ലണ്ടൻ: സ്വന്തം ലേഖകൻ

യുകെ സ്വകാര്യമേഖലയിലെ അസംഘടിതരായ ദശലക്ഷക്കണക്കിന് ജോലിക്കാർക്ക് അസുഖം ബാധിച്ച ആദ്യദിവസം മുതൽ സിക്ക് പേ നേടാൻ പുതിയ നിയമം വഴിയൊരുക്കുന്നു.

അതുപോലെ സ്ഥാപനത്തിൽ ജോലി ആരംഭിക്കുമ്പോൾ തന്നെ ശമ്പളമില്ലാത്ത പാരന്റൽ ലീവ് ക്ലെയിം ചെയ്യാനും കഴിയും.  പുതിയ എംപ്ലോയ്‌മെന്റ് റൈറ്റ്സ് ബിൽ മുഖാന്തരം തൊഴിലാളി അവകാശങ്ങളുടെ ഒരു വലിയ പുനരുദ്ധാരണമാണ് നടപ്പിലാകുക.

എന്നിരുന്നാലും, തൊഴിൽ അവകാശ ബില്ലിലെ ചില നിയമമാറ്റങ്ങളിൽ വെള്ളംചേർക്കുകയോ അല്ലെങ്കിൽ  കാലതാമസം വരുത്തുകയോ ചെയ്യുന്നതായി പൊതുവായി വിമർശിക്കപ്പെടുന്നു. പുതിയ നിയമമാറ്റം നടപ്പിലാക്കാൻ, കൺസൾട്ടേഷന്റെ പേരിൽ സർക്കാർ കൂടുതൽ സമയം അനുവദിച്ചതിനു എതിരെയാണ് വിമർശനം.

ഈ ബില്ലിലെ  ഒട്ടുമിക്ക മാറ്റങ്ങളും കൺസൾട്ടേഷൻ കാലയളവിനെ തുടർന്ന് രണ്ട് വർഷത്തേക്ക് പ്രാബല്യത്തിൽ വരില്ല എന്നതുതന്നെ വിമർശനങ്ങൾക്ക് കാരണം 

പുതിയ തലമുറയ്‌ക്കുള്ള തൊഴിൽ അവകാശങ്ങളുടെ  ഏറ്റവും വലിയ പരിഷ്കരണമാണ് ബിൽ നൽകുന്നതെന്ന് സർക്കാർ പറഞ്ഞു. എന്നാൽ മാറ്റങ്ങൾ പ്രായോഗികമായി എങ്ങനെ പ്രവർത്തിക്കും എന്നതിനെക്കുറിച്ച് തൊഴിലുടമകളായ ബിസിനസ്സ് ഗ്രൂപ്പുകൾ ആശങ്കാകുലരാണ്.

അതേസമയം ഉപപ്രധാനമന്ത്രി ഏഞ്ചല റെയ്‌നർ മാറ്റങ്ങൾ അവതരിപ്പിക്കാൻ എടുത്ത സമയത്തെ ന്യായീകരിച്ചു. നിയമമാറ്റ പരിഷ്കാരങ്ങളുടെ പ്രാധാന്യവും എണ്ണക്കൂടുതലും  കാരണം  അവയിൽ ചില കാര്യങ്ങൾ പ്രാബല്യത്തിൽ വരുത്താൻ  കുറച്ച് സമയമെടുക്കുമെന്നും ഡെപ്യൂട്ടി പ്രൈം മിനിസ്റ്റർ വ്യക്തമാക്കി.

എന്നിരുന്നാലും പല തൊഴിലുടമകളും ഇതിനകം തന്നെ ചില നിർദ്ദിഷ്ട മാറ്റങ്ങൾ നടപ്പിലാക്കിയിട്ടുണ്ടെന്നും  അവർ ചൂണ്ടിക്കാണിച്ചു.

തൊഴിലാളികൾക്ക് അനുകൂലമായും ബിസിനസ്സുകാർക്കും അനുകൂലമായും ഒരേസമയം പ്രവർത്തിക്കാൻ സർക്കാർ  ശ്രമിക്കുന്നു.  ഈ സന്തുലിതാവസ്ഥ നിലനിർത്താൻ കൂടുതൽ വിശദാംശങ്ങൾ ഇനിയും തീരുമാനിക്കേണ്ടതുണ്ട്.

പുതിയ നിയമമാറ്റ പദ്ധതിയുടെ ഭാഗമായി, അന്യായമായ പിരിച്ചുവിടലിൽ നിന്നുള്ള തൊഴിലാളികളുടെ പരിരക്ഷകൾക്കായി നിലവിലുള്ള രണ്ട് വർഷത്തെ യോഗ്യതാ കാലയളവ് എന്ന മാനദണ്ഡം നീക്കം ചെയ്യും.

നിലവിലെ ഒരു തൊഴിലുടമയ്‌ക്ക് കീഴിൽ രണ്ട് വർഷത്തിൽ താഴെയായി കഴിയുന്ന ഒമ്പത് ദശലക്ഷം തൊഴിലാളികൾക്ക് ഇത് പ്രയോജനപ്പെടുമെന്ന് മന്ത്രിമാർ പറഞ്ഞു.

എന്നിരുന്നാലും, പൂർണ്ണമായ നടപടിക്രമങ്ങളില്ലാതെ തൊഴിലാളികളെ പിരിച്ചുവിടാൻ കഴിയുന്ന നിയമം ഒമ്പത് മാസത്തെ പ്രൊബേഷൻ കാലയളവിന് വിധേയമായിരിക്കും. 

എന്നാൽ ഒമ്പത് മാസത്തിനുള്ളിൽ ഒരു തൊഴിലാളിയെ പിരിച്ചുവിടുകയാണെങ്കിൽ, ഏത് സാഹചര്യത്തിലാണ് അവർക്ക് അന്യായമായ പിരിച്ചുവിടലിന് അവകാശവാദം ഉന്നയിക്കാൻ കഴിയുകയെന്നും അവർക്ക് എപ്പോൾ കഴിയില്ലെന്നും വ്യക്തമല്ലെന്നതാണ് മറ്റൊരു ന്യൂനത.

പുതിയ പ്രധാന നിയമ മാറ്റങ്ങൾ: 

സ്റ്റാറ്റൂട്ടറി സിക്ക് പേ  (എസ്എസ്പി): 

തൊഴിലാളികൾക്ക് അസുഖം വന്ന ആദ്യദിവസം മുതൽ, ഇനിമുതൽ എസ്എസ്പിക്ക് അർഹതയുണ്ട് .

SSP-യുടെ കുറഞ്ഞ വരുമാന പരിധി: 

നിലവിൽ, ആഴ്ചയിൽ £123 ൽ താഴെ വരുമാനമുള്ള തൊഴിലാളികൾക്ക് SSP ക്ലെയിം ചെയ്യാൻ കഴിയില്ല. ഈ പരിധി നീക്കം ചെയ്യപ്പെടും. എന്നാൽ ബിൽ കുറഞ്ഞ വരുമാനക്കാർക്ക് അസുഖ വേതനത്തിൻ്റെ കുറഞ്ഞ തലം നിശ്ചയിക്കും

പാരന്റൽ ലീവ്:

26 ആഴ്‌ചയ്‌ക്ക് പകരം ജോലിയുടെ ആദ്യദിവസം മുതൽ പിതാവോ പങ്കാളിയോ യോഗ്യത നേടണം

ശമ്പളമില്ലാത്ത രക്ഷാകർതൃ അവധി: 

ഒരു വർഷത്തിനുപകരം, ജോലിയുടെ ആദ്യ ദിവസം മുതൽ രക്ഷിതാക്കൾ യോഗ്യരാകും

ശമ്പളമില്ലാത്ത വിയോഗ അവധി: 

തൊഴിലാളികൾക്ക് ഒരുദിവസം അവകാശമായി മാറുക

ഫ്ലെക്‌സിബിൾ വർക്കിംഗ്: 

ആദ്യ ദിവസം മുതൽ നടത്തുന്ന ഏതെങ്കിലും ഫ്ലെക്‌സിബിൾ വർക്കിംഗ് അഭ്യർത്ഥനകൾ മേലധികാരികൾ പരിഗണിക്കും. യുക്തിരഹിതമാണെന്ന് തെളിയിക്കാൻ കഴിയുന്നില്ലെങ്കിൽ ‘എസ്’  എന്ന് പറയുമെന്നും പ്രതീക്ഷിക്കുന്നു. 

പല വൻകിട ബിസിനസ് ഗ്രൂപ്പുകളും പദ്ധതികളെ സ്വാഗതം ചെയ്തു, എന്നാൽ വലിയൊരു വിഭാഗം എതിർപ്പുമായി നിൽക്കുന്നു.

ആറ് മാസത്തെ മുൻ നിർദ്ദേശം ഉണ്ടായിരുന്നിട്ടും, ഒമ്പത് മാസത്തെ ശുപാർശയോടെ പുതിയ നിയമനങ്ങൾക്കായി പുതിയ പ്രൊബേഷൻ കാലയളവിനെക്കുറിച്ചും സർക്കാർ ആലോചിക്കുമെന്നും വക്താവ് വ്യക്തമാക്കി.