ലണ്ടന്: കേരള ആര്ട്സ് ആന്ഡ് ലിറ്റററി അസോസിയേഷന് (കല) യുകെ 28-ാമത് വാര്ഷിക ദിനാചരണം ഒക്ടോബര് 19 ന് ബെര്കാംസ്റ്റഡ് സ്കൂളിലെ സെന്റിനറി തിയറ്ററില് സംഘടിപ്പിക്കും. വയലാര് സന്ധ്യ എന്ന് പേരിട്ടിരിക്കുന്ന പരിപാടിയില് കവിത, സംഗീതം, തത്സമയ പ്രകടനങ്ങള് എന്നിവ നടക്കും. മലയാളത്തിലെ ഇതിഹാസ കവിയും ഗാനരചയിതാവുമായ വയലാര് രാമവര്മയെ അദ്ദേഹത്തിന്റെ കാലാതീതമായ കൃതികളില് പ്രത്യേക ശ്രദ്ധ പതിപ്പിച്ച് ഈ വര്ഷത്തെ ആഘോഷങ്ങള് ആദരിക്കും.
മുഖ്യാതിഥിയായി എത്തുന്നത് വയലാറിന്റെ മകനും മലയാളത്തിന്റെ പ്രിയ കവിയും ഗാനരചയിതാവുമായ വയലാര് ശരത് ചന്ദ്ര വര്മ്മയാണ്. ചടങ്ങില് അദ്ദേഹം കലാപുരസ്കാരം ഏറ്റുവാങ്ങും. നൃത്ത പരിപാടികള്, വയലാറിന്റെ ജീവിതവും കവിതയും നാടകാവിഷ്കാരം, വയലാര് ഗാനങ്ങള് കോര്ത്തിണക്കിയ തത്സമയ സംഗീത മാമാങ്കം എന്നിവയും നടക്കും. കൂടുതല് വിവരങ്ങള്ക്കും ടിക്കറ്റുകള്ക്കും സന്ദര്ശിക്കാം: http://www.kala.org.uk
ഇവന്റ് വിശദാംശങ്ങള്
തീയതി:
ഒക്ടോബര് 19, 2024
സമയം:
15:00
സ്ഥലം:
ബെര്ഖാംസ്റ്റഡ് സ്കൂള് സെന്റിനറി തിയേറ്റര്,
കിങ്സ് റോഡ്,
HP4 3BG