![](https://britishpathram.com/malayalamNews/96835-uni.jpg)
ഇന്ത്യന് ക്രിക്കറ്റ് ടീമിന്റെ പരിശീലക സ്ഥാനത്തെത്തുന്നതില് ആദ്യമായി പ്രതികരിക്കുകയാണ് ഗൗതം ഗംഭീര്. ഇന്ത്യയുടെ കോച്ചാകുമെന്നുള്ള വെളിപ്പെടുത്തല് ഒരു ഐപിഎല് ഫ്രാഞ്ചൈസി ഉടമ നടത്തിയെന്നുള്ള റിപ്പോര്ട്ടുകളും പ്രചരിക്കുന്നുണ്ട്.ഇപ്പോള് ഇന്ത്യന് ടീമിന്റെ പരിശീലകനാകുന്നതിനെ കുറിച്ച് സംസാരിക്കുകകയാണ് ഗംഭീര്.
'ഇന്ത്യന് ടീമിന്റെ പരിശീലകനാവുകയെന്നത് എനിക്കിഷ്ടമാണ്. ദേശീയ ടീമിന്റെ പരിശീലകനാവുക എന്നതില് പരം വലിയ ബഹുമതി മറ്റൊന്നില്ല. ഇന്ത്യന് ടീമിനെ പരിശീലിപ്പിക്കുമ്പോള് 140 കോടി ഇന്ത്യക്കാരെയും ലോകമെമ്പാടുമുള്ള ആരാധകരെയുമാണ് പ്രതിനിധീകരിക്കുന്നത്. ഇന്ത്യയ്ക്ക് ലോകകപ്പ് ലഭിച്ചത് ആ 140 കോടി ജനങ്ങളുടെ പ്രാര്ത്ഥനയുടെ ഫലമാണ്',? ?ഗംഭീര് പറഞ്ഞു.
അബുദാബിയില് വിവിധ സ്പോര്ട്സ് അക്കാദമികളില് നിന്നുള്ള വിദ്യാര്ഥികളുമായുള്ള സംവാദത്തിനിടെയായിരുന്നു ??ഗംഭീറിന്റെ പ്രതികരണം. ഇന്ത്യ ലോകകപ്പ് നേടാന് മൈതാനത്തിനു അകത്തും പുറത്തുമുള്ള എല്ലാവരുടെയും കൂട്ട പരിശ്രമം ആവശ്യമാണെന്നും അദ്ദേഹം അഭിപ്രായപ്പെട്ടു. ടി20 ലോകകപ്പില് ഇന്ത്യ വിജയിക്കുമെന്നും അതിന് ഭയമില്ലാതെ ഇരിക്കുകയാണ് പ്രധാനമെന്നും ?ഗംഭീര് കൂട്ടിച്ചേര്ത്തു.
ട്വന്റി 20 ലോകകപ്പോടെ രാഹുല് ദ്രാവിഡ് ടീം ഇന്ത്യയുടെ പരിശീലക സ്ഥാനത്ത് നിന്ന് പടിയിറങ്ങും. പകരം ആര് ഇന്ത്യന് കോച്ചാകുമെന്ന ചര്ച്ചകളിലാണ് ഇന്ത്യന് ക്രിക്കറ്റ് ലോകം. ബിസിസിഐയ്ക്ക് അപേക്ഷ സമര്പ്പിച്ചവര് ആരൊക്കെ എന്ന് ഇതുവരെ പുറത്തുവന്നിട്ടില്ല.
More Latest News
ഗ്രേറ്റ് ബ്രിട്ടന് സീറോ മലബാര് രൂപതാ ഇവാഞ്ചലൈസേഷന് കമ്മീഷന്റെ നേതൃത്വത്തില് ദമ്പതികള്ക്കായി ത്രിദിന ധ്യാനം, ആടുത്ത മാസം 21 മുതല് 23 വരെ ഫാ.ജോസഫ് മുക്കാട്ടും സിസ്റ്റര് ആന് മരിയയും നയിക്കും
![](https://britishpathram.com/malayalamNews/thumb/97288-uni.jpg)
സ്റ്റോക്കിലെയും പരിസര പ്രദേശങ്ങളിലും ഉള്ള മലയാളി സമൂഹങ്ങളെ സംഗീത ലഹരിയിലാഴ്ത്തി 'മധുരിക്കും ഓര്മകളെ', സ്റ്റോക്ക് മ്യൂസിക് ഫൌണ്ടേഷന് ഒരുക്കിയ സംഗീതരാവില് മലയാളം-തമിഴ്-ഹിന്ദി മെലടികളുടെ പെരുമഴ
![](https://britishpathram.com/malayalamNews/thumb/97287-uni.jpg)
പശുവിന് പാല് കുഞ്ഞുങ്ങള്ക്ക് കൊടുക്കുന്നത് നല്ലതാണോ? ആരോഗ്യ വിദഗ്ദര് പറയുന്നത് ഇങ്ങനെ
![](https://britishpathram.com/malayalamNews/thumb/97286-uni.jpg)
ഇനി മുതല് വാട്സ്ആപ്പ്, ഫെയ്സ്ബുക്ക്, ഇന്സ്റ്റഗ്രാം എന്നിവയില് എല്ലാം എഐ അസിസ്റ്റന്റ് ലഭ്യം, അറിയിച്ച് മെറ്റ
![](https://britishpathram.com/malayalamNews/thumb/97285-uni.jpg)
സലാം എയര് ചെന്നൈ- മസ്ക്കറ്റ് പുതിയ വിമാന സര്വീസ് പ്രഖ്യാപിച്ചു, ജൂലൈ 11ന് സര്വീസ് ആരംഭിക്കും
![](https://britishpathram.com/malayalamNews/thumb/97284-uni.jpg)