തന്റേതായ അഭിപ്രായങ്ങള്‍ എവിടെയും എപ്പോഴും പറയുന്നതില്‍ മടിയില്ലാത്ത താരമാണ് അശ്വതി ശ്രീകാന്ത്. ഇപ്പോഴിതാ ബാല അമൃത വിഷയത്തില്‍ ആരാധകരില്‍ നിന്നു വന്ന ചില സംശയങ്ങള്‍ക്ക് അശ്വതി മറുപടി പറയുകയാണ്.
ഇതേ കുറിച്ച് താരം പങ്കുവച്ച കുറിപ്പാണ് ഇപ്പോള്‍ ശ്രദ്ധ നേടുന്നത്. ബാലയ്ക്കെതിരെ മകള്‍ അവന്തിക സമൂഹ മാധ്യമത്തിലൂടെ നടത്തിയ ആരോപണങ്ങള്‍ വലിയ ചര്‍ച്ചകള്‍ക്കാണ് തുടക്കമിട്ടത്. മൂന്ന് വയസില്‍ അച്ഛന്‍ ചില്ലുകുപ്പികൊണ്ട് ആക്രമിക്കാന്‍ ശ്രമിച്ചതിനെക്കുറിച്ചാണ് 12 വയസുകാരി തുറന്നു പറഞ്ഞത്. ഇതിന് പിന്നാലെ ഒരു വിഭാഗം മൂന്ന് വയസിലുണ്ടായ സംഭവങ്ങള്‍ എങ്ങനെ മകള്‍ക്ക് ഓര്‍മ്മ വരുന്നു എന്ന ചോദ്യവുമായി എത്തി. ഈ ചോദ്യത്തിനുള്ള മറുപടിയുമായി എത്തിയിരിക്കുകയാണ് നടി അശ്വതി ശ്രീകാന്ത്
മൂന്ന് വയസുള്ളപ്പോള്‍ ചൂടുള്ള തേപ്പുപെട്ടിയില്‍ കൈവെച്ചത് ഇപ്പോഴും തനിക്ക് ഓര്‍മയുണ്ട് എന്നാണ് അശ്വതി കുറിച്ചത്:
'എന്റെ ആദ്യ പുസ്തകത്തിന്റെ ആമുഖത്തില്‍ ഒരു ചോദ്യമുണ്ടായിരുന്നു. നിങ്ങളുടെ ഏറ്റവും ആദ്യത്തെ ഓര്‍മ്മ ഏത് പ്രായത്തിലാണ്
എന്നതായിരുന്നു അത്. സന്തോഷമുള്ള ഓര്‍മകളേക്കാള്‍ ഭയപ്പെടുത്തിയ, അരക്ഷിതരാക്കിയ സംഭവങ്ങള്‍ ഓര്‍ത്തു വയ്ക്കുന്ന ശീലം മനുഷ്യന്റെ ബ്രെയിനുണ്ട്. സംഭവിച്ചത് എന്തായിരുന്നു എന്ന് മുതിര്‍ന്നപ്പോഴാവും വ്യക്തമാവുന്നതെങ്കിലും ആ ദൃശ്യങ്ങള്‍, ശബ്ദങ്ങള്‍, മണങ്ങള്‍ ഒക്കെ നമ്മള്‍ ഓര്‍ത്ത് വച്ചേക്കാം. അത്തരമൊരു അവസ്ഥയില്‍ വീണ്ടും ചെന്നെത്താതിരിക്കാന്‍ നമ്മളെ സഹായിക്കുന്നതിന്റെ ഭാഗമാണത്. ചെറുപ്പത്തില്‍ നായ കടിച്ചാല്‍, വെള്ളത്തില്‍ വീണാല്‍ ഒക്കെ ആ ഭയം ജീവിതാവസാനം വരെ കൂടെയുണ്ടാവില്ലേ?
മൂന്ന് വയസ്സുള്ളപ്പോള്‍ ചൂടന്‍ തേപ്പു പെട്ടിയില്‍ കൈവെള്ള പതിപ്പിച്ചത് എനിക്ക് ഇന്നും ഓര്‍മ്മയുണ്ട്. അച്ഛന്റെ അനുജന്‍ അയണ്‍ ചെയ്യുകയായിരുന്നു. ഇതിന് ചൂടുണ്ടോ എന്ന് ഞാന്‍ ചോദിച്ചതും, 'ഹേയ് ഒട്ടുമില്ല, ഒന്ന് തൊട്ട് നോക്കുന്നോ' എന്ന് കൊച്ചച്ചന്‍ സര്‍ക്കാസം പറഞ്ഞതും ഞാന്‍ അപ്പൊള്‍ തന്നെ കൈ വെള്ള അപ്പാടെ അതില്‍ വച്ചു നോക്കിയതും അത്ര തെളിച്ചമുള്ള പൊള്ളുന്ന ഓര്‍മ്മയാണ്. ഏറെക്കുറെ അതേ പ്രായത്തിലാണ് രാത്രി അടുക്കയില്‍ ഒരു മൂങ്ങ വഴി തെറ്റി കയറുന്നത്. ഭയന്ന് വിറച്ചു നിലവിളിച്ചതും, വീടിന്റെ മഞ്ഞ വെളിച്ചത്തില്‍ കണ്ണ് കാണാതെ പറന്ന് നടന്ന മൂങ്ങയുടെ ദൃശ്യവും ഇന്നും മറന്നിട്ടില്ല. നിങ്ങളുടെ ഏറ്റവും ആദ്യത്തെ ഓര്‍മ്മ എത്രാമത്തെ വയസ്സിലേതാണ് ? പങ്കു വയ്ക്കാമോ? കുട്ടിയല്ലേ, എന്ത് ഓര്‍മ്മ കാണാനാണ് എന്ന് കുഞ്ഞുങ്ങളെ നിസ്സാരവല്‍ക്കരിക്കുന്നവരോട് കൂടിയാണ് ചോദ്യം !'
More Latest News
മഞ്ചേശ്വരം തിരഞ്ഞെടുപ്പ് കോഴക്കേസില്‍ കെ.സുരേന്ദ്രന് ആശ്വാസം; മുഴുവന്‍ പ്രതികളെയും കുറ്റവിമുക്തരാക്കി കാസര്‍കോട് സെഷന്‍സ് കോടതി
ഷൂട്ടിങ് സെറ്റില്‍ നിന്നും ഓടി പോയ ആനയെ കണ്ടെത്തി, 'പുതുപ്പള്ളി സാധു'വിനെ പഴയ ഫോറസ്റ്റ് സ്റ്റേഷന് സമീപത്ത് വെച്ചാണ് കണ്ടെത്തിയത്
സാഹിത്യകാരന്‍ എം ടി വാസുദേവന്‍ നായരുടെ വീട്ടില്‍ മോഷണം, അലമാരയില്‍ ഉണ്ടായിരുന്ന 26 പവന്‍ സ്വര്‍ണ്ണം മോഷണം പോയി, പൊലീസ് അന്വേഷണത്തില്‍
നവജാത ശിശുവിനെ വില്‍ക്കാന്‍ നിര്‍ബന്ധിച്ച് പങ്കാളി, എതിര്‍ത്തപ്പോള്‍ കുഞ്ഞിനെ ഭിത്തിയിലടിച്ചു കൊന്നു, ഞെട്ടിക്കുന്ന സംഭവം ആന്ധ്രപ്രദേശില്‍
ശ്രീ നാരായണ ധര്‍മ്മ സംഘം ഓണാഘോഷം ഈ മാസം 12ന്, പരിപാടിക്ക് ആവേശം പകരാന്‍ സമ്മേളനവും മെഗാ തീരുവാതിരയും
Most Read
British Pathram Recommends
