യോര്ക്ക്ഷെയറിലെ പ്രധാനമന്ത്രിയുടെ നിയോജക മണ്ഡലത്തിലെ വസതിയില് അതിക്രമിച്ച് കടന്ന നാല് പേരെ പോലീസ് അറസ്റ്റ് ചെയ്തു. ചൊവ്വാഴ്ച ഉച്ചയ്ക്ക് 12.40 ന് നോര്ത്തല്ലെര്ട്ടണിന് സമീപമുള്ള കിര്ബി സിഗ്സ്റ്റണിലുള്ള റിഷി സുനക്കിന്റെ വീടിന്റെ മുറ്റത്തു നിന്നാണ് പ്രതികളെ അറസ്റ്റ് ചെയ്തതെന്ന് നോര്ത്ത് യോര്ക്ക്ഷയര് പോലീസ് പറഞ്ഞു. ലണ്ടനില് നിന്നുള്ള 52 കാരനും ബോള്ട്ടണില് നിന്നുള്ള 43 കാരനും മാഞ്ചസ്റ്ററില് നിന്നുള്ള 21 കാരനും ചിചെസ്റ്ററില് നിന്നുള്ള 20 കാരനുമാണ് പിടിയിലായതെന്ന് സേന അറിയിച്ചു. ഇവര് പോലീസ് കസ്റ്റഡിയില് തുടരുകയും അന്വേഷണം പുരോഗമിക്കുകയുമാണ്.
ടോറികളും ലേബര് പാര്ട്ടിയും ഇസ്രായേലിന് ആയുധ ഉപരോധം ഏര്പ്പെടുത്തണമെന്നും ഇസ്രായേലിനുള്ള എല്ലാ പുതിയ എണ്ണ, വാതക ലൈസന്സുകള് നിര്ത്തണമെന്നും ആവശ്യപ്പെടുന്ന ഒരു പ്രചാരണ ഗ്രൂപ്പായി സ്വയം വിശേഷിപ്പിക്കുന്ന യൂത്ത് ഡിമാന്ഡിന്റെ പ്രതിഷേധവുമായി ഈ അറസ്റ്റുകള് ബന്ധപ്പെട്ടിരിക്കുന്നുവെന്നും സേന അറിയിച്ചു.
ഗവണ്മെന്റിനും ലേബറിന്റെ നിര്ദിഷ്ട നയങ്ങള്ക്കുമെതിരെ നിരവധി നടപടികള് സംഘം മുമ്പ് സംഘടിപ്പിച്ചിട്ടുണ്ട്. അറസ്റ്റിലായവരില് മൂന്ന് പേര് പ്രകടനത്തില് പങ്കെടുത്തിരുന്നുവെന്നും നാലാമന് ഒരു സ്വതന്ത്ര ഫോട്ടോഗ്രാഫറാണെന്നും ഗ്രൂപ്പിന്റെ വക്താവ് പറഞ്ഞു.
മറ്റൊരു സംഭവത്തില്, ബക്കിംഗ്ഹാംഷെയറിലെ സുനക്കിന്റെ ഔദ്യോഗിക വസതിയായ ചെക്കേഴ്സിന്റെ ഗേറ്റില് ഒരു വാഹനയാത്രികന് ഇടിച്ചുകയറി. ചൊവ്വാഴ്ച ഉച്ചയ്ക്ക് ശേഷം വെളുത്ത ഫോക്സ്വാഗണ് സിറോക്കോ പ്രവേശന കവാടത്തിലെബാരിക്കേഡില് ഇടിക്കുകയായിരന്നു.
ആ സമയത്ത് സുനക് സ്ഥലത്തുണ്ടായിരുന്നില്ല, ലണ്ടനിലെ ജാപ്പനീസ് സന്ദര്ശനവുമായി ബന്ധപ്പെട്ട പരിപാടികളില് പങ്കെടുക്കുകയായിരുന്നു അദ്ദേഹം. ക്രിമിനല് കേടുപാടുകള്ക്കും മദ്യപിച്ച് വാഹനമോടിച്ചതിനും കൗണ്ടിയില് നിന്നുള്ള 44 കാരനായ ഡ്രൈവറെ അറസ്റ്റ് ചെയ്തതായും കാറിലുണ്ടായിരുന്ന ഇയാള് മാത്രമാണെന്നും തേംസ് വാലി പോലീസ് പറഞ്ഞു. ഡ്രൈവര്ക്ക് ഗുരുതരമായ പരിക്കുകളുണ്ടെന്നും ആശുപത്രിയില് പ്രവേശിപ്പിച്ചതായും വക്താവ് കൂട്ടിച്ചേര്ത്തു.