യു.എ.ഇ. പൊതുമാപ്പ് കാലാവധി രണ്ട് മാസത്തേക്ക് കൂടി നീട്ടിയതായി ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ഷിപ്പ്, കസ്റ്റംസ് ആന്‍ഡ് പോര്‍ട്ട് സെക്യൂരിറ്റി അധികൃതര്‍ അറിയിച്ചു. സെപ്റ്റംബര്‍ ഒന്നിന് ആരംഭിച്ച പൊതുമാപ്പ് പദ്ധതി ഇന്ന് അവസാനിക്കാനിരിക്കുകയായിരുന്നു. ഈ സാഹചര്യത്തിലാണ് രണ്ട് മാസത്തേക്ക് കൂടി നീട്ടിയത്. പുതിയ സമയപരിധി ഡിസംബര്‍ 31-ന് അവസാനിക്കും. നിയമംലംഘിച്ച് യുഎഇയില്‍ താമസിക്കുന്ന പ്രവാസികള്‍ക്ക് പദവി ശരിയാക്കാനും പിഴ കൂടാതെ സ്വന്തം രാജ്യത്തേയ്ക്ക് മടങ്ങാനുമാണ് യുഎഇ പൊതുമാപ്പ് ഏര്‍പ്പെടുത്തിയത്. ഇതിനകം ആയിരക്കണക്കിന് പേര്‍ പുതിയ കമ്പനികളില്‍ ജോലി കണ്ടെത്തി താമസ രേഖകള്‍ നിയമപരമാക്കുകയും പിഴ കൂടാതെ നാട്ടിലേയ്ക്ക് മടങ്ങിയിട്ടുണ്ട്. നിയമവിരുദ്ധമായി രാജ്യത്ത് താമസിക്കുന്നവര്‍ക്ക് ഏറെ പ്രതീക്ഷ നല്‍കുന്നതാണ് യുഎഇ. പ്രഖ്യാപിച്ച പൊതുമാപ്പ് പദ്ധതി. യു.എ.ഇയുടെ 53-ാമത് ദേശീയദിനത്തോട് അനുബന്ധിച്ചാണ് പൊതുമാപ്പ് നീട്ടാന്‍ തീരുമാനിച്ചതെന്ന് അധികൃതര്‍ അറിയിച്ചു.

ദീപാവലി ആഘോഷത്തിന്റെ ഭാഗമായി വീട്ടില്‍ നടത്തിയ ഒരു ക്ലീനിങ്ങ് കാരണം വലിയൊരു അബദ്ധം പറ്റി കുടുംബം. രാജസ്ഥാനിലെ ഭില്വാര സ്വദേശിക്കാണ് ഇത്തരത്തില്‍ വലിയൊരു മണ്ടത്തരം സംഭവിച്ചത്. നാല് ലക്ഷം രൂപ വില വരുന്ന സ്വര്‍ണ്ണാഭരണങ്ങള്‍ മാലിന്യ ട്രക്കിലേക്ക് എടുത്ത് എറിയുകയായിരുന്നു ഇവര്‍. വീട്ടുടമസ്ഥനായ ചിരാഗ് ശര്‍മ്മയ്ക്കാണ് ഇത്തരത്തില്‍ ഒരു അബദ്ധം സംഭവിച്ചത്. ദീപാവലിക്ക് ഒരുങ്ങുന്നതിനായി വീട് വൃത്തിയാക്കുന്നതിനിടെ സ്വര്‍ണം ഒരു പ്രത്യേക സ്ഥലത്ത് മാറ്റിവച്ചതായി വീട്ടുടമസ്ഥനായ ചിരാഗ് ശര്‍മ്മ പറഞ്ഞു. എന്നാല്‍, മാലിന്യം ശേഖരിക്കാനായി മാലിന്യ ട്രക്ക് വീട്ടിന് മുന്നിലെത്തിയപ്പോള്‍ എത്തിയപ്പോള്‍ അബദ്ധത്തില്‍ മാറ്റിവച്ച സ്വര്‍ണ്ണം ഉള്‍പ്പടെ എടുത്ത് മാലിന്യ ട്രക്കിലേക്ക് തള്ളുകയായിരുന്നു. ഏറെ നേരം കഴിഞ്ഞാണ് അബദ്ധം മനസിലായതെന്നും ചിരാഗ് കൂട്ടിച്ചേര്‍ത്തു. അബദ്ധം മനസിലാക്കിയ ഉടനെ കുടുംബം മുനിസിപ്പല്‍ കോര്‍പ്പറേഷന്‍ മേയര്‍ രാകേഷ് പഥക്കിനെയും മറ്റ് ഉദ്യോഗസ്ഥരെയും വിവരം അറിയിച്ചു. വിവരമറിഞ്ഞ ഉടനെ മേയറുടെ നേതൃത്വത്തില്‍ ഒരു പ്രത്യേക സംഘം രൂപീകരിക്കുകയും ഏറെ മണിക്കൂറുകള്‍ നീണ്ട് പരിശ്രമത്തിനൊടുവില്‍ സ്വര്‍ണ്ണം കണ്ടെത്തുകയും ചെയ്തു. നഷ്ടപ്പെട്ട സ്വര്‍ണ്ണം തിരിച്ച് കിട്ടിയതില്‍ വലിയ സന്തോഷമുണ്ടെന്നും അദ്ദേഹം പറഞ്ഞു. സ്വര്‍ണ്ണം നഷ്ടപ്പെട്ടതായി വിവരം ലഭിച്ച മേയര്‍, അപ്പോള്‍ തന്നെ മാലിന്യ ട്രക്ക് ഡ്രൈവറുമായി ബന്ധപ്പെടുകയും ട്രക്ക് സഞ്ചരിച്ച വഴി പിന്തുടരാന്‍ കോര്‍പ്പറേഷനിലെ ഉദ്യോഗസ്ഥരെ ഏര്‍പ്പാടുക്കുകയുമായിരുന്നെന്ന്  27 നമ്പര്‍ വാര്‍ഡിലെ സൂപ്പര്‍വൈസറായ ഹേമന്ത് കുമാര്‍ പറഞ്ഞു. എന്നാല്‍, ഇതിനകം ട്രക്കിലെ മാലിന്യം മാലിന്യക്കൂമ്പാരത്തിലേക്ക് ഇറക്കിയിരുന്നു. പിന്നാലെ സ്ഥലത്തെത്തിയവര്‍ മണിക്കൂറുകള്‍ നീണ്ട തിരച്ചിലിനെടുവില്‍ മാലിന്യ കൂമ്പാരത്തില്‍ നിന്നും സ്വര്‍ണ്ണം കണ്ടെടുത്ത് വീട്ടുടമസ്ഥന് തിരികെ നല്‍കിയെന്നും റിപ്പോര്‍ട്ടുകള്‍ പറയുന്നു.

ഭാര്യയും ഭര്‍ത്താവും കുറ്റവും പ്രശ്‌നങ്ങളുടെയും പേരില്‍ വിവാഹ മോചനം നേടും. ചിലപ്പോള്‍ ഒത്തു പോകാന്‍ സാധിക്കാത്തതിന്റെ പേരില്‍ ആയിരിക്കും ഈ വേര്‍പിരിയല്‍. എന്നാല്‍ വീണു പോയ സമയത്ത് പൊന്നു പോലെ നോക്കിയ ഭാര്യയെ ഉപേക്ഷിച്ച് പോയാല്‍ എന്ത് ചെയ്യും? അത്തരത്തില്‍ ഒരു വിവാഹ മേചന വാര്‍ത്തയാണ് എല്ലാവരെയും ഞെട്ടിക്കുന്നത്. മലേഷ്യയില്‍ തന്റെ പ്രയാസകരമായ സമയങ്ങളില്‍ തനിക്കൊപ്പം നിന്ന ഭാര്യയെ ഉപേക്ഷിച്ചാണ് യുവാവ് മറ്റൊരു സ്ത്രീയെ വിവാഹം കഴിച്ചിരിക്കുന്നത് . മസ്തിഷ്‌കാഘാതം മൂലം 6 വര്‍ഷം കിടപ്പിലായപ്പോള്‍ ഭര്‍ത്താവിനെ പരിചരിച്ചും ഒപ്പം നിന്നു ഭാര്യ ഭര്‍ത്താവിനെ സ്‌നേഹിച്ചു. പക്ഷെ സുഖം പ്രാപിച്ചതോടെ ഭര്‍ത്താവ് ഭാര്യയെ ദിവസങ്ങള്‍ക്കുള്ളില്‍ ഉപേക്ഷിച്ച് മറ്റൊരു വിവാഹം കഴിച്ചു. 2016 ലാണ് നൂറുല്‍ സയാസ് സൈസ്വാനി എന്ന യുവതിയെ യുവാവ് വിവാഹം കഴിച്ചത്. ദമ്പതികള്‍ക്ക് മകന്‍ ജനിച്ച് അല്‍പ നാളുകള്‍ക്കുള്ളില്‍ തന്നെ യുവാവ് വാഹനാപകടത്തില്‍ പെട്ട് തളര്‍ന്ന് കിടപ്പിലായി. ഈ അവസരത്തില്‍ ഭര്‍ത്താവിന് ആഹാരം നല്‍കുന്നത് മുതല്‍ ഡയപ്പര്‍ മാറ്റുന്നത് വരെ ചെയ്ത് പരിചരിച്ചത് നൂറുല്‍ സയാസ് സൈസ്വാനിയായിരുന്നു. എന്നാല്‍ ഭാര്യയുടെ പരിചരണത്തില്‍ പൂര്‍ണ്ണമായി സുഖം പ്രാപിച്ച യുവാവ് കുറച്ച് ദിവസങ്ങള്‍ക്കകം തന്നെ ഭാര്യയെ വിവാഹമോചനം ചെയ്തു. വിവാഹമോചനത്തിന് ഒരാഴ്ചയ്ക്ക് ശേഷം മറ്റൊരു സ്ത്രീയെ വിവാഹം കഴിക്കുകയും ചെയ്തു. നൂറുല്‍ സയാസ് സൈസ്വാനിയും തന്റെ ഭര്‍ത്താവിന് രണ്ടാം വിവാഹത്തിന് ആശംസകള്‍ നേര്‍ന്നു.

സ്റ്റാര്‍ മാജിക്ക് വേദിയിലൂടെ മിനിസ്‌ക്രീന്‍ പ്രേക്ഷകര്‍ക്ക് ഏറെ പ്രിയപ്പെട്ടതായി മാറിയ താരമാണ് അനുമോള്‍. വളരെ പാവം കുട്ടി എന്ന ഇമേജാണ് താരത്തിന് ഉള്ളത്. പക്ഷെ താന്‍ അത്ര പാവം ഒന്നും അല്ലെന്ന് പറയുകയാണ് അനുമോള്‍. ബസില്‍ വച്ചുണ്ടായ മോശം അനുഭവത്തില്‍ വളരെ ബോള്‍ഡായി പ്രതികരിച്ച സംഭവം ആണ് അനുമോള്‍ വെളിപ്പെടുത്തിയത്. തിരുവനന്തപുരത്ത് നിന്നും കൊച്ചിയിലേക്കുള്ള യാത്രാ വേളയില്‍ ആയിരുന്നു സംഭവം എന്നാണ് താരം പറയുന്നത്. ഉപദ്രവിക്കാന്‍ ശ്രമിച്ചയാളുടെ കരണം അടിച്ച് പുകച്ചുവെന്നും അനുമോള്‍ പറഞ്ഞു. സ്വകാര്യമാദ്ധ്യമത്തിന് നല്‍കിയ അഭിമുഖത്തില്‍ ആയിരുന്നു താരത്തിന്റെ തുറന്നുപറച്ചില്‍. ചെറുപ്പത്തില്‍ തൊട്ടാവാടി കുട്ടിയായിരുന്നു ഞാന്‍. എന്നാല്‍ വളര്‍ന്നപ്പോള്‍ അത് മാറി. അഭിനയ രംഗത്തേയ്ക്ക് കടന്നുവന്നതോടെ വലിയ ധൈര്യവുമായി. ലൊക്കേഷനുകളിലേക്കും പരിപാടികള്‍ക്കുമെല്ലാം ഒറ്റയ്ക്കാണ് പോകാറുള്ളത്. ഇങ്ങനെ തിരുവനന്തപുരത്ത് നിന്നും ഒറ്റയ്ക്ക് കൊച്ചിയിലേക്ക് പോകുമ്‌ബോഴായിരുന്നു ബസില്‍ വച്ച് അതിക്രമം നേരിടേണ്ടിവന്നത്. രാത്രി ഉറങ്ങുകയായിരുന്നു. ഇതിനിടെ ആരോ ശരീരത്തില്‍ തൊടുന്നത് പോലെ തോന്നി. നല്ല ഉറക്കത്തില്‍ ആയതിനാല്‍ തോന്നിയതാണെന്ന് ആയിരുന്നു ആദ്യം കരുതിയത്. എന്നാല്‍ പിന്നീടാണ് തന്റെ അടുത്തിരുന്ന ആള്‍ ഉപദ്രവിക്കാന്‍ ശ്രമിച്ചതാണെന്ന് വ്യക്തമായത്. പിന്നെ ഒട്ടും താമസിച്ചില്ല. എഴുന്നേറ്റ് കരണം നോക്കി ഒരടിയങ്ങ് പൊട്ടിച്ചു. ബസിലെ കണ്ടക്ടര്‍ അത് വിട്ടുകളയൂ എന്ന രീതിയില്‍ ആണ് സംസാരിച്ചത്. എന്നാല്‍ ഞാനതിന് വഴങ്ങിയില്ല. അയാളെ ബസില്‍ നിന്നും ഇറക്കിവിടാന്‍ ആവശ്യപ്പെട്ടു. അയാളെ ഇറക്കിവിട്ട ശേഷമാണ് ബസ് മുന്നോട്ട് പോയത് എന്നും അനുമോള്‍ പറഞ്ഞു. ഞാന്‍ നന്നായി പ്രതികരിക്കും. അങ്ങിനെ ചെയ്യണമെന്ന് അമ്മ പറഞ്ഞിട്ടുണ്ട്. പല സ്ഥലങ്ങളിലും വച്ച് മോശം അനുഭവം ഉണ്ടായിട്ടുണ്ട്. അപ്പോഴെല്ലാം ശക്തമായി തന്നെ പ്രതികരിച്ചിട്ടുണ്ടെന്നും അനുമോള്‍ വ്യക്തമാക്കി.

1997 മുതല്‍ തമിഴകത്ത് ആകര്‍ഷകമായ കണ്ണുകളോടെയുള്ള ഒരു ചെറുപ്പക്കാരന്‍ അഭിനയ ലോകത്തേക്ക് എത്തി. 2005ല്‍ ഗജനി എന്ന സിനിമയിലെ വ്യത്യസ്തവും ഇതുവരെ ആരും ചിന്തിച്ചിട്ടു കൂടി ഇല്ലാത്ത കഥാപാത്രത്തെ ധൈര്യമായി ചെയ്തതോടെ പിന്നീടങ്ങോട്ട് വലിയൊരു ഹിറ്റ് മേക്കര്‍ എന്ന ടാഗ്‌ലൈന്‍ സ്വന്തമാക്കി. പല സിനിമകള്‍ ഉണ്ടെങ്കിലും സൂര്യയ്ക്ക് വലിയൊരു കരിയര്‍ ബ്രേക്ക് നല്‍കിയ ചിത്രമായിരുന്നു ഗജനി. കാക്കകാക്ക ഗജിനി ഈ രണ്ട് ചിത്രങ്ങളായിരുന്നു പ്രേക്ഷകര്‍ക്കിടയിലേക്ക് സൂര്യയെ ഒന്ന് കൂടി പ്രതിഷ്ടിക്കാന്‍ സഹായിച്ചത്. സംവിധായകന്‍ ക്രിസ്റ്റഫര്‍ നോളന്റെ സൈക്കോളജിക്കല്‍ ത്രില്ലറായ 'മെമെന്റോ'യില്‍ നിന്ന് പ്രചോദനം ഉള്‍ക്കൊണ്ട് എ.ആര്‍. മുരുകദോസ് സംവിധാനം ചെയ്ത 'ഗജിനി'യുടെ തമിഴ്, ഹിന്ദി പതിപ്പുക രണ്ടും സൂപ്പര്‍ഹിറ്റുകളായി മാറുകയും ചെയ്തിരുന്നു. 'ഗജിനി'യില്‍ സൂര്യയുടെ പ്രകടനം തകര്‍പ്പനായത് താരത്തിന് അനേകം ആരാധകരെയാണ് നേടിക്കൊടുത്തത്. എന്നാല്‍ സൂര്യയ്ക്ക് സൂപ്പര്‍താരത്തിലേക്ക് ഉദയം നല്‍കി നായക വേഷം ചെയ്യാന്‍ ആദ്യം സംവിധായകന്‍ സമീപിച്ചത് മറ്റൊരു നടനെയായിരുന്നു. സിനിമയുടെ രണ്ടാം പകുതി പോര എന്ന കാരണം ചൂണ്ടിക്കാണിച്ച് ഈ നടന്‍ പ്രൊജക്റ്റില്‍ നിന്ന് ഇറങ്ങിപ്പോയതാണ് സൂര്യയ്ക്ക് വലിയ അവസരമായി മാറിയത്. ഈ വേഷം കൈകളിലെത്തിയ സൂര്യ അത് സൂപ്പര്‍ഹിറ്റാക്കി മാറ്റി. ആമിര്‍ ഖാന്‍ നായകനായി ചിത്രം ഹിന്ദിയിലേക്ക് ചെയ്ത റീമേക്കും ഹിറ്റായി. സൂര്യയ്ക്ക് അവസരം പാസ് ചെയ്തത് നടന്‍ മാധവനായിരുന്നു. ഇതേ കുറിച്ച് മാധവന്‍ പറഞ്ഞ വാക്കുകള്‍ ഇങ്ങനെയായിരുന്നു: 'ഗജിനി'യുടെ തിരക്കഥയുടെ രണ്ടാം പകുതി തനിക്ക് ഇഷ്ടപ്പെട്ടില്ലെന്ന് സംവിധായകന്‍ എആര്‍ മുരുകദോസിനോട് പറഞ്ഞതായി മുമ്പ് ഒരു അഭിമുഖത്തില്‍ മാധവന്‍ തന്നെ വ്യക്തമാക്കിയിട്ടുണ്ട്. 'കാക്ക കാക്ക'യിലെ സൂര്യയുടെ പ്രകടനത്തെ പ്രശംസിച്ച ആര്‍ മാധവന്‍, 'ഗജിനി'യിലെ പ്രധാന വേഷം 'കങ്കുവ' നടന്റെ സുരക്ഷിതമായ കൈകളിലേക്കാണ് പോയതെന്ന് താന്‍ മനസ്സിലാക്കിയതായി പറഞ്ഞു. ഗജിനിയുടെ വിജയം ശ്രദ്ധേയമായിരുന്നു, നിങ്ങള്‍ (സൂര്യ) അതിനുള്ള സമര്‍പ്പണം എനിക്ക് കാണാന്‍ കഴിഞ്ഞു. നിങ്ങളുടെ ആ സിക്സ് പാക്കിനെ കുറിച്ചും എനിക്ക് സമാനമായ എന്തെങ്കിലും നേടാനാകുമോയെന്നും ചിന്തിച്ചത് ഞാന്‍ ഓര്‍ക്കുന്നു. ഒരു ആഴ്ച മുഴുവന്‍ നിങ്ങള്‍ ഉപ്പ് കഴിച്ചിട്ടില്ലെന്ന് നിങ്ങള്‍ സൂചിപ്പിച്ചത് ഞാന്‍ ഓര്‍ക്കുന്നു, ഇത് എന്റെ സ്വന്തം കരിയറില്‍ ഞാന്‍ ചെയ്യുന്ന തിരഞ്ഞെടുപ്പുകളെ പുനര്‍വിചിന്തനം ചെയ്യാന്‍ എന്നെ പ്രേരിപ്പിച്ചു. എന്റെ ജോലിയോട് വേണ്ടത്ര നീതി പുലര്‍ത്തുന്നില്ലെന്ന് അത് എന്നെ മനസ്സിലാക്കി. ഞാന്‍ നിങ്ങളോട് പങ്കുവെച്ച ഉപദേശം പിന്തുടരാന്‍ തുടങ്ങി, നിങ്ങളെ എന്റെ പ്രചോദനമായി ഉപയോഗിച്ചു.