![](https://britishpathram.com/malayalamNews/97021-uni.jpg)
വീടുകള് പലതും ആള്ത്താമസമില്ലാതെ ക്ഷയിച്ച് പോവുന്നു എന്ന കാരണം കണക്കിലെടുത്ത് അത് തടയുക എന്ന ലക്ഷ്യത്തോടെ വീടുകള് വിലകുറിവിന് വില്ക്കുന്ന രീതിയാണ് ഇറ്റലിയിലെ അതിമനോഹര ഗ്രാമമായ സംബൂക ഡി സിഷിലിയില് ഉള്ളത്. പല വീടുകളും അതിന്റെ വിലയും ഞെട്ടിക്കാറുണ്ട്.
ഒരു യൂറോയ്ക്കൊരു വീട് വില്ക്കാനുണ്ട് എന്നായിരുന്നു ഇതുവരെ പറഞ്ഞിരുന്നത്. എന്നാലിതാ ഈ വര്ഷം വില അല്പമൊന്ന് ഉയര്ന്നിട്ടുണ്ടെന്നാണ് പുറത്ത് വരുന്ന റിപ്പോര്ട്ട്. ഈ വര്ഷം മൂന്ന് യൂറോയ്ക്കാണ് വീട് വില്പ്പനയ്ക്കിട്ടിരിക്കുന്നത്. മുന്വര്ഷങ്ങളിലും സമാനമായി വില്പന നടന്നിരുന്നു. ഇത് വിജയിച്ചതോടെയാണ് ഈ വര്ഷവും വീട് വില്പനയുമായി അധികൃതര് മുന്നോട്ട് വന്നിരിക്കുന്നത്.
ആദ്യം ഒരു യൂറോയ്ക്ക് വീടുകള് വിറ്റു പോയത് ലേലത്തിലൂടെയാണ്. അതോടെ വിദേശത്ത് നിന്നുപോലും ആളുകളെത്തി വീട് വാങ്ങി. പലരും ആ വീടുകള് വൃത്തിയാക്കി അവിടെത്തന്നെ താമസവും തുടങ്ങി. പദ്ധതി വിജയിക്കുന്നതായി കണ്ട അധികൃതര് വരും വര്ഷങ്ങളിലും അത് തുടരാന് തീരുമാനിക്കുകയായിരുന്നു.
ഈ വര്ഷം മൂന്ന് യൂറോയാണ് വീടിന് വിലയിട്ടിരിക്കുന്നത്. ലേലത്തിലൂടെയാണ് വീട് സ്വന്തമാക്കാനാവുക. ഒന്നിലധികം വീടുകള് സ്വന്തമാക്കാനാഗ്രഹിക്കുന്നവരെ സര്ക്കാര് കൂടുതല് പ്രോത്സാഹിപ്പിക്കുന്നുണ്ട്. വിനോദസഞ്ചാരികളായ വിദേശികളെയും സര്ക്കാര് ലക്ഷ്യം വയ്ക്കുന്നു. മാത്രമല്ല, ഈ വര്ഷം വില്പനയ്ക്ക് വച്ചിരിക്കുന്ന വീടുകള്ക്ക് അല്ലറച്ചില്ലറ പ്രശ്നങ്ങള് മാത്രമേയുള്ളൂവെന്നും അതിനാല് കൂടുതല് പണി അതിനുമേല് വേണ്ടിവരില്ല എന്നും സംബൂകയിലെ ഉദ്യോഗസ്ഥര് പറയുന്നു.
വീട് വാങ്ങുന്നവര്, വീടിന്റെ തുകയ്ക്കൊപ്പം ഒരു ചെറിയ സെക്യൂരിറ്റി തുക കൂടി നല്കണം. എന്നാല്, രണ്ട് വര്ഷത്തിനുള്ളില് വീട് നന്നാക്കി താമസം തുടങ്ങിയാല് ആ തുക തിരികെ കിട്ടുമത്രെ.
More Latest News
നോര്വിച്ച് സെന്റ് കുറിയാക്കോസ് ഇന്ത്യന് ഓര്ത്തഡോക്സ് ദേവാലയത്തില് 'ഹോളി എപ്പിസ്കോപ്പല് വിസിറ്റ്', ഈമാസം 23ന് നടക്കും
![](https://britishpathram.com/malayalamNews/thumb/97213-uni.jpg)
എബ്രഹാം ഫിലിപ്പ് സി.പി.എ. ഫോമാ നാഷണല് കമ്മറ്റിയിലേക്ക് മത്സരിക്കുന്നു, ഫോമാ സ്ഥാപിതമായ വര്ഷം മുതല് ഫോമായില് സജീവമായി പ്രവര്ത്തകനായ ഇദ്ദേഹം നാമനിര്ദ്ദേശ പത്രിക സമര്പ്പിച്ചു
![](https://britishpathram.com/malayalamNews/thumb/97212-uni.jpg)
സാനിയ മിര്സയും, മുഹമ്മദ് ഷമിയും തമ്മില് വിവാഹിതരാകുമോ? പ്രതികരണവുമായി രംഗത്തെത്തിയിയിരിക്കുകയാണ് സാനിയയുടെ പിതാവ്
![](https://britishpathram.com/malayalamNews/thumb/97211-uni.jpg)
വിദ്യാര്ത്ഥികള്ക്ക് വേണ്ടി ഫ്ളിപ്പ്കാര്ട്ട് അവതരിപ്പിക്കുന്ന ബാക്ക് ടു കാമ്പസ് കാംപയിന്, ഇന്ന് മുതല് ഫ്ളിപ്കാര്ട്ടില് ഓഫര് പെരുമഴ
![](https://britishpathram.com/malayalamNews/thumb/97210-uni.jpg)
വാട്സ്ആപ്പ് വീഡിയോ കോളിംഗിന് പുതിയ മാറ്റങ്ങള് വരുന്നു, ഇനി വീഡിയോ കോള് അല്പം സുന്ദരമാക്കാം
![](https://britishpathram.com/malayalamNews/thumb/97209-uni.jpg)