![](https://britishpathram.com/malayalamNews/97289.jpg)
കോവിഡിനുശേഷം യുകെയിൽ നിത്യോപയോഗ സാധന വിപണിയിൽ കുതിച്ചുകയറിയ അമിത വിലക്കയറ്റം ഈവർഷം ആദ്യത്തോടെ നിയന്ത്രണത്തിലായെന്ന് സർക്കാർ കണക്കുകൾ വെളിപ്പെടുത്തുന്നു. എങ്കിലും കുറഞ്ഞ നിരക്കിൽ വിലകൾ ഇപ്പോഴും ഉയരുന്നു.
ലണ്ടനിലെ സൂപ്പർമാർക്കറ്റിൽ ഇന്ത്യൻ ബ്രാൻഡായ ഒരു കിലോ മൂവാണ്ടൻ അല്ലെങ്കിൽ അൽഫോൻസോ മാങ്ങയ്ക്ക് 2400 രൂപ! നാടൻ പാവയ്ക്കയ്ക്ക് കിലോയ്ക്ക് 1000 രൂപയോളം നൽകണം. ഒരുകിലോ വെണ്ടയ്ക്കയ്ക്ക് 650 രൂപ.
പഠന വിസയിലും വർക്ക് വിസയിലുമായി പുതിയതായി യുകെയിലെത്തിയ ഇന്ത്യക്കാരാണ് വിലയിലെ ഈ വ്യത്യാസത്തിൽ അന്തംവിടുന്നത്. ഇന്ത്യയിൽ നിന്നെത്തുന്ന പലചരക്ക് സാധനങ്ങളുടെ അമിത വില കാണിക്കുന്ന ഡൽഹി സ്വദേശിനിയുടെ സമീപകാല വീഡിയോ വൈറലാകുകയും യുകെയിലേയും ഇന്ത്യയിലേയും ഉപഭോക്താക്കളുടെ ചൂടുള്ള സോഷ്യൽ മീഡിയ വാദപ്രതിവാദങ്ങൾക്ക് കാരണമാകുകയും ചെയ്തു.
ഡൽഹി സ്വദേശിനിയും ഇപ്പോൾ ലണ്ടനിൽ താമസിക്കുന്നതുമായ ചാവി അഗർവാൾ എന്ന യുവതി, ഇൻസ്റ്റാഗ്രാം ഫോളോവേഴ്സിനെ ബ്രിട്ടീഷ് തലസ്ഥാനത്തെ ഒരു ഇന്ത്യൻ പലചരക്ക് കടയിലെ വിലകൾ കാണിച്ചാണ് അതിശയപ്പെടുത്തിയത്.
നാട്ടിലെ വിലയുമായി താരതമ്യം ചെയ്യുമ്പോൾ ലണ്ടനിൽ വിൽക്കുന്ന ഇന്ത്യൻ ഉത്പന്നങ്ങൾ തമ്മിലുള്ള വില വ്യത്യാസം വീഡിയോയിൽ എടുത്തുകാണിച്ചു. ഇന്ത്യയിൽ 20 രൂപ വിലയുള്ള ലേയ്സ് മാജിക് മസാലയുടെ ഒരുപാക്കറ്റ് ലണ്ടനിൽ 95 രൂപയ്ക്കാണ് വിൽക്കുന്നതെന്ന് അഗർവാൾ വീഡിയോയിൽ കാണിക്കുന്നു. അതുപോലെ, ഇന്ത്യയിൽ 50 രൂപയ്ക്ക് കിട്ടുന്ന മാഗിയുടെ ഒരു പായ്ക്ക് ലണ്ടൻ സ്റ്റോറിൽ 300 രൂപയ്ക്കാണ് വിൽക്കുന്നത്.
ഇന്ത്യക്കാരുടെ പ്രത്യേകിച്ച് നോർത്ത് ഇന്ത്യൻസിന്റെ പാചകത്തിൽ അവശ്യഘടകമായ പനീറിന് 700 രൂപയും അൽഫോൻസോ മാമ്പഴത്തിന് ആറെണ്ണം 2,400 രൂപയുമാണ് വിലയെന്നും പറയുന്നു.
അൽഫോൻസോ, മൂവാണ്ടൻ മാമ്പഴങ്ങൾ കേരളത്തിലെ സൂപ്പർമാർക്കറ്റുകളിൽ കിലോയ്ക്ക് 170 - 250 രൂപ നിരക്കിൽ ലഭിക്കും. അതുപോലെ പാവയ്ക്കയും വെണ്ടയ്ക്കയും നൂറുരൂപയിൽ താഴെ ലഭിക്കും. ഇതുതന്നെ വൻ വിലക്കയറ്റമാണ് മലയാളികൾക്കും ഇന്ത്യക്കാർക്കും.
നാട്ടിൽ ഒരുകിലോ മട്ടയരി 50 - 60 രൂപ വിലയ്ക്ക് കിട്ടുമ്പോൾ യുകെയിലെ ഇന്ത്യൻ ഗ്രോസറികളിൽ 250 - 300 രൂപയോളം നൽകണം. 10 കിലോയുടെ ബ്രാൻഡഡ് പായ്ക്കിന് 2500 രൂപയോളം വിലവരും. അരി കയറ്റുമതി നിരോധനം ഇന്ത്യൻ സർക്കാർ ഇപ്പോഴും പൂർണ്ണമായി നീക്കാത്തതാണ് പ്രധാനകാരണം.
എന്നാൽ ഈ വില വ്യത്യാസം പ്രധാനമായും ഇന്ത്യൻ - രൂപയും പൗണ്ടുമായുള്ള വിലവ്യത്യാസം കൊണ്ടാണ് വലിയ വിലക്കയറ്റമായി തോന്നുന്നതെന്നാണ് യുകെയിൽ വർഷങ്ങളായി സ്ഥിരമായി താമസിക്കുന്നവരുടെ അഭിപ്രായം. ഇക്കാര്യം ചാവി അഗർവാളിന്റെ വീഡിയോയുടെ കമന്റ് ബോക്സിൽ പലരും രേഖപ്പെടുത്തുകയും ചെയ്തു.
കമൻ്റ് ബോക്സിൽ, ചില ഉപയോക്താക്കൾ വിലയിൽ ഞെട്ടൽ പ്രകടിപ്പിച്ചപ്പോൾ, മറ്റുള്ളവർ രണ്ട് രാജ്യങ്ങൾ തമ്മിലുള്ള വരുമാന അസമത്വം, വാങ്ങൽ ശേഷി തുല്യത തുടങ്ങിയ ഘടകങ്ങൾ അവശ്യ പരിഗണനകളായി ചൂണ്ടിക്കാണിച്ചു.
"രൂപയിലേക്ക് പരിവർത്തനം ചെയ്യുന്നതിലൂടെ, നിങ്ങൾക്ക് വിലകൾ അമിതമാണെന്ന് തോന്നിപ്പിക്കുന്നു” മുപ്പതുവർഷമായി ലണ്ടനിൽ താമസിക്കുന്ന ഒരു ഉപഭോക്താവ് ചൂണ്ടിക്കാണിച്ചു.
രൂപയുടെ മൂല്യ ഇടിവിനുപുറമെ, ഇന്ത്യയിലേയും യുകെയിലേയും ആളുകളുടെ വരുമാനം തമ്മിലും വാങ്ങൽ ശേഷി തമ്മിലുള്ള വ്യത്യാസവും ഈ വിലക്കൂടുതലിന് കാരണമാണ്. ലോകത്തിൽ ജോലിക്കാർക്ക് ഏറ്റവും കുറവ് വേതനം ലഭിക്കുന്ന രാജ്യങ്ങളിൽ ഒന്നാണ് ഇന്ത്യ.
യുകെയിലെ ഒരു സാധാരണ ജോലിക്കാരന് ഒരുമണിക്കൂർ ജോലിക്ക് ലഭിക്കുന്ന വേതനം സർക്കാർ നിയമമനുസരിച്ച് 11.44 പൗണ്ട് അഥവാ കുറഞ്ഞത് 1000 രൂപയോളമാണ്. അതായത് എട്ടുമണിക്കൂർ ജോലിക്ക് ലഭിക്കുന്ന വേതനം ഏകദേശം 10000 രൂപയിലേറെ വരും. ഇതുകേട്ടാൽ സാധാരണ വരുമാനമുള്ള ഇന്ത്യക്കാർ തലകറങ്ങി വീണേക്കും!
ഇത്രയും വരുമാനമുള്ളപ്പോൾ ഈ വിലകൾ വലിയ വിലക്കയറ്റമായി ബ്രിട്ടനിൽ ജോലിയും സ്ഥിരാവരുമാനവും ഉള്ളവർക്ക് അനുഭവപ്പെടില്ല. മാത്രമല്ല, ധാരാളം പണം പിന്നെയും ബാക്കിവരുമെന്നതിനാൽ അവരുടെ പർച്ചേസിംഗ് പവറും സേവിങ്സും ഉയർന്നതായിരിക്കും.
നാട്ടിലെ യുകെ മലയാളിയുടെ ആഡംബര വീടും ബിസിനസ്സ് സ്ഥാപങ്ങളുമൊക്കെ ഈ വരുമാന നീക്കിയിരുപ്പിൽ നിന്നും വരുന്നതാണ്. അതിനാൽത്തന്നെ ഇതൊക്കെ താരതമ്യം ചെയ്യുമ്പോൾ, വലിയ വിലക്കയറ്റമായി കാണാനാകില്ലെന്നാണ് യുകെയിലേക്ക് കുടിയേറിയ ഭൂരിഭാഗം പേരുടെയും അഭിപ്രായം.
എങ്കിൽത്തന്നെയും മാങ്ങയ്ക്ക് 22 പൗണ്ടുവരെയും പാവക്കയ്ക്ക് ആയിരം രൂപയുമൊക്കെ വിലയിടുന്ന ഇന്ത്യൻ ഗ്രോസറികളെ കണ്ടിട്ടില്ലെന്ന് മറ്റുചിലരും അഭിപ്രായപ്പെടുന്നു. വിലക്കുറവുള്ള നിരവധി ഇന്ത്യൻ ഗ്രോസറികൾ ലണ്ടനടക്കമുള്ള പ്രമുഖ നഗരങ്ങളിലുമുണ്ട്. പുതിയതായി എത്തുന്നവർക്ക് പരിചയക്കുറവുമൂലം അത് കണ്ടെത്താൻ കഴിയാത്തതാണെന്നും അഭിപ്രായപ്പെടുന്നു.
More Latest News
കാസര്ഗോഡ് ഹണിട്രാപ്പ് കേസ്; പ്രതി ശ്രുതി ചന്ദ്രശേഖരന് ഒന്നിലേറെ മാട്രിമോണി അക്കൗണ്ട്; പോലീസുകാരും ബാങ്ക് ഉദ്യോഗസ്ഥരും ഡോക്ടര്മാരും ഉള്പ്പെടെ തട്ടിപ്പിനിരയായി
![](https://britishpathram.com/malayalamNews/thumb/97381-uni.jpg)
ബെല്ഫാസ്റ്റിലുള്ള ഫിന്ഗി മെഥഡിസ്റ്റ് ചര്ച്ചിലെ വെസ്ലി ഹാളില് ഐപിസി ബെല്ഫാസ്റ്റ് സഭയുടെ നേതൃത്വത്തില് സംഗീത വിരുന്നും വചന ശുശ്രൂഷയും ഈ മാസം 29ന്
![](https://britishpathram.com/malayalamNews/thumb/97379-uni.jpg)
റിയാന് നൈനാന് ചില്ഡ്രണ് ചാരിറ്റിയുടെ ഒന്പതാമത് ഫണ്ട് റൈസര് ഇവന്റ് സംഘടിപ്പിക്കുന്ന 'ഫുട്ബോള് ആന്റ് ഫാമിലി ഫണ് ഡേ': ഗോപിനാഥ് മുതുകാട് മുഖ്യാതിഥിയാകുന്ന പരിപാടി നാളെ വൈക്കോമ്പ് റൈ ലിഡോയില് വച്ച്
![](https://britishpathram.com/malayalamNews/thumb/97378-uni.jpg)
'സാരി ഉടുക്കുമ്പോള് വയറ് ഒക്കെ കാണിക്ക്' എന്ന് അമൃത നായരുടെ ചിത്രത്തിന് കമന്റ്, വായടപ്പിക്കുന്ന മറുപടി നല്കി അമൃത, കൈയ്യടിച്ച് സോഷ്യല് മീഡിയ
![](https://britishpathram.com/malayalamNews/thumb/97377-uni.jpg)
പണ്ട് അമ്മയ്ക്കൊപ്പം നിന്ന ആ ചിത്രം മകള്ക്കൊപ്പം നിന്ന് റീക്രിയേറ്റ് ചെയ്ത് സൗഭാഗ്യ വെങ്കിടേഷ്, വളരെ കൗതുകം നിറഞ്ഞ ചിത്രമാണ് ഇതെന്ന് സോഷ്യല് മീഡിയ
![](https://britishpathram.com/malayalamNews/thumb/97375-uni.jpg)