കലാഭവന്‍ ലണ്ടന്‍ സംഘടിപ്പിക്കുന്ന ദി ഗ്രേറ്റ് ഇന്ത്യന്‍ ടാലെന്റ്‌റ് ഷോയും, ഇന്ത്യന്‍ സൗന്ദര്യ മത്സരവും ഈ മാസം 13 ശനിയാഴ്ച്ച ലണ്ടനില്‍ നടക്കും. ലണ്ടനില്‍ ഹോണ്‍ചര്‍ച്ചിലുള്ള ക്യാമ്പ്യണ്‍ അക്കാദമി ഹാളില്‍ വെച്ചാണ് പരിപാടികള്‍ അരങ്ങേറുന്നത്. യുകെയുടെ വിവിധ ഭാഗങ്ങളില്‍ നിന്നും ഫൈനലിലേക്ക് തിരഞ്ഞെടുക്കപ്പെട്ട മത്സരാര്‍ത്ഥികള്‍ അവര്‍ക്ക് ലഭിച്ച പരിശീലനത്തിന്റെ നിറവില്‍ വേദിയിലെ റാംപില്‍ ആത്മ വിശ്വാസത്തോടും ദൃഢ നിശ്ചയത്തോടും കൂടെ ചുവടു വെയ്ക്കും ഒപ്പം കാണികള്‍ക്ക് കണ്ണിനും കാതിനും മനസ്സിനും സന്തോഷവും സംതൃപ്തിയും നല്‍കുന്ന ദൃശ്യ സംഗീത നൃത്ത വിരുന്നും ഉണ്ടാകും.
ഈ പരിപാടിയുടെ മറ്റൊരു പ്രത്യേകത യുകെയില്‍ മലയാളികളുടെ അഭിമാന താരങ്ങളായി മാറിയ നിയുക്ത ആഷ്ഫോര്‍ഡ് എംപി സോജന്‍ ജോസഫിനും കേംബ്രിഡ്ജ് മേയര്‍ ബൈജു തിട്ടലാക്കും ലണ്ടനില്‍ ആദ്യമായി സ്വീകരണമൊരുക്കുന്നു എന്നതാണ്. ഈ അടുത്ത ദിവസം യുകെയില്‍ നടന്ന പൊതു തെരഞ്ഞെടുപ്പിലാണ് കോട്ടയം കാരനായ ശ്രീ സോജന്‍ ജോസഫ് യുകെയിലെ ആഷ്ഫോര്‍ഡ് പാര്‍ലമെന്റ് മണ്ഡലത്തില്‍ നിന്നും തിരഞ്ഞെടുക്കപ്പെടുന്നത്. കഴിഞ്ഞ മാസമാണ് ബൈജു തിട്ടാല കേംബ്രിഡ്ജ് മേയറായി സ്ഥാനമേല്‍ക്കുന്നത്.
ഒരു മാസത്തിലേറെ നീണ്ടുനിന്ന പരിശീലനത്തിന്റെയും തയ്യാറെടുപ്പുകളുടെയും ആത്മവിശ്വാസത്തിലാണ് മത്സരാര്‍ത്ഥികള്‍ വേദിയില്‍ അത്ഭുതങ്ങള്‍ സൃഷ്ടിക്കാന്‍ പോകുന്നത്. മത്സരാര്‍ത്ഥികള്‍ക്ക് പുറമെ യുകെയിലെ വിവിധ സൗന്ദര്യ മത്സരങ്ങളില്‍ വിജയികളായ സുന്ദരിമാര്‍ വേദിയില്‍ ചുവടുവെക്കും. കാണികള്‍ക്കും മത്സരാര്‍ത്ഥികള്‍ക്കും അറിവും ആത്മവിശ്വാസവും ആവേശവും പകരുന്ന റാംപിലെ അവരുടെ വിജയ രഹസ്യങ്ങള്‍ അവര്‍ കണികളുമായി പങ്കുവെയ്ക്കും.
കാണികള്‍ക്ക് ആവേശം പകരാന്‍ സംഗീത നൃത്ത വിരുന്നും കഥകളി തെയ്യം, കളരിപ്പയറ്റ് തുടങ്ങി ഇന്ത്യയുടെ തനത് കലാ സാംസ്‌ക്കാരിക രൂപങ്ങളുടെ അവതരണവും ഉണ്ടായിരിക്കും. രുചിയേറിയ സൗത്ത് ഇന്ത്യന്‍ വിഭവങ്ങളുമായി ഫുഡ് സ്റ്റാളുകളും സജ്ജമാകും.
ജൂലൈ 13 ശനിയാഴ്ച്ച ഉച്ച കഴിഞ്ഞു 2 മണി മുതല്‍ ലണ്ടനിലെ ഹോണ്‍ചര്‍ച്ചിലുള്ള ക്യാമ്പ്യണ്‍ അക്കാദമി ഹാളില്‍ വെച്ചാണ് പരിപാടി അരങ്ങേറുന്നത്. പരിപാടികളെക്കുറിച്ചുള്ള വിശദമായ വിവരണം പിന്നാലെ നല്‍കുന്നതാണ്. നവ്യവും വ്യത്യസ്തവുമായ ഈ പരിപാടിയിലേക്ക് എല്ലാവരെയും സ്വാഗതം ചെയ്യുന്നു. ഈസ്റ്റ് ലണ്ടന്‍ മലയാളി അസോസിയേഷന്റെ കൂടി സഹകരണത്തോടു കൂടിയാണ് ഈ പരിപാടി അരങ്ങേറുന്നത്.
ടിക്കറ്റിനും കൂടുതല്‍ വിവരങ്ങള്‍ക്കും ബന്ധപ്പെടുക:
കലാഭവന്‍ ലണ്ടന്‍ : 07841613973
More Latest News
മഞ്ചേശ്വരം തിരഞ്ഞെടുപ്പ് കോഴക്കേസില്‍ കെ.സുരേന്ദ്രന് ആശ്വാസം; മുഴുവന്‍ പ്രതികളെയും കുറ്റവിമുക്തരാക്കി കാസര്‍കോട് സെഷന്‍സ് കോടതി
ഷൂട്ടിങ് സെറ്റില്‍ നിന്നും ഓടി പോയ ആനയെ കണ്ടെത്തി, 'പുതുപ്പള്ളി സാധു'വിനെ പഴയ ഫോറസ്റ്റ് സ്റ്റേഷന് സമീപത്ത് വെച്ചാണ് കണ്ടെത്തിയത്
സാഹിത്യകാരന്‍ എം ടി വാസുദേവന്‍ നായരുടെ വീട്ടില്‍ മോഷണം, അലമാരയില്‍ ഉണ്ടായിരുന്ന 26 പവന്‍ സ്വര്‍ണ്ണം മോഷണം പോയി, പൊലീസ് അന്വേഷണത്തില്‍
നവജാത ശിശുവിനെ വില്‍ക്കാന്‍ നിര്‍ബന്ധിച്ച് പങ്കാളി, എതിര്‍ത്തപ്പോള്‍ കുഞ്ഞിനെ ഭിത്തിയിലടിച്ചു കൊന്നു, ഞെട്ടിക്കുന്ന സംഭവം ആന്ധ്രപ്രദേശില്‍
ശ്രീ നാരായണ ധര്‍മ്മ സംഘം ഓണാഘോഷം ഈ മാസം 12ന്, പരിപാടിക്ക് ആവേശം പകരാന്‍ സമ്മേളനവും മെഗാ തീരുവാതിരയും
Most Read
British Pathram Recommends
