കഴിഞ്ഞ രണ്ടുദിവസമായി തോരാതെ പെയ്യുന്ന കനത്ത മഴയും വെള്ളപ്പൊക്കവും ഇംഗ്ലണ്ടിലെയും വെയിൽസിലെയും ചിലഭാഗങ്ങളിൽ വ്യാപകമായ യാത്രാ തടസ്സവും വസ്തുവകകൾക്ക് നാശനഷ്ടവുമുണ്ടാക്കി.
ഏതാനും മണിക്കൂറുകൾക്കുള്ളിൽ സാധാരണഗതിയിൽ ഒരുമാസം ലഭിക്കുന്ന മഴയാണ് പെയ്തൊഴിഞ്ഞത്. അതോടെ മധ്യ, തെക്കൻ ഇംഗ്ലണ്ടിലെ റോഡുകളും വീടുകളും ഷോപ്പുകളും അടക്കം വെള്ളത്തിനടിയിലായി.
ബെഡ്‌ഫോർഡിൽ ഒരു പ്രധാന റോഡ് പൂർണ്ണമായും വെള്ളത്തിനടിയിലാണ്. സൗത്ത്, മിഡിൽ ഇംഗ്ലണ്ടിൽ തിങ്കളാഴ്ച്ച രാത്രി 21:00 BST വരെ മെറ്റ് ഓഫീസ് ആംബർ കാലാവസ്ഥ മുന്നറിയിപ്പ് പ്രാബല്യത്തിൽ ഉണ്ടായിരുന്നു.
നോർത്താംപ്ടൺഷെയർ, ബെഡ്ഫോർഡ്ഷയർ എന്നിവിടങ്ങളിൽ നിന്ന് ബക്കിംഗ്ഹാംഷയർ, ഓക്സ്ഫോർഡ്ഷയർ, ബെർക്ക്ഷയർ, ഗ്ലൗസെസ്റ്റർഷയർ എന്നിവിടങ്ങളിലേക്കും സോമർസെറ്റ്, വിൽറ്റ്ഷയർ, ഹാംഷെയർ എന്നിവിടങ്ങളിലേക്കും മെറ്റ് ഓഫീസ് പിന്നീട് കാലാവസ്ഥാ മുന്നറിയിപ്പ് വ്യാപിപ്പിച്ചു.
തെക്ക്-പടിഞ്ഞാറ് ഭാഗങ്ങളും വടക്കൻ ഇംഗ്ലണ്ടിൻ്റെ ചില ഭാഗങ്ങളും കിഴക്കൻ വെയിൽസും ഒഴികെ, തിങ്കളാഴ്ച്ച രാത്രി 23:59 വരെ ഇംഗ്ലണ്ടിൻ്റെ ബാക്കിഭാഗങ്ങളിൽ മഴയ്ക്കുള്ള മഞ്ഞ കാലാവസ്ഥ മുന്നറിയിപ്പ് ഇപ്പോഴും നിലവിലുണ്ട്.
പരിസ്ഥിതി ഏജൻസി 20-ലധികം വെള്ളപ്പൊക്ക മുന്നറിയിപ്പുകൾ നൽകിയിട്ടുണ്ട്. കുടുതൽ വെള്ളപ്പൊക്കം പ്രതീക്ഷിക്കുന്നു. കൂടാതെ 80-ലധികം വെള്ളപ്പൊക്ക മുന്നറിയിപ്പുകൾ, അതായത് വെള്ളപ്പൊക്കം സാധ്യമാണ് എന്ന് മുന്നറിയിപ്പ് നൽകുന്നത് നിലവിലുണ്ട്.
ബെഡ്‌ഫോർഡ്‌ഷയറിലെ ലെയ്‌ടൺ ബസാർഡ്, ലൂട്ടൺ, ലണ്ടൻ്റെ ചില ഭാഗങ്ങൾ എന്നിവ വെള്ളപ്പൊക്ക മുന്നറിയിപ്പ് ബാധിച്ച പ്രദേശങ്ങളിൽ ഉൾപ്പെടുന്നു.
ബെഡ്‌ഫോർഡിനും മിൽട്ടൺ കെയ്ൻസിനും ഇടയിലുള്ള A421 മെയിൻ റോഡും വെള്ളത്തിൽ മുങ്ങിയതിനാൽ താൽക്കാലികമായി അടച്ചു. ബെഡ്‌ഫോർഡിൽ നിന്ന് ബ്ലെച്ച്‌ലി വരെയുള്ള റെയിൽ പാതയും അടച്ചു..
നോർത്താംപ്ടൺഷയറിലെ ഗ്രെൻഡൻ ഗ്രാമത്തിൽ ശുചീകരണ പ്രവർത്തനങ്ങൾ തുടരുന്നതിനിടെ നിരവധി വീടുകളിൽ വെള്ളം കയറി. ഇവിടെനിന്നും ആളുകളെ മാറ്റിപ്പാർപ്പിച്ചു.
കനത്ത മഴയെ തുടർന്നുണ്ടായ വെള്ളപ്പൊക്കത്തെത്തുടർന്ന് ഡിസ്ട്രിക്റ്റ്, സർക്കിൾ, മെട്രോപൊളിറ്റൻ, പിക്കാഡിലി, ബേക്കർലൂ, സെൻട്രൽ ലൈനുകൾ ഭാഗികമായി താൽക്കാലികമായി നിർത്തിവച്ചിരിക്കുകയോ സർവ്വീസുകൾക്ക് കാലതാമസം നേരിടുകയോ ചെയ്യുന്നതായി ലണ്ടൻ ട്രാൻസ്പോർട്ട് യാത്രക്കാർക്ക് മുന്നറിയിപ്പ് നൽകി.
ഇന്നലെ മുഴുവനും ചില ട്രെയിൻ സർവീസുകൾക്ക് വ്യാപകമായ തടസ്സങ്ങളും റദ്ദാക്കലുകളും നാഷണൽ റെയിൽ റിപ്പോർട്ട് ചെയ്തിരുന്നു. യാത്രക്കാർ റെയിൽവേ സ്റേഷനുകളിലേക്ക് പുറപ്പെടുംമുമ്പ് അവരുടെ യാത്രകൾ പരിശോധിക്കാൻ റെയിൽവേ അഭ്യർത്ഥിച്ചു.
സാവധാനത്തിൽ നീങ്ങുന്ന ന്യൂനമർദ്ദം വെള്ളിയാഴ്ച വൈകിട്ടുമുതൽ യുകെയുടെ തെക്ക് ഭാഗത്ത് നിലനിൽക്കുകയും ഇംഗ്ലണ്ടിലെയും വെയിൽസിൻ്റെയും ചില ഭാഗങ്ങളിൽ തണുത്ത കാലാവസ്ഥയ്ക്ക് വഴിവയ്ക്കുകയും ചെയ്തു.
തിങ്കളാഴ്ച വൈകുന്നേരത്തോടെ മഴയുടെ ഏറ്റവും മോശം കാലാവസ്ഥ അവസാനിക്കുമെന്നാണ് പ്രതീക്ഷിക്കുന്നത്. ചൊവ്വാഴ്ച രാവിലെ വരെ തെക്ക്-കിഴക്കൻ ഇംഗ്ലണ്ട് വിട്ട് മഴ പതുക്കെ കിഴക്കോട്ട് നീങ്ങാൻ തുടങ്ങും.
എന്നിരുന്നാലും ബുധനാഴ്‌ച പകൽ സമയത്ത് ഇംഗ്ലണ്ടിനെയും വെയിൽസിനെയും കടന്ന് മറ്റൊരു നീണ്ട മഴ പെയ്യും. വെള്ളിയാഴ്ച പകൽ താപനില 8 മുതൽ 13 ഡിഗ്രി സെൽഷ്യസ് വരെ ഉയരും.
More Latest News
അങ്കമാലിയില്‍ ദമ്പതികള്‍ മരിച്ച നിലയില്‍; കണ്ടെത്തിയത് വീടിന് തീപിടിച്ചപ്പോള്‍; മക്കള്‍ക്ക് പരിക്ക്, ഒരാളുടെ നില ഗുരുതരം
അര്‍ജുന് ഇനി വീട്ടില്‍ അന്ത്യവിശ്രമം, യാത്രാമൊഴിയേകാന്‍ അര്‍ജുന്റെ വീട്ടിലേക്ക് ജനസാഗരം, ഉറ്റവര്‍ക്കൊപ്പം വീട്ടു മുറ്റത്തെ പന്തലില്‍ ഒരു നാട് ഒന്നാകെ അര്‍ജുന് അന്ത്യാഞ്ജലി അര്‍പ്പിച്ചു
ഗ്രേറ്റ് ബ്രിട്ടന്‍ രൂപത ചെറുപുഷ്പ മിഷന്‍ ലീഗ് പ്രവര്‍ത്തന ഉദ്ഘാടനം നാളം, ലിവര്‍പൂളില്‍ ഔര്‍ ലേഡി ക്യൂന്‍ ഓഫ് പീസ് ദേവാലയത്തില്‍ വച്ച്രൂപതാധ്യക്ഷന്‍ മാര്‍ ജോസഫ് സ്രാമ്പിക്കല്‍ നിര്‍വഹിക്കും
പതിനാറാമത് മോനിപ്പള്ളി സംഗമം ഒക്ടോബര്‍ 5ന് സ്റ്റോക്ക് ഓണ്‍ ട്രെന്‍ഡില്‍ വൈറ്റ് മോര്‍ ഹാള്‍ കമ്മ്യൂണിറ്റി സെന്ററില്‍ വച്ച്, കുട്ടികള്‍ക്കും മുതിര്‍ന്നവര്‍ക്കുമായി നിരവധി പരിപാടികള്‍
ആയിരം വര്‍ഷം പഴക്കമുള്ള വിത്തില്‍ നിന്ന് മരം വളര്‍ത്തിയെടുത്ത് ശാ്സത്രജ്ഞര്‍, ബൈബിളില്‍ പരാമര്‍ശിച്ചിട്ടുള്ളതും ഇപ്പോഴില്ലാത്തതുമായ മരമാണിതെന്ന് കണ്ടെത്തല്‍
Most Read
British Pathram Recommends
