തന്റെ സിംഗിള് ലൈഫ് അവസാനിപ്പിയ്ക്കുന്നു എന്ന സൂചന നല്കി കൊണ്ട് ബഡായി ബംഗ്ലാവ് ബിഗ്ബോസ് താരമായ ആര്യ സോഷ്യല് മീഡിയയില് എത്തിയിരുന്നു. എന്നാല് ഇപ്പോഴിതാ ആ വാര്ത്തയ്ക്ക് പിന്നാലെ ആര്യയുടെ മറ്റൊരു വീഡിയോ കൂടി ആരാധകര് ഏറ്റെടുത്തിരിക്കുകയാണ്.
'ഓസ്ട്രേലിയയിലെ ഗീലോങിലെ വലിയ ഓഷ്യന് റോഡ് ശരിക്കും ഒരു കൗമാരക്കാരിയെ പോലെ ആസ്വദിക്കുന്നു' എന്ന് പറഞ്ഞാണ്, ഇന്സ്റ്റാഗ്രാമിലൂടെ ആര്യ വീഡിയോ പങ്കുവെച്ചിരുന്നത്. ഇതിനൊപ്പം 'അതെ, സിംഗിള് മദര് എന്ന നിലയിലുള്ള എന്റെ അവസാനത്തെ അന്താരാഷ്ട്ര യാത്രയാണ്' ഇതെന്ന് കൂടി നടി കൂട്ടിച്ചേര്ത്തിരുന്നു.
എന്നാല് പിന്നീട് അതിനെ കുറിച്ചുള്ള അപ്ഡേറ്റുകളൊന്നും ആര്യ നല്കിയിരുന്നില്ല. ആരാണെന്നും എന്താണെന്നും ആര്യ പങ്കുവയ്ക്കുന്നതും കാത്തിരിക്കുകയായിരുന്നു ആരാധകര്. ഇപ്പോഴിതാ ആര്യ പങ്കുവച്ച പുതിയ ഇന്സ്റ്റഗ്രാം സ്റ്റോറിയില് ചടങ്ങുകള്ക്ക് വേണ്ടി ആര്യ ഒരുങ്ങി എന്ന് ല്യക്തമാക്കുന്നു. 'ഇവന്റ് റെഡി' എന്ന് പറഞ്ഞാണ് ഒരു വീഡിയോ പങ്കുവച്ചിരിയ്ക്കുന്നത്. ഒരുക്കങ്ങളുടെ സൂചന ആര്യയുടെ ഇന്സ്റ്റഗ്രാം സ്റ്റോറിയില് കാണാം. സര്പ്രൈസ് ആയി ആര്യ ആളാരാണെന്ന് വെളിപ്പെടുത്തും, അധികം വൈകാതെ കല്യാണ വേഷത്തിലുള്ള ആര്യയെ കാണാം എന്നൊക്കെയുള്ള പ്രതീക്ഷയിലാണ് ആരാധകര്.
തന്റെ സ്വകാര്യ ജീവിതത്തെ സോഷ്യല് മീഡിയയില് നിന്ന് മറച്ചുവയ്ക്കാത്ത താരമാണ് ആര്യ ബഡായി. നടി അര്ച്ചന സുശീലന്റെ സഹോദരനും ബിസിനസ്സുകാരനുമായ രോഹിത് സുശീലാണ് ആര്യയുടെ ആദ്യ ഭര്ത്താവ്. ചെറിയ പ്രായത്തില് തന്നെ വിവാഹവും വിവാഹ മോചനവും കഴിഞ്ഞു. ആ ബന്ധത്തിലാണ് ആര്യയ്ക്ക് ഖുഷി എന്ന മകള് പിറന്നത്. പക്വതയില്ലാത്ത പ്രായത്തിന്റെ പ്രശ്നങ്ങളായിരുന്നു ആ വിവാഹത്തില് സംഭവിച്ചത് എന്ന് നടി പിന്നീടൊരു അഭിമുഖത്തില് പറഞ്ഞിരുന്നു. ആ പ്രണയ വിവാഹത്തെക്കാള് ആര്യയെ വേദനിപ്പിച്ചത് പിന്നീടുണ്ടായ പ്രണയവും വിരഹവുമാണ്. അതേ കുറിച്ച് നടി ഇമോഷണലായി പറഞ്ഞതെല്ലാം വൈറലുമായിരുന്നു.