നിര്മിത ബുദ്ധിയില് പറക്കാന് തയ്യാറെടുത്ത് എയര് കാര്ഗോ. വന് കുതിപ്പിന് ലക്ഷ്യമിട്ടിരിക്കുകയാണ് എയര് ഇന്ത്യ. വിമാന സര്വീസിന്റെ കാര്ഗോ ഡിജിറ്റലൈസേഷന് വിപുലീകരണത്തിനായി സോഫ്റ്റ്വെയര് നല്കാന് ഐബിഎസുമായി കരാര് ഒപ്പുവച്ചു.
എയര് ഇന്ത്യയുടെ എയര് കാര്ഗോ പ്രവര്ത്തനങ്ങള് പൂര്ണമായും ഡിജിറ്റൈസ് ചെയ്യാന് 'ഐ-കാര്ഗോ സൊല്യൂഷന്' എന്ന സോഫ്റ്റ്വെയറാണ് ഉപയോഗിക്കുക. നിര്മിത ബുദ്ധിയുടെ സഹായത്തോടെ ഒറ്റ പ്ലാറ്റ്ഫോമില് എന്ഡ് ടു എന്ഡ് കാര്ഗോ പ്രവര്ത്തനങ്ങള് തടസമില്ലാതെ സംയോജിപ്പിക്കാന് ഇതുവഴി സാധിക്കും. ഇതോടെ കാഗോ-ബിസിനസ് രംഗത്ത് വലിയ മുന്നേറ്റമാണ് എയര് ഇന്ത്യ ലക്ഷ്യം വയ്ക്കുന്നത്.
എയര് ഇന്ത്യയുടെ പാസഞ്ചര് സര്വീസുകള്, ഫ്ലീറ്റ്, കാര്ഗോ ഓപ്പറേഷന്സ് തുടങ്ങിയവയിലാണ് പുതിയ ഡിജിറ്റലൈസേഷന്. ഒന്പത് മാസത്തിനുള്ളില് പ്രവര്ത്തനക്ഷമമാകും. 2030-ഓടെ പ്രതിവര്ഷം 10 ദശലക്ഷം ടണ് എയര് കാര്ഗോ കൈകാര്യം ചെയ്യുകയെന്നതാണ് വിമാനക്കമ്പനി ലക്ഷ്യമിടുന്നതെന്ന് എയര് ഇന്ത്യ ചീഫ് കമേഴ്ഷ്യല് ആന്ഡ് ട്രാന്സ്ഫര്മേഷന് ഓഫീസര് നിപുണ് അഗര്വാള് പറഞ്ഞു.