![](https://britishpathram.com/malayalamNews/97446-uni.jpg)
കാലിന് പരുക്ക് പറ്റി ശസ്ത്രക്രിയക്കെത്തിയ ഒമ്പതു വയസ്സുകാരന്റെ ജനനേന്ദ്രിയത്തില് ഓപ്പറേഷന് ചെയ്ത് ഡോക്ടര്. മഹാരാഷ്ട്ര ഷഹാപൂരിലെ സര്ക്കാര് ആശുപത്രിയിലാണ് ഇത്തരത്തില് ശസ്ത്രക്രിയ മാറി ചെയ്തത്.
ഷഹാപൂര് സ്വദേശികളുടെ ഒമ്പതു വയസ്സുകാരനാണ് ഇത്തരത്തില് ഇരയായത്. കഴിഞ്ഞ മാസം സുഹൃത്തുക്കള്ക്കൊപ്പം കളിക്കുന്നതിനിടെ കുട്ടിയുടെ കാലിനു സാരമായ പരിക്കേറ്റിരുന്നു. തുടര്ന്നാണ് ഷഹാപൂരിലെ ജില്ലാ ആശുപത്രിയില് എത്തിച്ചത്. കഴിഞ്ഞ ജൂണ് 15ന് ആശുപത്രിയില് വച്ച് ശസ്ത്രക്രിയയും നടന്നു. എന്നാല്, ശസ്ത്രക്രിയ കഴിഞ്ഞു പുറത്തിറങ്ങിയപ്പോഴാണ് അവയവം മാറിയ വിവരം തിരിച്ചറിയുന്നത്. കാലിലെ ശസ്ത്രക്രിയയ്ക്കു പകരം ചേലാകര്മം നടത്തുകയായിരുന്നുവെന്നാണു കുട്ടിയുടെ കുടുംബം ആരോപിക്കുന്നു.
ഉടന് തന്നെ ആശുപത്രിയില് പരാതി നല്കി. അബദ്ധം മനസിലാക്കിയ ഡോക്ടര്മാര് കാലില് ശസ്ത്രക്രിയ നടത്തി തിരിച്ചയച്ചു. എന്നാല്, ഡോക്ടര്മാരുടെ അനാസ്ഥയില് കുട്ടിയുടെ മാതാപിതാക്കള് ഷഹാപൂര് പൊലിസില് പരാതി നല്കി. സംഭവത്തില് ഇതുവരെ കേസെടുത്തിട്ടില്ല. പരാതിയില് അന്വേഷണം നടത്തുമെന്നാണ് പൊലിസ് അറിയിച്ചത്. ജില്ലാ സിവില് സര്ജന് ഡോ. കൈലാസ് പവാറും പരാതിയില് അന്വേഷണത്തിന് ഉത്തരവിട്ടിട്ടുണ്ട്.
കാലിനു പുറമെ കുട്ടിയുടെ അഗ്രചര്മത്തിലും ശസ്ത്രക്രിയ ആവശ്യമായിരുന്നുവെന്നാണ് ആശുപത്രിയിലെ മെഡിക്കല് ഓഫിസര് ഗജേന്ദ്ര പവാര് മാധ്യമങ്ങളോട് പ്രതികരിച്ചത്. അഗ്രചര്മം മുറുകിനില്ക്കുന്ന ഫിമോസിസ് എന്നു പേരുള്ള അസുഖം കുട്ടിക്കുണ്ടായിരുന്നുവെന്നാണ് ഓഫിസര് വിശദീകരിച്ചത്. ഇതിനാല് രണ്ടു ശസ്ത്രക്രിയയും നടത്തേണ്ടിയിരുന്നു. എന്നാല്, ഇതേക്കുറിച്ച് കുട്ടിയുടെ ബന്ധുക്കളെ അറിയിക്കാന് വിട്ടുപോയതാകാം. ഡോക്ടര്മാര് ചെയ്തതില് ഒരു തെറ്റുമില്ലെന്നും മെഡിക്കല് ഓഫിസര് ചെയ്തിയെ ന്യായീകരിക്കുന്നു.
എന്നാല്, ഡോക്ടര്മാരുടെ വിശദീകരണം സ്വീകാര്യമല്ലെന്നും നിയമനടപടിയുമായി മുന്നോട്ടുപോകുമെന്നുമാണ് കുട്ടിയുടെ കുടുംബം പറയുന്നത്.
More Latest News
ചാലക്കുടി ചങ്ങാത്തത്തിന്റെ വാര്ഷികം 'ആരവം' ആഘോഷമായി, സ്റ്റോക്ക് ഓണ് ട്രെന്റില് വെച്ച് നടന്നു യുകെയുടെ വിവിധ ഭാഗങ്ങളില് നിന്നും ചാലക്കുടി ചങ്ങാത്തം ഒത്തു കൂടി
![](https://britishpathram.com/malayalamNews/thumb/97516-uni.jpg)
'ആ വീട്ടില് ആ സാഹചര്യത്തില് എനിക്ക് അവനോട് തോന്നിപ്പോയ ഒരു ഇഷ്ടമാണ്, പക്ഷെ പ്രേമമാകരുത് എന്ന രീതിയില് പിടിച്ച് വെച്ചതാണ്' ബിഗ്ബോസ് സീസണ് സിക്സ് താരം ജാസ്മിന്
![](https://britishpathram.com/malayalamNews/thumb/97515-uni.jpg)
'നെഞ്ചുലച്ചു കളഞ്ഞ മുറിവുണങ്ങുന്ന ഒരു ദിവസം നിങ്ങള്ക്കും വരും ദാ ഇതുപോലെ,പത്താം ക്ലാസ്സ് പരീക്ഷയിലെ വിജയത്തിന് നാടിന്റെ ആദരം ഏറ്റു വാങ്ങുന്ന ഉണ്ണിക്കുട്ടന്റെ ഫോട്ടോ' ബിഗ്ബോസ് താരം ശാലിനി
![](https://britishpathram.com/malayalamNews/thumb/97514-uni.jpg)
'എന്തെല്ലാം സൗകര്യങ്ങള് ഉള്ള കാരവാന് നല്കിയാലും വേണ്ടെന്ന് പറയുന്ന ഒരേ ഒരു താരമേ മലയാള സിനിമയില് ഉള്ളൂ' തുറന്ന് പറഞ്ഞ് നടന് ബൈജു സന്തോഷ്
![](https://britishpathram.com/malayalamNews/thumb/97512-uni.jpg)
'അമ്മ സംഘടനയുടെ യോഗം നടക്കുമ്പോള് ഫഹദും ഭാര്യയും എറണാകുളത്ത് മീര നന്ദന്റെ വിവാഹ റിസപ്ഷനില് പങ്കെടുക്കാന് എത്തിയിരുന്നു, എന്നാല് അമ്മയുടെ യോഗത്തിലേക്ക് തിരിഞ്ഞ് നോക്കിയില്ല' രൂക്ഷമായ ഭാഷയില് വിമര്ശിച്ച് അനൂപ് ചന്ദ്രന്
![](https://britishpathram.com/malayalamNews/thumb/97511-uni.jpg)