![](https://britishpathram.com/malayalamNews/97451.jpg)
കാറുടമകൾക്കും ടാക്സി ഡ്രൈവർമാർക്കും നേരിയ ആശ്വാസം പകരുന്ന നിയമമാറ്റം നടപ്പിലാക്കാൻ തയ്യാറാക്കുകയാണ് യുകെയിലെ പ്രൈവറ്റ് കാർ പാർക്കിങ് നടത്തിപ്പുകാർ.
പുതിയ നിയമം അനുസരിച്ച് യുകെയിലെ സ്വകാര്യ കാർ പാർക്കുകൾ വാഹനമോടിക്കുന്നവർക്ക്, അനുവദിച്ച സമയം കഴിഞ്ഞും വാഹനം പാർക്ക് ചെയ്താൽ 10 മിനിറ്റ് "ഗ്രേസ് പിരീഡ്" നൽകും. അതായത് അനുവദിച്ച സമയം കഴിഞ്ഞ് 10 മിനിറ്റിനുള്ളിൽ വാഹനം മാറ്റിയാലും അവരിൽ നിന്ന് പിഴ ഈടാക്കില്ല.
നിലവിൽ നിശ്ചിത സമയം കഴിഞ്ഞ് ഒരുമിനിറ്റ് പോലും അധികമാകുന്നതിനുമുമ്പേ, പ്രൈവറ്റ് പാർക്കിംഗ് കമ്പനികൾ 100 പൗണ്ട് വരെ ഫൈൻ ഫീസായി ഈടാക്കി വരുന്നുണ്ട്.
കമ്പനികൾ ഓട്ടം സീസണിൽ നടപ്പിലാക്കുമെന്ന് വാഗ്ദാനംചെയ്ത പുതിയ നിയമമാറ്റ ടെസ്റ്റിന്റെ ഭാഗമായാണ് നടപടി പ്രഖ്യാപിച്ചത്. പുതിയ നിയമം ഒരു നല്ല അപ്പീൽ സംവിധാനം അവതരിപ്പിക്കുകയും ചാർജുകളുടെ നിലവിലുള്ള പരിധി നിലനിർത്തുകയും ചെയ്യുമെന്നും ഇൻഡസ്ട്രി ട്രേഡ് ബോഡികൾ പറയുന്നു.
അതേസമയം ഫൈനിൽ കുടുങ്ങുന്ന നിപരാധികളായ ഡ്രൈവർമാരെ "സ്വകാര്യ കാർ പാർക്കുകൾ നടത്തുന്ന വമ്പൻ സ്രാവുകളിൽ" നിന്ന് സംരക്ഷിക്കുന്നതിന് ആവശ്യമായ നിയമങ്ങൾ പുതിയ മാറ്റങ്ങളിൽ വളരെ കുറവാണെന്നും ഇക്കാര്യത്തിൽ അടിയന്തര സർക്കാർ നിയമനിർമ്മാണം ആവശ്യമാണെന്നും മോട്ടോറിംഗ് ഓർഗനൈസേഷനുകളും ചൂണ്ടിക്കാണിക്കുന്നു
യുകെയിലെ സ്വകാര്യ കാർ പാർക്കിങ്ങുകളും പബ്ലിക് സ്ഥലങ്ങളിലെ കാർ പാർക്കിംഗ് നടത്തിപ്പുകാരും തമ്മിൽ വ്യത്യാസമുണ്ട്. ഇവരുടെ നിയമങ്ങളിലും ഈടാക്കുന്ന ഫൈനുകളിലും വ്യത്യാസമുണ്ട്.
സ്വകാര്യ കാർ പാർക്കുകൾ നിയന്ത്രിക്കുന്നത് സ്വകാര്യ കമ്പനികളാണ്. അവ പലപ്പോഴും സൂപ്പർമാർക്കറ്റുകൾക്ക് സമീപമോ നഗരത്തിന് പുറത്തുള്ള ഷോപ്പിംഗ് കോംപ്ലക്സുകളിലോ ആണുള്ളത്.
നഗര കേന്ദ്രങ്ങളിലോ പാർക്കുകൾക്ക് സമീപമോ തുറസ്സായ സ്ഥലങ്ങളിലോ പ്രാദേശിക കൗൺസിലുകൾ നടത്തുന്ന പബ്ലിക് കാർ പാർക്കുകളിൽ നിന്ന് സ്വകാര്യ പാർക്കുകൾ വ്യത്യസ്തമാണ്.
സ്വകാര്യ കാർ പാർക്ക് ഓപ്പറേറ്റർമാരെ പ്രതിനിധീകരിക്കുന്ന രണ്ട് ട്രേഡ് ബോഡികളായ ബ്രിട്ടീഷ് പാർക്കിംഗ് അസോസിയേഷനും ഇൻ്റർനാഷണൽ പാർക്കിംഗ് കമ്മ്യൂണിറ്റിയും ചേർന്നാണ് പുതിയ പ്രാക്ടീസ് കോഡ് പ്രസിദ്ധീകരിച്ചത് .
സ്വകാര്യ ഭൂമിയിലെ ഓപ്പറേറ്റർമാർക്കുള്ള ഒരേരീതിയിലെ ഒരൊറ്റ സെറ്റ് നിയമങ്ങൾ, കൂടുതൽ സ്ഥിരതയുള്ള സൈനേജ്, ഡ്രൈവർമാർക്കുള്ള അപ്പീൽ ചാർട്ടർ എന്നിവ പുതിയ മാറ്റത്തിൽ അവതരിപ്പിക്കുന്നു.
10 മിനിറ്റ് ഗ്രേസ് പിരീഡ് അവതരിപ്പിക്കുന്നത് അനുസരിച്ച്, ഒരു സ്വകാര്യ കാർ പാർക്കിലെ എല്ലാ വാഹനങ്ങൾക്കും പാർക്കിംഗ് ചാർജ് നോട്ടീസ് നൽകുന്നതിന് മുമ്പ് അനുവദിച്ച സമയം കഴിഞ്ഞശേഷം വാഹനം മാറ്റുവാൻ 10 മിനിറ്റ് കൂടി അധികമായി നൽകും എന്നാണ്.
പുതിയ നിയമമത്തിൽ 100 പൗണ്ടിൻ്റെ ഫൈൻ 14 ദിവസത്തിനുള്ളിൽ അടച്ചാൽ £60 ആയി കുറയുകയും ചെയ്യും എന്ന പ്രത്യേകതയുമുണ്ട്.
ഒക്ടോബറിൽ പുതിയ കോഡ് നടപ്പിലാക്കാൻ താൽപ്പര്യപ്പെടുന്നുവെന്ന് ഇൻഡസ്ട്രിയൽ ഓർഗനൈസേഷൻസ് പറയുമ്പോൾ, നിയമം നടപ്പിലാക്കാൻ സമയംവേണമെന്നും സ്വകാര്യ പാർക്കിംഗ് കമ്പനികൾ ആവശ്യപ്പെടുന്നു. എങ്കിലും 2026 ഡിസംബറോടെ സ്വകാര്യ കമ്പനികൾ പുതിയ മാനദണ്ഡങ്ങൾ പൂർണ്ണമായി പാലിക്കേണ്ടതുണ്ട്.
More Latest News
എഐയുടെ സഹായത്തോടെ ചരക്കുനീക്കത്തില് വന് കുതിപ്പിന് ലക്ഷ്യമിട്ട് എയര് ഇന്ത്യ, എയര് ഇന്ത്യ ലക്ഷ്യം വയ്ക്കുന്നത് കാഗോ-ബിസിനസ് രംഗത്ത് വലിയ മുന്നേറ്റം
![](https://britishpathram.com/malayalamNews/thumb/97508-uni.jpg)
അമീബിക് മസ്തിഷ്കജ്വരം ബാധിച്ച് ഒരാള് കൂടി മരിച്ചു, കോഴിക്കോട്ടെ സ്വകാര്യ ആശുപത്രിയില് ചികിത്സയിലായിരുന്ന പതിനാലു വയസ്സുകാരനാണ് മരിച്ചു
![](https://britishpathram.com/malayalamNews/thumb/97507-uni.jpg)
ട്വിറ്ററിന് പകരക്കാരനായി എത്തിയ 'കൂ' അടച്ചുപൂട്ടുന്നു, വന് നഷ്ടത്തില് പോകുന്നതിനാലാണ് അടച്ചുപൂട്ടല്
![](https://britishpathram.com/malayalamNews/thumb/97506-uni.jpg)
'ഡെങ്കിപ്പനി മുമ്പ് വന്നിട്ടുള്ളവര്ക്ക് വീണ്ടും ബാധിച്ചാല് ആരോഗ്യനില സങ്കീര്ണമാകാന് സാധ്യത, അതീവ ജാഗ്ത വേണം' മന്ത്രി വീണാ ജോര്ജ്
![](https://britishpathram.com/malayalamNews/thumb/97504-uni.jpg)
'ഇനി നാട്ടില് വന്ന ശേഷം ഓട്ടോറിക്ഷ ഓടിക്കാനോ കഷ്ടപ്പെടാനോ പോകേണ്ട ഒരു ബിസിനസ് പങ്കാളിയാക്കി കച്ചവടമൊക്കെ ശരിയാക്കി തരാം' നന്ദി പറഞ്ഞ അബ്ദുല് റഹീമിന് ബോചെയുടെ വാക്ക്
![](https://britishpathram.com/malayalamNews/thumb/97503-uni.jpg)