![](https://britishpathram.com/malayalamNews/97081-uni.jpg)
വയനാടും റായ്ബറേലിയും വിജയിച്ച രാഹുല് ഗാന്ധി ഏത് മണ്ഡലം നിലനിര്ത്തുമെന്ന് തിങ്കളാഴ്ചയോടെ വ്യക്തമാകും. ഏതെങ്കിലും ഒരു മണ്ഡലത്തിലെ എം.പി സ്ഥാനം രാജിവെച്ചില്ലെങ്കില് രണ്ടിടത്തെ വിജയവും റദ്ദാകും. വയനാട് രാജിവയ്ക്കാനാണ് സാധ്യത കൂടുതല് എന്നാണ് പുറത്ത് വരുന്ന വിവരം. രാഹുല് ഒഴിയുന്ന മണ്ഡലത്തില് പ്രിയങ്ക ഗാന്ധി മത്സരിക്കാനുള്ള സാധ്യതയും വര്ധിച്ചു.
പ്രതിപക്ഷ നേതാവാരെന്ന തീരുമാനം അടുത്തയാഴ്ച പാര്ലമെന്ററി പാര്ട്ടി യോഗം സ്പീക്കറെ അറിയിക്കുമെന്നാണ് വിവരം. റായ്ബറേലി നിലനിര്ത്തണമെന്ന പാര്ട്ടിയിലെ വികാരം രാഹുല് മാനിക്കുമോ അതോ പ്രതിസന്ധി ഘട്ടത്തില് ഒപ്പം നിന്ന വയനാട്ടില് തുടരുമോ എന്നുള്ളതാണ് എല്ലാവരും ഉറ്റനോക്കുന്നത്.
ഇക്കാര്യത്തില് രണ്ട് ദിവസത്തിനുള്ളില് ചിത്രം തെളിയും. ഫലം വന്ന് 14 ദിവസത്തിനുള്ളില് തീരുമാനം അറിയിക്കണമെന്നതിനാല് ചൊവ്വാഴ്ച കാലാവധി കഴിയും. തീരുമാനം നാളെയോ മറ്റന്നാളോ ഉണ്ടാകും. രാഹുല് വയാനാട് ഒഴിഞ്ഞേക്കുമെന്ന സൂചന കെപിസിസി അധ്യക്ഷന് കെ സുധാകരന് നല്കിയതോടെ റായ്ബറേലിക്ക് തന്നെയാണ് അവസാന ചര്ച്ചകളിലും സാധ്യത.
രാഹുല് റായ്ബറേലിയില് നില്ക്കണമെന്ന് ഉത്തരേന്ത്യന് നേതാക്കളും വയനാട്ടില് നിന്ന് പോകരുതെന്ന് കേരള നേതാക്കളും ആവര്ത്തിച്ച് ആവശ്യപ്പെടുന്നു.രാഹുല് ഒഴിയുന്നത് ഏത് മണ്ഡലമാണോ അവിടെ പ്രിയങ്ക ഗാന്ധി മത്സരിക്കണമെന്ന ആവശ്യം ശക്തമാണ്.
വയനാട്ടിലും റായ്ബറേലിയിലും എല്ലാവരെയും തൃപ്തിപ്പെടുത്തുന്ന തീരുമാനം വരുമെന്ന രാഹുലിന്റെ പ്രതികരണം പ്രിയങ്കയുടെ മത്സര സാധ്യതയായി കാണുന്നുണ്ട്. മോദി മന്ത്രിസഭയിലെ കുടുംബാധിപത്യത്തിനെതിരെ രാഹുല് വിമര്ശനമുയര്ത്തിയതോടെ ഒരാള് കൂടി ഗാന്ധി കുടുംബത്തില് നിന്ന് വന്നാല് ചോദ്യം ചെയ്യപ്പെടാനിടയുണ്ട്.
മത്സരിക്കാനില്ലന്ന മുന് നിലപാടില് നിന്ന് പ്രിയങ്ക പിന്നോട്ട് പോയിട്ടില്ലെന്നാണ് അവരുമായി അടുത്ത വൃത്തങ്ങള് വ്യക്തമാക്കുന്നത്.അതേസമയം, സ്പീക്കര് തെരഞ്ഞെടുപ്പിന് പിന്നാലെ പ്രതിപക്ഷ നേതാവ് ആരെന്ന് പ്രഖ്യാപിക്കും.
More Latest News
10 ലക്ഷം സമ്പാദിക്കാന് കഠിനാദ്ധ്വാനിയാകേണ്ട, നല്ലൊരു കുടിയനായാല് മതി; കള്ളക്കുറിച്ചി വിഷമദ്യ ദുരന്തത്തില് മരിച്ചവര്ക്ക് സഹായം പ്രഖ്യാപിച്ച തമിഴ്നാട് സര്ക്കാറിനെ വിമര്ശിച്ച് നടി കസ്തൂരി
![](https://britishpathram.com/malayalamNews/thumb/97252-uni.jpg)
ക്രിക്കറ്റ് മാമാങ്കങ്ങള്ക്ക് മാഞ്ചസ്റ്ററില് തുടക്കം; ജൂലായ് 21ന് ലീഗ് അടിസ്ഥാനത്തിലുള്ള ടൂര്ണമെന്റ്; താല്പര്യമുള്ള ടീമുകള്ക്ക് രജിസ്റ്റര് ചെയ്യാനുള്ള അവസരം
![](https://britishpathram.com/malayalamNews/thumb/97251-uni.jpg)
യുക്മ റീജിയണല് കായികമേള- 2024 സൂപ്പര് സാറ്റര്ഡേ, മിഡ്ലാന്ഡ്സ്, നോര്ത്ത് വെസ്റ്റ്, സൗത്ത് ഈസ്റ്റ്, യോര്ക് ഷെയര് & ഹംമ്പര് റീജിയണുകളില് കായിക മാമാങ്കം
![](https://britishpathram.com/malayalamNews/thumb/97250-uni.jpg)
നിങ്ങളുടെ കുട്ടികളും വൈകിയാണോ ഉറങ്ങുന്നത്? കുട്ടികള്ക്ക് ഉറക്കം കുറയുന്നത് ഉയര്ന്ന രക്തസമ്മര്ദ്ദത്തിനുള്ള സാധ്യത വര്ധിപ്പിക്കുമെന്ന് പഠനം
![](https://britishpathram.com/malayalamNews/thumb/97249-uni.jpg)
ഗൂഗിള് മാപ്സില് വമ്പന് മാറ്റം, 'ഗൂഗിള് മാപ്സ് ടൈംലൈന്' സ്വകാര്യമാക്കാന് ഒരുങ്ങി ഗൂഗിള്
![](https://britishpathram.com/malayalamNews/thumb/97247-uni.jpg)