ഇ.കോളി ബാധയെ തുടര്‍ന്ന് രോഗബാധിതരായ രണ്ട് ഉപഭോക്താക്കള്‍ അസ്ഡക്കും ടെസ്‌കോയ്ക്കും എതിരെ നിയമനടപടി ആരംഭിച്ചു. ടെസ്‌കോയിലും അസ്ഡയിലും വാങ്ങിയ സ്വന്തം ബ്രാന്‍ഡ് സാന്‍ഡ്വിച്ചുകള്‍ക്കുമേല്‍ ഉപഭോക്തൃ സംരക്ഷണ നിയമം ലംഘിച്ചതിന് ക്ലെയിം ലെറ്ററുകള്‍ നല്‍കിയതായി നിയമ സ്ഥാപനമായ ഫീല്‍ഡ്ഫിഷര്‍ അറിയിച്ചു. സൗത്ത് ഈസ്റ്റില്‍ നിന്നുള്ള ഒരു പുരുഷനും വടക്ക് പടിഞ്ഞാറന്‍ പ്രദേശത്തുള്ള 11 വയസ്സുള്ള പെണ്‍കുട്ടിക്കും വേണ്ടിയാണ് നിയമ നടപടികള്‍ തുടങ്ങിയത്.
നിലവിലുള്ള ഇ.കോളി ബാധയുമായി ബന്ധപ്പെട്ട് ഇംഗ്ലണ്ടില്‍ ഒരാള്‍ മരിച്ചതായി യുകെ ഹെല്‍ത്ത് സെക്യൂരിറ്റി ഏജന്‍സി വ്യാഴാഴ്ച അറിയിച്ചു. സാലഡ് ഇലകള്‍ അടങ്ങിയ ചില സൂപ്പര്‍മാര്‍ക്കറ്റ് സാന്‍ഡ്വിച്ചുകളാണ് ഇ.കോളി പൊട്ടിപ്പുറപ്പെടാന്‍ കാരണമെന്നാണ് കരുതപ്പെടുന്നത്.
ഇതുവരെ റിപ്പോര്‍ട്ട് ചെയ്യപ്പെട്ട ഭൂരിഭാഗം കേസുകളും ജൂണ്‍ 4 ന് മുമ്പ് രോഗലക്ഷണങ്ങള്‍ പ്രകടിപ്പിച്ചവയാണ്. റിപ്പോര്‍ട്ട് ചെയ്യപ്പെടുന്ന കേസുകളുടെ എണ്ണം ഇപ്പോള്‍ കുറയുന്നുണ്ട്. പല ഭക്ഷ്യ നിര്‍മ്മാതാക്കളും മുന്‍കരുതലെന്ന നിലയിലാണ് അവരുടെ ചില ഉല്‍പ്പന്നങ്ങള്‍ തിരിച്ചുവിളിച്ചത്.
സൂപ്പര്‍മാര്‍ക്കറ്റില്‍ നിന്ന് സ്വന്തം ബ്രാന്‍ഡ് ചിക്കന്‍ സാലഡ് സാന്‍ഡ്വിച്ച് കഴിച്ച് ഇ.കോളി ബാധിച്ച ഒരു പെണ്‍കുട്ടിയുമായി ബന്ധപ്പെട്ടാണ് അസ്ഡയ്ക്കെതിരായ നിയമ നടപടിയെന്ന് ഫീല്‍ഡ്ഫിഷര്‍ പറഞ്ഞു. 11 വയസ്സുള്ള പെണ്‍കുട്ടി, വൃക്കകളെ തകരാറിലാകുന്ന ഹീമോലിറ്റിക് യുറേമിക് സിന്‍ഡ്രോം (HUS) എന്ന ഗുരുതരമായ അവസ്ഥയാണ് നേരിട്ടത്. തത്ഫലമായി മൂന്ന് ആഴ്ചയായി ഡയാലിസിസിന് വിധേയയാകേണ്ടിതായും വന്നു. രണ്ട് ദിവസം മുമ്പ് അവളെ ഡിസ്ചാര്‍ജ് ചെയ്തു, പക്ഷേ വൃക്ക സ്ഥിരമായി തകരാറിലാകാന്‍ സാധ്യതയുണ്ട്. അവളുടെ അമ്മ ഓണ്‍ലൈന്‍ ഡെലിവറിയുടെ ഭാഗമായി മൂന്ന് സാന്‍ഡ്വിച്ചുകളാണ് വാങ്ങിയത്.
അതേസമയം, ഈ ക്ലെയിമുകള്‍ സംബന്ധിച്ച് ഫീല്‍ഡ് ഫിഷറില്‍ നിന്ന് ഇതുവരെ ഒരു കത്തും ലഭിച്ചിട്ടില്ലെന്ന് ഒരു അസ്ഡ വക്താവ് പറഞ്ഞു. സൗത്ത് ഈസ്റ്റില്‍ നിന്നുള്ള ഒരാളെ പ്രതിനിധീകരിച്ച് ടെസ്‌കോയ്ക്ക് പ്രത്യേക കത്ത് നല്‍കിയതായി ഫീല്‍ഡ് ഫിഷറിലെ ഡയറക്ടറായ ഹര്‍വിന്ദര്‍ കൗര്‍ വെള്ളിയാഴ്ച പിഎ വാര്‍ത്താ ഏജന്‍സിയോട് പറഞ്ഞു.
സാലഡ് അടങ്ങിയ ടെസ്‌കോ-ബ്രാന്‍ഡഡ് സാന്‍ഡ്വിച്ചുകള്‍ കഴിച്ചതിന് ശേഷമാണ് ഇ.കോളി ലക്ഷണങ്ങളോടെ അദ്ദേഹത്തെ ആശുപത്രിയില്‍ പ്രവേശിപ്പിച്ചതെന്ന് നിയമ സ്ഥാപനം അവകാശപ്പെടുന്നു. അയാള്‍ ടെസ്‌കോയിലെ 'പതിവ് ഷോപ്പര്‍' ആണെന്നും, ജോലിയുമായി വളരെ അടുത്തായതിനാല്‍ മിക്ക പ്രവൃത്തിദിവസങ്ങളിലും ഉച്ചഭക്ഷണം അവിടെ വാങ്ങാറുണ്ടെന്നും അവര്‍ കൂട്ടിച്ചേര്‍ത്തു.അതേസമയം ഫീല്‍ഡ്ഫിഷറില്‍ നിന്നുള്ള കത്ത് ടെസ്‌കോയ്ക്ക് ഇതുവരെ ലഭിച്ചിട്ടില്ലെന്നാണ് സൂചന.
More Latest News
'ഗെറ്റ് സെറ്റ് ബേബി'യുടെ ഫസ്റ്റ് ലുക്ക് പോസ്റ്ററില്‍ സെല്‍ഫി പോസുമായി ഉണ്ണി മുകുന്ദനും നിഖില വിമലും, സാമൂഹിക പ്രസക്തിയുള്ള ചിത്രത്തില്‍ ഒരുങ്ങുന്നത് ഉണ്ണിമുകുന്ദന്റെ തികച്ചും വ്യത്യസ്തമായ ഒരു കഥാപാത്രം
വണ്ടി നിര്‍ത്തിയിടാന്‍ ഇടം കിട്ടാതെ ഇനി നഗരത്തില്‍ കറങ്ങി തിരിയേണ്ട, പുതിയ മാതൃകയായി എറണാകുളത്ത് പാര്‍ക്കിങ്ങിന് സഹായിക്കുന്ന 'പാര്‍ക്കിങ്ങിന് ആപ്പ്' വരുന്നു
അമീബിക് മസ്തിഷ്‌ക ജ്വര ലക്ഷണങ്ങളോടെ ഒരു കുട്ടി കൂടി കോഴിക്കോട് സ്വകാര്യ ആശുപത്രിയില്‍ ചികിത്സയില്‍!!! പയ്യോളി നഗരസഭയിലെ കുളത്തില്‍ കുളിച്ച ശേഷമാണ് ലക്ഷണങ്ങള്‍ കണ്ടു തുടങ്ങിയത്
മേല്‍പ്പാലത്തിലൂടെ സഞ്ചരിക്കവേ നിയന്ത്രണം വിട്ട സ്‌കൂട്ടര്‍ 23 അടി താഴ്ചയുള്ള സര്‍വ്വീസ് റോഡിലേക്ക് മറഞ്ഞു, യുവതി മരിച്ചു, മകളും സഹോദരിയും ഗുരുതര പരിക്കുകളോടെ ആശുപത്രിയില്‍
വള്ളിക്കുന്നിലെ വില്ലന്‍ വെല്‍ക്കം ഡ്രിങ്ക് തന്നെ, വള്ളിക്കുന്നില്‍ മഞ്ഞപ്പിത്തം പടര്‍ന്നു പിടിച്ചത് വിവാഹത്തിന് വിതരണം ചെയ്ത വെല്‍ക്കം ഡ്രിങ്കില്‍ നിന്നാണെന്ന് സ്ഥിരീകരണം
Most Read
British Pathram Recommends
