തിളക്കമേറിയ നൂറിലധികം കല്ലുകള് പതിപ്പിച്ചൊരു വാച്ചാണ് ഇപ്പോള് സോഷ്യല് മീഡിയയിലെ താരം. ബോളിവുഡ് സൂപ്പര് താരം സല്മാന് ഖാന്റെ കൈയ്യില് ആരാധകരുടെ കണ്ണില് പെട്ട ആ വാച്ചാണ് ലോകത്തിലെ തന്നെ ഏറ്റവും പ്രത്യേകത ഏറിയ വാച്ച്.
ലക്ഷ്വറി ജ്വല്ലറിയുടെയും വാച്ചുകളുടെയും നിര്മ്മാതാക്കളായ ജേക്കബ് ആന്ഡ് കമ്പനിയുടെ വാച്ച് ധരിച്ചെത്തിയ സല്മാന് ഖാനിലൂടെയാണ് വാച്ച് വൈറലായി മാറിയത്. പക്ഷെ അതിന്റെ പ്രത്യേകതകള് വലുതാണ്.
തിളക്കമേറിയ നൂറുലധികം വജ്രക്കല്ലുകള് പതിച്ച വാച്ച് വളരെ പെട്ടന്ന് തന്നെ ഏവരുടെയും ശ്രദ്ധയാകര്ഷിച്ചു. വാച്ചിന്റെ ഉടമ സല്മാന് ഖാന് വാച്ച് ധരിച്ച വീഡിയോ തന്റെ സോഷ്യല് മീഡിയ അക്കൗണ്ടിലൂടെ പങ്കുവച്ചതും.
ഇതുവരെ ബില്യണയര് 3 സിരീസില് 18 വാച്ചുകള് മാത്രമാണ് ജേക്കബ് ആന്ഡ് കമ്പനി ഡിസൈന് ചെയ്തിരിക്കുന്നത്. ക്രിസ്റ്റ്യാനോ റൊണാള്ഡോ, ഡേവിഡ് ബെക്കാം തുടങ്ങിയ ചുരുക്കം ആള്ക്കാരാണ് ഈ അതുല്യ വാച്ചിന്റെ ഉടമകള്. ഇന്നര് റിംഗില് മാത്രം 152 വൈറ്റ് എമറാള്ഡ് കട്ട് വജ്രങ്ങളാണ് വാച്ചിന്റെ മാറ്റുകൂട്ടുന്നത്. ബ്രേസ്ലെറ്റില് 504 വജ്രങ്ങള്. മറ്റു ഭാഗങ്ങളില് 58 എണ്ണവും ചേര്ത്ത് ആകെ 714 വജ്രങ്ങളാണ് പതിച്ചിരിക്കുന്നത്. 120 കാരറ്റ് നിലവാരത്തിലുള്ള വാച്ചിന്റെ വില 41.5 കോടിയോളം വരുമെന്നാണ് കണക്കുകള് വ്യക്തമാക്കുന്നത്..