സുരേഷ് ഗോപിക്ക് പിന്നാലെയാണ് മക്കളായ ഗോകുലും മാധവും. മാധവിന്റെ പുതിയ ചിത്രം ഇന്ന് തീയറ്ററുകളിലേക്ക് എത്തുകയാണ്. സുരേഷ് ഗോപിയുടെ ഏറ്റവും ഇളയ പുത്രനാണ് മാധവ് സുരേഷ്. വരനെ ആവശ്യമുണ്ട് എന്ന സിനിമയില് അതിഥി വേഷത്തില് എത്തിയാണ് മാധവ് അഭിനയത്തില് അരങ്ങേറിയത്.
വിന്സന്റ് സെല്വന്റെ സംവിധാനത്തില് കുമ്മാട്ടിക്കളി നാളെ തീയറ്ററില് എത്തുമ്പോള് അതിലൂടെ നായക പദവിയിലേക്ക് എത്തുന്ന മാധവ് സുരേഷിനെ കുറിച്ച്ആരാധകര്ക്ക് ഏറെ പ്രതീക്ഷയുണ്ട്.
കൂടാതെ അച്ഛന് സുരേഷ് ഗോപിക്കൊപ്പം ജെഎസ്കെ എന്ന ചിത്രത്തിലും മാധവ് പ്രധാന വേഷത്തിലെത്തുന്നുണ്ട്. സോഷ്യല് മീഡിയയില് വളരെ ആക്ടീവാണ് മാധവ് സുരേഷ്. മെഗസ്റ്റാറിനെ കുറിച്ച് പറഞ്ഞ കാര്യങ്ങള് ഇപ്പോള് ശ്രദ്ധ നേടുകയാണ്. കുമ്മാട്ടിക്കളിയുടെ പ്രമോഷന് പരിപാടിക്കിടെ ആയിരുന്നു മാധവിന്റെ പ്രതികരണം.
''മമ്മൂക്കയാണ് നമ്മുടെ മെഗാസ്റ്റാര്. തിയറ്റര് സ്ക്രീനില് ആ വാക്ക് ഉപയോ?ഗിച്ചില്ലെങ്കിലും ഇവിടുത്തെ പ്രേക്ഷകരുടെ മനസില് എന്നും മമ്മൂട്ടി മെ?ഗസ്റ്റാര് തന്നെയാണ്. ഇന്നത്തെ കാലഘട്ടത്ത് സൂപ്പര് സ്റ്റാര് എന്ന പദവി വരുന്നുണ്ടോ എന്ന് ചോദിച്ചാല് എനിക്കറിയില്ല. എന്റെ കരിയര് തന്നെ പത്ത് വര്ഷം ലാസ്റ്റ് ചെയ്യോ പതിനഞ്ച് വര്ഷം ലാസ്റ്റ് ചെയ്യോ എന്നത് ചോദ്യചിഹ്നമാണ്. അച്ഛനായാലും മമ്മൂക്കയായാലും ലാലേട്ടനായാലും വര്ഷങ്ങളായി അങ്ങനെ തന്നെ നില്ക്കുകയാണ്. ആ വഴിയില് ഇപ്പോഴുള്ളത് പൃഥ്വിരാജ് ആണ്. കഴിഞ്ഞ ഇരുപത് വര്ഷമായി അദ്ദേഹം ഇന്റസ്ട്രിയില് ഉണ്ട്. ടൊവി ചേട്ടന്, ചാലു ഇക്ക, ഫഹദ് ഫാസില്, കുഞ്ചാക്കോ ബോബന് അങ്ങനെ പോകുന്നു. പേരെടുത്ത് പറയാനാണെങ്കില് അങ്ങനെ ഒരുപാട് പേരുണ്ട്. സൂപ്പര് സ്റ്റാര് കാലഘട്ടമൊക്കെ മാറിക്കഴിഞ്ഞു'', എന്ന് മാധവ് സുരേഷ് പറയുന്നു.
കുമ്മാട്ടിക്കളി ആര് കെ വിന്സെന്റ് സെല്വ ആദ്യമായി തിരക്കഥയെഴുതി സംവിധാനം ചെയ്യുന്ന മലയാള സിനിമ കൂടിയാണിത്. ലെന, റാഷിക് അജ്മല്, ദേവിക സതീഷ്, യാമി, അനുപ്രഭ, മൈം ഗോപി, അസീസ് നെടുമങ്ങാട്, ദിനേശ് ആലപ്പി, സോഹന് ലാല്, ആല്വിന് ആന്റണി ജൂനിയര്, ധനഞ്ജയ് പ്രേംജിത്ത്, മിഥുന് പ്രകാശ് എന്നിവര്ക്ക് ഒപ്പം കന്നഡ, തമിഴ് താരങ്ങളും ചിത്രത്തില് വേഷമിടുന്നു.