![](https://britishpathram.com/malayalamNews/96809.jpg)
യുകെയും ഓസ്ട്രേലിയയും കുടിയേറ്റ നിയന്ത്രണ നിയമങ്ങൾ കർശനമാക്കുകയും ന്യൂസിലാൻഡിൽ തൊഴിൽ അവസരങ്ങൾ കുറയുകയും ചെയ്തതോടെ സമീപകാലത്ത് ആയിരക്കണക്കിന് മലയാളി നഴ്സുമാരാണ് അയർലാൻഡിൽ ജോലിനേടി എത്തിയത്.
ഇംഗ്ലീഷ് ഭാഷാ ടെസ്റ്റിലെ കുറഞ്ഞ സ്കോറും യോഗ്യതകളിലെ കുറവുകളും മൂലം യുകെയിലും മറ്റും രജിസ്ട്രേഷൻ നടത്താനാകാതെ വന്ന നഴ്സുമാർക്കും അയർലൻഡ് രക്ഷാതാവളമായി. മറ്റിടങ്ങളെ അപേക്ഷിച്ച് പ്രവേശന മാനദണ്ഡങ്ങൾ അയർലൻഡിൽ ലളിതമാണെന്നതായിരുന്നു കാരണം.
എന്നാലിപ്പോൾ അവിടെയെത്തിയ മലയാളി നഴ്സുമാർ ഉൾപ്പടെയുള്ള ഇന്ത്യൻ നഴ്സുമാർ പുതിയൊരു വെല്ലുവിളി നേരിടുകയാണെന്ന് ആഗോള മലയാളി പ്രവാസി സംഘടന റിപ്പോർട്ടുചെയ്യുന്നു. സമൂഹമാധ്യമമായ 'എക്സ് 'ല് കൂടി അയർലൻഡ് സ്വദേശി നടത്തിയ രാജ്യ വിരുദ്ധത പ്രസ്താവനയിലും അയർലൻഡിലെ പ്രവാസി സമൂഹത്തോടുള്ള വംശീയ വിദ്വേഷ നിലപാടിലും കടുത്ത പ്രതിഷേധവുമായി വേള്ഡ് മലയാളി കൗണ്സില് അയർലൻഡ് പ്രോവിന്സാണ് രംഗത്തെത്തിയത്.
കുടിയേറ്റ പ്രവാസി സമൂഹത്തിനെതിരെ ഒരു അയർലൻഡ് വംശീയവാദി നടത്തിയ പരാമര്ശങ്ങള് ആയിരക്കണക്കിന് പേരാണ് ഷെയര് ചെയ്തത്. മറ്റ് സമൂഹ മാധ്യമങ്ങളില് കൂടിയും പ്രവാസികള്ക്കെതിരായ നീക്കങ്ങൾ നടക്കുന്നു.
ഇന്ത്യക്കാര് ഉള്പ്പെടെയുള്ള അന്യദേശീയ വിഭാഗങ്ങളോട് കാണിക്കുന്ന അസഹിഷ്ണുതയും അക്രമാസക്തതയും തടയാന് അയർലാൻഡ് സർക്കാർ ഇടപെടണമെന്ന് വേള്ഡ് മലയാളി കൗണ്സില് ഭാരവാഹികള് ജസ്ററിസ് മിനിസ്ററര്ക്കും ഗാര്ഡ് കമ്മീഷണര്ക്കും നല്കിയ പരാതിയില് ആവശ്യപ്പെടുന്നു.
ഇതുസംബന്ധിച്ച് വേള്ഡ് മലയാളി കൗണ്സില് അയര്ലണ്ടിലെ ഇന്ത്യന് അംബാസഡര്ക്കും പരാതി നല്കിയിട്ടുണ്ട്. ഇന്ത്യക്കാർക്കെതിരെയുള്ള വംശീയ വിദ്വേഷ പ്രചാരണങ്ങൾ അയർലൻഡിൽ സമീപകാലത്ത് കൂട്ടിവരികയാണെന്നും പരാതിയിൽ ചൂണ്ടിക്കാണിക്കുന്നു.
അയർലാൻഡ് ഗവണ്മെന്റ് നല്കിയ വിസയിലും വര്ക്ക്പെര്മിറ്റിലും ഇവിടെ വന്ന് ജോലിചെയ്യുകയും, ബിസിനസ് ചെയ്യുകയും, സ്ററുഡന്റ് വിസയില് എത്തി പഠിക്കുകയും പാര്ട്ട് ടൈം ജോലി ചെയ്യുകയും ചെയ്യുന്ന ആയിരക്കണക്കിന് വിദേശ പൗരന്മാർ ഇതുമൂലം ഭയത്തോടെയാണ് ഇപ്പോഴുള്ള നീക്കങ്ങളെ കാണുന്നത് എന്ന് പരാതിയില് പറയുന്നു.
വിദേശീയ വിദ്വേഷത്തിന്റെ പേരില് നടക്കുന്ന അപലപനീയമായ പ്രവൃത്തികള്ക്ക് കുടിയേറ്റക്കാര് ഇരയാവുന്നത് തടയാന് ഗവൺമെന്റിന്റെ അടിയന്തര നടപടികള് ഉറപ്പു വരുത്തണമെന്നും വേള്ഡ് മലയാളി കൗണ്സില് അയര്ലന്ഡ് പ്രോവിന്സ് യോഗം ആവശ്യപ്പെട്ടു.
ചെയര്മാന് ദീപു ശ്രീധര്, പ്രഡിഡന്റ് ബിജു സെബാസ്ററ്യന്, സെക്രട്ടറി റോയി പേരയില്, ട്രഷറര് മാത്യു കുര്യാക്കോസ്, യൂറോപ്പ് റീജിയന് വൈസ് പ്രസിഡണ്ടും മുന് ഗ്ലോബൽ വൈസ് ചെയര്മാനുമായ രാജു കുന്നക്കാട്ട്,യൂറോപ്പ് റീജിയന് വൈസ് ചെയര്മാനും മുന് ഗ്ലോബല് വൈസ് ചെയര്മാനുമായ ബിജു വൈക്കം, , യൂത്ത് ഫോറം പ്രസിഡന്റ് ജിജോ പീടികമല, മെഡിക്കല് ഫോറം പ്രസിഡന്റ് രാജന് പൈനാടത്ത്, വിമന്സ് ഫോറം ഗ്ളോബല് വൈസ് പ്രസിഡന്റും അയർലൻഡ് പ്രോവിന്സ് ചെയര്പേഴ്സണുമായ ജീജ ജോയി വര്ഗീസ്, പ്രസിഡന്റ് ജൂഡി ബിനു, സെക്രട്ടറി ലീന ജയന്, യൂറോപ്പ് പ്രതിനിധി രാജി ഡൊമിനിക് എന്നിവര് സമ്മേളനത്തിൽ പുതിയ പ്രതിസന്ധിയെക്കുറിച്ച് സംസാരിച്ചു. ഗവണ്മെന്റുമായി കൂടുതല് ചര്ച്ച നടത്താന് വേള്ഡ് മലയാളി കൗണ്സില് ചെയര്മാന് ദീപു ശ്രീധറിനെ യോഗം ചുമതലപ്പെടുത്തി.
ഇംഗ്ലീഷ് ടെസ്റ്റിൽ സ്കോർ കുറവുള്ള നിരവധി മലയാളി നഴ്സുമാർ സമീപവർഷങ്ങളിൽ അയർലാൻഡിലേക്ക് കുടിയേറിയിട്ടുണ്ട്. ഇവരിൽ വലിയൊരു വിഭാഗം കെയറർമാരായും ജോലിചെയ്യുന്നു.
അയർലാൻഡിൽ ജോലിചെയ്ത പ്രവർത്തന പരിചയമുണ്ടെങ്കിൽ, യുകെ അടക്കമുള്ള ഇതര യൂറോപ്യൻ രാജ്യങ്ങളിലേക്ക് ഇവർക്ക് വളരെ വേഗത്തിൽ രജിസ്ട്രേഷൻ നടത്തി ജോലിനേടുവാൻ കഴിയും എന്നതാണ് ആകർഷകമായത്.
എന്നാൽ കടുത്ത യാഥാസ്ഥിതികവാദികൾ ധാരാളമുള്ള രാജ്യമാണ് അയർലാൻഡ്. ബ്രിട്ടനുമായി വർഷങ്ങളോളം നീണ്ട ആഭ്യന്തര യുദ്ധത്തിനുശേഷമാണ് അയർലാൻഡ് സ്വതന്ത്ര രാജ്യമായത്. യുകെയിൽ അംഗത്വമുള്ള ഭാഗം നോർത്തേൺ അയർലാൻഡ് എന്നും അറിയപ്പെടുന്നു.
More Latest News
വിദ്യാര്ത്ഥികള്ക്ക് വേണ്ടി ഫ്ളിപ്പ്കാര്ട്ട് അവതരിപ്പിക്കുന്ന ബാക്ക് ടു കാമ്പസ് കാംപയിന്, ഇന്ന് മുതല് ഫ്ളിപ്കാര്ട്ടില് ഓഫര് പെരുമഴ
![](https://britishpathram.com/malayalamNews/thumb/97210-uni.jpg)
വാട്സ്ആപ്പ് വീഡിയോ കോളിംഗിന് പുതിയ മാറ്റങ്ങള് വരുന്നു, ഇനി വീഡിയോ കോള് അല്പം സുന്ദരമാക്കാം
![](https://britishpathram.com/malayalamNews/thumb/97209-uni.jpg)
ഉറങ്ങാന് കിടന്നത് ആണായി പക്ഷെ ഉണര്ന്നപ്പോള് സ്ത്രീയായി മാറി, വ്യക്തിവൈരാഗ്യത്തിന്റെ പേരില് യുവാവിനെ അനസ്തേഷ്യ നല്കി ലിംഗമാറ്റ ശസ്ത്രക്രിയ നടത്തിയെന്ന് പരാതി
![](https://britishpathram.com/malayalamNews/thumb/97208-uni.jpg)
കാത്തിരുന്ന ഉപ്പും മുളകും സീസണ് മൂന്ന് വരുന്നു, ഇക്കുറി കുട്ടുമാമനും കൂടെ രണ്ട് പുതുമുഖ കുട്ടി താരങ്ങളും
![](https://britishpathram.com/malayalamNews/thumb/97207-uni.jpg)
'ലാലേട്ടനെ കണ്ടപ്പോള് സീസണ് 4ലെ എന്റെ 100 ദിവസത്തെ യാത്രയും, ബുദ്ധിമുട്ടുകളും, അവസാന ദിവസവുമാണ് ഓര്മയില് വന്നത്', ബിഗ്ബോസ് താരം ധന്യമേരി വര്ഗ്ഗീസ്
![](https://britishpathram.com/malayalamNews/thumb/97206-uni.jpg)