1970 മുതല് 1991 വരെയുള്ള കാലഘട്ടത്തില് 30,000-ത്തിലധികം ആളുകള്ക്ക് ഇന്ഫെക്ഷന് ബാധിച്ച രക്തം കുത്തിവെച്ചത് വഴി 3000 പേര് മരണമടഞ്ഞ എന്എച്ച്എസ് ചരിത്രത്തിലെ ഏറ്റവും വലിയ ചികിത്സ ദുരന്ത ഇരകള്ക്കുള്ള നഷ്ടപരിഹാരത്തിന്റെ പ്രാഥമിക വിവരങ്ങള് പുറത്തുവന്നു. ക്യാബിനറ്റ് മന്ത്രിയായ ജോണ് ഗ്ലെന്ഹാസ് ആണ് വിവരങ്ങള് ഹൗസ് ഓഫ് കോമണ്സില് അവതരിപ്പിച്ചത്. ഇതിന്റെ അടിസ്ഥാനത്തില് 210,000 പൗണ്ടിന്റെ ഇടക്കാല പെയ്മെന്റുകള് 90 ദിവസത്തിനുള്ളില് നല്കുമെന്ന് അദ്ദേഹം പറഞ്ഞു.
നഷ്ടപരിഹാരത്തിന്റെ കൂടുതല് വിവരങ്ങള് അറിയാന് അന്തിമ പദ്ധതി നിലവില് വരുന്നത് വരെ കാത്തിരിക്കേണ്ടതായി വരും. അധികം താമസിയാതെ സമയബന്ധിതമായി അന്തിമ നഷ്ടപരിഹാരത്തിന്റെ പൂര്ണ്ണരൂപം പുറത്തുവിടുമെന്നാണ് റിപ്പോര്ട്ടുകള് സൂചിപ്പിക്കുന്നത്. രക്തം സ്വീകരിച്ചത് മൂലം പ്രശ്നം നേരിടുന്ന ജീവിച്ചിരിക്കുന്നവര്, രോഗബാധിതരുടെ ആശ്രിതര് എന്നിവര്ക്ക് സഹായം ലഭിക്കുന്നതിന് അര്ഹത ഉണ്ടാകും. 2024 അവസാനത്തിന് മുമ്പ് നഷ്ടപരിഹാരത്തിന്റെ അവസാന ഗഡു കൊടുത്തു തീര്ക്കുമെന്നാണ് പുറത്തുവരുന്ന വിവരങ്ങള് സൂചിപ്പിക്കുന്നത്. 1970 മുതല് 1991 വരെ 30,000-ത്തിലധികം ആളുകളാണ് മലിനമായ രക്തം സ്വീകരിച്ചത് മൂലം രോഗബാധിതരായത്. ഇവരില് 3,000 പേര് മരിച്ചു.