പത്തില് ഒമ്പതു പേരുടേയും ജീവനെടുക്കുന്ന മാരകമായ'മാര്ബര്ഗ് വൈറസ്' ഭീതിയില് യുകെ; വൈറസ് ബാധിച്ചാല് ഒരു മാസത്തോളം അറിയില്ല, ഒടുവില് ഗുരുതര രക്തസ്രാവത്തിലൂടെ മരണം
Story Dated: 2024-10-05
പിടിപെട്ടാല് പത്തില് ഒമ്പതു പേരുടെയും ജീവനെടുക്കുന്ന മാരകമമായ മാര്ബര്ഗ് വൈറസ് ജാഗ്രതയില് യു.കെ. ഗുരുതര രക്ത സ്രാവത്തിലൂടെ മരണത്തിന് കീഴടങ്ങുന്ന വൈറസ് ഭയം സൃഷ്ടിക്കുകയാണ്. ബ്രിട്ടനിലേക്ക് ആറാഴ്ചയ്ക്കുള്ളില് തന്നെ രോഗമെത്തുമെന്നും ആരോഗ്യ വിദഗ്ധര് ആശങ്ക പങ്കുവയ്ക്കുന്നു.
വൈറസ് പിടിപെട്ടാല് ഒരു മാസത്തോളം കണ്ടെത്താന് കഴിയില്ലെന്നതാണ് ഇത് നിശബ്ദമായി പടരാന് ഇടയാക്കുന്നത്. ഇന്ഫെക്ഷന് ബാധിച്ചാലും രോഗികള് ഇത് അറിയില്ലെന്നതിനാല് രോഗം കൂടുതല് ആളുകള്ക്ക് വ്യാപിക്കാന് ഇടവരും. രോഗം പിടിപെട്ടവര് വിദേശ രാജ്യങ്ങളില് നിന്നും യുകെയില് എത്തിയ ശേഷമാകും ഇത് തിരിച്ചറിയുകയെന്നും വിദഗ്ധര് പറയുന്നു. നിലവില് റുവാന്ഡയിലാണ് മാരകമായ വൈറസ് പൊട്ടിപ്പുറപ്പെട്ടിരിക്കുന്നത്. അന്താരാഷ്ട്ര തലത്തില് യാത്രകള് നടക്കുന്നതിനാല് ഏത് നിമിഷവും വൈറസ് 'വിമാനം പിടിച്ച്' രാജ്യത്ത് പ്രവേശിക്കുമെന്ന് ഈസ്റ്റ് ആംഗ്ലിയ യൂണിവേഴ്സിറ്റിയിലെ പ്രമുഖ ഇന്ഫെക്ഷ്യസ് ഡിസീസ് വിദഗ്ധന് പ്രൊഫ പോള് ഹണ്ടര് വ്യക്തമാക്കി. അഞ്ച് മുതല് 15 ദിവസം വരെയാണ് ഇന്ക്യുബേഷന് കാലാവധി. ഈ ഘട്ടത്തില് ഒരാള്ക്ക് വിമാനത്തില് എവിടേക്കും യാത്ര ചെയ്യാം, അദ്ദേഹം പറയുന്നു.
റുവാന്ഡയിലെ സ്ഥിതി അതീവ ആശങ്ക ഉയര്ത്തുന്നതാണെന്ന് ലോകാരോഗ്യ സംഘടന വ്യക്തമാക്കി. പകര്ച്ചവ്യാധി മറ്റ് രാജ്യങ്ങളിലേക്ക് പടരാനുള്ള സാധ്യത നിലനില്ക്കുന്നതായി ഇവര് പറഞ്ഞു. എന്നിരുന്നാലും ബ്രിട്ടനില് വൈറസ് എത്തിയാലും കൈവിട്ട രീതിയില് ഇത് പടരാന് ഇടയില്ലെന്ന് പ്രൊഫ ഹണ്ടര് പറയുന്നു.
More Latest News
മഞ്ചേശ്വരം തിരഞ്ഞെടുപ്പ് കോഴക്കേസില് കെ.സുരേന്ദ്രന് ആശ്വാസം; മുഴുവന് പ്രതികളെയും കുറ്റവിമുക്തരാക്കി കാസര്കോട് സെഷന്സ് കോടതി
മഞ്ചേശ്വരം തിരഞ്ഞെടുപ്പ് കോഴക്കേസില് ബി.ജെ.പി. സംസ്ഥാന പ്രസിഡന്റ് കെ.സുരേന്ദ്രന് ഉള്പ്പെടെ ആറ് നേതാക്കള് കുറ്റവിമുക്തരായി. കെ.സുരേന്ദ്രന് ഉള്പ്പെടെയുള്ളവര് പ്രതികളായ തിരഞ്ഞെടുപ്പ് കോഴക്കേസിലെ പ്രതിഭാഗത്തിന്റെ വിടുതല് ഹര്ജിയിലാണ് കോടതിയുടെ ഉത്തരവ്. കാസര്കോട് സെഷന്സ് കോടതി ആണ് വിധി പറഞ്ഞത്. കോടതി നിര്ദേശത്തെ തുടര്ന്ന് പ്രതികളെല്ലാം ഹാജരായിരുന്നു.
കഴിഞ്ഞ നിയമസഭാ തിരഞ്ഞെടുപ്പില് മഞ്ചേശ്വരം മണ്ഡലത്തിലെ ബി.എസ്.പി. സ്ഥാനാര്ഥിയായിരുന്ന കെ. സുന്ദരയെ തട്ടിക്കൊണ്ടുപോയി തടങ്കലില് പാര്പ്പിച്ച് ഭീഷണിപ്പെടുത്തി നാമനിര്ദേശപത്രിക പിന്വലിപ്പിക്കുകയും ഇതിന് കോഴയായി രണ്ടരലക്ഷം രുപയും മൊബൈല് ഫോണും നല്കിയെന്നായിരുന്നു കേസ്.
ഷൂട്ടിങ് സെറ്റില് നിന്നും ഓടി പോയ ആനയെ കണ്ടെത്തി, 'പുതുപ്പള്ളി സാധു'വിനെ പഴയ ഫോറസ്റ്റ് സ്റ്റേഷന് സമീപത്ത് വെച്ചാണ് കണ്ടെത്തിയത്
ഭൂതത്താന്കെട്ടില് സിനിമ ഷൂട്ടിംഗ് സെറ്റില് നിന്ന് കാട്ടിലേക്ക് ഓടിക്കയറിയ 'പുതുപ്പള്ളി സാധു'വിനെ കണ്ടെത്തി. പഴയ ഫോറസ്റ്റ് സ്റ്റേഷന് സമീപത്ത് വെച്ചാണ് തെരച്ചില് സംഘം ആനയെ കണ്ടെത്തിയത്.
ആനയ്ക്ക് പരിക്കുകളോ മറ്റു ആരോഗ്യ പ്രശ്നങ്ങളോ ഒന്നുമില്ല. ആനയുടെ പിണ്ഡം നോക്കിയാണ് പുതുപ്പള്ളി സാധുവിനെ കണ്ടെത്തിയതെന്നും ആന ഉടമ പറഞ്ഞു. ആന ഉടമയുടെ വാക്കുകള് ഇങ്ങനെ: 'ആനയ്ക്ക് പരിക്കുകളോ മറ്റു ആരോഗ്യ പ്രശ്നങ്ങളോ ഒന്നുമില്ല. ആനയുടെ പിണ്ഡം നോക്കിയാണ് പുതുപ്പള്ളി സാധുവിനെ കണ്ടെത്തിയത്. ഭയന്നുപോയതു കൊണ്ടാണ് ഓടിയത്. മറ്റൊരു ആന രണ്ടു തവണ കുത്തി. നാടന് സ്വഭാവമുള്ളത് കൊണ്ട് മനുഷ്യ സാമീപ്യമുള്ള സ്ഥലത്തേക്ക് ആന വരും. ഷൂട്ടിങ്ങ് കഴിഞ്ഞതിനാല് ആനയെ തിരിച്ചു കൊണ്ടുപോവുകയാണ്'.
ഇന്നലെ ഷൂട്ടിങ് സെറ്റില് ശാന്തനായി നിന്നിരുന്ന ആന പൊടുന്നനെ പരിഭ്രാന്തനായി കാട്ടിലേക്ക് ഓടുകയായിരുന്നു എന്നാണ് സംഭവത്തിന് ദൃക്സാക്ഷികളായ ആളുകള് പറയുന്നത്. ഭൂതത്താന്കെട്ട് വനമേഖലയില് മണിക്കൂറുകള് നീണ്ട തെരച്ചിലിനൊടുവിലാണ് 'പുതുപ്പള്ളി സാധു'വിനെ കണ്ടെത്തിയത്. ആനകള് ബഹളമുണ്ടാക്കുന്നതു കണ്ട് ഷൂട്ടിംഗ് കാണാനെത്തിയവരും സിനിമ പ്രവര്ത്തകരുമടക്കം പരിഭ്രാന്തിയോടെ ഓടി രക്ഷപ്പെടുകയായിരുന്നെന്നും സംഭവ സ്ഥലത്തുണ്ടായിരുന്നവര് പറഞ്ഞു.
തെലുങ്ക് ചിത്രത്തിന്റെ ഷൂട്ടിങ്ങിനായി എത്തിച്ച ആന മറ്റൊരു നാട്ടാനയുമായി ഏറ്റുമുട്ടിയ ശേഷം കാടുകയറുകയായിരുന്നു. ഈ ആനയുടെ കുത്തേറ്റത്തോടെ വിരണ്ട് കാട് കയറിയ പുതുപ്പള്ളി സാധുവിനായി ഇന്നലെ രാത്രി പത്ത് മണി വരെ വനപാലകര് കാടിനുള്ളില് തെരച്ചില് നടത്തിയെങ്കിലും കണ്ടെത്താനായില്ല. ഇന്ന് രാവിലെ വീണ്ടും തെരച്ചില് ആരംഭിക്കുകയായിരുന്നു.
സാഹിത്യകാരന് എം ടി വാസുദേവന് നായരുടെ വീട്ടില് മോഷണം, അലമാരയില് ഉണ്ടായിരുന്ന 26 പവന് സ്വര്ണ്ണം മോഷണം പോയി, പൊലീസ് അന്വേഷണത്തില്
സാഹിത്യകാരന് എം ടി വാസുദേവന് നായരുടെ വീട്ടില് മോഷണം. എംടിയുടെ കോഴിക്കോട് നടക്കാവ് കോട്ടാരം റോഡിലെ സിത്താര എന്ന വീട്ടിലാണ് മോഷണം ഉണ്ടായത്. എംടിയുടെ വീട്ടിലെ അലമാരയില് സൂക്ഷിച്ചിരുന്ന സ്വര്ണ്ണാഭരങ്ങള് കവര്ന്നതായി റിപ്പോര്ട്ട്.
അലമാരയില് ഉണ്ടായിരുന്ന 26 പവന് സ്വര്ണ്ണം മോഷണം പോയതായാണ് റിപ്പോര്ട്ടുകള്. സംഭവത്തില് കോഴിക്കോട് നടക്കാവ് പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
എംടിയും ഭാര്യയും വീട്ടിലില്ലാതിരുന്ന അവസരത്തിലാണ് മോഷണം നടന്നതെന്ന് സൂചന. കഴിഞ്ഞ മാസം 22നും 30നും ഇടയില് മോഷണം നടന്നതായാണ് സംശയിക്കുന്നത്. കാരണം അന്നേ ദിവസങ്ങളില് ആണ് എംടിയും ഭാര്യയും വീട്ടില് ഇല്ലാതിരുന്നത്.
ഇന്നലെയാണ് മോഷണ വിവരം ഇവര് അറിയുന്നത്. വീട്ടിലെ അലമാര പരിശോധിച്ചപ്പോഴാണ് മോഷണം നടന്ന കാര്യം മനസ്സിലാക്കിയതെന്ന് ഇവര് പൊലീസിനോട് പറഞ്ഞത്.
അലമാരയ്ക്ക് സമീപം സൂക്ഷിച്ചിരുന്ന താക്കോലെടുത്ത് തുറന്നാണ് മോഷണം നടത്തിയിരിക്കുന്നത്. മോഷണ വിവരം അറിഞ്ഞ ഉടനെ ഇന്നലെ രാത്രിയോടെ നടക്കാവ് പൊലീസില് പരാതി നല്കി. കുടുംബവുമായി ബന്ധമുള്ള ആരെങ്കിലുമാവാം മോഷണം നടത്തിയത് എന്നാണ് കരുതുന്നത്.
നവജാത ശിശുവിനെ വില്ക്കാന് നിര്ബന്ധിച്ച് പങ്കാളി, എതിര്ത്തപ്പോള് കുഞ്ഞിനെ ഭിത്തിയിലടിച്ചു കൊന്നു, ഞെട്ടിക്കുന്ന സംഭവം ആന്ധ്രപ്രദേശില്
കാകിനാട: നവജാത ശിശുവിനെ ഭിത്തിയിലടിച്ച് കൊന്ന് അച്ഛന്. വെറും 34 ദിവസം മാത്രം പ്രായമുള്ള കുഞ്ഞിനെയാണ് അച്ഛന് ഭിത്തിയിലടിച്ച് കൊന്നത്. ആന്ധ്രപ്രദേശിലെ കാകിനാടയിലാണ് സംഭവം. കാകിനാട ജില്ലയിലെ ജഗന്നാഥപുരത്തെ ചെക്ക ഭവാനി എന്ന സ്ത്രീയുടെ കുഞ്ഞിനെയാണ് പങ്കാളി കൊലപ്പെടുത്തിയത്. ഭര്ത്താവ് മരിച്ചു പോയ ഇവര് കുറച്ച് കാലമായി കേദ ശിവ മണി എന്നയാള്ക്കൊപ്പമായിരുന്നു കഴിഞ്ഞിരുന്നത്.
ഏതാനും വര്ഷങ്ങള്ക്ക് മുന്പ് ഇവര്ക്കുണ്ടായ ആണ്കുഞ്ഞിനെ കേദ ശിവ മണി വിറ്റിരുന്നു. അന്നും എതിര്ത്ത ഭവാനിയെ ഇയാള് ക്രൂരമായി മര്ദ്ദിച്ചിരുന്നു. ഒരു മാസം മുന്പാണ് ഭവാനി പെണ്കുഞ്ഞിന് ജന്മം നല്കുന്നത്. ഈ കുഞ്ഞിനേയും വില്ക്കുമെന്ന് കേദ ശിവ മണി പറഞ്ഞതിന് പിന്നാലെ ഇവര് തമ്മില് വാക്കേറ്റമുണ്ടായി.
എന്തുവന്നാലും മകളെ വിട്ടുതരില്ലെന്ന നിലപാട് ഭവാനി തുടര്ന്നതോടെ ഇയാള് കുഞ്ഞിനെ കയ്യിലെടുത്ത് ഭിത്തിയിലേക്ക് അടിക്കുകയായിരുന്നു. നിലത്തുവീണ കുഞ്ഞിന് അനക്കമില്ലാതെ വന്നതോടെ ഭവാനി കുട്ടിയെ ആശുപത്രിയിലെത്തിക്കുകയായിരുന്നു. തീവ്രപരിചരണ വിഭാഗത്തില് പ്രവേശിപ്പിച്ചെങ്കിലും തലയ്ക്കേറ്റ ഗുരുതര പരിക്കിനേ തുടര്ന്ന് കുട്ടി മരിക്കുകയായിരുന്നു. ആശുപത്രിയില് നിന്നുള്ള വിവരത്തിന്റെ അടിസ്ഥാനത്തില് കാകിനാട വണ് ടൌണ് ഇന്സ്പെക്ടര് വിഷയത്തില് കേസ് എടുത്ത് കേദ ശിവ മണിയെ അറസ്റ്റ് ചെയ്യുകയായിരുന്നു.
ശ്രീ നാരായണ ധര്മ്മ സംഘം ഓണാഘോഷം ഈ മാസം 12ന്, പരിപാടിക്ക് ആവേശം പകരാന് സമ്മേളനവും മെഗാ തീരുവാതിരയും
ശ്രീ നാരായണ ധര്മ്മ സംഘം യുകെയുടെ (SNDS, UK) ഈ വര്ഷത്തെ ഓണാഘോഷം 2024 ഒക്ടോബര് മാസം 12 ാം തീയതി ശനിഴ്ച്ച പാപ്പ്വര്ത് വില്ലേജ് ഹാളില് നടത്തുന്നു. വിപുലമായ പരിപാടികളോടെ രാവിലെ 9 മണി മുതല് വൈകിട്ട്5മണിവരെയാണ് ആഘോഷങ്ങള് ഒരുക്കിയിരിക്കുന്നത്.
നൂറിലധികം കലാകാരികള് പങ്കെടുക്കുന്ന മെഗാ തിരുവാതിരയും യുകെയിലെയും കേരളത്തിലെയം പ്രമുഖ സാംസ്കാരിക വ്യക്തികള് പങ്കെടുക്കുന്ന സാസ്കാരിക സമ്മേളനവും, കുട്ടികളുടെയും, മുതിര്ന്നവരുടെയും വിവിധതരം കലാപരിപാടികളും, വടംവലിയും, വിഭവസമൃദ്ധമായ ഓണസദ്യയും ആഘോഷത്തിന്റെ ഭാഗമാകും. ഇംഗ്ലണ്ടിലെ എല്ലാ ശ്രീ നാരായണ ഭക്തരെയും, ശ്രീ നാരായണ ധര്മ്മ സംഘം യുകെ പാപ്പ്വര്ത് വില്ലേജ് ഹാളിലേക്ക് സ്വാഗതം ചെയ്യുന്നു.
കൂടുതല് വിവരങ്ങള്ക്ക്:
പ്രസിഡന്റ്, കിഷോര് രാജ് 07533868372
സെക്രട്ടറി, സുരേഷ് ശങ്കരന്, 07830906560