പുസ്തക പൂജവെയ്പ്പ് എന്നുകേൾക്കുമ്പോൾ ഒരുകാലത്ത് സന്തോഷിച്ചിരുന്നവരാണ് ഇന്ന് യുകെയിലേക്ക് കുടിയേറിയ മലയാളി കുടുംബങ്ങളിലെ ഒട്ടുമിക്ക മാതാപിതാക്കളും. തുടർച്ചയായി മൂന്നുദിവസം സ്‌കൂളുകൾക്ക് അവധികിട്ടും എന്നതായിരുന്നു സന്തോഷത്തിനു പിന്നിലെ ഒരു പ്രധാനകാരണം.
നവരാത്രി ദിനങ്ങളിലെ ഒൻപതാം ദിനമായ മഹാനവമി ദിനമാണ് ആയുധപൂജയും പുസ്തക പൂജയും നടത്തുക. മലയാളികൾക്കിടയിൽ കൂടുതൽ പുസ്തക പൂജയ്ക്കാണ് പ്രാധാന്യം. കേരളത്തിലിത് ദുർഗ്ഗാഷ്ടമി ദിനത്തിലും നടത്തുന്നു.
യുകെയിൽ അസ്സോസിയേഷനുകളിലാണ് പൂജവെയ്പ്പും നവരാത്രി ആഘോഷങ്ങളും പ്രധാനമായും നടന്നുവരുന്നത്. നോർത്തിന്ത്യയിൽ നിന്നുള്ള ഇന്ത്യക്കാരുടെ ഹൈന്ദവ കുടുംബങ്ങളും അസ്സോസിയേഷനുകളുമാണ് പ്രധാനമായും ഈ ആചരണങ്ങൾ നടത്തുന്നത്.
അതേസമയം വിജയദശമി ദിനത്തിലെ എഴുത്തിനിരുത്തൽ മലയാളികളുടെ ആഘോഷം മാത്രമായി. അതും കൂടുതൽ ഹൈന്ദവ കുടുംബങ്ങളിലാണ് പുസ്തക പൂജവയ്പ്പും എഴുത്തിനിരുത്തലും നടത്തുന്നത്.
എന്നാലിപ്പോൾ മലയാളി കുടുംബങ്ങൾ പൊതുവേ, ഈ ചടങ്ങുകൾ വീടുകളിലും കൂട്ടായ്മകളിലുമായി നടത്തിവരുന്നു. യുകെയ്ക്കു പുറമേ, മലയാളികൾ ധാരാളമായി കുടിയേറിയിട്ടുള്ള ഇതര യൂറോപ്യൻ രാജ്യങ്ങളിലും ഇതിപ്പോൾ കാര്യമായ ആചാരച്ചടങ്ങായി മാറിക്കഴിഞ്ഞു.
ജർമ്മനി അടക്കമുള്ള രാജ്യങ്ങൾ വിപുലമായ തോതിൽ തന്നെ ഇക്കൊല്ലം പൂജവയ്‌പ്പ് കൊണ്ടാടുന്നു. ജർമ്മനിയിൽ അരനൂറ്റാണ്ടോളം കാലത്തെ പ്രവര്‍ത്തന പാരമ്പര്യമുള്ള കൊളോണ്‍ കേരള സമാജത്തിന്റെ ആഭിമുഖ്യത്തില്‍ ഇതാദ്യമായി മലയാളത്തില്‍ വിദ്യാരംഭം നടത്തുന്നു.
വിജയദശമി ദിനമായ ഒക്ടോബര്‍ 13ന് ഉച്ചകഴിഞ്ഞ് മൂന്നു മണി മുതല്‍ 5:30 വരെ ബ്രൂള്‍ സെന്റ് സ്റെറഫാന്‍ ചര്‍ച്ച് ഹെല്‍ഗ മെയര്‍ സാലിലാണ് കൊളോണ്‍ കേരള സമാജത്തിന്റെ എഴുത്തിനിരുത്ത് മഹോത്സവം നടക്കുന്നത്.
ജര്‍മനിയിലെ ആദ്യകാല മലയാളി ഡോ. പ്രൊഫ അന്നക്കുട്ടി വലിയമംഗലം ഫൈന്‍ഡൈസ് ആണ് വിദ്യാരംഭത്തിന് നേതൃത്വം വഹിക്കുന്നത്. വിദ്യാരംഭം പരിപാടിയിലേക്ക് ഏവരേയും ക്ഷണിക്കുന്നതായി, മൂന്നാം തലമുറയെ സ്വാഗതം ചെയ്യുന്നതായി പ്രസിഡന്റ് ജോസ് പുതുശ്ശേരി അറിയിച്ചു.
യുകെയിൽ ഇത്തവണ കുടുതലും കുടുംബങ്ങളിലെ പൂജാമുറികളിൽ തന്നെയാകും പൂജവെയ്പ്പും കുരുന്നുകളുടെ ആദ്യാക്ഷര മധുരം നുകരലും നടക്കുക. അതിനുള്ള തയ്യാറെടുപ്പിലാണ് കുഞ്ഞുകുട്ടികളുള്ള കുടുംബങ്ങൾ.
കുടുംബ കാരണവന്മാരോ അല്ലെങ്കിൽ ക്ഷണിക്കപ്പെട്ട അതിഥികളുമാകും കുരുന്നുകളുടെ നാവിൽ ആദ്യാക്ഷരം കുറിക്കുക. അതേസമയം അസ്സോസിയേഷനുകളിൽ യുകെ മലയാളികൾക്കിടയിൽ അറിയപ്പെടുന്ന പ്രശസ്ത വ്യക്തികളും കുഞ്ഞുങ്ങളെ നാളെ എഴുത്തിനിരുത്തും.
More Latest News
സ്ത്രീകള്‍ തമ്മില്‍ നടന്ന വഴക്കും വാക്കേറ്റം, പിടിച്ചു മാറ്റാന്‍ ചെന്ന വ്യക്തിക്ക് വെട്ടേറ്റു, സംഭവം എറണാകുളം പറവൂര്‍ പുത്തന്‍വേലിക്കരയില്‍
മൊബൈല്‍ ഉപയോഗിച്ചാല്‍, ഉറക്കം വരികയോ കോട്ടുവാ ഇടുകയോ കണ്ണടഞ്ഞു പോവുകയോ ചെയ്താല്‍ ഉടന്‍ ബസില്‍ അപായമണി ഉയരും;പുത്തന്‍ വിദ്യയുമായി കെഎസ്ആര്‍ടിസി
ബോംബ് ഭീഷണി: എയര്‍ ഇന്ത്യയുടെ ഡല്‍ഹി ചിക്കാഗോ വിമാനം കാനഡയിലെ ഇഖാലൂട് വിമാനത്താവളത്തില്‍ ഇറക്കി, യാത്രക്കാരെ വിമാനത്താവളത്തിലേക്ക് മാറ്റിയെന്നും എയര്‍ ഇന്ത്യ
ബൈക്ക് യാത്രക്കാരനെ ഇടിച്ച ശേഷം കാര്‍ നിര്‍ത്താതെ പോയ സംഭവം: നടന്‍ ശ്രീനാഥ് ഭാസിയുടെ ഡ്രൈവിങ് ലൈസന്‍സ് ആര്‍ടിഒ സസ്പെന്ഡ് ചെയ്തു
സ്വകാര്യതാ നയങ്ങള്‍ ലംഘിച്ചു: ഒരു മാസത്തിനുള്ളില്‍ വാട്ട്‌സ്ആപ്പ് നിരോധിച്ചത് എട്ട് ദശലക്ഷത്തിലധികം ഇന്ത്യന്‍ അക്കൗണ്ടുകള്‍!!!
Most Read
British Pathram Recommends
