![](https://britishpathram.com/malayalamNews/97458-uni.jpg)
നാല് വര്ഷത്തിനിടെ നാല് പെണ്കുട്ടികളെ ലൈംഗികമായി ദുരുപയോഗം ചെയ്തതിന് കുറ്റക്കാരനാണെന്ന് കണ്ടെത്തിയതിനെ തുടര്ന്ന് കുട്ടി പീഡകനായ മുന് പ്രധാന അധ്യാപകന് 17 വര്ഷം തടവ്. കോണ്വി കൗണ്ടിയിലെ ഓള്ഡ് കോള്വിനില് നിന്നുള്ള നീല് ഫോഡന് (66) ആണ് 19 കേസുകളില് ശിക്ഷിക്കപ്പെട്ടത്. ഒരു കുട്ടിയെ ലൈംഗിക ചൂഷണം ചെയ്തതിന് 12 കേസുകളും മറ്റൊരു കുട്ടിയെ ദുരുപയോഗം ചെയ്തതിന് രണ്ട് കേസുകളും ഇതില് ഉള്പ്പെടുന്നു.
പ്രതി പശ്ചാത്താപം ഇല്ലാത്തവും അഹങ്കാരിയും ഭീകരനുമാണെന്ന് മോള്ഡ് ക്രൗണ് കോടതിയില് അദ്ദേഹത്തെ ശിക്ഷിച്ചുകൊണ്ട് ജഡ്ജി റൈസ് റോളണ്ട്സ് പറഞ്ഞു. ഒരു ഗ്വിനെഡ് സ്കൂളിന്റെ തലവനും മറ്റൊരു സ്കൂളിന്റെ തന്ത്രപ്രധാനമായ സ്ഥാനം അലങ്കരിക്കുന്നവനുമായ ഫോഡന്, മെയ് മാസത്തെ വിചാരണയ്ക്കിടെ അഞ്ചാമത്തെ പെണ്കുട്ടിയുമായി ലൈംഗിക ബന്ധത്തില് ഏര്പ്പെട്ടതില് കുറ്റക്കാരനല്ലെന്നും കോടതി വിധിച്ചു. വിധി കേള്ക്കാന് എത്തിയ പ്രതി ഭാവദേമില്ലാതെ ശിക്ഷാവിധിയിലുടനീളം തല കുനിച്ചു നില്ക്കുകയായിരുന്നു.
'ഇരകളുടെ ധൈര്യവും അവരുടെ കുടുംബങ്ങള് വാഗ്ദാനം ചെയ്യുന്ന പിന്തുണയും പോലീസിന്റെ അന്വേഷണത്തിന്റെ സമഗ്രതയും ഇല്ലായിരുന്നുവെങ്കില്, പ്രതി നിയമത്തില് നിന്നും രക്ഷപ്പെട്ടേനെ എന്ന് ജഡ്ജി റോളണ്ട്സ് പറഞ്ഞു. 'പ്രതിക്ക് പശ്ചാത്താപമില്ല... ഒരു ഔണ്സ് പശ്ചാത്താപവും പ്രതി കാണിച്ചില്ല, കൂടാതെ ഇളാള് വരുത്തിയ ഗുരുതരമായ ദ്രോഹത്തെക്കുറിച്ച് ബോധവാനുമല്ല എന്ന് കോടതി നിരീക്ഷിച്ചു. കുട്ടികളുമായി പ്രവര്ത്തിക്കുന്നതില് നിന്ന് പ്രതിയെ വിലക്കിയെന്നും ജീവിതകാലം മുഴുവന് ലൈംഗിക കുറ്റവാളിയായി രജിസ്റ്റര് ചെയ്യുമെന്നും അദ്ദേഹം ഫോഡനോട് പറഞ്ഞു.
ഗ്വിനെഡിന്റെ കൗണ്ടി കൗണ്സിലുമായി ഫോഡന്റെ പെരുമാറ്റത്തെക്കുറിച്ച് മുതിര്ന്ന ഉദ്യോഗസ്ഥര് ആശങ്കകള് ഉന്നയിച്ചതിന് ശേഷം ഔപചാരികമായ അന്വേഷണമൊന്നും നടന്നില്ല എന്നത് പ്രതിയുടെ പെരുമാറ്റം തുടരാന് 'ധൈര്യം' നല്കിയതായും ജഡ്ജി കൂട്ടിച്ചേര്ത്തു.
More Latest News
കുവൈത്ത് തീപിടുത്തത്തില് മരിച്ചവരുടെ കുടുംബത്തിന് എംഎ യൂസഫലിയുടെ കൈതാങ്ങ്, 1.20 കോടി രൂപ ധനസഹായം കൈമാറി ലുലു ഗ്രൂപ്പ് ചെയര്മാന്
![](https://britishpathram.com/malayalamNews/thumb/97509-uni.jpg)
എഐയുടെ സഹായത്തോടെ ചരക്കുനീക്കത്തില് വന് കുതിപ്പിന് ലക്ഷ്യമിട്ട് എയര് ഇന്ത്യ, എയര് ഇന്ത്യ ലക്ഷ്യം വയ്ക്കുന്നത് കാഗോ-ബിസിനസ് രംഗത്ത് വലിയ മുന്നേറ്റം
![](https://britishpathram.com/malayalamNews/thumb/97508-uni.jpg)
അമീബിക് മസ്തിഷ്കജ്വരം ബാധിച്ച് ഒരാള് കൂടി മരിച്ചു, കോഴിക്കോട്ടെ സ്വകാര്യ ആശുപത്രിയില് ചികിത്സയിലായിരുന്ന പതിനാലു വയസ്സുകാരനാണ് മരിച്ചു
![](https://britishpathram.com/malayalamNews/thumb/97507-uni.jpg)
ട്വിറ്ററിന് പകരക്കാരനായി എത്തിയ 'കൂ' അടച്ചുപൂട്ടുന്നു, വന് നഷ്ടത്തില് പോകുന്നതിനാലാണ് അടച്ചുപൂട്ടല്
![](https://britishpathram.com/malayalamNews/thumb/97506-uni.jpg)
'ഡെങ്കിപ്പനി മുമ്പ് വന്നിട്ടുള്ളവര്ക്ക് വീണ്ടും ബാധിച്ചാല് ആരോഗ്യനില സങ്കീര്ണമാകാന് സാധ്യത, അതീവ ജാഗ്ത വേണം' മന്ത്രി വീണാ ജോര്ജ്
![](https://britishpathram.com/malayalamNews/thumb/97504-uni.jpg)