![](https://britishpathram.com/malayalamNews/96633-uni.jpg)
ആകാശച്ചുഴിയില്പ്പെട്ട് സിങ്കപ്പൂര് എയര്ലൈന്സ് വിമാനം അതിശക്തമായി ആടിയുലഞ്ഞതിനെത്തുടര്ന്ന് ബ്രിട്ടീഷ് പൗരന് മരിക്കുകയും എഴുപതോളം പേര്ക്ക് പരിക്കേല്ക്കുകയും ചെയ്ത സംഭവത്തില് ക്ഷമാപണം നടത്തി വിമാനക്കമ്പനി. യാത്രക്കാര്ക്കുണ്ടായ മാനസികാഘാതത്തില് ഖേദിക്കുന്നെന്ന് സിങ്കപ്പൂര് എയര്ലൈന്സ് സി.ഇ.ഒ ഗോ ചൂന് ഫോങ് വീഡിയോ സന്ദേശത്തില് പറഞ്ഞു. മരിച്ച വ്യക്തിയുടെ കുടുബത്തേയും പ്രിയപ്പട്ടവരേയും അനുശോചനം അറിയിക്കുന്നു. യാത്രക്കാര് അനുഭവിക്കേണ്ടി വന്ന മാനസികാഘാതത്തില് ഖേദിക്കുന്നു. യാത്രക്കാര്ക്കും ജീവനക്കാര്ക്കും ആവശ്യമായ എല്ലാ പിന്തുണയും നല്കാന് പ്രതിജ്ഞാബദ്ധമാണ്. അന്വേഷണത്തോട് പൂര്ണമായി സഹകരിക്കുമെന്നും അദ്ദേഹം വ്യക്തമാക്കി.
വിമാനം ഉലഞ്ഞതോടെ യാത്രക്കാരില് ചിലരുടെ തല വിമാനത്തിന്റെ മേല്ത്തട്ടില് ഇടിച്ചതായി വിമാനത്തിലുണ്ടായിരുന്ന വിദ്യാര്ഥി റോയിട്ടേഴ്സിനോട് പ്രതികരിച്ചു. സീറ്റ് ബെല്റ്റ് ഇടാതിരുന്ന യാത്രക്കാര്ക്കാണ് പരിക്കേറ്റത്. ഇവര് ഉടന് തന്നെ മുകളിലേക്ക് തെറിച്ചുപോയി. ബാഗുകള് വയ്ക്കുന്ന സ്ഥലത്തേക്കാണ് ഇവരുടെ തലയിടിച്ചത്. അവിടെയുണ്ടായിരുന്ന ലൈറ്റുകള് അപകടത്തില് തകര്ന്നത് ഇവര്ക്ക് സാരമായി പരിക്കേല്ക്കുന്നതിന്കാരണമായി. ശൗചാലയത്തിലുണ്ടായിരുന്ന ജീവനക്കാര്ക്കും യാത്രക്കാര്ക്കുമാണ് അപകടത്തില് ഏറ്റവും കൂടുതല് പരിക്കേറ്റത്. എഴുന്നേല്ക്കാന് പറ്റാത്ത സ്ഥിയിലായിരുന്നു ഇവര്. നട്ടെല്ലിനും തലയ്ക്കും പരിക്കേറ്റ നിലയിലായിരുന്നു ഇവരെന്നും വിദ്യാര്ഥി കൂട്ടിച്ചേര്ത്തു.
മൂന്ന് ഇന്ത്യക്കാരുള്പ്പെടെ 211 യാത്രക്കാരും 18 ജീവനക്കാരുമായി ഹീത്രൂ വിമാനത്താവളത്തില്നിന്നു പുറപ്പെട്ട ബോയിങ് 777-300 ഇ.ആര്. വിമാനമാണ് ചൊവ്വാഴ്ച ഉച്ചകഴിഞ്ഞ് അപകടത്തില്പ്പെട്ടത്. 37,000 അടി ഉയരത്തില് പറക്കുകയായിരുന്ന വിമാനം അഞ്ചുമിനിറ്റിനുള്ളില് 31,000 അടിയിലേക്കു താണപ്പോഴാണ് ഉലച്ചിലുണ്ടായത്. ചുറ്റുമുള്ള വായുപ്രവാഹത്തിലുണ്ടാകുന്ന മാറ്റങ്ങളാണ് വിമാനങ്ങളുടെ ഉലച്ചിലിന് ഇടയാക്കുന്നത്.
തുടര്ന്ന്, ചൊവ്വാഴ്ച ഉച്ചകഴിഞ്ഞ് ു്പദേശിക സമയം 3.45-ന് തായ്ലാന്ഡിലെ ബാങ്കോക്കില് വിമാനം അടിയന്തരമായി ഇറക്കി. 71 പേര്ക്ക് അപകടത്തില് പരിക്കേറ്റു. ആറുപേരുടെ പരിക്ക് ഗുരുതരമാണ്. ഗുരുതരമായി പരുക്കേറ്റിട്ടും ക്രൂ അംഗങ്ങള് യാത്രക്കാരെ സഹായിക്കാന് ശ്രമിച്ചതായി ദൃക്സാക്ഷികള് പറയുന്നു. 73 വയസ്സുള്ള ബ്രിട്ടീഷുകാരന് ജിയോഫ് കിച്ചനാണ് മരിച്ചത്. ഹൃദയാഘാതമാകാം മരണകാരണമെന്നാണു വിവരം.
More Latest News
വാറ്റ്ഫോഡ് വേഡ് ഓഫ് ഹോപ്പ് ബെദേസ്ഥ പെന്തക്കോസ്തല് ഫെലോഷിപ്പിന്റെ ക്രിസ്തീയ ആരാധന ലണ്ടന് വെംബ്ലിയില്, ഞായറാഴ്ചകളില് രാവിലെ 10 മുതല് ക്രിസ്തീയ ആരാധനയും വെള്ളിയാഴ്ചകളില് വൈകുന്നേരം ഏഴു മണി മുതല് പ്രയര് മീറ്റിങ്ങും
![](https://britishpathram.com/malayalamNews/thumb/97078-uni.jpg)
ഇത് മലയാളത്തിലെ പ്രിയനടി ശ്രീവിദ്യ തന്നെയാണോ? ശ്രീവിദ്യയുടെ ലുക്കിലെത്തി നടി വീണ നായര്, ഇത് വല്ലാത്ത സാദൃശ്യം ആണെന്ന് സോഷ്യല് മീഡിയ
![](https://britishpathram.com/malayalamNews/thumb/97077-uni.jpg)
'ഞങ്ങള് ഈ ദിവസം ആഘോഷിക്കാന് ആഗ്രഹിച്ചത് ഇങ്ങനെയല്ല, 40-കളിലേക്ക് എത്തിയ എന്റെ മനുഷ്യന് ജന്മദിനാശംസകള്' ഭര്ത്താവിന് പിറന്നാള് ആശംസ അറിയിച്ച് അശ്വതി ശ്രീകാന്ത്
![](https://britishpathram.com/malayalamNews/thumb/97076-uni.jpg)
'ലാലേട്ടന് കാറില് നിന്ന് ഇറങ്ങാനേ പറ്റുന്നില്ല, അത്രയും ജനക്കൂട്ടം, അതിനിടയില് നിന്നാണ് ശശിയേട്ടന് ദേവാസുരം ക്ലൈമാക്സ് ഷൂട്ട് ചെയ്തത്' എം.പത്മകുമാര്
![](https://britishpathram.com/malayalamNews/thumb/97075-uni.jpg)
'കാഴ്ചയില് പക്വത ഇല്ലെന്ന് പറഞ്ഞ് അന്ന് കമല്സര് നായകനായ സിനിമയിലേക്ക് സെലക്ഷന് കിട്ടിയില്ല' 28 വര്ഷം മുന്പുള്ള അനുഭവം തുറന്ന് പറഞ്ഞ് നടന് വിജയ് സേതുപതി
![](https://britishpathram.com/malayalamNews/thumb/97074-uni.jpg)