അഴകും ആരോഗ്യവും ആത്മവിശ്വാസവും മാറ്റുരക്കുന്ന വേദികളാണ് സൗന്ദര്യ മത്സര വേദികള്‍ , സാധാരണയുള്ള ഫാഷന്‍ ഷോ മത്സരങ്ങളില്‍ ബാഹ്യ സൗന്ദര്യത്തിനും വസ്ത്ര വൈവിധ്യങ്ങള്‍ക്കും മാത്രം മുന്‍ഗണന നല്‍കുമ്പോള്‍ ബ്യൂട്ടി പാജന്റ്കളില്‍ അഴകിനും ആത്മവിശ്വാസത്തിനും അറിവിനും പുറമെ മത്സരാര്‍ത്ഥിയുടെ നോക്കും വാക്കും തുടങ്ങി ഓരോ ചലനവും വരെ പ്രാധാന്യമര്‍ഹിക്കുന്നതാണ്.
ജൂലൈ 13 ശനിയാഴ്ച്ച കലാഭവന്‍ ലണ്ടന്‍, ലണ്ടനില്‍ വെച്ച് സംഘടിപ്പിക്കുന്ന ദി ഗ്രേറ്റ് ഇന്ത്യന്‍ ബ്യൂട്ടി പാജന്റ് & ടാലെന്റ്‌റ് ഷോ ഭാരതത്തിലെ കലാപരവും സാംസ്‌ക്കാരിക പരവുമായ വൈവിധ്യങ്ങള്‍ കൊണ്ട് കാണികള്‍ക്ക് വ്യത്യസ്തമായ ഒരു കലാ അനുഭവമായിരിക്കും സമ്മാനിക്കുക.
വളരെ വിസ്തൃതമായ സ്റ്റേജും, കൂറ്റന്‍ LED സ്‌ക്രീനാല്‍ അലംകൃതമായ വേദിയും അത്യാധുനിക ശബ്ദ വെളിച്ച സാങ്കേതിക മികവും കാണികളുടെ കണ്ണിലും മനസ്സിലും നവ്യാനുഭവങ്ങള്‍ സൃഷ്ടിക്കും. ഒപ്പം വേദിയിലെ വിശാലമായ റാംപില്‍ ഒഴുകിവരുന്ന സംഗീതത്തോടൊപ്പം സുന്ദരന്മാരും സുന്ദരിമാരും വളരെ നാളത്തെ പരിശീലനത്തിലൂടെ ലഭിച്ച ആത്മവിശ്വാസത്തില്‍ അടുക്കും ചിട്ടയുമായി ചുവടുകള്‍ വെക്കും.. വ്യത്യസ്തമായ മൂന്നു മത്സര റൗണ്ടുകളുടെ കടമ്പ കടന്നു വേണം മത്സരാത്ഥികള്‍ക്ക് ഗ്രാന്‍ഡ് ഫിനാലെയിലേക്ക് പ്രവേശിക്കാന്‍. സൗന്ദര്യ മത്സരത്തിന് പുറമെ ഭാരതത്തിലെ മറ്റു നൃത്ത കലാരൂപങ്ങളും വേദിയില്‍ പ്രകടനം നടത്തും. കഥകളിയും തെയ്യവും കളരിപ്പയറ്റും ഇന്ത്യന്‍ സംഗീതവും മറ്റു നൃത്ത നൃത്യങ്ങളും കൂടിച്ചേരുമ്പോള്‍ പരിപാടി ഗംഭീരമാകും.
ഏറെ നാളത്തെ പരിശീലനത്തിനും തയ്യാറെടുപ്പിനും ശേഷമാണ് മത്സരാര്‍ത്ഥികള്‍ റാംപില്‍ ചുവടുവെയ്ക്കുന്നത്. ജൂലൈ 13 ശനിയാഴ്ച്ച ലണ്ടനിലെ ഹോണ്‍ ചര്‍ച്ചിലുള്ള കാമ്പ്യണ്‍ അക്കാദമി ഹാളില്‍ ആണ് അരങ്ങേറുന്നത്. ഉച്ച കഴിഞ്ഞു രണ്ട് മണിക്ക് കലയുടെ മാമാങ്കത്തിന് തിരി തെളിയും. വളരെ വെത്യസ്തമായ ഒരു കാലാനുഭവം അനുഭവ വേദ്യമാക്കാന്‍ എല്ലാവരെയും സ്വാഗതം ചെയ്യുന്നു. ഈസ്റ്റ് ലണ്ടന്‍ മലയാളി അസ്സോസിയേഷന്റെ സഹകരണത്തോടുകൂടിയാണ് 'ദി ഗ്രേറ്റ് ഇന്ത്യന്‍ ടാലെന്റ്‌റ് ഷോ' സംഘടിപ്പിക്കുന്നത്.
ടിക്കറ്റിനും കൂടുതല്‍ വിവരങ്ങള്‍ക്കും ബന്ധപ്പെടുക:
കലാഭവന്‍ ലണ്ടന്‍ : 07841613973
ഈസ്റ്റ് ലണ്ടന്‍ മലയാളി അസോസിയേഷന്‍ : 07912325171 / 07714995428
Email : kalabhavanlondon@gmail.com
More Latest News
രണ്ട് വര്‍ഷത്തെ പ്രണയ ബന്ധത്തിന് ശേഷം വിവാഹം കഴിക്കാന്‍ യുവാവ് വിസമ്മതിച്ചു, യുവാവിന്റെ ജനനേന്ദ്രിയം മുറിച്ച് ഡോക്ടറായ യുവതി
റെസ്‌റ്റോറന്റ് ജീവനക്കാരി തന്റെ ഹെയര്സ്റ്റൈല് ഒന്ന് മാറ്റിപ്പിടിച്ചു, ഭക്ഷണം കഴിക്കാനെത്തിയ ഉപഭോക്താവിന് ഹെയര്സ്റ്റൈല് ഇഷ്ടപ്പെട്ടു, ടിപ്പ് കൊടുത്ത് 1.3 ലക്ഷം രൂപ!!!
വിപുലമായ ഫീച്ചറുകളും അത്യാധുനിക സാങ്കേതികവിദ്യയും ഉള്‍പ്പെടുത്തി, സോണി ഇന്ത്യ പുതിയ ബ്രാവിയ 7 മിനി എല്‍ഇഡി സീരീസിന്റെ അവതരണം പ്രഖ്യാപിച്ചു
ഇന്ത്യന്‍ ക്രിക്കറ്റ് ടീമിന്റെ പുതിയ പരിശീലകനെ ഉടന്‍ പ്രഖ്യാപിക്കും, പ്രഥമ പരിഗണനയിലുള്ള ഒരാള്‍ ഗൗതം ഗംഭീര്‍
യൂട്യൂബില്‍ മാറ്റങ്ങള്‍ വരുന്നു, പുതിയ അപ്ഡേഷന് ഇങ്ങനെ
Most Read
British Pathram Recommends
