ലൂറേ അബൂദബി മ്യൂസിയത്തില് ഇനി പ്രദര്ശനത്തിന് എത്തുന്നത് ചരിത്ര വിസ്മയങ്ങളായിരിക്കും. മെക്സിക്കോ ദേശീയ മ്യൂസിയത്തില് നിന്ന് അഞ്ച് അപൂര്വ വസ്തുക്കള് ആണ് ലൂറേ അബൂദബി മ്യൂസിയത്തില് പ്രദര്ശനത്തിനെത്തിച്ചിരിക്കുന്നത്.
ആദ്യമായാണ് ഇത്രയേറെ മൂല്യമേറിയ ഈ പുരാതന വസ്തുക്കള് ലൂറേ അബൂദബിയിലേക്ക് എത്തുന്നത്. 2025 ഏപ്രില് വരെ ഇവ ലൂറേ അബൂദബിയില് പ്രദര്ശിപ്പിക്കും എന്നാണ് പുറത്ത് വരുന്ന വിവരം.
മായന് സംസ്കാരകാലത്തെ കലക്മുല് മുഖംമൂടിയടക്കമുള്ള അപൂര്വ വസ്തുക്കള് പ്രദര്ശനത്തിന് തയ്യാറെടുക്കുന്നുണ്ട്. 5840 കിലോഗ്രാം ഭാരമുള്ള ശിലയില് കൊത്തിയെടുത്ത കൂറ്റന് തലയാണ് ഇവയിലെ പ്രധാന ആകര്ഷണം. 100 ബിസിക്കും 800 എഡിക്കും ഇടയില് ശിലയില് നിര്മിച്ച മനുഷ്യ മുഖംമൂടി, 600 ബിസി-1521 എഡി കാലയളവിലെ ചിചന് ഇറ്റ്സ കാലത്തുള്ള കൊത്തിയെടുത്ത ശിലാസ്തൂപം തുടങ്ങിയവയാണ് മറ്റ് വസ്തുക്കള്.
ആഗോളതല സാംസ്കാരിക ബന്ധങ്ങളുടെ ഇഴയടുപ്പത്തിനും സന്ദര്ശകര്ക്ക് നവ്യാനുഭവമൊരുക്കാനും വിവിധ തീമുകളിലായി മൂന്ന് എക്സിബിഷനുകളാണ് ലൂറേ അബൂദബി ഒരുക്കുന്നത്. കൂടാതെ വിദ്യാഭ്യാസ ശില്പശാലകളും സംവദിക്കുന്ന ഇന്സ്റ്റലേഷനുകളും മറ്റ് പരിപാടികളും നടക്കും.