![](https://britishpathram.com/malayalamNews/97038-uni.jpg)
ജീവിതച്ചെലവ് പ്രതിസന്ധി കാരണം യുകെയിലെ മലയാളികളടക്കമുള്ള പകുതിയിലധികം യൂണിവേഴ്സിറ്റി വിദ്യാര്ത്ഥികളും ദീര്ഘനേരം പാര്ട്് ടൈം ജോലികളില് ഏര്പ്പെടുന്നതായി റിപ്പോര്ട്ട്. ഹയര് എജ്യുക്കേഷന് പോളിസി ഇന്സ്റ്റിറ്റ്യൂട്ട് (ഹെപി) 10,000 ഫുള്ടൈം യുകെ ബിരുദധാരികളില് നടത്തിയ ഒരു സര്വേയില് 56% പേരും അവര് പഠിക്കുന്ന സമയത്ത് ശരാശരി 14.5 മണിക്കൂര് ജോലി ചെയ്തിരുന്നതായി കണ്ടെത്തി.
മെയിന്റനന്സ് പിന്തുണയുടെ അഭാവം ദ്വിതല ഉന്നതവിദ്യാഭ്യാസ സമ്പ്രദായം സൃഷ്ടിക്കുന്നുവെന്ന് വിദഗ്ധര് പറഞ്ഞു. ദീര്ഘനേരം ജോലി ചെയ്യേണ്ട വിദ്യാര്ത്ഥികള് അവരുടെ മറ്റ് സഹപാഠികളുമായി താരതമ്യം ചെയ്യുമ്പോള് ഇതുമൂലം പഠന പ്രവര്ത്തനങ്ങളിള് പിന്നാക്കം പോകുന്നതായും കണ്ടെത്തി.
പ്രഭാഷണങ്ങള്, ക്ലാസുകള്, മറ്റ് പഠന പ്രവര്ത്തനങ്ങള് എന്നിവയില് പങ്കെടുക്കുന്ന സമയവുമായി സംയോജിപ്പിക്കുമ്പോള്, പാര്ട്ട് ടൈം ജോലിയുള്ള വിദ്യാര്ത്ഥികള്ക്ക് ടേം ടൈമില് ശരാശരി 48 മണിക്കൂര് പ്രവൃത്തി ആഴ്ചയുണ്ട്. ഓഫീസ് ഫോര് നാഷണല് സ്റ്റാറ്റിസ്റ്റിക്സിന്റെ കണക്കുകള് പ്രകാരം ചിലര്ക്ക് 56 മണിക്കൂര് ആഴ്ചയുണ്ട്. മുഴുവന് സമയവും മുതിര്ന്നവരുടെ ശരാശരി 36.6 മണിക്കൂറിനേക്കാള് വളരെ കൂടുതലാണിത്.
വിദ്യാര്ത്ഥികളുടെ മെയിന്റനന്സ് പിന്തുണ മെച്ചപ്പെടുത്തിയില്ലെങ്കില്, ബിരുദധാരികള്ക്ക് മുഴുവന് സമയവും വീട്ടില് നിന്ന് പഠിക്കുന്ന ഉന്നത വിദ്യാഭ്യാസ മാതൃക അപ്രാപ്യമായിക്കൊണ്ടിരിക്കുകയാണെന്ന് ഹെപിയുടെ പോളിസി ഡയറക്ടര് റോസ് സ്റ്റീഫന്സണ് പറഞ്ഞു.
വിദ്യാര്ത്ഥികള് ജീവിതച്ചെലവിനോട് പോരാടുമ്പോള്, പാര്ട്ട് ടൈം ജോലിയെക്കുറിച്ചുള്ള പ്രവണത കൂടുതല് ആശങ്കാജനകമാണ്. മിക്ക വിദ്യാര്ത്ഥികളും ജോലിചെയ്യുകയും അവര് ജോലി ചെയ്യുന്ന മണിക്കൂറുകളുടെ എണ്ണം വര്ദ്ധിക്കുകയും ചെയ്യുന്നു, ഈ പ്രവണത തുടര്ന്നാല് മുഴുവന് സമയ പഠനം പലര്ക്കും അപ്രായോഗികമായിരിക്കാം. സ്റ്റീഫന്സണ് പറഞ്ഞു.
ജീവിതച്ചെലവ് പ്രതിസന്ധി, ശമ്പളമുള്ള ജോലിയും മുഴുവന് സമയ പഠനവും ഇടകലര്ന്ന വിദ്യാര്ത്ഥികളുടെ അനുപാതത്തെ പെട്ടെന്ന് മാറ്റിമറിച്ചു. 2021-ന് മുമ്പ്, ഏകദേശം മൂന്നില് രണ്ട് വിദ്യാര്ത്ഥികള്ക്കും ടേം ടൈമില് ശമ്പളമുള്ള ജോലി ഉണ്ടായിരുന്നില്ല. എന്നാല് ഈ വര്ഷം, 56% വിദ്യാര്ത്ഥികള് തൊഴിലുകളില് ഏര്പ്പെട്ടെന്നും അവര് മുന് വര്ഷങ്ങളിലെ വിദ്യാര്ത്ഥികളേക്കാള് കൂടുതല് സമയം ജോലി ചെയ്യുന്നുണ്ടെന്നും പറഞ്ഞു.
ജോലിയിലുള്ളവരില് മുക്കാല് ഭാഗവും തങ്ങളുടെ ജീവിതച്ചെലവ് നിറവേറ്റുന്നതിനാണ് അങ്ങനെ ചെയ്തതെന്ന് 23% പേര് പറഞ്ഞു. ഇത് തങ്ങളുടെ സുഹൃത്തുക്കള്ക്കോ കുടുംബത്തിനോ സാമ്പത്തിക സഹായം നല്കാനാണ് വിനിയോഗിക്കുന്നത് എന്നും അവര് പറയുന്നു.
വെറ്ററിനറി പഠനവും ദന്തചികിത്സയും പോലുള്ള ഗൗരവമേറിയ കോഴ്സുകളിലെ വിദ്യാര്ത്ഥികള് പഠനത്തിനും ശമ്പളമുള്ള ജോലിക്കും ആഴ്ചയില് ശരാശരി 56 മണിക്കൂര് ചെലവഴിക്കുന്നുണ്ട്.
നേരത്തെ ഗവേഷണം കണ്ടെത്തിയ 'അപകട മേഖല' യില് ജോലി ചെയ്യുന്ന നിരവധി വിദ്യാര്ത്ഥികളാണ് ഇപ്പോള് ഉള്ളതെന്നും ഉയര്ന്ന കൊഴിഞ്ഞുപോക്ക് നിരക്കും ഫസ്റ്റ് ക്ലാസ് ബിരുദങ്ങള് നേടാനുള്ള സാധ്യത കുറയുമെന്നും ഹെപിയുടെ ഡയറക്ടര് നിക്ക് ഹില്മാന് പറഞ്ഞു.
പാര്ട്ട് ടൈം ജോലി ചെയ്യുന്ന വിദ്യാര്ത്ഥികള് ആര്ട്ടിഫിഷ്യല് ഇന്റലിജന്സ് (AI) പ്രോഗ്രാമുകള് ഉപയോഗിക്കാനും അവരുടെ പ്രഭാഷണങ്ങള് ഓണ്ലൈനില് കാണാനും കൂടുതല് സാധ്യതയുണ്ട്.
ജീവിതച്ചെലവ് പ്രതിസന്ധി രൂക്ഷമായതോടെ ഫുഡ് ബാങ്കുകള് ഉപയോഗിക്കുന്ന വിദ്യാര്ത്ഥികളുടെ അനുപാതം ഇരട്ടിയായതായി നാഷണല് യൂണിയന് ഓഫ് സ്റ്റുഡന്റ്സ് (എന്യുഎസ്) ഒരു പുതിയ റിപ്പോര്ട്ടില് പറഞ്ഞു. 2023-24 അധ്യയന വര്ഷത്തില്, 14% വിദ്യാര്ത്ഥികള് NUS-നോട് ഒരു ഫുഡ് ബാങ്ക് ഉപയോഗിച്ചതായി പറഞ്ഞു, 2021-22 ല് ഇത് 7% ആയിരുന്നു.
More Latest News
എബ്രഹാം ഫിലിപ്പ്, സി.പി.എ. ഫോമാ നാഷണല് കമ്മറ്റിയിലേക്ക് മത്സരിക്കുന്നു, നാമനിര്ദ്ദേശ പത്രിക സമര്പ്പിച്ചു
![](https://britishpathram.com/malayalamNews/thumb/97212-uni.jpg)
സാനിയ മിര്സയും, മുഹമ്മദ് ഷമിയും തമ്മില് വിവാഹിതരാകുമോ? പ്രതികരണവുമായി രംഗത്തെത്തിയിയിരിക്കുകയാണ് സാനിയയുടെ പിതാവ്
![](https://britishpathram.com/malayalamNews/thumb/97211-uni.jpg)
വിദ്യാര്ത്ഥികള്ക്ക് വേണ്ടി ഫ്ളിപ്പ്കാര്ട്ട് അവതരിപ്പിക്കുന്ന ബാക്ക് ടു കാമ്പസ് കാംപയിന്, ഇന്ന് മുതല് ഫ്ളിപ്കാര്ട്ടില് ഓഫര് പെരുമഴ
![](https://britishpathram.com/malayalamNews/thumb/97210-uni.jpg)
വാട്സ്ആപ്പ് വീഡിയോ കോളിംഗിന് പുതിയ മാറ്റങ്ങള് വരുന്നു, ഇനി വീഡിയോ കോള് അല്പം സുന്ദരമാക്കാം
![](https://britishpathram.com/malayalamNews/thumb/97209-uni.jpg)
ഉറങ്ങാന് കിടന്നത് ആണായി പക്ഷെ ഉണര്ന്നപ്പോള് സ്ത്രീയായി മാറി, വ്യക്തിവൈരാഗ്യത്തിന്റെ പേരില് യുവാവിനെ അനസ്തേഷ്യ നല്കി ലിംഗമാറ്റ ശസ്ത്രക്രിയ നടത്തിയെന്ന് പരാതി
![](https://britishpathram.com/malayalamNews/thumb/97208-uni.jpg)