മലയാളത്തില്‍ ആരും മറക്കാത് ഒരു മുഖമാണ് മേഘ്ന വിന്‍സന്റിന്റേത്. പരമ്പരകളില്‍ തിളങ്ങി നിന്ന ശേഷം ഒരു ഇടവേള എടുത്ത താരം വീണ്ടും പരമ്പരകളില്‍ സജീവമായിരിക്കുകയാണ്. ഇപ്പോഴിതാ തനിക്ക് ഏറ്റവും ഇഷ്ടമുള്ള ഒരു കാര്യത്തെ കുറിച്ചാണ് താരം പറയുന്നത്.
മലയാളം തമിഴ് പരമ്പരകളില്‍ സജീവമാണ് താരം എങ്കിലും ഒരു പച്ചക്കറി ഫാമിന്റെ ഉടമസ്ഥകൂടിയാണ് മേഘ്ന ഇപ്പോള്‍. എന്താണ് ഇത്തരത്തില്‍ ഒരു ബിസിനസ് എന്ന അവതാരികയുടെ ചോദ്യത്തിനാണ് താരം മറുപടി പറയുന്നത്.
'ഓരോരുത്തര്‍ക്കും ഓരോ രീതിയിലാണ് ഇഷ്ടങ്ങള്‍. എന്റെ ഇഷ്ടം പണ്ട് മുതലേ കൃഷിയായിരുന്നു. അത് പച്ചക്കറി ആണെങ്കിലും എന്തായാലും. ഞങ്ങള്‍ ഒരിക്കല്‍ വെള്ളരിക്ക വിളവെടുത്തു. കൃഷിക്കാരെ സംബന്ധിച്ചിടത്തോളം നമ്മള്‍ ആ ദിവസം അല്ലെങ്കില്‍ തലേദിവസം തന്നെ ഓര്‍ഡര്‍ കയ്യില്‍ ഉണ്ടാകും. ഏതൊക്കെ കടകളില്‍ കൊടുക്കണമെന്നുള്ളത്. നമ്മള്‍ ഉണ്ടാക്കിയെടുക്കുന്ന സാധനം അല്ല ഇതൊന്നും, പ്രകൃതി നമുക്ക് തരുന്നതാണ്. നമ്മള്‍ ഒരു സപ്പോര്‍ട്ട് മാത്രമാണ് കൊടുക്കുന്നത്. കൃഷിക്കാരെ സംബന്ധിച്ചിടത്തോളം വിളവെടുക്കുമ്‌ബോള്‍ കുറഞ്ഞു പോയാലും പ്രശ്നമാണ് കൂടിപ്പോയാല്‍ അതിലേറെ പ്രശ്നമാണ്. കുറഞ്ഞു പോയാല്‍, ചേട്ടാ ഇത്രേ ഉള്ളൂ എന്ന് പറഞ്ഞ് കുറച്ച് കുറച്ചെങ്കിലും എല്ലാവര്‍ക്കും കൊടുക്കാം.'
'പക്ഷെ കൂടിപ്പോയിക്കഴിഞ്ഞാല്‍ നമുക്ക് അത് കളയാന്‍ തോന്നില്ല. നമ്മള്‍ കുഞ്ഞുങ്ങളെ പോലെ വളര്‍ത്തിയ ഒരു സംഭവം ആണ്. ഒരു ദിവസം ഒരുപാട് വിളവ് വന്നു, അപ്പോള്‍ എല്ലാവര്‍ക്കും കൊടുത്തു കഴിഞ്ഞിട്ടും ബാക്കി കുറെ വന്നത് ഇങ്ങനെ കൂട്ടിയിട്ടിരിക്കുകയാണ്. ഇത് എന്ത് ചെയ്യും എന്ന് അറിയാതെ ടെന്‍ഷന്‍ അടിച്ചു നില്‍ക്കുകയാണ്. അപ്പോള്‍ അമ്മ പറഞ്ഞു.. നീ ആ സ്റ്റൂള്‍ എടുത്ത് പുറത്തേക്ക് ഇട്ടേ എന്ന്. എന്നിട്ട് ഒരു ടേബിള്‍ പോലൊക്കെ സെറ്റപ്പ് ചെയ്തിട്ട് ഫാമിന്റെ മുന്‍പില്‍ തന്നെ കുറേ വെള്ളരിക്ക വെച്ചുകൊണ്ട് അമ്മ അതൊക്കെ വിറ്റു. ആ കാര്യത്തില്‍ ഞാന്‍ അമ്മയെ ഭയങ്കരമായിട്ട് അഭിനന്ദിക്കും.', മേഘ്ന പറഞ്ഞു.
മേഘ്നയുടെ അമ്മയുടെ മറുപടി ഇങ്ങനെയായിരുന്നു;
'അവള്‍ നല്ലപോലെ അധ്വാനിക്കും. ഇപ്പോള്‍ ഇവിടുന്ന് പോയാല്‍ പിന്നെ ഈ കോലം ഒന്നുമല്ല. ഒരു ട്രൗസറും ഒരു ടീഷര്‍ട്ടും എടുത്ത് ഇട്ട്, ആ ഫാമിലിയിലേക്ക് അങ്ങ് ഇറങ്ങും, അങ്ങനെയൊക്കെയാണ്. ഒരു ദിവസം വിളവെടുത്തപ്പോള്‍ വെള്ളരിക്ക കുറേ കടകളില്‍ കൊടുക്കാന്‍ ഉണ്ടായിരുന്നു. അങ്ങനെ കടകളിലെല്ലാം കൊടുത്തു കഴിഞ്ഞിട്ടും വെള്ളരിക്ക ഒരുപാട് അധികം വന്നു. അപ്പോള്‍ ഞാന്‍ ആ ഫാമിന്റെ മുന്‍പില്‍ ഒരു ചെറിയ ഒരു കുടവെച്ച്, അവിടെ ഇരുന്നു വില്‍ക്കാന്‍ വേണ്ടിയിട്ട്. അപ്പോള്‍ കുറെ പേര്‍ക്ക് എന്നെ അറിയാം. അപ്പോള്‍ കുറെ ആളുകള്‍ വന്ന് എന്നോട് ചോദിച്ചു, മേഘ്നയുടെ അമ്മയല്ലേ എന്ന്.'
More Latest News
മഞ്ചേശ്വരം തിരഞ്ഞെടുപ്പ് കോഴക്കേസില്‍ കെ.സുരേന്ദ്രന് ആശ്വാസം; മുഴുവന്‍ പ്രതികളെയും കുറ്റവിമുക്തരാക്കി കാസര്‍കോട് സെഷന്‍സ് കോടതി
ഷൂട്ടിങ് സെറ്റില്‍ നിന്നും ഓടി പോയ ആനയെ കണ്ടെത്തി, 'പുതുപ്പള്ളി സാധു'വിനെ പഴയ ഫോറസ്റ്റ് സ്റ്റേഷന് സമീപത്ത് വെച്ചാണ് കണ്ടെത്തിയത്
സാഹിത്യകാരന്‍ എം ടി വാസുദേവന്‍ നായരുടെ വീട്ടില്‍ മോഷണം, അലമാരയില്‍ ഉണ്ടായിരുന്ന 26 പവന്‍ സ്വര്‍ണ്ണം മോഷണം പോയി, പൊലീസ് അന്വേഷണത്തില്‍
നവജാത ശിശുവിനെ വില്‍ക്കാന്‍ നിര്‍ബന്ധിച്ച് പങ്കാളി, എതിര്‍ത്തപ്പോള്‍ കുഞ്ഞിനെ ഭിത്തിയിലടിച്ചു കൊന്നു, ഞെട്ടിക്കുന്ന സംഭവം ആന്ധ്രപ്രദേശില്‍
ശ്രീ നാരായണ ധര്‍മ്മ സംഘം ഓണാഘോഷം ഈ മാസം 12ന്, പരിപാടിക്ക് ആവേശം പകരാന്‍ സമ്മേളനവും മെഗാ തീരുവാതിരയും
Most Read
British Pathram Recommends
