങള്‍ കത്തിക്കുന്നത് അല്ലെന്ന് സെന്റര്‍ ഫോര്‍ സയന്‍സ് ആന്‍ഡ് എന്‍വിയോണ്‍മെന്റ് വ്യക്തമാക്കിയിട്ടുണ്ട്.
മലിനീകരണത്തിന്റെ 95 ശതമാനവും വാഹനങ്ങളില്‍ നിന്നുള്ള പുകയില്‍ നിന്ന് ആണെന്നാണ് റിപ്പോര്‍ട്ട്. 4.44% മാത്രമാണ് കാര്‍ഷിക അവശിഷ്ടങ്ങളില്‍ നിന്നും ഉള്ളതെന്നും റിപ്പോര്‍ട്ടിലുണ്ട്.
തിന്മയ്ക്ക് മീതെ നനന്മയുടെ വിജയം ആഘോഷിക്കുന്ന ദീപാവലി ഇന്ന്, മണ്‍ചിരാതുകളില്‍ ദീപം തെളിച്ചും പടക്കം പൊട്ടിച്ചും മധുരം വിളമ്പിയും ഇന്ന് ദീപാവലി ആഘോഷിക്കുന്നു
ലോകമെമ്പാടും ഇന്ന് ദീപാവലി ആഘോഷത്തില്‍. ദീപം കത്തിച്ചും പടക്കം പൊട്ടിച്ചും മധുരം വിളമ്പിയും ലോകമെങ്ങും ദീപാവലി ആഘോഷത്തിലാണ്. തുലാമാസത്തിലെ അമാവാസി നാളിലാണ് ദീപാവലി ആഘോഷിക്കപ്പെടുന്നത്.
ദിവസങ്ങള്‍ നീണ്ടു നില്‍ക്കുന്ന ഒരുക്കങ്ങളാണ് ദീപാവലിയുടെ ഭാഗമായി നടക്കുക. പരസ്പരം സമ്മാനങ്ങളും മധുര പലഹാരങ്ങളും കൈമാറും. പല നിറങ്ങള്‍ ചാലിച്ച മധുര പലഹാരങ്ങള്‍ ആകര്‍ഷകമാണ്. പാല്‍, ഖാജു വിഭവങ്ങള്‍ക്കാണ് ആവശ്യക്കാരേറെയും.
അന്ധകാരത്തെ നീക്കി പ്രകാശത്തെ വരവേറ്റ് തിന്മയ്ക്ക് മേല്‍ നന്മ വിജയിക്കുന്ന ദീപാവലി ആഘോഷങ്ങള്‍ക്കായി ദീപങ്ങള്‍ ഒരുക്കും. രംഗോലികള്‍ തയ്യാറാകും.
ചെരാതുകളില്‍ എണ്ണത്തിരികളിട്ട് ദീപങ്ങളുടെ നിരയൊരുക്കിയും മധുരപലഹാരങ്ങള്‍ കൈമാറിയും പടക്കം പൊട്ടിച്ചും ഉത്സവം പൂര്‍വാധികം ഭംഗിയാക്കും നാടും നഗരവും.
ഉത്തരേന്ത്യയില്‍ അഞ്ച് നാള്‍ നീണ്ടു നില്‍ക്കുന്ന വലിയ ആഘോഷമാണ് ദീപാവലി. എന്നാല്‍ ദക്ഷിണേന്ത്യയില്‍ പ്രധാനമായും ഒരു ദിവസം മാത്രമേയുള്ളു. വനവാസശേഷം അയോദ്ധ്യയിലെത്തുന്ന ശ്രീരാമനെ ജനങ്ങള്‍ വരവേറ്റതിന്റെ ആഘോഷമായും ശ്രീകൃഷ്ണന്‍ നരകാസുരനെ വധിച്ച ദിനത്തിന്റെ ഓര്‍മ്മയായുമെല്ലാം ദീപാവലിയെ വാഴ്ത്താറുണ്ട്.
ഇത്തവണയും ആഘോഷങ്ങള്‍ക്ക് മാറ്റ് കൂട്ടാന്‍ പടക്ക കടകള്‍ നേരത്തെ തയ്യാറായിരുന്നു. മാലപ്പടക്കം മുതല്‍ സ്റ്റാര്‍ റഷ് പൂക്കുറ്റി വരെ, വിവിധ തരത്തിലുള്ള പടക്കങ്ങള്‍ വിപണിയില്‍ ലഭ്യമാണ്.
സമീക്ഷ യുകെ ദേശീയ സമ്മേളനം നവംബര്‍ 30ന്, സമ്മേളനത്തിന്റെ സുഖമമായ നടത്തിപ്പിന് 101 അംഗ സ്വാഗതസംഘം രൂപീകരിച്ചത്, സ്വാഗതസംഘം കണ്‍വീനര്‍മാരായി ദിനേശ് വെള്ളപ്പള്ളിയും ശ്രീകുമാര്‍ ഉള്ളാപ്പിള്ളിയും
ബെര്‍മിംഗ്ഹാമില്‍ വെച്ചുനടക്കുന്ന സമീക്ഷ യുകെ ദേശീയ സമ്മേളനത്തിന്റെ ഒരുക്കങ്ങള്‍ പുരോഗമിക്കുന്നു. സമ്മേളനത്തിന്റെ സുഖമമായ നടത്തിപ്പിന് 101 അംഗ സ്വാഗതസംഘം രൂപീകരിച്ചു. നാഷണല്‍ സെക്രട്ടറി ദിനേശ് വെള്ളപ്പള്ളി, പ്രസിഡന്റ് ശ്രീകുമാര്‍ ഉള്ളാപ്പിള്ളില്‍ എന്നിവരെ സ്വാഗതസംഘം കണ്‍വീനര്‍മാരായി തെരഞ്ഞെടുത്തു. ബെര്‍മിംഗ്ഹാം യൂണിറ്റില്‍ നിന്നുള്ള നാഷണല്‍ കമ്മിറ്റി അംഗം ഗ്ലീറ്ററാണ് സ്വാഗതസംഘം ചെയര്‍മാന്‍. ആതിഥേയ യൂണിറ്റിലെ മുഴുവന്‍ അംഗങ്ങളോടൊപ്പം സമീക്ഷയുടെ എല്ലാ യൂണിറ്റുകളില്‍ നിന്നും ഉള്ള പ്രതിനിധികളും സ്വാഗതസംഘത്തിലുണ്ട്.
നാഷണല്‍ സെക്രട്ടേറിയറ്റ്, നാഷണല്‍ കമ്മിറ്റി, യൂണിറ്റ് എക്സിക്യൂട്ടീവ് അംഗങ്ങള്‍ എന്നിവരുടെ സാന്നിധ്യത്തില്‍ കഴിഞ്ഞ ദിവസം ചേര്‍ന്ന യോഗത്തിലാണ് സ്വാഗതസംഘം രൂപീകരിച്ചത്. വിവിധ സബ് കമ്മിറ്റികളും പ്രവര്‍ത്തനം ആരംഭിച്ചു. ദേശീയ സമ്മേളനത്തിന് മുന്നോടിയായുള്ള യൂണിറ്റ് സമ്മേളനങ്ങള്‍ ഒരാഴ്ച കൊണ്ട് പൂര്‍ത്തിയാക്കും. നവംബര്‍ പകുതിയോടെ മുഴുവന്‍ ഏരിയാ സമ്മേളനങ്ങളും ചേരും. നവംബര്‍ 30ന് ബെര്‍മിംഗ്ഹാമിലെ ഹോളി നേം പാരിഷ് സെന്റര്‍ ഹാളിലാണ് ദേശീയ സമ്മേളനം. ഇരുന്നൂറോളം പ്രതിനിധികള്‍ പങ്കെടുക്കും.
കഴിഞ്ഞ രണ്ട് വര്‍ഷത്തെ പ്രവര്‍ത്തനം വിലയിരുത്തുന്ന സമ്മേളനം, അടുത്ത സമ്മേളന കാലയളവ് വരെയുള്ള നയപരിപാടികള്‍ ആസൂത്രണം ചെയ്യും. ചൂരല്‍മലയുടെ പുനര്‍നിര്‍മാണത്തിന് പണം സ്വരൂപിക്കുന്നതിന്റെ ഭാഗമായി ദേശീയ സമ്മേളനം ഒരു ദിവസത്തേക്ക് ചുരുക്കിയിട്ടുണ്ട്. കഴിഞ്ഞ കാലങ്ങളില്‍ ആഘോഷ പരിപാടികള്‍ ഉള്‍പ്പടെ രണ്ട് ദിവസമായിരുന്നു സമ്മേളനം. രാഷ്ട്രീയ-സാംസ്‌കാരിക രംഗത്തെ പ്രമുഖര്‍ സമ്മേളനത്തെ അഭിസംബോധന ചെയ്യും
കഴിഞ്ഞ വര്‍ഷം മുതല്‍ ഏര്‍പ്പെടുത്തിയ ആപ്പിള്‍ ഐഫോണ്‍ നിരോധനം നീക്കി ഇറാന്‍, ഇനി മുതല്‍ ഐഫോണ്‍ 14, 15, 16 മോഡലുകള്‍ ഇറാനില്‍ ലഭ്യമായിത്തുടങ്ങും
ടെഹ്‌റാന്‍: ഇറാനില്‍ ഇനി മുതല്‍ ആപ്പിള്‍ ഐഫോണ്‍ നിരോധനം ഇല്ല. ഐഫോണ്‍ പ്രേമികള്‍ക്ക് ആഹ്ലാദിക്കാനായി ആപ്പിള്‍ ഐഫോണ്‍ നിരോധനം നീക്കി ഇറാന്‍.
ഇതോടെ ഐഫോണ്‍ 14, 15, 16 മോഡലുകള്‍ ഇറാനില്‍ ലഭ്യമായിത്തുടങ്ങും. കഴിഞ്ഞ വര്‍ഷം 2023മുതലാണ് ഐഫോണ്‍ പുതിയ മോഡലുകള്‍ക്ക് ഇറാന്‍ നിരോധനം ഏര്‍പ്പെടുത്തിയത്.
ഐഫോണ്‍ ആരാധകര്‍ക്ക് ഏറെ ഞെട്ടലുണ്ടാക്കിയ സംഭവം ആയിരന്നു ഇത്. ഇപ്പോഴിതാ ആ വിഷമത്തിന് ഇറാന്‍ തന്നെ പരിഹാരവും കണ്ടെത്തിയിരിക്കുകയാണ്.
പുതിയ ഐഫോണ്‍ മോഡലുകള്‍ രജിസ്റ്റര്‍ ചെയ്യുന്നതിലെ പ്രശ്നം പരിഹരിച്ചതായി ടെലികമ്യൂണിക്കേഷന്‍ മന്ത്രി സതാര്‍ ഹാഷെമി എക്സില്‍ പറഞ്ഞു. നിരോധനത്തിനു ശേഷവും ഐഫോണ്‍ 13ഉം പഴയ പതിപ്പുകളും ഇറക്കുമതി ചെയ്യാന്‍ തടസമില്ലായിരുന്നു.
എന്നാല്‍ ഐഫോണ്‍ 14 മുതലുള്ള പുതിയ മോഡലുകള്‍ രാജ്യത്ത് എത്തിച്ചാല്‍ ഒരു മാസത്തിനു ശേഷം പ്രവര്‍ത്തനം നിലയ്ക്കുമായിരുന്നു. വിനോദസഞ്ചാരികള്‍ക്കായാണ് ഈ ഇളവ് നല്‍കിയിരുന്നത്.
Most Read
British Pathram Recommends
