ഷിഫ്റ്റുകളില്‍ വേണ്ടത്ര നഴ്സുമാരില്ലാത്തതിനാല്‍ എന്‍എച്ച്എസില്‍ എത്തുന്ന രോഗികള്‍ പരിചരണം കിട്ടാതെ കഠിനമായ വേദന അനുഭവിക്കുകയും ചില സന്ദര്‍ഭങ്ങളില്‍ മരണത്തിന് കീഴടങ്ങേണ്ടി വരുകയും ചെയ്യുന്നുവെന്ന് റോയല്‍ കോളേജ് ഓഫ് നഴ്സിംഗ് നടത്തിയ സര്‍വ്വേ റിപ്പോര്‍ട്ട്. മൂന്നിലൊന്ന് ഷിഫ്റ്റുകളില്‍ മാത്രമേ രജിസ്റ്റര്‍ ചെയ്ത മതിയായ നഴ്സുമാര്‍ ഡ്യൂട്ടിയിലുള്ളൂ എന്നാണ് സര്‍വേ ചൂണ്ടിക്കാണിക്കുന്നത്.
നഴ്സുമാര്‍ പലപ്പോഴും ഒരു സമയം ഡസന്‍ കണക്കിന് രോഗികളെ പരിചരിക്കേണ്ടി വരുന്നുവെന്നും ആര്‍സിഎന്‍ പറഞ്ഞു. ഒരു നഴ്സിന് ഉത്തരവാദിത്തമുള്ള പരമാവധി രോഗികളുടെ എണ്ണം പരിമിതപ്പെടുത്തണമെന്നും അവര്‍ ആവശ്യപ്പെട്ടിട്ടുണ്ട്. നഴ്സ് ക്ഷാമം മൂലം രോഗികള്‍ വളരെയധികം ബുദ്ധിമുട്ടുകള്‍ അനുഭവിക്കുന്നതായി സര്‍വേയില്‍ തെളിഞ്ഞതായി ആര്‍സിഎന്റെ ആക്ടിംഗ് ജനറല്‍ സെക്രട്ടറിയും ചീഫ് എക്‌സിക്യൂട്ടീവുമായ നിക്കോള റേഞ്ചര്‍ പറഞ്ഞു.
RCN അതിന്റെ ഏറ്റവും പുതിയ 'ലാസ്റ്റ് ഷിഫ്റ്റ്' സര്‍വേയ്ക്കായി യുകെയിലുടനീളമുള്ള 11,000-ലധികം നഴ്സിംഗ് സ്റ്റാഫുകളെയാണ് സര്‍വ്വേയില്‍ ഉള്‍പ്പെടുത്തിയത്. അവരുടെ ഏറ്റവും പുതിയ ഷിഫ്റ്റുകളിലെ അനുഭവങ്ങളെക്കുറിച്ചാണ് പ്രധാനമായും അവരോട് ചോദിച്ചത്. സര്‍വ്വേയില്‍ 32 ശതമാനം ഹോസ്പിറ്റല്‍ നഴ്സിംഗ് സ്റ്റാഫും 36 ശതമാനം കമ്മ്യൂണിറ്റി നഴ്സിംഗ് സ്റ്റാഫും തങ്ങളുടെ ഷിഫ്റ്റില്‍ രജിസ്റ്റര്‍ ചെയ്ത നഴ്സുമാരുടെ എണ്ണം ആവശ്യത്തിന് ഉണ്ടെന്ന് പറഞ്ഞു.
ഇംഗ്ലണ്ടിന്റെ തെക്ക്-പടിഞ്ഞാറ് ഭാഗത്തുള്ള കമ്മ്യൂണിറ്റിയില്‍ ജോലി ചെയ്യുന്ന ഒരു നഴ്സ് സര്‍വേയോട് പറഞ്ഞു: ''ഞങ്ങള്‍ക്ക് വേണ്ടത്ര സ്റ്റാഫില്ലാത്തതിനാല്‍ എല്ലാ ദിവസവും ഞങ്ങളോട് കൂടുതല്‍ രോഗികളെ നോക്കാന്‍ ആവശ്യപ്പെടുകയാണ്. ഞങ്ങള്‍ എപ്പോഴും തിരക്കിലാണ്. '
ഇംഗ്ലണ്ടിന്റെ തെക്ക് ഭാഗത്തുള്ള കമ്മ്യൂണിറ്റിയില്‍ പ്രവര്‍ത്തിക്കുന്ന മറ്റൊരാള്‍ പറഞ്ഞു: ''നഴ്സിംഗ് പരിചരണം ആവശ്യമുള്ള 50-ലധികം രോഗികളെ, മോശം സ്റ്റാഫിംഗ് ലെവലുകള്‍ കാരണം ഞങ്ങള്‍ ദിവസേന നിരവധി രോഗികളെ പരിചരിക്കാതെ പോകുന്നു. ഇത് മരണ നിരക്കും വലിയ തോതില്‍ വര്‍ധിപ്പിക്കുന്നു. ആരെയാണ് കാണേണ്ടത്, ആരെയാണ് കാണാതെ പോകുന്നത് എന്ന തീരുമാനം കൈക്കൊള്ളുന്ന കാര്യങ്ങള്‍ ഹൃദയഭേദകമാണ്.
വെസ്റ്റ് മിഡ്ലാന്‍ഡ്സിലെ ഒരു ഹോസ്പിറ്റലിലെ ഒരു നഴ്സ് പറഞ്ഞു: ''മരിച്ചു കൊണ്ടിരിക്കുന്ന രോഗികളോടൊപ്പം ഇരിക്കാന്‍ എനിക്ക് കഴിഞ്ഞിട്ടില്ല, അതായത് അവരെ മരിക്കാന്‍ വിടേണ്ടി വരുന്നു. രോഗികള്‍ക്ക് ശരിയായ ഭക്ഷണം നല്‍കുന്നുണ്ടെന്നും ആവശ്യത്തിന് പാനീയങ്ങള്‍ ഉണ്ടെന്നും ഉറപ്പാക്കാന്‍ എനിക്ക് സമയമില്ല.
അസ്വീകാര്യമായ സ്റ്റാഫിംഗ് ലെവലുകള്‍ കാരണം തികച്ചും സുരക്ഷിതമല്ലാത്ത പരിചരണമാണ് തങ്ങള്‍ക്ക് നല്‍കേണ്ടി വരുന്നതെന്ന് യോര്‍ക്ക്‌ഷെയറിലെ ഒരു ആശുപത്രിയില്‍ ജോലി ചെയ്യുന്ന ഒരു മിഡ്വൈഫ് പറഞ്ഞു.
ചാനല്‍ 4 ഡിസ്പാച്ചസ് പ്രോഗ്രാമിനെ പിന്തുടര്‍ന്നാണ് ആര്‍സിഎന്‍ സര്‍വേ നടത്തിയത്. ഏകദേശം 19,000 എന്‍എച്ച്എസ് രോഗികള്‍ 12 മാസ കാലയളവില്‍ മൂന്ന് ദിവസത്തേക്ക് എ&ഇ-യില്‍ കാത്തിരിക്കുന്നു എന്നായിരുന്നു ചാനല്‍ സര്‍വ്വേയില്‍ തെളിഞ്ഞത്.
More Latest News
എഐയുടെ സഹായത്തോടെ ചരക്കുനീക്കത്തില്‍ വന്‍ കുതിപ്പിന് ലക്ഷ്യമിട്ട് എയര്‍ ഇന്ത്യ, എയര്‍ ഇന്ത്യ ലക്ഷ്യം വയ്ക്കുന്നത് കാഗോ-ബിസിനസ് രംഗത്ത് വലിയ മുന്നേറ്റം
അമീബിക് മസ്തിഷ്‌കജ്വരം ബാധിച്ച് ഒരാള്‍ കൂടി മരിച്ചു, കോഴിക്കോട്ടെ സ്വകാര്യ ആശുപത്രിയില്‍ ചികിത്സയിലായിരുന്ന പതിനാലു വയസ്സുകാരനാണ് മരിച്ചു
ട്വിറ്ററിന് പകരക്കാരനായി എത്തിയ 'കൂ' അടച്ചുപൂട്ടുന്നു, വന്‍ നഷ്ടത്തില്‍ പോകുന്നതിനാലാണ് അടച്ചുപൂട്ടല്‍
'ഡെങ്കിപ്പനി മുമ്പ് വന്നിട്ടുള്ളവര്‍ക്ക് വീണ്ടും ബാധിച്ചാല്‍ ആരോഗ്യനില സങ്കീര്‍ണമാകാന്‍ സാധ്യത, അതീവ ജാഗ്ത വേണം' മന്ത്രി വീണാ ജോര്‍ജ്
'ഇനി നാട്ടില്‍ വന്ന ശേഷം ഓട്ടോറിക്ഷ ഓടിക്കാനോ കഷ്ടപ്പെടാനോ പോകേണ്ട ഒരു ബിസിനസ് പങ്കാളിയാക്കി കച്ചവടമൊക്കെ ശരിയാക്കി തരാം' നന്ദി പറഞ്ഞ അബ്ദുല്‍ റഹീമിന് ബോചെയുടെ വാക്ക്
Most Read
British Pathram Recommends
