യുകെയിൽ നിലവിൽ ജോലിചെയ്യുന്ന സീനിയർ മലയാളി നഴ്സുമാർക്കുള്ള ആദ്യ സംഘടന ASKeN, ആദ്യമായി സംഘടിപ്പിക്കുന്ന ദേശീയ കോൺഫറൻസിന് നഴ്സുമാർക്കിടയിൽ നിന്നും വൻ സ്വീകരണം ലഭിക്കുന്നു.
ഫ്ലോറൻസ് നൈറ്റിംഗേൽ ഫൗണ്ടേഷൻ, NHSE, RCN എന്നിവയുടെ സഹകരണത്തോടെയാണ് ASKeN വാർഷിക കോൺഫറൻസ് 2024 നടത്തുന്നത്.
സീനിയർ നഴ്സുമാർക്ക് അവരുടെ കരിയറിലെ സംശയങ്ങൾ ദുരീകരിക്കാനും പുതിയ മേഖലകളിലേക്ക് ഉയരാനും ഒത്തുകൂടാനും അനുഭവസമ്പത്തുകൾ പങ്കുവയ്ക്കാനും അവസരം ഒരുക്കുന്നതാകും ആസ്കെൻ 2024 കോൺഫറൻസ് എന്ന് സംഘാടകർ അവകാശപ്പെടുന്നു.
ഒക്ടോബർ 19-ന് രാവിലെ 09.00 മുതൽ വൈകിട്ട് 17.00 വരെ ബർമിംഗ്ഹാമിലെ ആസ്റ്റൺ വില്ല സ്റ്റേഡിയത്തിലാണ് കോൺഫറൻസ് നടത്തുക.
വെയിൽസിലെ ചീഫ് നഴ്സിംഗ് ഓഫീസർ സ്യൂ ട്രാങ്ക, എൻഎംസിയിലെ പ്രൊഫഷണൽ പ്രാക്ടീസ് ഡയറക്ടർ സാം ഫോസ്റ്റർ, ആർസിഎൻ ജനറൽ സെക്രട്ടറിയും ചീഫ് എക്സിക്യൂട്ടീവുമായ പ്രൊഫസർ നിക്കോള റേഞ്ചർ എന്നിവർ മുഖ്യ പ്രഭാഷകരായിരിക്കും.
അന്താരാഷ്ട്ര തൊഴിൽ ശക്തിയെയും സമത്വത്തെയും വൈവിധ്യത്തെയും കുറിച്ചുള്ള ഏറ്റവും പുതിയ തീമുകളും തന്ത്രങ്ങളും ഇവർ പങ്കിടും, ചർച്ച ചെയ്യും. സീനിയർ നഴ്സുമാർ നേരിടുന്ന കരിയറിലെ പല പ്രശ്നങ്ങൾക്കും സംശയങ്ങൾക്കും ഉത്തരം നൽകും. "നമ്മുടെ നഴ്സുമാർ, നമ്മുടെ ഭാവി" എന്നതാണ് ഇവൻ്റിൻ്റെ പ്രധാന തീം.
നിലവിൽ എൻഎച്ച്എസിൽ ജോലിചെയ്യുന്ന ബാൻഡ് 5-ലും അതിനു മുകളിലുമുള്ളവരും ഹെൽത്ത് കെയറിലെ മറ്റ് മേഖലകളിൽ പ്രവർത്തിക്കുന്നവരുമായ, പങ്കെടുക്കാൻ താൽപ്പര്യമുള്ളവരായ എല്ലാ സീനിയർ കേരള നഴ്സസിനും വേണ്ടിയാണ് കോൺഫറൻസ് നടത്തുന്നത്. ഈ കോൺഫറൻസ് ദേശീയ തീമുകളെ ചുറ്റിപ്പറ്റിയുള്ള ഈ രംഗത്തെ ഉന്നതസ്ഥാനീയരായ പ്രമുഖരിൽ നിന്നും രാജ്യമെമ്പാടുമുള്ള പ്രൊഫഷണലുകളുടെ നെറ്റ്വർക്കിൽ നിന്നും വിദഗ്ദ്ധ അഭിപ്രായങ്ങളും നിർദേശങ്ങളും കേൾക്കാനുള്ള സവിശേഷ അവസരം നഴ്സുമാർക്ക് നൽകുന്നു.
അലൈൻസ് ഓഫ് സീനിയർ കേരള നഴ്സസ് (ASKeN) യുകെയിലെ സീനിയർ കേരള നഴ്സുമാർക്കായുള്ള രാഷ്ട്രീയേതരവും ലാഭേച്ഛയില്ലാത്തതുമായ ഒരു ഫോറമാണ്. ശക്തവും ദൃശ്യവുമായ ഒരു നേതൃത്വം സൃഷ്ടിക്കാനും യുകെയിലെ കേരള നഴ്സുമാരുടെ എല്ലാ മുഖങ്ങളിലും ആവശ്യങ്ങളിലുമുള്ള ശബ്ദമാകാനും ആസ്കെനോടൊപ്പം അണിചേരാനും കോൺഫറൻസിൽ പങ്കെടുക്കാനും സാദരം ക്ഷണിക്കുന്നു.
രജിസ്ട്രേഷനായി ഇപ്പോൾ അപേക്ഷിക്കാം.. ആദ്യ 150 ടിക്കറ്റുകൾക്ക് 50% കിഴിവുള്ള ഏർളി ബേർഡ് ഓഫറുമുണ്ട്. ഏർളി ബേർഡ് ടിക്കറ്റുകൾ ഉടൻ അവസാനിക്കും. ഇവൻ്റിനായി നിങ്ങളുടെ സ്ഥലം സുരക്ഷിതമാക്കാൻ അറ്റാച്ച് ചെയ്ത QR കോഡ് ഉപയോഗിക്കുക അല്ലെങ്കിൽ ഇവിടെ രജിസ്റ്റർ ചെയ്യുക.
കൂടുതൽ വിവരങ്ങൾക്ക്, ദയവായി ബന്ധപ്പെടുക: contact@asken.org.uk