![](https://britishpathram.com/malayalamNews/97420-uni.jpg)
ജോലിസ്ഥലത്തെ അപകടത്തിൽ യുകെയിലെ മലയാളി യുവാവിന് ജീവൻ നഷ്ടപ്പെട്ടു. യുകെയിലെ കമ്പനിയിൽ രാത്രി വൈകിയുണ്ടായ അപകടത്തിൽ കാലടി സ്വദേശിയായ 36 വയസ്സുമാത്രമുള്ള മലയാളി യുവാവ് റെയ്ഗൻ ജോസാണ് ദാരുണമായി കൊല്ലപ്പെട്ടത്.
ബെഡ്ഫോർഡിലെ കമ്പനിയിൽ ജോലിചെയ്യുന്നതിനിടെ ക്രെയിനിൽ നിന്നുള്ള കനമേറിയ ലോഡ് താഴേക്ക് പതിച്ചാണ് അപകടം എന്നറിയുന്നു. അപകടത്തെക്കുറിച്ചുള്ള കൂടുതൽ വിവരങ്ങൾ ലഭ്യമായി വരുന്നതേയുള്ളൂ.
അപകടത്തിൽ തലയ്ക്കേറ്റ ഗുരുതരമായ പരുക്കാണ് ജീവൻ അപഹരിച്ചതെന്നാണ് ലഭ്യമാകുന്ന വിവരം. ക്രെയിനിന്റെ ബെൽറ്റ് പൊട്ടി ഉയർത്തിയിരുന്ന ടണ്ണോളം കനമുള്ള വസ്തു തെന്നിമാറി താഴേക്കുവീഴുകയായിരുന്നു. താഴെ നിന്നിരുന്ന റെയ്ഗന് ഓടിമാറാൻ കഴിയുംമുമ്പേ ദുരന്തം സംഭവിച്ചു. തലയ്ക്ക് ഗുരുതരമായി പരുക്കേറ്റതിനെ തുടർന്ന് ആശുപത്രി എമർജൻസി യൂണിറ്റിൽ എത്തിക്കുകയായിരുന്നു. റെയ്ഗന്റെ കമ്പനിയിൽ മലയാളികൾ ആരെങ്കിലും ജോലിചെയ്തിരുന്നോ എന്നകാര്യവും അന്വേഷിച്ചുവരുന്നു.
കാലടി കൊറ്റമം സ്വദേശിയായ റെയ്ഗൻ ജോസ് നാലുമാസം മുമ്പുമാത്രമാണ് യുകെയിലെത്തിയത്. കൊറ്റമം മണവാളൻ ജോസിന്റെ മകനാണ്. നഴ്സായ ഭാര്യ സ്റ്റീനയുടെ ഡിപെൻഡന്റ് വിസയിലാണ് മുപ്പത്തിയാറ് വയസ്സ് മാത്രമുള്ള റീഗനും യുകെയിലെത്തിയത്. തുടർന്ന് ഭാര്യയുടെ ജോലിസ്ഥലമായ ബെൽഫോർഡിൽ കുടുംബസമേതം താമസമാക്കുകയായിരുന്നു.
മൃതദേഹം ബെഡ്ഫോർഡ് ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. വിവരമറിഞ്ഞ് സമീപവാസികളായ മലയാളികളും അസ്സോസിയേഷൻ പ്രവർത്തകരും റെയ്ഗന്റെ വീട്ടിലും ആശുപത്രിയിലും എത്തിക്കൊണ്ടിരിക്കുന്നു.
തൃശൂർ സ്വദേശിയായ ഭാര്യ സ്റ്റീന ബെഡ്ഫോർഡ് എൻഎച്ച്എസ് ആശുപത്രിയിൽ നഴ്സാണ്. 4 വയസ്സുള്ള ഇവ എന്ന പെൺകുട്ടി മാത്രമാണ് ദമ്പതികൾക്കുള്ളത്.
ഒരു ദിവസത്തിന്റെ ആയുസ്സുപോലുമില്ലാതെ രണ്ടാമത്തെ ആകസ്മിക മരണവർത്തയും എത്തിയപ്പോൾ, ബെഡ്ഫോർഡ് മലയാളികൾ കടുത്ത നടുക്കത്തിലായി. ബെഡ്ഫോർഡിനടുത്തുള്ള സെന്റ് നിയോഡ്സിൽ താമസിക്കുന്ന ജോജോ ഫ്രാൻസിസ് കഴിഞ്ഞദിവസം വെളുപ്പിനെ അപ്രതീക്ഷിത ഹൃദയാഘാതം മൂലം മരണമടഞ്ഞിരുന്നു.
കാറപകടത്തെ തുടർന്നാണ് റെയ്ഗന്റെ മരണമെന്ന് ആദ്യംവാർത്ത പരന്നിരുന്നുവെങ്കിലും അത് തെറ്റായ വിവരമാണെന്ന് പിന്നീട് സ്ഥിരീകരിച്ചു.
ഒന്നിനുപിന്നാലെ ഒന്നായി നിരവധി തുടർ മരണങ്ങളാണ് ഈ ജൂൺ മാസം മാത്രം യുകെ മലയാളികളെ വേദനയിലാഴ്ത്തി കടന്നുവന്നത്. അതിൽ ഭൂരിഭാഗവും അകാലവിയോഗങ്ങൾ ആയിരുന്നു എന്നതാണ് സങ്കടകരമായ യാഥാർത്ഥ്യം.
More Latest News
'ഭ്രാന്തുള്ളവര് ഗവര്ണറാകരുതെന്ന് ഭരണഘടന പറഞ്ഞിട്ടില്ല'; ആരിഫ് മുഹമ്മദ് ഖാനെതിരെ വിവാദ പരാമര്ശവുമായി എം. സ്വരാജ് രംഗത്ത്
![](https://britishpathram.com/malayalamNews/thumb/97464-uni.jpg)
'കൊട്ടാരസദൃശ്യമായ വീട് ഉണ്ടാക്കിയിട്ടില്ല, അച്ഛന്റെ സഹായത്തോടെ ബിസിനസുമില്ല; മറുപടിയുമായി പി ജയരാജന്റെ മകന് ജയിന് രാജ്
![](https://britishpathram.com/malayalamNews/thumb/97463-uni.jpg)
സര്ഗ്ഗം സ്റ്റീവനേജ് മലയാളി അസോസ്സിയേഷന്റെ 'വണ് ഡേ പികിനിക്ക്' ആഘോഷത്തിന്റെയും സന്തോഷത്തിന്റെയും ദിനമായി മാറി, മണലില് കാസിലുകള് തീര്ത്തും, ഞണ്ട് പിടിച്ചും, സര്ഫിങ്ങും, റൈഡുകള് നടത്തിയും സ്റ്റീവനേജു മലയാളികള്
![](https://britishpathram.com/malayalamNews/thumb/97461-uni.jpg)
ഫാ. ജോസഫ് മുക്കാട്ടും, സിസ്റ്റര് ആന് മരിയായും സംയുക്തമായി നയിക്കുന്ന ലണ്ടന് റീജണല് നൈറ്റ് വിജില്, ജൂലൈ 26ന് ഹാര്ലോയില്
![](https://britishpathram.com/malayalamNews/thumb/97460-uni.jpg)
'ഡിസ്കവര് ഇന്ത്യ' കലാഭവന് ലണ്ടന് ഒരുക്കുന്ന 'ദി ഗ്രേറ്റ് ഇന്ത്യന് ടാലെന്റ്റ് ഷോ', ഭാരത കലാ സാംസ്ക്കാരിക നൃത്ത രൂപങ്ങളുടെ അവതരണം, ഈ മാസം 13ന്
![](https://britishpathram.com/malayalamNews/thumb/97459-uni.jpg)