ബിഗ്ബോസ് ഷോയിലൂടെ മിനിസ്ക്രീന് പ്രേക്ഷകരുടെ മനസ്സ് കീഴടക്കിയ താരമാണ് അഞ്ജലി അമീര്. മമ്മൂട്ടിയുടെ 'പേരന്പ്' എന്ന ഒറ്റ ചിത്രത്തിലൂടെ അഞ്ജലിക്ക് ലഭിച്ച സ്വീകാര്യത വളരെ വലുതാണ്. സിനിമയില് ആദ്യമായി നായികാ കഥാപാത്രത്തെ അവതിപ്പിക്കുന്ന ട്രാന്സ്ജെന്ഡര് കൂടിയാണ് അഞ്ജലി.
നിരവധി ആരാധകര് ആണ് സാമൂഹമാദ്ധ്യമങ്ങളിലും അഞ്ജലിക്ക് ഉള്ളത്. ഇപ്പോഴിതാ തന്റെ ജീവിതത്തിലുണ്ടായ ദുരനുഭവങ്ങളെ കുറിച്ച് പങ്കുവക്കുകയാണ് താരം്.
ഈ ലോകത്ത് മറ്റെന്തിനേക്കാളും താന് സ്നേഹിച്ച തന്റെ സുഹൃത്ത് ചതിച്ചുവെന്നും അടച്ചാക്ഷേപിച്ചെന്നും ആണ് അഞ്ജലി പറയുന്നത്.. സോഷ്യല് മീഡിയയില് തന്റെ ആണ്സുഹൃത്തിന്റെ ഫോട്ടോ ഉള്പ്പെടെ പങ്കുവച്ചുകൊണ്ടായിരുന്നു നടിയുടെ തുറന്നുപറച്ചില്.
നടിയുടെ വാക്കുകള് ഇങ്ങനെ:
'ഈ ലോകത്ത് തനിക്ക് ഏറ്റവും ഇഷ്ടം അയാളെയാണെന്ന് അഞ്ജലി പറയുന്നു. സുഹൃത്ത് ഇല്ലാതായാല് താനും ഇല്ലാതാവുമെന്നും എത്ര പ്രശ്നങ്ങള് തങ്ങള്ക്കിടയില് ഉണ്ടെങ്കിലും വീണ്ടും ഒരുതവണ വിളിച്ചാല്, എല്ലാ പ്രശ്നങ്ങളും തീരുമെന്നും അഞ്ജലി പോസ്റ്റില് പറഞ്ഞു. റാസിന് എന്ന സുഹൃത്തിന്റെ പേരു വിളിച്ചാണ് താരത്തിന്റെ പോസ്റ്റ്.
ഒരു പ്രശ്നം വരുമ്പോള് തള്ളിപ്പറയുകയും അടച്ചാക്ഷേപിക്കുകയും ചെയ്യുന്ന പ്രവണത ശരിയല്ല. സ്വന്തം ജീവിതം സുരക്ഷിതമാക്കാന് തന്നെ വലിച്ചെറിഞ്ഞ് ഓടുന്നത് നല്ലതിനല്ല. എല്ലാം ഉപേക്ഷിച്ച് പോയപ്പോഴും വീണ്ടും വന്നത് നിങ്ങള് തന്നെയാണ്. എന്നാല്, വീണ്ടും താന് ചതിക്കപ്പെട്ടിരിക്കുന്നു. ഇനി വന്നാലും വിശ്വസിക്കും. അത് താന് വിഡ്ഡിയായതുകൊണ്ടല്ല, അത്രയും താന് ഇഷ്ടപ്പെടുന്നതുകൊണ്ടാണെന്നും' അഞ്ജലി പോസ്റ്റില് പറയുന്നു.