ബിഗ്ബോസ് സീസണ് ആറില് വിജയ് ആയി മാറിയ താരമാണ് ജിന്റോ. പലപ്പോഴും പല വഴക്കുകളില് പെട്ടുപോയിട്ടുള്ള ജിന്റോയുടെ ഗെയിമിന്റെ ഗ്രാഫ് ഓരോ ദിവസം ചെയ്യും തോറും മികച്ചതായി വരികയായിരുന്നു. ഒടുവില് ബിഗ്ബോസ് കപ്പ് മാത്രമല്ല 50 ലക്ഷവും ജിന്റോയ്ക്ക് സമ്മാനമായി ലഭിച്ചു.
ബിഗ്ബോസ് ഷോ കഴിഞ്ഞതോടെ ജിന്റോ തിരക്കിലാണ്. ഓരോ വോദികളിലും ജിന്റോയ്ക്ക് മികച്ച സ്വീകരണമാണ് ലഭിക്കുന്നത്. ഒരു മണ്ടനാണെന്ന് പറഞ്ഞിരുന്ന മറ്റ് മത്സരാര്ത്ഥികളെ കൊണ്ട് കൈയ്യടിപ്പിച്ച ജിന്റോയ്ക്ക് വലിയ പ്രശംസയാണ് ലഭിക്കുന്നത്.
ഇപ്പോഴിതാ ബിഗ് ബോസ് ഷോയ്ക്ക് ശേഷം മറ്റൊരു സന്തോഷം കൂടി ജിന്റോയുടെ ജീവിതത്തില് സംഭവിച്ചിരിക്കുകയാണ്. കോണ്ഫിഡന്സ് ഗ്രൂപ്പ് നിര്മ്മിച്ച് വികെ പ്രകാശ് സംവിധാനം ചെയ്യുന്ന ഒരു ചിത്രത്തില് എനിക്കൊരു മികച്ച റോളുണ്ടെന്നാണ് ജിന്റോ വ്യക്തമാക്കിയത്. അതോടൊപ്പം തന്നെ എന്എം ബാദുഷ നിര്മ്മിക്കുന്ന ചിത്രത്തില് മൂന്ന് നായകന്മാരില് ഒരാളാണ് ഞാന്. അതില് തന്നെ മെയിന് വേഷമാണെന്നും ജിന്റോ പറയുന്നു. സിനിമയില് അഭിനയിക്കണമെന്ന നാളുകളായുള്ള മോഹമാണ് ഇതോടെ പൂവണിഞ്ഞിരിക്കുന്നത്.
മുന്പ് പല പടങ്ങളിലും അഭിനയിച്ചിട്ടുണ്ടെങ്കിലും തന്റെ മുഖം രജിസ്റ്റര് ആയിരുന്നില്ല. ബിഗ് ബോസ് ഷോയില് എത്തിയതോടെ ജീവിതത്തിലെ വലിയ ആഗ്രഹമാണ് പൂവിട്ടിരിക്കുന്നത്, ജിന്റോ വ്യക്തമാക്കി.