നിരവധി കോമഡി സ്‌കിറ്റുകളുമായി എത്തി പ്രേക്ഷകരെ ചിരിപ്പിക്കുന്ന താരമാണ് ബിനു അടിമാലി. സ്റ്റാര്‍ മാജിക്ക് വേദിയില്‍ താരം നിറസാന്നിധ്യമാണെങ്കിലും പലപ്പോഴും പലതരം വിമര്‍ശനങ്ങള്‍ ഏറ്റുവാങ്ങിയ താരം കൂടിയാണ് ബിനു. കോമഡി സ്‌കിറ്റുകളിലൂടെ ബോഡി ഷെയ്മിങ് അമിതമായി നടത്തുന്നു എന്നാണ് ബിനു അടിമാലിക്കെതിരെ പൊതുവേ വരുന്ന ആരോപണങ്ങള്‍. ഇപ്പോഴിതാ താരത്തിന്റെ മകളെയും അധിക്ഷേപിക്കുന്ന തരത്തിലുള്ള കമന്റുകളാണ് സോഷ്യല്‍ മീഡിയയില്‍ വരുന്നത്.
സീരിയല്‍ നടിയും സ്റ്റാര്‍ മാജിക് താരവുമായ ഐശ്വര്യ രാജീവിന്റെ വിവാഹത്തില്‍ കുടുംബസമേതം പങ്കെടുക്കാന്‍ എത്തിയ വീഡിയോകളിലാണ ബിനു അടിമാലിക്കും മകള്‍ക്കുമെതിരെ അധിക്ഷേപം ഉയരുന്നത്. ഭാര്യയുടെയും രണ്ട് മക്കളുടെയും കൂടെ നില്‍ക്കുന്ന ബിനുവിന്റെ വീഡിയോ ചില സോഷ്യല്‍ മീഡിയ പേജുകളിലൂടെ വൈറലായി. എന്നാല്‍ ചിലര്‍ നടന്റെ മകളുടെ രൂപത്തെ കുറിച്ചുള്ള കമന്റുകളുമായിട്ടാണ് എത്തിയത്.
'അതുശരി ഇങ്ങേരാണോ സ്റ്റാര്‍ മാജിക്കില്‍ എല്ലാരെയും ശരീര ഘടന നോക്കി കളിയാക്കുന്നത്. മറ്റുള്ളവരെ കളിയാക്കുമ്പോള്‍ സ്വന്തം മുഖവും കുടുംബത്തിന്റെ മുഖവും ഓര്‍ക്കുന്ന നല്ലതാണ്. പലരെയും കളിയാകുമ്പോള്‍ ഓര്‍ക്കണമായിരുന്നു പടച്ചോന്‍ എല്ലാം കാണുന്നുണ്ടെന്ന്. ആരേയും കളിയാക്കരുത്. എല്ലാരും മനുഷ്യരാണ്. ദൈവം എല്ലാവര്‍ക്കും ഓരോ കുറവുകളും കൊടുത്തിട്ടുണ്ട്.
മുന്‍പ് ഒരു പരിപാടിയില്‍ പല്ല് ചെരവ പോലെ എന്ന് പറഞ്ഞു ആരെയോ കളിയാക്കിയത് ആണ് ഇവന്‍. ഇത് കാണുമ്പോള്‍ ഇവന്‍ ഓര്‍ക്കുന്നില്ലേ? ആ കൊച്ചിന്റെ പല്ലില്‍ കമ്പിയിട്ട് ശരിയാക്കിക്കുടേ. നാട്ടുകാരെ മൊത്തം കളിയാക്കുന്ന ആളല്ലേ അതുകൊണ്ട് പറഞ്ഞതാണ്.
ഇനി എങ്കിലും അടിമാലി സ്റ്റാന്‍ഡേര്‍ഡ് കോമഡി ചെയ്യൂ. അല്ലാതെ ആളുകളെ ബോഡി ഷെയിം ചെയ്യാതെ ആ കുട്ടിക്ക് പടച്ചോന്‍ നല്ലത് വരുത്തട്ടെ..' എന്നിങ്ങനെ ബിനുവിന്റെ മകളെ കുറിച്ച് നിരവധി കമന്റുകളാണ് വന്നിരിക്കുന്നത്. എന്നാല്‍ ഇത്തരം അധിക്ഷേപ കമന്റുകള്‍ക്കെതിരെ നിരവധി പേര്‍ എത്തിയിട്ടുണ്ട്. ആ കുട്ടിയെ കളിയാക്കരുതെന്നും ബിനു അടിമാലി തെറ്റ് ചെയ്‌തെങ്കില്‍ അയാളെ കളിയാക്കൂ ആ മകള്‍ സുഖമില്ലാത്ത കുട്ടിയാണെന്നുമൊക്കെയാണ് ആരാധകരുടെ കമന്റ്.
പരിമിതികള്‍ അറിഞ്ഞ് വേണം ഓരോരുത്തരെ പറ്റി പറയാന്‍. ഈ കുട്ടിയ്ക്ക് വയ്യാത്തതാണ്. ഇദ്ദേഹത്തെ ഒരുപാട് പേര്‍ പരിഹസിക്കുന്നത് കണ്ടു. അങ്ങനെ പരിഹസിക്കാന്‍ നമുക്കും എന്താണ് അവകാശമുള്ളത്. ഇദ്ദേഹം ആ പരിപാടിയുടെ ഭാഗമായത് കൊണ്ട് ചെയ്യുന്നതാവും. അങ്ങനൊരു സാഹചര്യമുള്ളപ്പോള്‍ നമ്മളും അദ്ദേഹത്തെ പറ്റി ഓരോന്ന് പറയുന്നത് ശരിയാണോ? അവരെ വെറുതേ വിടുന്നതാണ് നല്ലത്.
ആര്‍ക്കും ഒന്നും തോന്നേണ്ടതില്ല. അയാള്‍ ബോഡി ഷെയിമിങ് കോമഡി പറയുന്ന ഒരാള്‍ ആണെന്നത് ശരിയാണ്. അതിന് അയാളെ കളിയാക്കിയാല്‍ പോരെ? മക്കളെ എന്തിനാണ് പറയുന്നേ. ആ കൊച്ചു വയ്യാത്ത കുട്ടിയാണ് നമ്മള്‍ അയാളെ പോലെ ആവണ്ട കാര്യമുണ്ടോ? വിവരദോഷി എന്ത് എങ്കിലും പറയട്ടെ ഒന്നും അറിയാത്ത കുട്ടി അല്ലേ ഇത്. അതിനെ വെറുതേ വിട്ടേക്കൂ എന്നാണ് ആരാധകരുടെ അഭിപ്രായം
More Latest News
മഞ്ചേശ്വരം തിരഞ്ഞെടുപ്പ് കോഴക്കേസില്‍ കെ.സുരേന്ദ്രന് ആശ്വാസം; മുഴുവന്‍ പ്രതികളെയും കുറ്റവിമുക്തരാക്കി കാസര്‍കോട് സെഷന്‍സ് കോടതി
ഷൂട്ടിങ് സെറ്റില്‍ നിന്നും ഓടി പോയ ആനയെ കണ്ടെത്തി, 'പുതുപ്പള്ളി സാധു'വിനെ പഴയ ഫോറസ്റ്റ് സ്റ്റേഷന് സമീപത്ത് വെച്ചാണ് കണ്ടെത്തിയത്
സാഹിത്യകാരന്‍ എം ടി വാസുദേവന്‍ നായരുടെ വീട്ടില്‍ മോഷണം, അലമാരയില്‍ ഉണ്ടായിരുന്ന 26 പവന്‍ സ്വര്‍ണ്ണം മോഷണം പോയി, പൊലീസ് അന്വേഷണത്തില്‍
നവജാത ശിശുവിനെ വില്‍ക്കാന്‍ നിര്‍ബന്ധിച്ച് പങ്കാളി, എതിര്‍ത്തപ്പോള്‍ കുഞ്ഞിനെ ഭിത്തിയിലടിച്ചു കൊന്നു, ഞെട്ടിക്കുന്ന സംഭവം ആന്ധ്രപ്രദേശില്‍
ശ്രീ നാരായണ ധര്‍മ്മ സംഘം ഓണാഘോഷം ഈ മാസം 12ന്, പരിപാടിക്ക് ആവേശം പകരാന്‍ സമ്മേളനവും മെഗാ തീരുവാതിരയും
Most Read
British Pathram Recommends
