ബെയ്റൂട്ട്: ലെബനനില് പേജറുകള് പൊട്ടിത്തെറിച്ച് ഉണ്ടായ അപകടത്തിന് പിന്നാലെ വീണ്ടും മറ്റൊരു അപകടം. വാക്കി ടോക്കികള് പൊട്ടിത്തെറിച്ച് അപകടം ഉണ്ടായതായി റിപ്പോര്ട്ട്.
പേജറുകള് പൊട്ടിത്തെറിച്ച് 12 പേര് മരിക്കുകയും 2800ലേറെ പേര്ക്ക് പരിക്കേല്ക്കുകയും ചെയ്ത സംഭവത്തിന്റെ ഞെട്ടല് മാറും മുന്പാണ് തൊട്ടു പിന്നാലെ മറ്റൊരു അപകടം.
ലെബനാന് തലസ്ഥാനമായ ബെയ്റൂട്ടിലെ തെക്കന് പ്രാന്ത പ്രദേശങ്ങളിലും ബെക്കാ മേഖലയിലും വാക്കി-ടോക്കികള് പൊട്ടിത്തെറിച്ചതായാണ് റിപ്പോര്ട്ട്. വിവിധ ഇടങ്ങളിലായുണ്ടായ അപകടങ്ങളില് 3 പേര് മരിച്ചതായും 100ലേറെ പേര്ക്ക് പരിക്കേറ്റതായുമാണ് റിപ്പോര്ട്ട്. പലയിടത്തും പേജര് ആക്രമണത്തില് കൊല്ലപ്പെട്ടവരുടെ സംസ്കാര ചടങ്ങ് നടക്കവെയാണ് സ്ഫോടനമുണ്ടായത്.
ബെയ്റൂട്ടിന്റെ തെക്കന് പ്രാന്തപ്രദേശങ്ങളില് നിരവധി വാക്കി ടോക്കികള് പൊട്ടിത്തെറിച്ചതായി വാര്ത്താ ഏജന്സിയായ എഎഫ്പി റിപ്പോര്ട്ട് ചെയ്തു, പ്രദേശത്തെ രണ്ട് കാറുകള്ക്കുള്ളില് വെച്ചിരുന്ന വാക്കിടോക്കികള് പൊട്ടിത്തെറിച്ചതായി ഹിസ്ബുല്ലയുമായി ബന്ധപ്പെട്ടവരെ ഉദ്ധരിച്ച് റിപ്പോര്ട്ടുകള് പറഞ്ഞു.