![](https://britishpathram.com/malayalamNews/97450-uni.jpg)
ജൂലായ് നാലിന് പൊതുതിരഞ്ഞെടുപ്പ് നടക്കാനിരിക്കെ വാതുവെപ്പ് വിവാദത്തില് ആടിയുലഞ്ഞ് പ്രധാനമന്ത്രി ഋഷി സുനകും കണ്സര്വേറ്റിവ് പാര്ട്ടിയും. പാര്ട്ടിയിലെ നേതാക്കളും ഉദ്യോഗസ്ഥരും തിരഞ്ഞെടുപ്പ് തീയതി സംബന്ധിച്ച് വാതുവെപ്പ് നടത്തി എന്നാണ് ആരോപണം. ഇതിന്റെപേരില് അഞ്ച് കണ്സര്വേറ്റിവ് നേതാക്കള്ക്കെതിരേ ചൂതാട്ട കമ്മിഷന് (ജി.സി.) അന്വേഷണമാരംഭിച്ചു. സംഭവത്തില് സുനകിന്റെ അംഗരക്ഷകന് അറസ്റ്റിലായി. രണ്ടംഗങ്ങളെ ലേബര് പാര്ട്ടി സസ്പെന്ഡ് ചെയ്തു.
പാര്ട്ടിക്കുള്ളില്നിന്നു ലഭിച്ച വിവരങ്ങളുപയോഗിച്ച് തിരഞ്ഞെടുപ്പ് തീയതിയെക്കുറിച്ച് ചില കണ്സര്വേറ്റിവ് നേതാക്കളും ഉദ്യോഗസ്ഥരും വാതുവെപ്പ് നടത്തിയെന്നാണ് ആരോപണം. സുനകിന്റെ അടുത്ത അനുയായിയായ ക്രെയ്ഗ് വില്യംസ് തിരഞ്ഞെടുപ്പ് തീയതിയുമായി ബന്ധപ്പെട്ട് 127 ഡോളറിന്റെ (ഏകദേശം 10,000 രൂപ) വാതുവെപ്പ് നടത്തിയെന്ന് രണ്ടാഴ്ചമുമ്പ് വെളിപ്പെട്ടതോടെയാണ് വിവാദം തുടങ്ങിയത്. തിരഞ്ഞെടുപ്പുസമയത്ത് പാര്ട്ടിക്കുള്ളിലെ വിവരം ചോര്ത്തി സാമ്പത്തികനേട്ടമുണ്ടാക്കാന് കണ്സര്വേറ്റിവ് നേതാക്കള് ശ്രമിച്ചത് ജനാധിപത്യത്തിലെ വലിയ നാണക്കേടാണെന്ന് എതിര്കക്ഷികള് ആരോപിച്ചു. വിവാദവുമായി ബന്ധപ്പെട്ട് 15-ഓളം കണ്സര്വേറ്റിവ് നേതാക്കളും ഉദ്യോഗസ്ഥരും അന്വേഷണം നേരിടുമെന്ന് കരുതുന്നു. വാതുവെപ്പില് അഞ്ച് പോലീസുകാരും ഉള്പ്പെട്ടിട്ടുണ്ട്.
കണ്സര്വേറ്റിവ് പാര്ട്ടിയുടെ സ്കോട്ട്ലന്ഡ് സെക്രട്ടറി അലിസ്റ്റര് ജാക്ക് തിരഞ്ഞെടുപ്പ് തീയതിയെക്കുറിച്ച് താന് മാര്ച്ച്-ഏപ്രില് മാസങ്ങളില് വാതുവെച്ചെന്നു സമ്മതിച്ചതും ഭരണകക്ഷിക്കു വിനയായി. എന്നാല്, താന് ജി.സി.യുടെ അന്വേഷണപരിധിയിലില്ലെന്ന് അദ്ദേഹം പറഞ്ഞു. വിവാദത്തിലുള്പ്പെട്ട നേതാക്കളായ ക്രെയ്ഗ് വില്യംസും ലോറ സോണ്ടേഴ്സും തിരഞ്ഞെടുപ്പില് മത്സരിക്കുന്നുണ്ട്. ഇരുവര്ക്കുമുള്ള പിന്തുണ പാര്ട്ടി പിന്വലിച്ചു.
അതിനിടെ, വെസ്റ്റ് യോര്ക്ക്ഷയറിലെ ഷിപ്ലെ മണ്ഡലത്തിലെ കണ്സര്വേറ്റിവ് എം.പി.യായ ഫിലിപ്പ് ഡേവിസ് താന് തോല്ക്കുമെന്ന് 8000 പൗണ്ടിന് (ഏകദേശം 8.4 ലക്ഷം രൂപ) വാതുവെച്ചതായി ദ സണ് റിപ്പോര്ട്ടുചെയ്തു. ഇത്തരത്തില് വാതുവെച്ച ലേബര് സ്ഥാനാര്ഥി കെവിന് സ്കോട്ടിനെയും കെവിന് ക്രെയ്ഗിനെയും പാര്ട്ടി സസ്പെന്ഡ് ചെയ്തു.
More Latest News
എഐയുടെ സഹായത്തോടെ ചരക്കുനീക്കത്തില് വന് കുതിപ്പിന് ലക്ഷ്യമിട്ട് എയര് ഇന്ത്യ, എയര് ഇന്ത്യ ലക്ഷ്യം വയ്ക്കുന്നത് കാഗോ-ബിസിനസ് രംഗത്ത് വലിയ മുന്നേറ്റം
![](https://britishpathram.com/malayalamNews/thumb/97508-uni.jpg)
അമീബിക് മസ്തിഷ്കജ്വരം ബാധിച്ച് ഒരാള് കൂടി മരിച്ചു, കോഴിക്കോട്ടെ സ്വകാര്യ ആശുപത്രിയില് ചികിത്സയിലായിരുന്ന പതിനാലു വയസ്സുകാരനാണ് മരിച്ചു
![](https://britishpathram.com/malayalamNews/thumb/97507-uni.jpg)
ട്വിറ്ററിന് പകരക്കാരനായി എത്തിയ 'കൂ' അടച്ചുപൂട്ടുന്നു, വന് നഷ്ടത്തില് പോകുന്നതിനാലാണ് അടച്ചുപൂട്ടല്
![](https://britishpathram.com/malayalamNews/thumb/97506-uni.jpg)
'ഡെങ്കിപ്പനി മുമ്പ് വന്നിട്ടുള്ളവര്ക്ക് വീണ്ടും ബാധിച്ചാല് ആരോഗ്യനില സങ്കീര്ണമാകാന് സാധ്യത, അതീവ ജാഗ്ത വേണം' മന്ത്രി വീണാ ജോര്ജ്
![](https://britishpathram.com/malayalamNews/thumb/97504-uni.jpg)
'ഇനി നാട്ടില് വന്ന ശേഷം ഓട്ടോറിക്ഷ ഓടിക്കാനോ കഷ്ടപ്പെടാനോ പോകേണ്ട ഒരു ബിസിനസ് പങ്കാളിയാക്കി കച്ചവടമൊക്കെ ശരിയാക്കി തരാം' നന്ദി പറഞ്ഞ അബ്ദുല് റഹീമിന് ബോചെയുടെ വാക്ക്
![](https://britishpathram.com/malayalamNews/thumb/97503-uni.jpg)