മന്ത്രിമാരുടെ സത്യപ്രതിജ്ഞാ ചടങ്ങിന് ശേഷം ഗവര്ണര് ഒരുക്കിയ ചായ സത്കാരത്തില് നിന്ന് മുഖ്യമന്ത്രിയും മന്ത്രിമാരും വിട്ടു നിന്നിരുന്ന കാര്യം മാധ്യമങ്ങള് ശ്രദ്ധിച്ചിരുന്നു. മുഖ്യമന്ത്രിയും ഗവര്ണറും പരസ്പരം നോക്കാതെ ഇരുന്നതും വാര്ത്തകളായിരുന്നു. എന്നാല് ഇപ്പോഴിതാ രണ്ടു പേരും പിണക്കം മറന്നെന്ന വാര്ത്തകളാണ് മാധ്യമങ്ങള് പറയുന്നത്.
മന്ത്രി ഒ ആര് കേളുവിന്റെ സത്യപ്രതിജ്ഞാ ചടങ്ങില് പിണക്കം മറന്ന് ഒന്നിച്ച് സര്ക്കാരും ഗവര്ണറും. സത്യപ്രതിജ്ഞയ്ക്ക് ശേഷം ഗവര്ണര് ഒരുക്കിയ ചായ സത്കാരത്തില് മുഖ്യമന്ത്രിയും മന്ത്രിമാരും പ്രതിപക്ഷ നേതാവും പങ്കെടുത്തു. മന്ത്രി കെബി ഗണേഷ് കുമാറും രാമചന്ദ്രന് കടന്നപ്പള്ളിയും മന്ത്രിമാരായി സത്യപ്രതിജ്ഞ ചെയ്ത ശേഷം രാജ്ഭവനില് നടന്ന ചായ സത്കാരത്തില് നിന്നായിരുന്നു വിട്ട് നിന്നിരുന്നത്.
രാജ്ഭവനില് നടന്ന ചടങ്ങില് ഗവര്ണര് ആരിഫ് മുഹമ്മദ് ഖാന്റെയും മുഖ്യമന്ത്രി പിണറായി വിജയന്റേയും മറ്റ് മന്ത്രിമാരുടേയും സാന്നിധ്യത്തിലാണ് ഒ ആര് കേളു മന്ത്രിയായി സത്യപ്രതിജ്ഞ ചെയ്ത് അധികാരത്തിലേറിയത്. കെ രാധാകൃഷ്ണന് ലോക്സഭാ തെരഞ്ഞെടുപ്പില് മത്സരിച്ച് വിജയിച്ച് എംപിയായ പശ്ചാത്തലത്തില് പട്ടികജാതി-പട്ടികവര്ഗ ക്ഷേമവകുപ്പാണ് ഒ ആര് കേളുവിന് ലഭിച്ചിരിക്കുന്നത്. വയനാട്ടിലെ മാനന്തവാടിയില് നിന്നുള്ള എംഎല്എയാണ് ഒ ആര് കേളു. വയനാട്ടില് നിന്നുള്ള ആദ്യ സിപിഐഎം മന്ത്രികൂടിയാകുകയാണ് അദ്ദേഹം.