![](https://britishpathram.com/malayalamNews/97027-uni.jpg)
മരണവാർത്തകൾ പ്രവാസി മലയാളികളുടെ മനസ്സുനോവിച്ച ദിവസങ്ങളാണ് കടന്നുപോയത്. ഒന്നിനുപിന്നാലെ ഒന്നായി നടന്ന നഴ്സുമാരായ രണ്ട് മലയാളി യുവതികളുടെ മരണം യുകെ മലയാളികളെ കണ്ണീരിലാഴ്ത്തിയിരുന്നു.
ഓസ്ട്രേലിയയിൽ കടലിൽ വീണ് രണ്ട് മലയാളി വനിതകൾ മരിച്ചവർത്തയും നടുക്കമുണർത്തി. അതിനുപിന്നാലെ യോർക്കിലെ മലയാളി ഷൈൻ യോഹന്നാന്റെ മരണവർത്തയുമെത്തി.
എന്നാൽ അതിനേക്കാൾ വലിയ ദുരന്തവാർത്തയാണ് ബുധനാഴ്ച്ച രാവിലെ ആഗോള പ്രവാസികളെ ഒന്നാകെ കണ്ണീർക്കയത്തിലാക്കി കടന്നുവന്നത്. സതേൺ കുവൈറ്റിലെ മംഗഫിലിൽ ഫ്ളാറ്റിനു തീപിടിച്ച് അവിടെ താമസിച്ചിരുന്ന 14 മലയാളികള് അടക്കം 43 ഇന്ത്യക്കാരും ആറ് ഫിലിപ്പീന്സുകാരും ദാരുണമായി മരണപ്പെട്ടു. 50 തിലേറെപ്പേർക്ക് പരുക്കേറ്റു.
പരുക്കേറ്റവരിൽ ഏഴുപേരുടെ നില ഗുരുതരമാണ്. പരുക്കേറ്റ 50 ലധികം പേരില് മൂപ്പതോളം പേര് മലയാളികളാണ്. അതിനാൽത്തന്നെ മൃതദേഹങ്ങൾ തിരിച്ചറിയുന്നതോടെയും മരണപ്പെട്ട മലയാളികളുടെ എണ്ണം ഇനിയും ഉയരാനാണ് സാധ്യത. മരണപ്പെട്ട മലയാളികളുടെ എണ്ണം 25 ലേറെ ആയേക്കുമെന്ന് പ്രാദേശിക മാധ്യമങ്ങൾ റിപ്പോർട്ടുചെയ്യുന്നു.
5 ആശുപത്രികളിലായിട്ടാണ് പരിക്കേറ്റവരെ പ്രവേശിപ്പിച്ചിരിക്കുന്നത്. ആശുപത്രിയിലുള്ള 9 പേരുടെ നില ഗുരുതരമായി തുടരുകയാണെന്നു റിപ്പോര്ട്ട് പുറത്തുവന്നിട്ടുണ്ട്.
പ്രവാസി മലയാളിയുടെ ഉടമസ്ഥതയിലുള്ള എന്.ബി.ടി.സി കമ്പനി ജീവനക്കാര് താമസിക്കുന്ന മംഗഫിലെ (ബ്ലോക്ക്-4) ആറ് നില കെട്ടിടത്തിലാണ് ദുരന്തം. കെട്ടിടത്തിലെ വിവിധ ഫ്ളാറ്റുകളിലായി 195 പേരാണ് താമസിച്ചിരുന്നത്. താഴത്തെ നിലയില് നിന്നാണ് തീ പടര്ന്നത്. പുലര്ച്ചെ ആളുകള് നല്ല ഉറക്കത്തിലായിരുന്നു. കെട്ടിടത്തിള് തീ പടര്ന്നതിനെ തുടര്ന്ന് കെട്ടിടത്തില് നിന്ന് താഴേക്ക് ചാടിയവര്ക്ക് ഗുരുതര പരിക്കേറ്റിട്ടുണ്ട്. കോണിപ്പടി ഇറങ്ങി വരുന്നിടത്തും നിരവധി മൃതദേഹങ്ങള് കിടന്നിരുന്നുവെന്നാണ് ദൃക്സാക്ഷികള് പറയുന്നത്.
മലയാളിയുടെ കൂടി ഉടമസ്ഥതയിലുള്ള നിർമ്മാണക്കമ്പനിയിൽ ജോലിചെയ്തിരുന്നവരെ കൂട്ടമായി പാർപ്പിച്ചിരുന്ന ഫ്ളാറ്റിലാണ് തീപിടുത്തമുണ്ടായത്. സെക്ക്യൂരിറ്റിയുടെ മുറിയിലുണ്ടായ ഷോർട്ട് സർക്യൂട്ടും അതേത്തുടർന്ന് ഗ്യാസ് സിലിണ്ടറുകൾക്ക് കൂട്ടത്തോടെ തീപിടിച്ചതുമാണ് അപകടകരണമെന്ന രീതിയിൽ റിപ്പോർട്ടുചെയ്യുന്നു. എന്നാൽ ഇക്കാര്യം കുവൈറ്റ് പോലീസ് സ്ഥിരീകരിച്ചിട്ടില്ല.
മലയാളികൾ അടക്കമുള്ള തൊഴിലാളികൾ വെളുപ്പിനെ നല്ല ഉറക്കത്തിൽ ആയിരിക്കുമ്പോഴാണ് അഗ്നിനാളങ്ങളും പുകയും കെട്ടിടത്തെ വിഴുങ്ങിയത്. രക്ഷപ്പെടാനുള്ള വ്യഗ്രതയിൽ താഴേക്കുചാടിയും പലരും മരണപ്പെടുകയും പരുക്കേൽക്കുകയും ചെയ്തു.
തീ പടര്ന്നതിനെ തുടര്ന്ന് കെട്ടിടത്തില് നിന്നും താഴേക്ക് ചാടിയവര്ക്കും പുക ശ്വസിച്ചവര്ക്കുമാണ് ഗുരുതര പരിക്കേറ്റത്. മലയാളികളും തമിഴ്നാട്ടുകാരും ഉത്തരേന്ത്യക്കാരും അടക്കമുള്ളവരാണ് ഈ തൊഴിലാളി ക്യാമ്പില് താമസിക്കുന്നത്. രക്ഷാപ്രവര്ത്തനം നടത്തിയ അഗ്നിശമനസേനയും പൊലീസും ചേര്ന്നാണ് പരിക്കേറ്റവരെ ആശുപത്രിയിലെത്തിച്ചത്.
അഗ്നിശമനസേനയും പോലീസും ചേര്ന്ന് പരിക്കേറ്റവരെ അദാന് ആശുപത്രി, ഫര്വാനിയ ആശുപത്രി, അമീരി ആശുപത്രി, മുബാറക്ക് ആശുപത്രി, ജാബിര് ആശുപത്രി എന്നിവിടങ്ങളിലാണ് പ്രവേശിപ്പിച്ചിരിക്കുന്നത്.
സുരക്ഷാ മാനദണ്ഡങ്ങള് ലംഘിച്ചാണ് കെട്ടിടത്തില് ഇത്രയും പേരെ താമസിപ്പിച്ചിരുന്നതെന്ന് കണ്ടെത്തിയിട്ടുണ്ട്. കെട്ടിടത്തില് നിന്ന് എല്ലാ താമസക്കാരെയും ഒഴിപ്പിച്ചതായി അധികൃതര് അറിയിച്ചു. സംഭവസ്ഥലത്ത് നിന്ന് തെളിവ് ശേഖരിക്കാന് ഉദ്യോഗസ്ഥര് പരിശോധന നടത്തും. കുവൈറ്റിലെ ഇന്ത്യന് ഏംബസി ഹെല്പ്പ് ലൈന് നമ്പര് നല്കിയിട്ടുണ്ട്. + 965-65505246 .എല്ലാവിധ സഹായവും എത്തിക്കുമെന്നും ഏംബസി അറിയിച്ചു.
കാസര്കോട് ചെങ്കള കുണ്ടടുക്ക ഹൗസിലെ കെ രഞ്ജിത്ത് (34), കാസര്കോട് പിലിക്കോട് എരവില് സ്വദേശി കേളു പൊന്മലേരി (58), കോട്ടയം പാമ്പാടി വിശ്വഭാരതി കോളേജിനു സമീപം ഇടിമണ്ണില് സാബു ഫിലിപ്പിന്റെ മകന് സ്റ്റെഫിന് ഏബ്രഹാം സാബു (29), പത്തനംതിട്ട പന്തളം മുടിയൂര്ക്കോണം ശോഭനാലയത്തില് പരേതനായ ശശിധരന് നായരുടെയും ശോഭനകുമാരിയുടെയും മകന് ആകാശ് ശശിധരന് നായര് (31), കൊല്ലം പുനലൂര് നരിക്കല് വാഴവിള അടിവള്ളൂര് സാജന് ജോര്ജ് (29), പത്തനംതിട്ട കോന്നി അട്ടച്ചാക്കല് ചെന്നശ്ശേരില് സജു വര്ഗീസ് (56), വള്ളിക്കോട് വാഴമുട്ടം പുളിനില്ക്കുന്നതില് വടക്കേതില് പിവി മുരളീധരന് (68) കൊല്ലം വെളിച്ചിക്കാല വടകോട്ട് വിളയില് ലൂക്കോസ് (സാബു48),തിരുവല്ല മേപ്രാല് ചിറയില് കുടുംബാംഗം തോമസ് ഉമ്മന്(37), കൊല്ലം ശൂരനാട് വടക്ക് വയ്യാങ്കര തുണ്ടുവിള വീട്ടില് ഷമീര് ഉമറുദ്ദീന് (30), കണ്ണൂര് ധര്മടം സ്വദേശി വിശ്വാസ് കൃഷ്ണന്, പുലാമന്തോള് തിരുത്ത് സ്വദേശി എംപി ബാഹുലേയന് (36) മലപ്പുറം തിരൂര് കൂട്ടായി കോതപറമ്പ് കുപ്പന്റെപുരക്കല് നൂഹ് (40), എന്നിവരെയാണ് തിരിച്ചറിഞ്ഞത്.
കൊല്ലം, പത്തനംതിട്ട, കോട്ടയം, മലപ്പുറം, കാസര്കോട് സ്വദേശികളാണ് മരിച്ചവരിൽ ഭൂരിഭാഗവും. ഇന്ത്യയില് നിന്ന് തിരിച്ച കേന്ദ്രവിദേശകാര്യസഹമന്ത്രി കീര്ത്തിവര്ധന് സിങ് രാവിലെ കുവൈറ്റില് എത്തി. മൃതദേഹങ്ങള് ഇന്ത്യയിലേക്ക് കൊണ്ടുവരാന് വ്യോമസേന വിമാനം സജ്ജമാക്കി മറ്റു ക്രമീകരണങ്ങൾ നടത്തിവരുന്നു.
More Latest News
നോര്വിച്ച് സെന്റ് കുറിയാക്കോസ് ഇന്ത്യന് ഓര്ത്തഡോക്സ് ദേവാലയത്തില് 'ഹോളി എപ്പിസ്കോപ്പല് വിസിറ്റ്', ഈമാസം 23ന് നടക്കും
![](https://britishpathram.com/malayalamNews/thumb/97213-uni.jpg)
എബ്രഹാം ഫിലിപ്പ് സി.പി.എ. ഫോമാ നാഷണല് കമ്മറ്റിയിലേക്ക് മത്സരിക്കുന്നു, ഫോമാ സ്ഥാപിതമായ വര്ഷം മുതല് ഫോമായില് സജീവമായി പ്രവര്ത്തകനായ ഇദ്ദേഹം നാമനിര്ദ്ദേശ പത്രിക സമര്പ്പിച്ചു
![](https://britishpathram.com/malayalamNews/thumb/97212-uni.jpg)
സാനിയ മിര്സയും, മുഹമ്മദ് ഷമിയും തമ്മില് വിവാഹിതരാകുമോ? പ്രതികരണവുമായി രംഗത്തെത്തിയിയിരിക്കുകയാണ് സാനിയയുടെ പിതാവ്
![](https://britishpathram.com/malayalamNews/thumb/97211-uni.jpg)
വിദ്യാര്ത്ഥികള്ക്ക് വേണ്ടി ഫ്ളിപ്പ്കാര്ട്ട് അവതരിപ്പിക്കുന്ന ബാക്ക് ടു കാമ്പസ് കാംപയിന്, ഇന്ന് മുതല് ഫ്ളിപ്കാര്ട്ടില് ഓഫര് പെരുമഴ
![](https://britishpathram.com/malayalamNews/thumb/97210-uni.jpg)
വാട്സ്ആപ്പ് വീഡിയോ കോളിംഗിന് പുതിയ മാറ്റങ്ങള് വരുന്നു, ഇനി വീഡിയോ കോള് അല്പം സുന്ദരമാക്കാം
![](https://britishpathram.com/malayalamNews/thumb/97209-uni.jpg)